Vairengte Screening point ah Mizoram luh tum te test mek zelin tun thlaah mi 42 hri vei hmu tawh..
Vairengte Dated 26th April 2021 : Mizoram luh ka pawimawh ber pawl Vairengte Screen- ing point ah Mizoram lo luh tumte Covid-19 hri an vei leh vei loh RAgT hmanga endik na chu kalpui mek zel a ni a. Sceening point ah hian hun rei tak hri vei an hmuh loh hnuah tun thla ni 3 atang khan hri vei hmu \an lehin state pawn mi,let lehte tel lo pawhin nimin tlai thleng khan Covid-19 hri vei hi mi 42 hmuhchhuah anni tawh a ni.
Vairengte kaltlanga State pawn atanga Mizoram lo lut te zingah Essential Commidities phur,driver leh handyman te tih loh chu Vairengte Screening Point-ah RAgT hmanga lo endik vek zel anni a.Hmundang atang a Covid test Negative Certifi- cate neisa a lokal te pawh Test hi tih sak vek thin anni.Tunah hian Mizoram atanga State pawna bungrua phura kalte pawh, screening a Test chung changah khauh zawka kalpui an tum thu, Pu Isaac C. Lalrempuia SDO (C) chuan a sawi a ni. Vairengte Screening point ah hian kumin kumtir, January ni 30 khan Vairengte a zirlai pakhat, Hostela lut tur chu RAgT hmang a endikna an neihnaah covid- 19 a vei tih hmuhchhuah alo ni tawh a,hei hi tun thla tira an hmuh leh hma a Covid-19 vei an hmuh hnuhnun ber niin tun thla ah erawh Covid-19 vei hi an pung telh telh thung a ni.
Hetihlai hian tun thla Dt. 3.4.2021 khan Kolkatta atanga lokal,hnamdang 1 chuan Covid -19 hri a vei tih hmuhchhuah leh a ni a. A ni hi an State ah in enkawl a duh avangin let tir leh a ni. Dt.5.4.2021 khan BSF mi 3 te chuan an vei tih hmuh leh niin Dt.6.4.2021ah Mizo 1 leh hnamdang 1,Guwhati atang a lo chho ten an vei tih hmuh leh a ni bawk a. Dt.8.4.2021 khan he Screening point ah hian Covid-19 vei tum khata an hmuh tam ber thlengin in thlanna a duty Mizoram IR.Bn mi 12 leh hnamdang 2 te he hri hi an vei tih hmuhchhuah a ni a. Hemi hnu atang hian hri vei hi an hmu chho deuh ta reng a ni. Dt.3.4. 2021 atanga nimin tlai thleng khan he Screening point ah hian Covid-19 hri vei mi 42 hmuh anni tawh a, heng te hi Mizorm a enkawl tura report chiah anni a, hnamdang vei te hi an awmna state ah inenkawl an duh chuan let tirin report ah ziah luh anni lova, heng ang chi hi nitin 2/1 tal hmuhchhuah an awm thin ni a thu dawn a ni.
Vairengte Screening point ah hian Inrinni tlai dar 5 atanga nimin tlai dar 5 inkarah khan mi 199 te chu RAgT hmang a endik anni a.Heng zingah hian Non-Mizo 121 ah mi 3 leh Mizo 78 ah mi 4,an vaiin mi 7 ten hri hi an vei tih hmuhchhuah a ni. Screening point ah hian RAgThmanga endikna neih a nih atangin nimin tlai thleng khan Non Mizo 39341 leh Mizo 6562 an vaiin mi 45903 te test an ni tawh a. An zingah Non Mizo 150 leh Mizo 43, an vaiin mi 193 ten Covid-19 hri hi an vei tih hmuhchhuah alo ni tawh a ni.Tun dinhmunah Vairengte bakah hian Bairabi kaltlanga Mizoram chung luhna ah pawh Covid-19 RAgT Test hi chhun zan zawma kalpui a ni a, Phaisen kawngah zing dar 10 atanga zan dar 7 thlengin Mizoram lo lut tur reng reng te chu nitin RAT Test neih a ni bawk a, Saiphai kawngah pawh kartin Ningani apiangin kawng hawn thin niin hemi chhung hian RAgT Test hi kalpui thin a ni bawk.
*Airtel chhiat chungchangah Airtel hotute lo kalin Tower dahna tur enho*
Inrinni khan Airtel hotute chu Vairengte ah lo kalin Tower thar siamna hmun turte an rawn enfiah a ni.Airtel hi Kolasib leh Mamit bialtu Pu Biakpuia leh Tower Engineer, Pu Zova te lo kalin anni hian tower thar, Roof Top Tower dahna tur te an rawn en ho a.Anni hi Joint YMA President Pu Zalawta leh Rengkhawpui Editor ten lo dawng sawngin Tower hi Pu Sangliana Varte,Venglai te In chungah dah turin an ruahman a. Airtel hotute sawi danin tower hi an thar dah an tum reng thu leh approval awm vek tawh mahse a location hi Guwahati lama an hotu ten an lo hnawl (reject) leh thin avangin an siam mai theih loh thu an sawi a. Tûnah hian Tower dahna tur building neitu ten hemi atan a document pawimawh te an tih fel chuan tower hi siam maitheih an in beisei thu leh hemi atana hian a rei lo berah thla 1 leh a chance vel erawh a awh tur thu an sawi bawk. Hetihlai hian tuna kan hman mek Field veng a Tower chu an siam nasat tawh thu leh han tih vak ngaihna an hriat rih tawh loh thu an sawi a, a hmangtu an tam lutuk chu an zo tawh lo ni bera an hriat thu an sawiin a theih ang anga siam zêl erawh an tum thu an sawi bawk. Hetihlai hian Airtrel hi tun dinhmunah net ala chhe reng a ni.
