Editorial.2.7.02

        Kan hma lawkah VC in thlang tur kan ni a,Political Party hrang hrang leh mimal ang te pawhin nasa takin tlin ngei tumin tan an la a. Chutihlai in mipuite hian Party rilru pu lovin kan khawtlang tan a mi tangkai leh midangte kaihhruai thiammi thlan chhuah hram i tum ang u.Inthlang thin (Democracy) ram kan ni a, a tam zawkin kan thlan thlinte hian min hruai a,reilote ah kan phun nawi leh thin. Kan thlante an lo tling ta lo a nih pawhin a tam zawkin a an duh chu kan pawm ve mai a tha ang.Tin,Candidate-te sum leh pai dil mai mai chingte kan awm thin,kan Candidate-te hi miharsa leh rethei ve tak takte pawh an awm. Bakah thamna thalo tak ti turin kan nawr lui a ni tih i hre thar leh ang u.

Read More

Editorial.2.6.02

       
Khawmpui thurel leh Bawh zui
Kolasib Sub- Hqrs  Khawmpui chu Vairengte MHIP te huaihawtin Vairengte Community Hall-ah neih mek a ni a. Hetianga Mizoram leh hnam tana mai bakah hmeichhia te dinchhuah na atana thil tha tak tak rel tura ruahmanna an han siam hi an fakawm tak zet a. He khawmpui chhung hian thu tha tak tak rel chhuak turin beisei ila kan ti sual tam pui awm love. Kawng leh lama han thlir chuan Mizorama pawl hrang hrang leh lian tak tak te hian kum kip deuh thawin khawmpui kan nei thin a. Heng hunah te hian thu tak tak leh tih tur tam tak kan Passed thin reng a, amaherawhchu, a bawhzuina lamah hian kan chak vak lo ni maw, kan thu rel a that hlawm teh lul nen, a hnam anga dinchhuahpui tham thu tha tak tak kan rel te hian hlawhtlinna tlangsang a thlenglo fo thin a. Chuvangin, he khawmpui pawh hian an thurelleh Passed te khawmpui zawh hnuah tihhlawhtlin tumin hma la nghal thei se la, kan ram leh hnamleh mizo hmeichhia ten hma an sawn phah ngei ang le.

Read More

Editorial.2.4.02

        Nimin lama MGNREGS inhlawhna sem chungchang ah VC-I lamin Rs 106 Higher secondary School zirtirtute hlawh tur cut anih lai VC-II lamin  engmah an cut ve lo hian kan khawtlang hmasawn nan kan in lungrual loh zia ati  lang thei em? aw!! VC inthlan a hnaih a,a dikna chen pawh a awm thei e.Amaherawhchu khawtlang tana tangkai turah mipuiten an thlan leh lo hlauh vang ringawt a hetiang hi  ti an nih chuan thil pawi tak a ni ang.Thil tha tur a nih chuan mite huat leh sawisel pawh hi kan phur ngam mai tur a ni dawn lawm ni?

Read More

Editorial.2.2.02

Campaign danah fimkhur ila
      Kan hmalawka VC Election loawmtur atan Party hrang hrang te chuan Candidates te puang chhuakin, a la puangchhuak velote pawhin a ding turte an ti chiang thawkhat tawh a,la puang chho zel turah ngai ila. Inthlang ramkan nih angin Inthlan hi mipui ten kan tih tur pawimawh tak a ni a. Candidates te pawhin kan Campaign na kawng tin reng ah mimal inchirh thehna leh in sawichhiat na lam aiin, kan Opponent / Khiangpui Party ten engnge an tih a engnge an tih loh? Engnge kan Party in mipui te leh khawtlang tan tih kan tum tih lam hawiin( Policy Matters) hmanga kan Campaign a hun ta hle mai. Chuti a nih loha,mimal inbeihna leh insawiselna hmanga kan campaign a nih chuan damchhunga Ser nung kan insiam ngei ang le. Chuvangin Party tin candidates ten kan thiltum leh kan ruahmanna mipui te hnenah zuar ila, chumi chu tih theih a ni em tih leh chumi ti thei tur chuan kan lak tl;ak leh kan laktlak loh mipui ten an teh mai dawn a ni.    

