Dt 2ndMarch.2012(Rengkhawpui)

Vairengte Police-ten Luruh ro an chharna hmun atangin ruh dang hmuh belh,Garage a kangmei ti chhuaktu man..

          Vairengte 2nd.March.2012 : Vairengte SDPO hoin Nimin zing dar 10:00 atanga tlai dar 2:00 in kar khan Luruh ro an chharna hmun bul sihal kua chu laiin, hmanni a luhruh ro an chhar tak khabe leh ha te hmuh belh leh a ni.
             Feb.23th a Vairengte Auto stand chhak Bung thing thlang a luruh ro an chharna hmun chu nimin khan ahmun hmate ennawn leh a ni a.SDPO ho hian police tha hnem tak leh Lailapur a vai thenkhatte nen luruh an chharna mual zawng zawng an zawng chhuak a ni.Luruh an chharna bul Sihal kua chu laiin feet 3 vel a thuk an laih hnuin Lu ruhro khabe ruh leh a ha te an laichhuak ta a ni.Heng baka a taksa bung dang ruhte a awm ringin a hmun hma mual zawng zawng an zawng chhuak leh vek a,amaherawhchu heng bak hi thil dang an hmuh belh lo a ni.    SDPO hnen atanga thu kan dawn danin Lailapur vaiin an zawn ve nachhan chu nikum november thla khan Vai rawlthar kum 16 bawr vel,Vairengte a kuhva lo a lokal chu chin hriat lohvin a bova.Hepa chhungte hian tunhnaia luruh an chhar leh takah hian amah anih ringin a ruhro hi an zawnpui ta a ni.Heng Khabe ruh leh a Ha ruh an hmuh belhte hi Vairengte Police Station-ah kawlin Forensic expert lam hnen ah an thawn leh dawn niin thu kan dawng a ni.
    Tin,Nimin lama kan tarlan tawh Pu T.Lalrinsanga Garage a kangmei chhuak  chungchangah khan nimin khan mi pahnih Ngurremsiama, (kum 23) S/o Ngurchungnunga leh Rohmingthanga (kum 23) S/o Vanlalhlira,Zalen veng ve ve te chu man a ni a,an ni hian petrol ruk an tumna lamah Garage hi an ti kang ngei a ni tih an inpuang a ni. Nimin chawhma dar 11:00 vel khan Kolasib Court lamah an thawn chho nghal a ni.

V.C-I lamah inthlan Complain
Feb.23rd  Village Council inthlanna a VC-I lamah Congress Candidates thenkhatten Vote chhiar that leh SDO(C) (Observer) hnenah an dil a,Hemi chungchangah hian SDO(C) chuan inthlanna ballot paper-te Kolasib lamah thawn chhoh a nih tawh thu leh Kolasib lamah Complain theh lut turin a lo rawn a ni.Nimin lam khan kolasib lamah lam kal an in tir niin a thu dawn a ni.He thuchhuah lai hian eng tin zel nge an kal pui dawn hriat a ni lo a ni.

MGNREGS hlawh la hnai
BDO hnen atanga thu kan dawn danin MGNREGS Janaury leh JFebuary inhlawhna chu a rual a lak tur anih dawn a,engkimtih fel vek a ni tawh a,amaherawhchu vawiin hi office chawlh a nih avangin karthar lamah hlawh hi a lak theih dawn a ni.Tin,March thla inhlawhna tur ni 14 pawh a lo thleng tawh a,hei pawh hi thawh theih a nih nghal tur thu a sawi bawk a ni.

Trade & Commerce Director lokal
Nimin khan Trade & Commerce Director Lalzirliana chu Vairengte a Market Building sakna tur a hmunah a lo enfiah a,He Market thar sak nan hian Nuai 350 bawr vel Estimate siam a ni.Thu dawnna in a sawi danin Tuna bazar hmun hluiah hian sak a ni dawn a ni.

Sanctuary-ah kal dawn
Joint YMA-te hruaitute chuan Vawiin leh naktuk hian zan riak a Sanctuary-ah demarcation neih leh an tum a, Hetah hian  Joint YMA Committee member zawng zawng te chu kal vek an tum a  ni. zing dar 9:00 ah Chhim veng YMA run kawtah innghahkhawm tur a ni ang.

VC-II Seating nei
Nimin tlai dar 3:00 khan VC-II lam ten VC House a Seating an nei a,hetah hian Secretary atan Pu Lalzarliana,Field veng chu ruat a ni a,tlai lamah hian chawhlui kil hona an nei nghal a ni.

VC-II VEC thukhawm dawn
Vawiin  zing dar 7:00 hian VC-II lam VEC(Village Employment Committee) te chuan VC House-ah Meeting an nei dawn a,hetah hian March thla atana MGNREGS ni 14 inhlawhna lo kal tur thawhna dan tur chungchang an sawi ho dawn a ni.

