Vairengte leh Mizote tana luang chhuak turin Governor in CIJW School a Officer te fuih
Varengte Nu huaisen huaisen lawmman hlanna neih a ni
Rengkhawpui Editor hovin Vairengte Block MHIP hruaitu ten a hlanna an nei
Phainuam, Buarchep ah Assam lamin an luah chin ah lui dawh kai tumin hma la leh
CRPF in an khap hnuah pawh la siam lui reng
Aitlanga Mizo huan neitu ten Memorundum thehlut
An huan an chan hlen dawn nge? Sokar la ngai chang dawn?
Vairengte daia Mizoram leh Assam Policein kahna hmun
He hunah hian Vairengte mi PC Lalmuansanga Venghlun chu a malpuiah kah hliam a ni a,midang hliam an awm lo thung
Saturday 27 February 2016
Saturday 20 February 2016
Dt.20.2.2016 Rengkhawpui news
PHE Department tui bill sang chungchangah tunhnaia VC leh Consumer Union hruaituten a sang zual bikte tih hniamsak tura an ngenna ah PHE Deptt. hotute chuan thuthlukna siam fel tawhin Tui bill sang zual bik Rs.2000/- chin chunglam te chu Rs.2000 anga Tui bill siam sak nise,an ti...
Dt.19.2.2016 Rengkhawpui news
Thuthar thehdarhtu complexion DGP hnehah Kolasib District
chhunga Police Station te tower \ ha Turin ngen
Thursday 18 February 2016
Dt.17.2.2016 Rengkhawpui news
Chapchar kut thawh lawm khawn dawn
Vawiin hian chapchar kut Organising Committee te chuan khawchhunga Sorkar deptt
hrang hrangah Chapchar kut lawmna tur atan donation an khawn dawn ni a thu dawn a ni.
Organising Committee te hian Chapchar kut lawmna tur atan hian sum awm theih ang angte
dapkhawm mek zelin hemi atan hian khawchhunga Sorkar deptt hrang hrangah ngenna an siam
a, he an ngenna bawhzui hian Deptt hrang hrangah donation hi an khawn dawn a ni
Dt.16.2.2016 Rengkhawpui news
Dt.15.2.16 Nimin zing lam dar 2:00 vel khan Vairengte Post Office,Kawngthar veng ami chu mitutihhriat loh in rawk in Pawisa \hahnem tak a ruchhuak ni a thu dawn a ni a. He rukru hian Office kalhna Tala chu tichhia in he rukruk chungchangah hian nimin khan Vairengte Police Station ah FIR thehluh a ni.
Tuesday 16 February 2016
Saturday 13 February 2016
Dt.13.2.2016 Rengkhawpui news
Dt.12.2.16 Nimin khan Hmarchhak State a Hnam hrang hrangten in unau tawnna tha kan neih theih nana Border area Programme, Falk Dance & Craft Mela chu Vairengte Joint YMA playground ah neih a ni a. He hunah hian HmarchhaState 6 a hnam hrang hrang ten an hnam leh culture te entirna an nei a ni.
Dt.12.2.2016 Rengkhawpui news
Tunhnaia PHE Deptt. Tui bill sang chungchangah khawtlang hruaitute leh E.E ten meeting nei
Dt.12.2.2016 nimin khanPHED, Kolasib Division E.E Pu F. Lalsanglura leh SDO te chu Vairengte ah lokalin tunhnaia PHE Dept.-a tui bill sang chung chang ah khawtlang hruaitute nen inkawmna an nei a. He huna kalkhawm te chuan tun \um a tui bill sang uchuak tak tak te chu tihhniam sak turin PHE Deptt te hi an ngen a ni
Nimin khan .
Thursday 11 February 2016
Dt.10.2.16 Rengkhawpui news
Chief Secretary Vairengte ah lokalin khawtlang hruaitu ten Vairengte mamawh leh harsatna te an lo thlen
Nimin khan Mizoram Sorkar hnuaia Chief Secretary Pu Lalmalsawma,IAS chu Vairengte ah lokal in khawtlang hruaitu ten a thlenna Forest IB-ah a kawmna an lo nei a. He hunah hian Joint VC te chuan Lailapur-a NH 54 kawng pui tun thlenga siam theih loh chungchang leh ramri a harsatna an tawh te thlenin Joint YMA hruaitute pawhin Bank chungchang leh SDC neih theih dan turte an thlen ani.
Wednesday 10 February 2016
Dt.9.2.2016 Rengkhawpui news
Aitlang Zau a Mizo leilet phaia awm hnamdang ten Vairengte mi 1 kutthlak in sawisak rawn..
Dt.7.2.2016 Pathianni tlai lam khan Aitlang zau a Pu Pachhunga phai Vaiten Lalnunhluna (30) S/o T.Lianzuala, Venghlun chu kut loh thlakin a hliam hi ana ang reng hle ni a thu dawn a ni a. Hemi chungchang ah hian nimin khan FIR thehluh niin kutthlaktute erawh Police ten an la man lo ni a thu dawn a ni bawk.