*Doctor thar nei dâwn*
Health Minister in a lo sawi tawh angin Vairengte CHC ah Medicine Doctor thar tur chuan vawiin hian a hna a zawm dawn ni a thu dawn a ni. Tarlan tawh angin Doctor thar tur hi Vairengte mi,Dr. Lal -venkima S/o Hmangaihzuala ,Field veng niin vawiin hian Joining report a pe dawn ni a thu dawn a ni.
*Vaccine mi 240 hnenah pe*
Dt.24.4.2021 Inrinni khan Vairengte ah kum 45 chin chunglam tana Covid-19 vac- cine pek hnuhnung ber chu Multipurpose Hall ah neih niin mi 240 in vaccine hi an la a ni. Vaccine hi kum 45-59 inkar mi 161 leh kum 60 chunglam mi 75 te pek anni a,anni bakah hian FLW 1st la mi 1 leh 2nd dose la mi 3 an awm vek bawk. Hetih hian Vaccine pek ahVairengte bik chu duh tawk rihin tunkar hian Vairengte CHC huamchhunga awm, Phaisen,Phainuam leh N. Chhimluang a kum 45 chin te Vaccine hi an pe leh dawn niin Dr.P Zorinsanga CHC Medi- cal Officer chuan a sawi a ni.
*IR mi 400 chuang lo in test dâwn*
Vawiin hian inthlanna a duty Mizoram IR/MAP te chu Vai- rengte screening point kaltlang in an lo haw dawn a.SDO(C) Pu Isaac-a hnên atanga thu dawn danin IR lo haw tur te hi mi 400 chuang niin tlailam ah an lo thlen an beisei a.Heng mite hi Screening point ah RAgT hmanga lo endik vek tur niin fimkhur thil ah screening point lamah mipui kal lo tura an duh thu a sawi bawk.Heng mite SDPO leh OC ten lo buaipui in ahruai tûr hian nimin khan IR motor leh Bus pawh engemaw zat an lo thleng tawh a ni. Heng mite hian khawchhûng hotel ah chaw ei lovin an lo pack sak dâwn a, khaw pawn hmun rem laiah chaw hi an ei dawn a ni.
*VC-I ten chhunzawm*
VC-I ten High School Dil atanga Kawngthar Auto stand bul panna kawng an laih mek ah vawiin lam hian Lung hmun tih chhiat an tum ni a thu dawn a ni.Lung hmun hi Geletine a hal darh tum niin SDO(PWD) hovin an lo en ho tawh a ni.
*Ram kang ṭhelh*
Nimin tlai lam khan Hmar veng a Airtel Tower zawn vel tlaklam ram chu kangin mi tlawm ngai ten an thelhmit thei ni a thu dawn a ni. He kang mei chhuak hi a chhan chiang taka hriat nilovin nimin piah lam pawh khan Bawlhhlawh paihna (Dumping Ground) bul vel hi a kang tawh bawk a,hei pawh hi a kang tih an hriat ve leh mi tlawmngai thenkhat ten an thelhmit thei a ni.
*Police Station report*
Nimin leh Inrinni khan Vai rengte Police Station ah FIR lut a awm lova,In chhung a ruih vanga buaina siam mi 1 erawh nimin khan Home ah dah lut in lock up pawh a ruak a ni.
*Venglai YMA commitee*
nrinni zan khan Venglai Branch YMA te chuan committee neiin Jt.YMA din, Ruihhlo Do Pawl ah tel tur mi 3 an ruat.Hei bakah hian Dt.28. 4.2021 a Jt YMA in Kharzawl Sanctuary a hnatlang an neih turah Branch aiawha kal tur mi 5 an ruat bawk. Tin, vawin tlai dar 3:00 hian President te kawtah Kuang siam hnatlang neih nise ,an ti a, heibakah hian lehkha lo lut leh hmalakna tur thenkhat te an sawiho nghal a ni
*VLTF leh officer kokhawm dâwn*
Dt.28.4.2021 (Nilaini) khian Kolasib DC Dr.H Lalthlangliana chuan DC Conf. Hall ah Kolasib District a VLTF chairman leh Secretary leh Sorkar Offficer te meeting a neihpui dawn a. Serlui Constituency bik chu chhun dar 12:00 ah meeting hi neih tur ani.