MNF North Group ten VC Tlingte lawmpuina nei
Nimin chawhnu dar 1:00 khan Comunity Hall-ah MNF North Group ten Dt 23.Feb. VC election a,MNF ticket a VC tling thar te lawmna hun Programme an hmang a,He tah hian VC tling tharte leh tling zo ve ta lo te pawh chawimawina pangpar thi an awrh tir a ni.V.C tling tharte hnenah hian Certificates hlanna an nei bawk.Block hruaitute pawh an kal tha hle a,mi hrang hrang hnen atangin thu sawi ngaihthlak a ni.

Magistrate in tan tir
Nikum September thla a Vairengte a mi kawt a naute hnutchhiahtu Vairengte Police in an man Lalthanpuii chu Kolasib Court Magistrate chuan Thla ruk tang tur leh Rs 2000/- chawi turin a ti a ni.Mahni fate ngaihsak lo a enkawl zui duh lo hi dan hian a hrem thei a ni.

Inbuatsaih nasa
Tunlai hian YMA Branch hrang hrangte Serlui Group Conference lo awm tur  inbuatsaihna atan Joint YMA ten  ni 10 atanga intihsiakna a siam turah lawmman lak ngei tumin tan an la tlang hle a,nizan khan kan hriat theih chinah Venglai Branch leh Field veng Branch te chuan intihsiakna a Items turte an zir a ni.Venghlun Branch-te erawhchu KTP General Conference zawh lamah an zir zawm dawn a ni.

Kemahni
Thla thar kan lo chuan kai leh ta a,Febuary thla chanchinbu man kan lo khawn dawn a,Febuary thla bik atan hian Rs 40/- a ni ang.Subciber zawng zawng ten khawngaih a chanchinbu man lo pe theuh turin kan ngen che u a ni

Read More

Dt 1st March.2012(Rengkhawpui)

Pu T.Lalrinsanga Garage-a kangmei chhuak chungchangah Police ten mi man nei lo.

              Vairengte 1st.March.2012 : Dt 26.2.2012(Thawhtanni) zan dar 10:30 vel khan zalen veng Bus station bul a Pu T.Lalrinsanga Garage chu kangin ama bike Splendor (Old Model) MZ-05 1318 chu a kang chhe hneh hle a ni.
              Vairengte Police Station ah FIR teh luh a ni a,kangmei chhuah chhan hi chiang tak chhui thei a la ni lo a ni.Hemi chungchangah hian Police lam chuan rinhleh man an la nei lo a ni.Police lam sawi dan chuan Pu T.Lalrisanga hian a bike hi Insurence tir avangin a Insurence a claim thei dawn a ni.Mi tam zawk rin dan chuan Bike petrol ruk an tumna lamah kangmei hi chhuak niin an ngai a ni.Hemi chungchang chui zui tur hian tunlai hian Vairengte Police an in daih lo hle a,Vairengte Gate pahnih leh Saiphai lamah Gate pakhat an enkawl mek a,thawktu thenkhatin leave an lak bakah thenkhat te chu transfer an awm bawk a nih thu kan dawng bawk a ni.Tunlai hian Petrol man a san choh zel avangin mi thenkhat petrol ruk ching an awm a,kan lirthei te kan dah fimkhur a tha awm e.

Vai Driver Kut thlak
Nimin tlai dar 3:00 bawr vel khan Godown vengah Mizo LPG Truck Driverten kawngpui dal a motor side chungchangah Vai Driverte nen an inhnial buai a,mizo Driverte hian Vai driverte  chu kutthlakin thing leh Brick bung hmang te in a sawisa ta a ni.Hemi chungchang ah hian vai driverte hian Vairengte Police Station ah FIR theh lutin Mizo Driverte hi koh an ni a, amaherawhchu Mizo Driverte hi bond sign tirin an in ngaidam ta ni.Hnam dang kut thlak chungchangah hian a hnam ang zawng a buaina thleng thei tih kan hriat tlan a tha awm e.

SAWMNA
Vawiin 1st march 2012 chawhma dar 10:00 hian Vairengte Community Hall-ah North Group MNF buatsaihin,VC-I MNF Candidate thlan tlin takte lawmpuina hun kan hmang dawn a,he hun min hmanpui tur hian MNF mi leh sa leh duhsak taka min thlantlin puitute,mi zawng zawng kan sawm che u

KTP Conference Kal dawn
Vawiin zing dar 5 hian Chhimveng Branch KTP te chuan Sumo 5 hire -in kal an tum a,an vai hian mi 50 an ni a,Zinglama chhuah a awlsam theih nan Sunday School hall-ah an riak khawm dawn a ni.Vairengte Branch KTP lam pawh Revival Hall-ah riak khawmin zing dar 4 bawr velah chhuah an tum a ni.Anni lamah hian mi 60 leh kawngthar lam atangin mi 8 vel an tel ve dawn a,Bus lian 2 an hmang dawn a ni.