Sunday 7 February 2016
Dt.30th.Jan.2016 (Rengkhawpui News)
Sumo rate tihsan chhan sawifiah
Vairengte Sumo Welfare te chuan Thla thar February ni 15 atang khian Vairengte to Aizawl Sumo chuan man(rate) chu Rs. 300/- in an ti sang dawn a. Hemi chungchang ah hian Vairengte Sumo Welfare hruaitute chuan Vairengte to Aizawl Sumo rate hi thil man hrang hrang asan chhoh tak avang leh Sorkar in a rate a siam ang ngeiin thla thar atang chuan Rs.250/- atangin Rs.300/- ah tisang an tum thu an sawi a. Hemi chungchangah hian Vairengte Sumo Welfare hruaitute hnen atanga thu dawn danin Sumo rate hi khaw dang chuan nikum leh kum hmasa lam atang daih tawh khan Sorkar rate siam ang ngeiin an tih sang tawh a,hetihlai hian Vairengte ah erawh mipuite hmakhua ngaiin hun rei tak a man hniam/tlawm hian an la kalpui a, amaherawhchu Sumo rate chungchangah hian Association dang te leh Hqrs lamah harsatna an tawh tak fo avangin Sumo chuanman hi Sorkar rate angin an kalpui ve dawn ta ni a thu dawn a ni bawk.
Truck leh Auto in tai
Nimin chawhma dar 10:00 vel khan Vakultui peng bulah Vairengte Auto, Hlunchhunga, Kawngthar veng khalh chu Truck MZ01K-1125, hnam dang khalin kawng sirah a tlai tlu ni a thu dawn a ni. Truck leh Auto hi Vairengte lam pana lo tlan niin in pelh an tumna lamah Truck hian a tai tlu ni a thu dawn niin Auto ah hian mi 5 chuangin hliam na lutuk erawh an awm lo ni a thu dawn niin Auto erawh a che ve nual a. Police lam hriattir an nih hnu ah Police te hriatpuina in inremna an siam a. An in rem dan chuan Auto chhia siamna leh hliam tuar thenkhatte enkawlna senso hi Truck khalh tute hian an tum sak dawn ni a thu dawn a ni bawk.
NREGS inhlawh hun tur hriat theih loh
MGNREGS hnuaia Ni 100 in hlawhna inhlawh leh theih hun chungchangah Kolasib Dist. DRDA Project Director Pu Lalnunhlua chuan inhlawhna hi a awm theih hun tur a hriat loh thu Rengkhawpui palai a hrilh. Hemi chungchang hian nimin khan kan palai zawh na chhang in tunah hian Mizoram Sorkar in a tum ve tur State share chu pek ni tawh mahse Central lamah process mek a ni a, hei hi a fel hnu ah Central in State Sorkar ah sum hi a pe (release) chhuak ve leh dawn a ni. Tin, hemi hnu ah pawh hian Mizoram ram sorkar in inhlawhna sum hi a kawl tang leh a nih phei chuan inhlawhna hi eng tikah chhiah nge a awm leh ang tih a sawi theih loh thu a sawi bawk.
PHE Deptt. ten Tui lakna thar tur siam mek
Tunlai hian Vairengte PHE Deptt te chuan NEC sum hmanga Vairengte in Aitlang atanga tuilakna tur thar Water Supply Scheme chu a theih ang angin an kalpui mek ni a thu dawn a ni. PHE Deptt J.E Pu Joseph-a hnen atanga thu dawn danin tun ah hian he Scheme atana Treatment plan leh Filter te bakah hmanraw thenkhat te chu Aitlanga pump house ah an phur lut mek a.Tin, tunah hian pump House thar tur pawh sa mekin fur lo thlen hma ngeiin heng hi siamfel vek an tum thu a sawi a. Hetihlai hian nikum lama Disel hmang zawk tui pump khawl chhia pawh la buaipui mekin February thla ral hma ngei a siam \hat an tum thu a sawi bawk.
KEL CHHAR
VC-I huamchhungah Kelpui rai lai (tunah a No nei tawh) ti bo an awm chuan a ranglamin VC-I,VCP Pu Zalawta, Kawng -thar hnen ah ngai ven turin an hriattir a ni.