Read More

Dt.6.March.2012

Vairengte a Primary School pasarih ten  YMA Playground-ah zonal Sport hmang

       Vairengte,6th.March.2012 : Nimin Dt 5.3.2012(Thawhtanni) zing dar 9:30  atanin Vairengte a Government Primary School 6 leh Presbyterian English School ten Infiamna chi hrang hrang hmang in intihsiakna an nei a ni.
         He hunah hian Pu Lalbiaksanga (Pathenga) MVI Inspector chu khual lian atan hman a ni a.A ni hian School naupangten Openning nan a Marchpass parade an neih chu chibai a lo buk a ni.Khual lian hian Vairengte Primary Zonal Sport nei mek te hnenah hian Football pakhat leh Volley ball leh net bakah Rs 1000/- a pe a ni.Heng bakah hian Khual lian hian Best boy leh Girl te tan Rs 100/- theuh a pe tel bawk a ni.Tin,he thil pek a vang hian Zonal sport  nei mektu primary zirtirtute chu a chungah an lawm hle a ni tih thu kan dawng a ni.He infiamna ah hian Best Boy leh Girl hi pahnih a awm in ,feet 4 leh a chanve hnuai lamah pawh an awm dawn bawk a ni.
    Nimin khan individual Items chi hrang hrang neih a ni a, infiamna hrang hrangah hetiang hi an point hmuh dan tlangpui a ni.
Primary School - I    = 22
Primary School - II    = 107
Primary School - III    = 58
Primary School - V    = 14
Primary School - VI    = 58
Primary School - VII    = 122
Presbyterian English School = 58
    Vawiin lam hian football leh infiamna chi hrang hrang an khel leh dawn a,He sport hian Dt.7.3.2012 thleng a awh dawn a ni.

World Muaythai championship ah Vairengte nula?

World Muaythai Championship vawi 9-na, Thailand khawpui Bangkok a neih tura India aiawh tur Mizo player 5 te zing pakhat, Vairengte pa Pu Lalthan mawia Ngente tunu Lalzarmawii Ngente,D/o Vanalalvena chu a tel ve a ni.Amah hi hi National championship-a gold medal la fo tawh leh a khelhna huanga champion lai a ni .Vawiin lam hian Bangkok lam an pan dawn niin thu kan dawng a,Vairengte paltlangin a an kal dawn em tih erawh kan hre chiang thei lo a ni.Facebook-a Group pakhat ‘Vairengte chat room’ lamah tel vein amah hi Vairengte mi  dik tak niin a in sawi thin a ni.Rengkhawpui Editorial Board chuan kan chhuang tak zet a ni.

V.C-I member ten Bial chan in sem

Village Council-I memberte chuan bial chan an in sem fel tawh a,Veng hrang hrang leh an bial chante chu hetiang hi a ni.
Pu Vanlalzuia         - Venglai
Pu T.Lalrosanga    - Hall veng
Pu Lalrinmawia Sailo- Venghlun
Pu Zalawta        - Tlangnuam
Pu Lalthanmawia    -Kawngthar (Police gate chak lam zawng)
Pu H.Lalrinawma    -  Kawngthar (Police gate thlang lam leh Dinthar)
 Hetih lai hian VC-II lam chu Bial chan an la in siam fello niin VCP Pu R.Lalfamkima hnen atangin thu kan dawng a ni.

MGNREGS inhlawh dawn
Vawiin hian VC-I lamah MGNREGS in hlawhna neih a ni dawn a,Job Card nei zawng zawngte chu zing dar 9:00 ah PWD Office kawtah ah innghah khawm tur a ni.Inhlawhna a kal turte chuan bawngtuthlawh, chem leh chawfun ken theuh tur a ni a,High School tuikhuah kawngah hna hi thawh tur a ni.Nimin lam khan VC ten pek an lo kheng lawk tawh a,Pek kheng sa ah hna hi thawh tur a ni.

VC-II VCP leh member ten BDO dawr

Nimin khan Village Council-II memberte chuan Bilkhawthlirah kalin Bilkhawthlir BDO an dawr a,hetah hian VC-II lam tan a thil pawimawh turte BDO hnenah hian an thlen a ni.Tin, BDO thlahna programme ah chawhlui an kil ho nghal bawk a ni.

Incharge in hlan dawn

Vawiin lam hian BDO Inchagre hlanna Bilkhawthlir ah neih tur a ni a,Kan BDO ni thin Pu K. Lalrohlua chuan Pu Lalchungnunga hnenah Bilkhaw thlir BDO nihna hi a hlan dawn a ni

PC Tablet tha lo tam

Vairengte a Econmics Census chu zo ni tawh mahse,PC tablet lam a that tawk loh vangin Data entry lamah buaina tam tak a awm a, tih zawh fel a la ni lo a ni. Hemi chungchangah hian khaw dang  leh veng dangte pawh an buai hle a ni.

Kutthlak

Pathianni zan dar 10:30 vel khan Bilkhawthlirah Khuangmawia,kum 13 S/o Laldanglova Saron veng chu Lalbiaka,Saron veng a mi thoin kut lo thlakin Police-ah FIR theh luh a ni a,amaherawhchu a hliam tawrh hi Simple Injury a nih avangin Police te hian Lalbiaka hi an man mai thei lova,Hetiang thilah hi chuan Magistrate atanga man theihna warrant a lo thleng phawt a ngai thin a ni.

Read More