Charge In hlan dawn
Vawiin  tlailam dar thum hian Village Council -II lama VC member-ten VC House ah charge inhlanna an nei dawn a,He hunah hian Secretary tur pawh an ruat nghal dawn a ni.Tlailamah hian chawhlui an kil ho nghal dawn  niin thu kan dawng a ni

Lirthei kal lo tur in ngen
St.Henry School chuan zing dar 8:00 - 9:00 a.m inkarin Hall veng UPC Biak in panna kawngpui chhuk thla leh St Henry School inkarah Naupang School thlah thin te leh mi dangte pawhin lirthei tlan lut lo hram turin an ngen a.Hei hi achhan chu naupangte him zawkna tur a nih vang a ni.

Doctor lo haw
Vairengte Medical Officer Pu C.Lal rinchhana chu Aizawl lamah thil pawimawh leh Damdawiin rawng hnawi turte leia a kal hnuin nimin tlai khan Vairengte a lo thleng a,a nupui erawhchu tunah hian training a la nei mek a ni.A hnen atanga thu kan dawn danin Damdawiin hi a pawnlam rawngte hnawih that vek tur a ni.Tin,tun thla ni 6 atanga hian Vairengte khawchhungah DDT kah a nih tur thu kan dawng bawk a ni.

Gorkha Gospel Team lokal
Nimin khan Vairengte Presbyterian Kohhran ah Gorkha gospel team, member 7 te chu Vairengte an lo thleng a,anni hian Vairengte a Gorkhali ho hnenah rawngbawlna an nei dawn a ni.

Read More

Dt 29th Feb.2012(Rengkhawpui)

Joint YMA ten Serlui Group Conference Inbuatsaih nan Branch hrang hrangte tan Intihsiakna siam an tum.

          Vairengte 29th.Feb.2012 : Dt 27.2.2012(Thawhtanni) zan dar 7:00 khan Pu H.Lalnunmawia te in ah Joint YMA committee vawi-2 na neih a ni a,Serlui Group Conference a inbuatsaih nan atan intihsiakna Items hrang hrangte hrang hrang ah neih nise an ti a ni.
            He Committe ah hian memberte an kal tha hle a,Group conference Inbuatsaihna atan a intihsiakna hmasa ber atan Dt 10.3.2012(Inrinni),zing  Dar 10:00 atang a tanin nileng in mipa leh hmeichhia in Volley Ball khel a ang a.A bak chu Dt 12.3.2012(Thawhtanni) atangin zing leh tlaiah khelh chhun zawm tur a ni.Volley ball khel hi a ran zawk theih nan Chhim veng YMA Run kawtah Hmeichhia ten an khel dawn a ni.Match Official turin branch tin atangin mi 2 theuh in ruat tur a ni a,heng an mi ruatte hi 8.3.2012 hmain JYMA Secretary hnenah hriattir tur a ni.tin,hemi ni tlai dar 3:00 hian Match Official zawng zawng te leh JYMA O.B te in hmuhkhawm bawk tur a ni.
    Dt 16.3.2012 zing dar 11:00 khian YMA Playground-ah Cultural Dance hmang a intihsiakna neih leh tur a ni a,Volley ball Final in a chhunzawm dawn a ni.Hemi ni a hman tur bungrua leh dawhkante lo buaipui turin Field veng branch YMA ruat an ni.Zan lamah hian kumpuan hawnna neih a ni a nga,Lengkhawm zai hmang a intih siakna neih leh bawk tur a ni.Lengkhawm zai hi khuang  khat,solfa zul zui,Mizo lengkhawm zai dik tak a sak tur a ni.
    Sanctuary Demarcation chungah sawi ho a ni a,Dt 2&3.3.2012(Fri & Sat) hian zan riak a neih leh an tum bawk a ni.Hetah hian Joint YMA Committee member zawng zawng te chu kal vek an tum a ,Dt2.3.2012 Zirtawpni zing dar 9:00 ah Chhim veng YMA run kawtah innghahkhawm tur a ni.

Tihdam rawngbawlna nei
Pu Vanlalringa, Khawzawl Zote veng chuan Baptist Pastor Quarter,Venglai-ah tunlai hian tihdam rawngbawlna a nei mek a,nimin lam khan inziak lut pawh mi 80 an tling a ni.Hengbakah hian mitha hnem takin an la nghak bawk a,mi tam takin an pan mek zel a ni.Amah hi mizoram hmun hrang hrang ah pawh lo kal kualin tihdam rawngbawlna hi a nei tawh thin a,Vairengte ah hian eng chen nge a cham dawn tih pawh a sawi thei lo a,Pathianin a tirna lam a piangah a kal mai thin a ni.