Dt.29th Jan,2016(Rengkhawpui)
Sanitation Committee ten SDO(PWD) ngen
VC-II Sanitaiton Committee te chuan nimin zing khan Vai-rengte PWD deptt SDO hmuin an area chhunga tuiluankawr awm te thenfai sak turin an ngen ni a thu dawn a ni. Nimin zing khan VC-II Sanitation Commi ttee Chairman Lalrin-tluanga Renthlei leh Jerome R. Lalbiak sanga te chuan SDO (PWD) hi a in kalchilhin an huamchhunga tuiluankawr awmte chu a khuar mumal tawh lovin tui a luang \ha hlei theih tawh lova, Fur (ruah sur) hun hma ngeia mumal taka tui a luan theihna tura hma laksak turin an thlen a ni. SDO(PWD) Pu Zualtea chuan hei hi a ngaih pawimawh thu sawiin Kolasib a PWD E.E hnenah lo thlen a tum thu leh hmalak anih ngei theih nan theih tawp chhuah a tum thu alo hrilh ni a thu dawn a ni. Tin,Sanitation Committee te chuan an area chhunga chhung-kaw tinte hnenah Faina kawng ah tun aia \hahnem ngai leh zual turin an ngen a ni.Police Station report
Nimin khan Vairengte Police Station ah FIR lut pakhat awmin hei hi mimal invauna chung chang a ni a. He thubuaia inhnamhnawih ni a hriat mi 1 Lock up ah an kawl mek bawk ni a thu dawn a ni.Tin, Nimin piah lama Accident thleng chungchangah Motor khalhtu chu Bail-a chhuah rih anih thu dawn a ni bawk.
Way bill felloh vangin Rs.42, 85,584 chawi
Nikum 2015 chhung khan Vairengte Taxation Deptt ah Way bill fello avanga pawisa chawi tir tlingkhawm chu avaiin Rs.42, 85,584/- a ni. Heng pawi sa chawitir te hi a tam zawk chu Way bill dik loh vang te,Waybill neih loh vangte leh Way bill a inziak aia tam bung raw phur vang te an ni a, kum 2015 khan Way bill vanga pawi sa chawi turin avaiin Rs.29, 75,486/ alo ni tawh bawk a ni. Ram pawh atanga lakluh zingah Leitha bik erawh Way bill neilote chu thawn letniin thenkhat chu thubuai siamsak anni bawk.
Hmunphiah hruaitute inhmukhawm
Nimin khan Vairengte Broom Grower Association hruaitute chu in hmukhawmin he hunah hian Hmunphiah man chung chang sawihona an nei a ni. He hunah hian khawchhunga Hmunphiah rate chuan san lam a pan zel ni a an hriat thu leh lawmawm an tih thu sawiin hetihlai hian harsatna tawk an awm chuan theihtawp chhuah a hmalak zel nise an ti bawk.
Pawisa laksak lo turin hriattir
Tunhnaia Saphai Police check gate Police duty ten Hmunphiah, sorkara royalty pek vek tawh phurtu motor te atanga Pawisa an lo lak thin chu lo laksak tawh lo turin Vairengte SDO(C) Pu JH Lalrimawia chuan a hriattir ni a thu dawn a ni.
Dt.28th Jan.2016 (Rengkhawpui News)
Zalen veng kawnah LPK Truck pakhat in naupang Thirsakawr khalh lai chilhlum
Nimin tlai dar 4:30 vel khan Zalen veng kawnah Thirsakawr a chuang naupang 2 chu Bazar peng atanga NH 54 kawngpui pana an tlan laiin LPK truck tlanlai ke hnungah an inbar lut palh a.He accident thleng ah hian Thirsa-kawr khalhtu Aldrin Lalnunhlua kum 11,Vairengte PES a Class V zirlai chu a boral.He Accidentr thleng chungchangah hian mit a hmu tute sawi danin LPK Truck MZ 05 9288 hi Lailapur lam atanga lo tlan niin Zalen veng kawn, Bazar atanga kawngpui(NH 54) panna chhuk thla atang hian he accident a boral ta,Aldrin Lalnunhlua(11)S/o H.Lalfak-awma Phainuam leh a thianpa Joseph Lal\hahluana(8) S/o F. Za-hmingsanga, Zalen veng te chu Thirsakawr (BMX) a lo tlan thla in Tripper tlan laia Ke hnungah hian an in barh lut ta ni a thu dawn a ni. Hetihlai hian Police OC Pu Johan-a hnen atanga thu dawn danin he triper khalh tu hi Johirul Islam Lasker Sarajpur,Dolai niin driver hian Bazar peng atanga naupangte lo tlan chhuk hi hmu hman zuai mahse a side lam atanga lo tlan an nih avang hian dinglamah (side lo lam) her kawi mahse Motor ke hnunglam hian Thirsa -kawr khalhtu zawk Aldrin-a hi a chil hman ta tho ni a thu dawn a ni a,Motor hian a lu atangin a awm bawr velah a chil ni a hriat a ni a, hetihlai hian Cycle hnunga chuang Joseph-a erawh hliam a tuar ve lo ni a thu dawn a ni bawk.