V.C-II In ruat fel
Nimin zing dar 7:00 khan V.C House-ah  Village Council- II lamte chuan R.O Pu R.Siakenga hoin Executive Body siam fel a ni a,Hetiang hian an in ruat a ni.
President     : R.Lalfamkima
Vice President: Thuamliana
Trasurer     : Lalthlengliana
    Secretary erawhchu V.C seating an neih leh huna ruat turin an ti a ni.Dt 1.3.2012 (Ningani)  tlailam hian Chaw eikhawm pahin Seating hi neih a ni dawn a, Hetah hian Secretary tur leh an Bial chan turte an siam fel dawn a ni.

Venlai Branch -in hla zir
Nizan Khawharin ban khan Venglai Branch YMA te Pu Zaithanga In,kawngthar vengah Group Conference atana intihsiakna tur hlate zirna hun an hmang a,Naktuk zan hian Pu C.Malsawma In,kawngthar vengah zan dar 7:00 ah zir leh an tum bawk a ni.Thla thar ni 1 (Ningani) zan hiankum puan hawnna neih an tum bawk a ni.

Kangmei laka fimkhur ngai
Joint YMA te chuan Tunlai hi thal khawro lai a nih a vangin mitinte kangmei chuak thei lak ah fimkhur turin min ngen a,Veng tamtak leh khaw tam takin In kang leh ram kang a thleng sawi tur a awm reng a ni.

Conference kal tur inhmukhawm
Nizan khan Vairengte Chhimveng Branch KTP te chuan KTP General Conference a kal tumte inhmuh khawmna hun an nei a,Conference kal tumte hi an vaiin mi 50 an ni a,Kalna tur a tan hian Sumo  pathum biakfel a ni tawh a ni.

Lawmpuina
MSU(Mizo Student Union) Hqrts. Vairengte   chuan an Founder President R.Lalfamkima V.C Election a V.C-II lama thlan tlin a ni hi an lawmpui tak zet a,Village Council President hial a ni thei hi an chhuang tak zetin a kal zelna turah duhsakna an hlan a ni.

VG&SA in Hruaitu thlang
Nizan Dar 7:30 pm khan Pu Remruatpuia,Venglai In Vairengte Game&Sport Association-te chuan Kum 2012-2013 hruaitu tur thlanna neih a ni a,R.O atan Pu Darkhuma a ni a,P.O atan Pi Lalthanzuali a ni.Thlan tharte chu heng mite hi an ni.
President      : Remruatpuia
Vice President : Lalthlengliana
Secretary       : Lalrawnkunga
Treasurer       : K.Lalrinkima
Fin.Secretary   : Lalzarliana

Kemahni
V.C-II lamah chanchinbu semtute tur mi fel tak mamawh a ni a,a duh chuan Pu R.Lalfamkima leh Editorte hnenah dil theih a ni.A hlawh tur chu inkhatah Rs 10/- zel a ni ang.Tin,Tunlaiah Paper mante a to chho zel avangin Thla thar atang chuan chanchinbu man hi Rs 50/- a tih san kan tum a Subcriber zawng zawngten in mi hriattiamna kan ngen nghal bawk a ni.

Read More

Dt.28th. Feb.2012(Rengkhawpui)

Vairengt Middle School Zonal Sport chu nimin khan YMA Field-ah hawnna hun neih a  ni.

           Vairengte 28th.Feb.2012 : Nimin chawhma 10:30 khan Vairengte a Middle School hrang hrang ten Sport Items hrang hranghmang a intihsiakna neih a ni a,he Annual Sport hi Zonal Sport Chairman Pu Chanchinmawi’n hawnna hun a hmang a ni.
           He Zonal Sport-ah hian Vairengte khua atangin  Middle School paruk(6) leh Chhimluang atangin Middle School pakhat ten intihsiakna hun an hmang a ni.Intihsiakna hmasa ber atan Marchpass school hrang hrang in an neih chu Zone Chairman hian Salute a lo pe a ni.Hemi zawh hian infiamna in an chhunzawm nghal a ni.Infiamna hmasa ber atan hian Intlansiakna neih a ni a,metre 100 leh 200 ah mipa leh hmeichhia ten intihsiakna hi an nei a ni.He mi zawh hian 4.5 Ft hnuai lamten lnthlan siak an nei ve leh nghal a ni.Heng bakah hian Football leh Valley Ball te pawh khel nghal an ni.
Vawiin Infiamna a result chu hetiang hi an points hmuh dan chu a ni.
MS-I        -    20 points
MS-II        -    66 points
MS-III        -    81 points
P.E.S        -    40 points
State veng UPS    50 points
I.O.C UPS    -    42 points
‘N’ Chhimluang    25 points
    Naktuk lamah hian Field lam a infiamna awm zawng zawng te chu tih zawh hman tum a ni a,Nilaini ah chuan hall lamah function an hmang dawn a ni.

 Inthlan Review nei
 Nizan khan Villlagre Council -II lama inthlanna neih zawh takah MNF Party ten Pu Lalchawimawia In ah Review an nei a,Hetih lai hian Congress Party pawhin Pu H.K Hmingthanga In ah review hi an nei ve bawk a ni.

 Chakha Band dawn
 Vawiin zing dar 5:00 atanga tlai lam dar 5:00 thleng hian National  Trade Union pawl inzawmkhawm hrang hrang ten thil man sang chak lutuk duh loh entir nan Assam-ah Band an nei dawn a ni.

 Conference kal tur inhmukhawm
 Nizan inkhawmban khan Vairengt Branch KTP te chu tun thla ni 3 a KTP General Conference a kal tumte inhmuh khawmna hun an nei a,hetah hian memberte in fuih tharna leh kal dan tur chungchangte an sawi ho a ni.Conference kal tumte hi an mi 60 an ni a,Kawngthar Branch atangin mi 8 in an tel ve dawn bawk a ni.Kalna tur a tan hian Bus lian pahnih biakfel a ni tawh a ni.

VC-II Mipuite hnen a lawmthu sawina leh hriattirna
Dt 23.2.2012 khan Village Council members Vairengte-II atangin tluang taka thlan a ni a,Presiding Officers te, Pollin Officer te, vote thla chhiar tura mi kan ruat te leh mipui ten tha taka inthlanna kan tih turte kan tih theuh avangin Pathian leh mipuite hnenah lawmthu ka sawi e.
    Candidates zawng zawng ten an dahkham chan lova vote an hmuh theuh  theuh avangin a lawmawm hle bawk a ni.Result puan laia dahkham chan anga puan kha tihsual  a ni a, ngaihdam kan dil mawlh mawlh e.
Dt 28.2.2012(Naktuk) zing dar 7:00 ah Village Council -II House-ah Executive Body siam fel tur a nih avangin Village Council members thlan tharte kim tak a kal vek turia hriattir in ni e.He mi hunah hian Dahkham (Deposit) pek let leh tur a ni e.

Hruaitu thlang dawn
Vawiin zing 10:00 hian kum 2012 atan  Oil palm hruaitu turte thlanna neih a ni dawn a,a hmun atan Pu V.L Lawma In,Hall veng a ni ang. Oilpalm chingtu zawng zawngte chu kal vek tur a hriattir an ni.

Hla zir thulh
Naktuk zan a Hmar veng Branch YMA ten Intihsiakna tur hla an lo tum tawh chu Branch thenawmah chhiat tawk an awm avangin thulh a ni tih memberte an in hriattir a ni.

Vairengte Branch KTP in kumpuan hawng.
Nizan khan Vairengte Branch KTP te chuan Presbyterian Vairangte Bial KTP in kumpuan atana a lo tih ‘Tawngtai uar kum’ chu nizan khan Biakin ah hawn neih a ni a. Branch Lesder Pu Lalzomuana’n a ahawnna hi neiin ‘Kan tunlai khawvelah tawngtai tlaivar kher enge ngai? tih te,chawnghei kher enge ngai? tihte in an sawi fo thin a.Tawngtai uar hi kan tih makmawh a ni a.Pathian Fapa meuh chu tawngtai tawngtai tul kher awm loh tak a nih laiin Lal Isua ngei pawh kha Bible a kan hmuh angin chawngheite,tlaivarte leh zingkarah te a tawngtai thin tih kan hria a,Heng kan tawngtaina te hi Lal Isua hnung kan zuina leh Lal Isua lo paltlang tawh hnu vek a ni tih hre thar leh ang u’ a ti a ni.
    He kumpuan bawh zui nan hian nizan khan Branch pumhuapin an tawngtai tleivar nghal a ni.

V.C-I In ruat fel tawh
Nimin tlai dar 3:00 khan R.O Pu Lalrochhunga hoin Village Council- I lam chuan Excutivre body siam fel a ni a,hengte hi an ni.
President     : B.Dokunga
Vice President: Zalawta
Secretary     : Lalthanpuia Hlondo
Trasurer     : Lalrinmawia Sailo  

Tlangau hna ruak
Vairengte Village Council-I ah Tlangau hna a ruak a,a dil duh chuan plain Paper-ah dilna ziakin V.C Secretary Pu Lalthanpuia Hlondo,Venghlun hnenah March ni 3 hma ngei a theh luh tur a ni.