Hetianga chetsualna athlen hnu hian he lai hmun a awm te chuan Aldrin-a hi Dam-dawiin pan pui nghal in amaherawhchu a buaipuitute sawi dan in a hmunah hian a boral nghal niin an sawi a ni. A hliam tawrh chungchang ah hian Police te hnen atanga thu dawn danin Aldrin-a lu ah hian Motor ke hnu awmin a ringruh a tliak ni a an hriat thu an sawi a. Hengbakah hian a dar dinglam ruh thla zawng zawng a tliak ni a an hriat thu sawiin a hmunah hian a boral nghal ni an rin thu an sawi bawk. He chet sualna thleng a motor khalhtu Johirul Lasker leh a motor khalh hi Police te chuan kawlin he motor hi Lai-lapur mi ta ni a hriat a ni bawk.
He Accident a boral Aldrin-a hi Phainuam khua ni mahse Presbyterian Englisgh School ah Class V zirlai niin Vai-rengte ah hian a Ni (Latei, Sai hapui road a Pu Sangkhuma te In luah) te bulah a khawsa mek a.Nimin tlai khan an In chunga awm,a thianpa Joseph-a nen Joseph-a U,Thirsakawr hi khalh chhuakin an che sual ta ni a thu dawn a ni.A ruang hi nizan khan an chen na In phainuam an pan pui nghal ni a thu dawn niin hetihlai hian vawiin hian Postmortem turin Vairengte an rawn panpui leh dawn ni a thu dawn a ni bawk,
E&F Deptt ten Vairengte Hmunphiah huan neitute thuchhuah chhang let
Environment & Forest Dept chuan nimin khan thuchhuah siamin Mahal system avanga Hmunphiah neituten harsatna an tawh an hriat loh thu an sawi. An thuchhuah siamin atarlan danin, tunhnaia tualchhung chanchinbu thenkhatah Hmunphiah dan ang thlapa hralh te Lailapur Forest Checkgate-ah dan a ni thin tih leh Kolasib Division chhunga Hmunphiah mahal system a kalpui avangin mimal Hmunphiah neitute’n harsatna tawk anga tarlan a ni a. Ni 21.01.16 khan Hmunphiah trip 1, Transit Pass(TP) tel lova kal chu Lailapur Forest Checkgate ah an lo tiding a,a tukah Bilkhawthlir RO hnen atangin TP an lak hnu ah chhuah leh nghal a ni,an ti a. Tin, Hmunphiah tual\o mahal system a kalpui a nih avanga harsatna an tawh thu Forest Dept-in Hmunphiah chingtute atangin a la dawn loh thu sawiin, nimin thleng khan Vairengte ah Hmunphiah hring1st Class Kg.1 Rs. 35/- in an hralh mek a, Saiphai ah Kg.1 Rs. 40/- in an hralh mek bawk a, Nikum lam aiin a rate hi a sang chho mek niin February thla hi Hmunphiah man to lai ber a ni thin a, tun aia rate tha zawkin an la hralh theih rin a nih thu leh Hmunphiah hring Kg.3 leh a ro Kg.1 hi intluk anga ngaih a nih thu an tarlang bawk. Tin, Hmun phiah hi Mizoram Forest Act, 1955 in Minor Forest Pro duce a tih zing ah a tel a.Tunah hian Mizoram a Reserved Forest leh Government land/forest a hmunphiah tualto (mimal chin ni lo) Forest Division thenkhat ami te chu Sorkarin Revenue tam zawk hmuh theih nan Quotation kovin Royalty rate Rs. 7/- per Kg. aia hniam lova a chhang sang berte hnenah tender apek an ni a. Hmunphiah tam vak lohna leh Quotation chhangtu awm lohna Forest Division ah te erawh chuan a duh apiang hnenah Hmun phiah tualto lak phalna Permit pek theih a ni a, Royalty Rs. 7/- per Kg. chawi a ngai thung. NLUP leh mimal huana chin Hmunphiah te hi Forest Dept in a tender ve lova. Mimal Hmun phiah te hi chu a neitu-in Royalty chawi lovin lak theih a ni a, an duhna hmun apiang ah an hralh thei. Amaherawhchu State pawna thawn chhuah dawnah Administ rative charge Rs. 1/- per Kg. chawiin Transit Pass (TP) lak a ngai thung a ni. Mimal chin Hmunphiah Forest Department in a tender niawm anga sawi hi thu diklo a ni.NLUP hmanga chingtute chuan Soil Dept atangin thlan an nihna leh ram zau zawng, hmunphiah neih zat Forest Dept ah an thehluh a ngai thung.Forest Right Act, 2006 Section 3-na hnuaiah Hmunphiah tualto (minor forest produce) hi Royalty chawi lova lak phalsak theih dan (‘Right’ pek theih dan) a awm a. Chutiang ‘right’ claim-tu chu ramngaw (forest) chhung a cheng Tribal emaw, Tribal ni lo, chhuan thum (75 years) kalta atanga tun thlenga forest a cheng chhungkua (forest dwellers) leh intunnun leh eizawn nana forest a innghat an nih a ngai a; tin, right an claim na ram chu ni 13.12.2005 hma lama an lo luah thin leh hman tangkai tawh thin ram a nih a ngai bawk. Chutiang ‘right’ claim tur chuan a bialtu khua Gram sabha (VC) ah dilna siam a ngai a, chu dilna chu chumi khua a Forest Rights Committee in a endik ang a, chumi hnuah Sub-divisional Level Committee leh District Level Committee te’n an pawmpui leh a ngai a ni,an ti bawk.