Read More

Dt.27th. Feb.2012(Rengkhawpui)

Economics Cesus 2011 chu Vairengte ah  zawh a ni ta

           Vairengte 27th.Feb.2012 : Vairengte a Economics chungchang a Census neih chu Dt.25.2.2012(inrinni) khan Vairengte khaw pumpuiah zawh fel a ni a,Nimin lam khan D.E.O ten PC Tablets a data an thunluh tawh te pawh Computer-ah upload nghal a ni
           He Census hi Feb.29th.2012 hma a zawh fel turin sawrkarin order a pe chhuak a,Vairengte hi Enumerator Block 14 a then a ni a,chung Block hrang hrang te chu Enumarator-ten bial hrang theuh neiin Economics Census hi kalpui a ni.Chanchinbu a kan lo tarlan tawh Inrinni a Coordinator  DEO, kolasib District lokal tur anga kan tarlan kha power supply inrinni khan kan neih that loh avangin nimin Pathianni khan an lo kal a,anni hian nimin chawhma lam khan SDO(C) Office ah  DEO ten data PC Tablets a an entry tawh te Computer-ah an upload chhawng leh a ni.Enumerator Block 14 ah 6 te chu zawh fel an ni tawh a,adang 8 te hi Dt.29.2.2012 hma ngei a zawh fel hman tur a ni.He Economics Census atang hian kan inchhung din hmun te,kan thil neih te leh kan sum lakluk dante chiang taka hriat theih a ni dawn a ni.District Coordinator-te hian nimin lam khan zawhfel hman an in beisei a,an tum dan chuan Bilkhawthlir lama Census an neih ve mekah an khawl a chhiat avangin helamah a an zawh ve leh Bilkhawthlir lamah an chho leh nghal dawn a ni.

MGNREGS Hlawh la hnai
Tun tum MGNREGS hlawh hi Wages list siam that a ngaih avangin hlawh lak mai theih a ni lo a,siam that a nih vel leh hlawh hi a lak theih dawn a ni.

Join Fellowship nei
Nimin khan Vairengte Branch KTP leh Kawngthar Veng Branch KTP te chuan Join Fellowship an nei a,Hetah hian Vairengte Branch KTP ten khawngthar veng in danna atan Bookself leh Guiter tha tawk tak hlanna hun an hmang a, memberte pawh an kal tha hle a ni.

Middle School Zonal Sport
Vawiin Chawhma dar 10:30 hian Vairengte Field -II ah Zonal Sport an nei dawn a,hetah hian Vairengte khawchhung atangin Middle School hrang hrang Paruk(7) leh Chhimluang Middle School ten Items hrang hrangah Intihsiakna an nei dawn a ni.

Lusun
Nimin zingdar 9:30 bawr vel khan Lalhruaimawia,kum 33 S/o Nu-i Kawngthar veng chu Lungna avangin a boral a,Vawiin chhun dar 12:00 hian a ruang hi kawngthar veng thlanmualah vuiliam a ni ang.Lusun chhungte Editorial Board-ten kan tuarpui tak zet a ni.

Bank Strike dawn
Naktuk Dt 28.2.2012 hian India ram puma Bank hnathawktute an Strike dawn a,hei hian Vairengte a Bank pahnih kan neih State Bank of India,Vairengte Branch leh Rural Bank te pawh an tel ve ngei a rinawm a ni.

Hla zir dawn
Naktuk zan Inkhawmban hian Field Branch YMA te chuan High School-II ah YMA Group Conference -na a Intihsiakna tur hla an zir dawn a,memberte kim tak a kal turin an hriattir a ni.thu dawnna in a sawi danin YMA Run(Bungraw dahna) pawh sak thuai an tum a ni.

Lirgnghing
Nizan dar 9:30 bawr vel khan Kolasib ,Aizawl leh mizoram hmun thenkhat ah na vak lo in,Second 5 bawr  lek lir a nghing a.Hetih lai Vairengte lamah chuan engmah hriat a ni ve lo a ni.North East seismology (lirnghing zirna)RRL jorhat report dan.
Event Date Origin. time Latitude (Degree N) Longitude (Degree E) h (km) Mag
2012/01/26 09:35:02.437 26.66 92.25 145 2.8

Read More

Dt.25th. Feb.2012(Rengkhawpui)

Vairengte kawngthar veng auto stand chhak ah mihring luruh ro chhar a ni.