Thil ruk loleitute hrem na dan khauh zawkin
Tunlai hian mi thil ruk lo lei a hluar hle ni a thu dawn niin hemi chungchangah hian Kolasib S.P Pu Zahngova chuan thilruk lo leitute hremna kawngah khauh zawk a hmalak a tum thu a lo sawi tawh angin hei hi Vai-rengte ah pawh khauh taka kal pui a ni dawn ni a thu dawn a ni. Hetihlai hian Vairengte bik ah chuan heng thil ru thin then khat te hi chuan an thil ruk hi \henawm State Assam ah an hralh thin a,hetiang case ah erawh chuan alo leitute hi dan anga hremna pek kawngah harsatna an tawh \hin thu Vairengte Police OC chuan sawiin amaherawhchu hetianga mi thil ruk lo leitute chu a theih ang anga hremna pek ve zel an tum thu a sawi bawk.
Sava veh lo man
Tunhnai khan Kawngthar veng a mi thenkhat chu Vairam (Assam) sava an vehna ah Assam Forest ten an lo man ni a thu dawn a ni. Heng mite hi VC-I,VC-te chuan an lo chhuah leh theih nan theih tawp chhuahin Assam Police ten nikhat an hren hnuah an lo chhuah leh an nih thu dawn a ni a.Hetihlaihian an Sava vehna hmanraw thenkhat erawh As-sam Forester te hian an la hren sak ni a thu dawn a ni bawk.
Hall siam mek
Vairengte Multipurpose Hall chu tunlai hian a bang plaster leh inthiarna vel siam mek a ni. VC-II kaihhruaina hnuaia Multipurpose Hall siam mek hian thla khat vel dawn ala awm dawn ni a thu dawn a ni.
VC-I ten Community Hall chei \ha leh
VC-I te chuan Community Hall a Greenroom atanga Stage pan chhohna step an siam ni a thu dawn a ni. Hall chhunga Green room atanga Stage awm na hi a san deuh avangin helai ah hian Step (RCC) in an siam ni a thu dawn a ni a,Tin, Kohhran Hmeichhe khawmpui lian Vairengte in a thlen tum a a Greenroom danna an siam pawh an thawm thawm \ha nghal ni a thu dawn a ni bawk.
Dt.27th.Jan,2016 (Rengkhawpui)
Vairengte SDO(C) Office kawtah Republic Day hman niin khawchhunga Sorkar hnathawkte kal tha
Dt.26.1.15 Nimin zing dar 7:30 khan Vairengte SDO(C)Office kawt ah Republic Day lawmna neih a ni a. He hunah hian khawchhunga Sorkar hna thawk hrang hrang te an kal tha hle a.Tin,he hunah hian tunhnaia National level Boxing a Gold Medal latu Zoengmawia, Venglai hnenah Special Awaed hlan a ni bawk.
Republic Day lawmna hi meeting in alo rel tawh angin SDO(C) Office kawt ah hman niin khuallian SDO(C) PU J.H Lalrimawia chuan India hnam puanzar pawh pharna neiin hemi hnu hian Vairengte Hr. Sec.School naupang ten hnam hla an sa a. He hunah SDO(C) chuan Republic Day lawm na puala thuchah sawiin India lhia leh tui kan nih anga India Ni ropui leh pawimawh bik te ngaihlut nachang hria a,he huna kal khawmte chungah lawmthu a sawi a.India ram chu mipui rorelna ram niin Dan pui mitin te in nghahna tlak, Dikna, Zalenna, intluktlanna leh inunauna te Dan hian min siam sak ani, a ti. India ram chu mipui rorelna anih avangin Democracy a ni a,ram hruaitu lu ber ber te pawh mipuite thlan vek anih avangin Republic tih a nih bawk thu a sawi bawk. Heng Dan hnuaiah hian Central leh Mizoram Sorkar pawhin mipuite tan nasa taka hma alak thu sawiin Vairengte ah ngei pawh Sorkar Deptt hrang hrangte hmalakna a sawi bawk.Tin, SDO(C) Office pawhin dan leh thupek te \ha taka a kenkawh thu sawiin ramri buaina te,tukluih sum khawn te leh dan kalh thil hrang hrang an khuahkhirh thu leh Temporary ILP pawh an pek chhuah thu sawiin ILP neilo hnamdang chhawr lo turin a chah bawk. Tin,India Repub -lic in min pek in unauna leh inpum khatna venghim zel turin kal khawmte a chah bawk. Repub lic Day lawmna hian Vairengte ti hmingthatu, tunhnai a RGKA National level Sport a Boxing-a Gold Medal latu Zoengmawia Venglai hnenah Special Award hlanna neih a ni bawk.