    Vairengte 24th.Feb.2012 : Nimin zing dar dar 11:30 vel khan Auto driver pahnih Chuauthangpuia S/o Lalhuliana(L) leh Lalengmawia S/o R.Lalhnuna kawngthar veng ve ve te chuan Auto Stand chhak kawngkual Bung thing lian deuh awmna bulah mihring luh an chhar a ni.
           He luruh hi Police kutah hlan a ni a,a lan danh chuan he luruh hian khabe a nei tawh lo a,sawisakna hnuhma emaw, ruh han khem deuh emaw pawh a awm lo niin a lang a ni.A hnar ruh erawhchu a khem deuh nual a,he luruh ah hian tisa a la bet nual bawk a ni.A khaberuh hi la awm se chuan mipa nge hmeichhia nih pawh chiang takin a hriat thei dawn a ni.Police lam sawi danin he luruh an hmuhna piah lawkah hian Sihal kua a awm a,mi thenkhat chuan Sihal in vai thlan a phawrhna a ruhro a nih te pawh an ring a ni.Hemi chungchangah hian Police ah FIR thehluh a awm lo a,Police ho sawi dan chuan medical expert ten a ruang hi an zir chiang dawn niin an sawi a ni.
    Vairengte Police lam chuan he luruh hi Vairengte damdawiin lamah thawn thlak a nih thur thu an sawi a ni.Vairengte hian Forensic expert kan nei lo a,an ni ho hi chu awm se chuan engtia thi nge tih te,hmeichhia nge mipa anih leh a kum zah te nen lam an chhuichuah theih ngei a rinawm a ni.Vairengte O.C sawi dan chuan a he luruh hi mihring a nih chian avangin engkim zirchian a nih hnu ah YMA te kut a pek a vui dan pangngai a vui a nih tur thu a sawi a ni.

Vairengte Govt H/S ten lawmthu sawi
Nimin khan Vairengte a State Bank of India te chuan Vairengte Govt High School hnenah Purify Water filter tha tawk tak mai an pek avangin State bank of india Vairengte Branch chungah Vairengte Govt  H/S Staff-te chuan  lawmthu an sawi a ni.

Baptist Kohhranin Seminar nei dawn
Vawiin chawhma Dar 10:00 hian Baptist Kohhran vairengte te chuan an Biak In,Bangla veng ah Upa te leh Kohhran a rawngbawltuten Sweminar an nei dawn a,tlailamah chawhlui an kil ho nghal dawn a ni.

Ngaihdam dilna leh tihdikna
Nimin lam khan VC result kan nghahna lamah chhut sual leh tihdik lo kan nei nual a,chhiartute chungah in min hriatthiamna kan ngen che u a ni.Bible Society Seminar nei tur chungchangah khan a ni kha tarlan sual a ni a.Vawiin Zing dar 10:00 hian EFCI kohhran kawngthar ah Seminar hi neih tur a ni a,tlailamah chawhlui kil ho nghal tur a ni.Zanlam thleng hian programme hi hman chhunzawm tur a ni ang.

District DEO Coordinator lokal dawn
Vawiin hian Economics Cesus neih mek ah Kolasib District DEO Co-ordinator chu Vairengte ah a lokal dawn a,a ni hian Census nei zawh tawh a Data entry fel vek tawh te,Computer-ah an upload dawn a ni.Census hi atam zawk chu zawh tawh a ni a,tunah hian veng then khatah chuan la tih chhunzawm mek zel a ni.

Intihsiakna tur zir
Nizan khan Hriat theih chinah Venglai,Hall veng leh Hmar veng ten YMA Group Conference a Intihsiakna tur Items hrang hrangte zirna hun an hmang a ni.

IGNOU NOTICE
1.Fresh Admission Chungchang
1st year MAH/MARD/MEG/MPA/MPS/MSW/B.A/B.Com/BSW Admission July,2012 Session atan tih theih a ni a,IGNOU SC-1903 kal tlanga Admission ti duh chuan a ranglamin rawn ngaih ven tur a ni.
2.Registration (2nd/3rd Year Admission) chungchang.
July,2012 Season atan 2nd/3rd Year MAH/MARD/MEG/MPA/MPS/MSW/B.A/B.Com/BSW Reregistration (Admission) ti duh te tan theih a ni a,Reregistration fee hi Programme/Class hrang hrang atan bithliah hran a awm avangin,in admit turte’n pawisa ken ngai zat Study Centre-ah zawh fiah hmasak tur a ni.
3.Zirlaibu,Assignment leh Counselling Class chungchang.
July,2011 Sesson & January,2012 Session-a zirlaite tan zirlaibu (Study materials) leh Assignment Questions-te a lo thleng kim deuh vek tawh a,mahni chanpual turte lakchhuah ve thuai a tha.April,2012-a Assignment Mark Submission-a telh sak ve duh,a bik takin,T.E.E.June.2012-a exam tumte chaun March,31th 2012c ral hma ngeiin Assignment chhanna rawn theh luh vek tur a ni.Assignment chhanna theh lut kimlo te tan chuan exam theih a ni lo.Counselling Class pawh neih chhoh zel a ni a,mahni kaina tur Class zirlaite’n ngaihven ve thib tur a ni.
    July, 2012 Session atana  Reregistration (2nd/3rd Year Admission) leh Fresh Admission chu Dr.C.Lalmuankima,Associate Proffessor, Economics Department,Government kolasib  Collage & Asst. Coordinator, IGNOU SC-1903 hnenah tih tur a ni a,hriatchian duh nei pawhin Pu Muana hnenah hian zawh fiah theih a ni.