Hetihlai hian Republic Day lawmna tur atana kum tin a Kolasib D.C Office atanga sum tlem a zawng SDO(C) Office in an hmuh \hin chu kumin hian kan hmu ve lova. Hetihrual hian khawchhunga Sorkar Deptt hrang hrang ten an remchan ang tawk sum thawh tur intukin heng sum hmang hian Republic Day lawmna hi neih a ni.
Sum hmuh ve loh chungchang thlen
Tunhnaia Vairengte SDO(C) in Republic Day lawmna tur atana Kolasib D.C Office atang a sum an hmuh ve loh chung chang a sawi chu Kola-sib D.C thuchiang zawk zawh fiah a ni. Thawh\anni khan Kolasib Dist. MJA General Conference, Thingdawl ah neih niin he hun ah hian khuallian, Kolasib D.C Pu H.Lalengmawia (IAS) chu kan tualchhung chanchinbu editor te chuan kum tina Repub-lic Day lawmna atan a Kolasib DC Office atanga sum kan hmuh \hin chu kumin bikah kan hmuh loh chhan an zawtfiah a. D.C chuan hei hi a hriat loh thu sawiin a buaipuitute Phone a be ngahlin D.Cchuan Kawnpui SDO(C) pawh pek an nih laia Vairengte SDO(C) pek an ni ve lo chu a lungawi loh thu hrilhin a rang thei ang ber a pe turin a hriattir nghal a ni.
Kolasib-Mamit Dist. Lei 2011 a zawh tur tun a la zawh loh zo thuai turin MJA ten phut
Mizoram Journalist Association, Kolasib District Annual Conference chu Thawh\anni tlai dar 3:00 khan District Park, Thingdawl-ah neih a ni a, Kolasib bawrhsap H. Lalengmawia IAS chuan khuallian niin hun a hmanpui.MJA Vice President C. Thanmawia kaihhruai Annual Conference ah hian khuallian chuan kum zabi 21-na ah Media te pawimawhna a sang tih a sawi. "Sorkar leh mipui inkara palai hna thawktu an nih avangin ram hmasawnna pawh in kutah a in nghat tlat a ni," a ti. Inkhawm thawh khatna ah hian Kolasib MJA President H. Vanlalnghaka leh MJA Gen. Hqrs Vice President Zonunsanga Khiangte te pawhin thu an sawi a, report hrang hrang ngaihthlak niin sawiho nghal a ni bawk. Hemi hnu hian Rorel inkhawm neih niin kumin chhungin State pawnah Press Tour neih dan kawng zawn nise tih chu lungrual takin member ten an pass a ni. Tin, he hunah hian Resolution siam in Kolasib leh Mamit District inkalpawhna tur Bairabi bul a Tlawng lei, kum 2007 atanga ABCI ten an dawh tawh, kum li chhunga zo tura tih tun thlenga an la zawh loh hi kum 2016 fur ruahtui tlak hma ngeiin zo rawh se, tih leh Chanchinbu siama an thawhpui H. Lalrinngheta Joint Editor Chhuahtlang leh a nau kum 7 mi,Dt.23.1.16 a Aizawl atanga Kawnpui pana an haw thla chu mi tu tih hriat loh ten Rangvamual ah ti dingin thi chhawngin kut an thlak a, he thil thleng hi Kolasib Dist. MJA te chuan pawi kan tiin, kan dem takzet a, he thil titu hi thuneitu ten a rang thei ang bera man sak tur leh an phu tawk hremna pe turin kan duh a ni, an ti.|hen thumna ah hian kum 2016-18 chhunga MJA, Kolasib District hruaitu, DIPRO Pratab Chhetri kaihhruaina hnuaiah thlan a ni a, member ten vote thlak buai lovin hruaitu dinglai pathum H. Vanlalnghaka (president), C. Thanmawia (vice president) leh H.Lalmuanpuia (treasurer) te chu inthlang lovin tling a puan an ni a, tin,Executive Member atan mi 5 tlan chhuah anni bawk. He Conference ah hian tualchhung editor 2 te pawh telin Conference a vang hian nimin khan Kolasib Dist. chhungah chanchinbu tihchhuah a ni lo a ni.
R-Day pual hnatlang
Nimin khan Zalen veng YMA te chuan Republic Day den chhen in Vengchhung thenfai hna tlang an nei ni a thu dawn a ni. Zalen veng YMA te hian an area chhunga bawlhhlawh awm te chhar faiin kawngpui dunga pawh an tifai nghal a. He hna tlang ah hian mi 30 chuang lai thawkchhuakin hnatlang a chhuak member-te chungah Branch hruaitute chuan lawm thu an sawi a ni.
Mittih
Nimin chawhnu dar 3:30 vel khan Upa Lalrammawia (Mawi -puia) W/o Lal\anpuii, Venglai chu Cancer natna avangin an chenna In ah a boral a. A ruang hi nizan khan an chenna In ah lumenpui niin vawiin chhung dar 12:00 hian Thlanmual No.2 ah vuiliam a ni ang.Lusun chhung te kan tawrhpui tak zet a ni.
.Excise O.C sawn dawn
Vairengte excise & Narcotics deptt. O.C Pu Changsanga chu Excise & Nar-cotics Hqrs ,Aizawl ah a in sawn dawn ni athu dawn a ni. Transfer Order hi Dt.22.1.15 khan tihchhuah niin ni 15 chhunga tih fel tur a tih a ni a. Aiawh tur hian Malsawm-kima(Inspector),Chhinga veng Exicse & Narcotics Hqrs, Aizawl atangin a lo awm thung dawn ni a thu dawn a ni bawk
MHIP hruaituten infuih tharna nei
Thawhtanni khan Vairengte Sub Hqrs MHIP te chuan Branch hrang hrang hruaitu thlan te kokhawmin he hun ah hian inlawmna leh infuihthar na te an nei ni a thu dawn a ni. He hunah kumin atana an pawl in kaihhruai dan tur te leh hma lakna tur hrang hrang te sawiho in an pawl hmalak na kawngah theih tawp chhuah turin hruaitu thlan tharte chu Sub Hqrs hruai tu ten an chah a ni.
Hmunphiah man sang chho mek
Vairengte Hmunphiah huan neitu Association te chuan Collector leh Mahalder te nen a an lo sawiho tawh angin Thawh\anni atang khan Hmunphiah Kg khat Rs.33/- in an hralh ni a thu dawn a ni. Hetihlai hian Hmunphiah rate hian san lam pan zelin hmun thenkhatah phei chuan Rs. 35/- a lei duh te pawh awm tawh in Hmunphiah man hi a san chhoh zel beisei a ni bawk
Dt.25th Jan.2016 (Rengkhawpui news)
National level a Gold medal latu Vairengte Boxer hmuak
Dt.24.1.2016 Inrinni zing khan Vairengte Boxing Association leh Venglai Branch YMA te bul tumin RG-KA Natio nal level Sport ,Chennai a neih zawh tak ah Boxing-a Gold medal latu, Vaireng-te Boxer Zoengmawia leh a thiante chu Venglai kawn ah a hmuahna neih a ni a. He hunah hian Boxing coach R.Lalbiaksangi’n an zin report leh Zoengmawia inhnek dan te report pein Joint YMA Presi-dent pu K.Thangvela pawhin lawmpuina leh fuihna thuchah sawiin Joint YMA hming Rs.2000/- a hlan a ni. Lawm puina thilpek hi Venglai, Hallveng leh Hmar veng Branch YMA leh Vai rengte Branch MHIP ten pe in anni bakah hian mimal,mi engemawzat in thilpek hi an pe a ni. A lawmna programme neih zawh hian RGKA Mizoram team te hian Venglai Branch YMA ten chawihlui an lo siam sak chu an kilho nghal a ni.
Hmunphiah huan neitu leh a leituten Hmunphiah lei leh hralh chungchanga an harsatna pui turin Sorkar ngen
Dt.23.1.16 khan khawchhunga Hmunphiah huan neitute Association hruaitute leh Hmunphiah leitu (Collector) te chuan meeting an nei a. He huna kalkhawm te chuan thuchhuah in \awm siamin Hmunphiah lei leh hralh kawnga an harsatna tawh chu Sorkar in hma lak sak turin an duh thu an sawi.An thuchhuah siamin a tarlan danin Dt.23.1.16 Inrinni khan khawchhunga Vairengte Broom Grower Association leh Collector, Chhimveng YMA Run ah an kal khawm a. He hunah hian Resolution lungrual taka passed in Kum 2016 a Kolasib Division huamchhung ah kan Sorkar in Hmunphiah Mahal System a kalpui avanga NLUP hnuaia Hmunphiah neitute leh mimal Hmunphiah huan neitu ten harsatna lian tak an tawh thu sawiin he an harsatna tawh hi sorkar, mirethei te hmangai tu chuan a rang thei ang bera Mahal Tender chu sut leh tura an duh thu an tarlang a. Tin, Hmunphiah dan ang thlapa an hralhte,\henawm state Assam a Lailapur Forest Check Gate ah lo dan an nih thin thu leh he an harsatna tawh mek hi a rang thei ang berin chinfel sak turin Sorkar an phut thu an tarlang bawk.
Hetihlai hian Dt.22.1. 2016 Zirtawpni zan pawh khan Association hruaitute leh alo lei chhawngtu collector-te chu in hmukhawm tawhin he hunah hian Hmunphiah chu rate sang zawk a hralh theih dan tur sawiho a ni. Tunhnai khan VairengteHmunphiah huan neitu kalkhawmte chuan Hmunphiah Kg khat hi Rs.35 aia tlawm lova hralh nise,tiin thuthlukna an lo siam tawh a. Hei vang hian Inrinni thleng khan Hmun phiah hi a tam tham a hralh ala ni loa ni. Hetihlai hian thu dawn danin Hmunpiah hi kg khat Rs. 35 chuan aleitu lam, Mahalder ten an lei ngam meuh lo niin an sawi a. Hetih rual hian Rs.32/33 vel a lei ngam erawh an awm thung a ni. He an thu thlikna siam anga lei duh hi la awm lo mahse vawiin pawh hian Hmunphiah hi Rs.35 aia tlawmin hralh loh nise,an la ti a. Hetianga huan neitute an \anrual tlat chuan a to a hralh hun an la nei ngei an beisei thu hruaitute chuan an sawi bawk. Tin,Hmunphiah lei leh hralh chungchangah hian nizan khan Hmunphiah huan neitu Associa tion hruaitute leh Mahal der te bakah Joint VC te nen meeting neih leh a ni a, an thu thlukna erawh kan hre hman ta lo a ni.
Joint meeting dawn
Vawiin chawhma dar 10:00 hian Pi Lalduhawmi te In,IOC venga Sub Hqrs Vairengte MHIP bul tumin Branch hrang hrang hruaitute nen Joint Meeting an nei dawn ni a thu dawn a ni. He hunah hian hmalak dan tur sawihona leh inhmelhriat tawnna an nei dawn ni a thu dawn a ni bawk.
Leivung paih dawn
Vawiin hian Joint YMA te chuan Committee an neih tuma an lo rel tawh angin YMA play -ground leh achhehvel a leivung awm te chu an tifai dawn ni a thu dawn a ni. Heng leivung hun engemawchen awm tawhi Infiam mite tan a hnawksak avangin JCB hmanga paihfai tir an tum nia thu dawn a ni bawk.
MJA conference
Vawiin tlai dar 3:00 hian Kolasib Dist. MJA te chuan District Park Thingdawl-ah Annual Conference hmangin kum 2016 - 2018 chhung atana hruaitu tur an thlang dawn. He Conference ah hian tualchhung chanchinbu editor 2 te pawh an kal dawn a,meeting hmasa in alo rel tawh angin naktuk chanchin-bu chawlh a ni dawn a ni.
Vairengte leh Chhimveng Pastor bial KTP ten Work camp neih tum
Dt.23.1.16 Zirtawpni zan atanga Vairengte khawchhunga KTP bial 2 ten khawmpui an nei chu nizan khan a \iak. He KTP khawmpui ah hian Inrinni khan rorel inkhawm neih niin an rel langsar zual zingah Vairengte pastor bial KTP te chuan kumin ah bial huapa Work camp nei leh Sports & Musical meet neih nise tih leh Damdawiin Poor fund ah pawisa pek te pawm a ni a, Chhimveng bial nen Joint meet nei te an pawm a ni.Tin, Chhimveng Pastor bial KTP te pawhin kumin bial huap a Sport nei te,leadership training nei te leh bial huapa Work camp nei te an passed a.Tin, nakkum khawmpuiah Speaker neih nise an ti bawk. He khawmpui ah hian kum 2016 atana bial hruaitute thlanna neih nghal a ni.
MLA dawr dawn
Naktuk khian Joint YMA hnuaia Chapcharkut sub Com-mittee te chuan Vairengte in Chapcharkut a lawmna turah lo inbuatsaih lawkna atan bialtu MLA leh Minister te dawr an tum ni a thu dawn a ni.
Lusun
Nimin zing dar 8:15 vel khan Upa Huapzauva,(78) Chhim veng chu Vairengte Damdawiin ah Cancer natna avangin a boral a.A ruang hi nimin chaw-hnu lam khan Chhimveng thlan mual ah vuilliam nghal a ni. Tin, nimin zing vek dar 8:40 vel khan Pu Lalkhumliana, kum 86, IOC veng chu awm lai in a boral a. A ruang hi nimin vek khan IOC veng thlanmualah vuililam nghal a ni bawk ang, Khawhar chhungte kan tawrhpui tak zet a ni.
Republic Day SDO-(C) Office kawt-ah
Naktuk zing dar 7:30 hian SDO(C) Office kawt ah Repu-blic Day lawmna neih a ni dawn a. He hunah hian khawchhunga Sorkar hnathawk zawng zawng te chu kal tura beisei an ni a, he hun ah hian School naupang sawmbikte leh Mizocultural Club ten Items a nei dawn a ni. Tin, Ex servicement zawng zawngte chu kal theuh turin an hruaitute chuan an ngen a ni,
BILAIPUR ATANGIN ASSAM MI THAHNEM TAK LO LA LUT FO, SIPAI TEN HMALAK LOH CHUAN MIPUI IN HMALAK TUM
Dt.25.9.2021 khan tunhnaia kan tarlan fo, Bilaipur atangin hnamdang, sumdawng leh thingzai te mi thahnem tak, Aitlang bul, ramri chhehvêl ah...