Read More

Dt.24th. Feb.2012(Rengkhawpui)

V.C-I leh V.C-II huam chhungah harsatna engmah awm lo in V.C Election chu zawh fel a ni ta.

          Vairengte 24th.Feb.2012 : Hun rei tak atanga kan lo ur lawk tawh Vairengte Village Council-I leh II inthlanna chu nimin Zing dar 7:00 atanga tanin tlai dar 4: 00 thleng a vote thlak a ni a,Boruak nuam leh zalen tak hnuaiah Kum 2012-2015 chhunga kan khawtlang min hruaitu turte Village Council member-te chu thlan fel an ni ta a ni.
        VC-I lamah hian mi sawm leh pasarih(17) ten VC Post Sarih(7) an chuh a,VC-II lamah hian mi Sawmhnih leh Paruk(26) in VC post Pakua(9) an chuh bawk a ni. Tuntum VC inthlan hi kan sawifo tawh angin boruak hrang hrang leh kum dang zawng aiin candidate te pawh an tang tlang deuh niin a hriat a,chutiang boruak a nih mek lai chuan inthlanna hi muanawm leh zalen tak a vote  hi thlak a ni.Election Observer te,SDPO te leh MPF te hnen  atangin he inthlanna hi muanawm leh felfai tak a kalpui a ni thu kan dawng a bawk ni.He tihlai hian VC-II lamah Election Code of Conduct kalh a thil tih awm deuh mahse,buaina leh harsatna engmah awm loin inthlanna hi kalpui a ni. VC-I lamah hian Vote 2583 awm ah vote1885 a tla a,vote thlaktu zingah mipa 874 an ni a, hmeichhia 1011 an ni.73% in vote an thlak thei a ni.Chutihlaiin VC-I lamah hian vote thi hi 87 a awm a ni.VC-II lamah hian Vote 3351 awmin,mi 2260 in vote an thlak a,vote tla zawng zawng hi 64. 44% a ni.VC-I lamah chuan nizan dar 12:00 bawr vel khan result puan a ni a,VC-II lamah erawh chuan Dar 2:30 ve khan result hi tih chhuah a ni. Heng a hnuai a kan tarlan VC-I lamah pasarih(7) leh VC-II lamah Pakua(9) te hi tling a puan an ni. VC-I lamah chuan MNF in seat 7 ah seat 5 an neih avangin Majority an chang  a,VC-II lamah chuan Congress in seat 9 ah seat 5 an neih avangin Majority an chang ve thung a ni.
    Heng VC thlan tharte hi Certificate pek nghal an ni a,March ni 3 hmain in form fel tur a tih an ni bawk a ni.VC a thlan thar zawng zawng te Rengkhawpui Editorial board chuan thinlung takin kan lawmpui a,khawtlang tan a theih tawp chhuah theuh turin duhsakna kan hlan bawk a ni.
 VC-II lamah Candidate-te leh an vote hmuh dan
1.RLalfamkima    -    1075
2.R.Lawmthanga    -    1049
3.Lalthlengliana    -    1019
4.C.Malsawma    -    1006
5.Lalrintluanga    -    939
6. K.Lalchawimawia    -    892
7. K.Kailiana        -    826
8.Lalthuamliana    -    776
9.Darneihkhuma    -    765

VC-I lamah Candidate-te leh an vote hmuh dan
1.Zalawta        -    1046
2.B.Dokunga        -    1026
3.V.L Zuia        -    1001
4.Lalrinmawia Saio    -    930
5.Lalthanmawia    -    906
6.Lalrinawma        -    858
7.T.Lalrosanga    -    824
8.H.K Zapara        -    791
9.Remruatpuia    -    690
10.Vanlalsawma    -    680
11.V.L Dika        -    635
12.Lalnunkima Ngente    502
13.h.Lalthanzuala    -    497
14.Lalzarliani        -    549
15.Lalbiakzama    -    424
16.Lalsawmliana    -    391
17.Lalthlamuana    -    275


Hmar veng Branch YMA in kum puan hawng dawn
Zanin dar 6:30 hian Hmar veng Branch YMA te chuan kum puan hawnna an nei dawn a,a hmun erawchu O.B te kutah a awm a ni.Group conference a intihsiakna tur hla an  zir ho nghal dawn a ni.Tin,Branch chhung a zirna In hrang hrang ah in Kum puan zirtirna neih an tum bawk a ni.

Damdawi in report
Tunlai hian Damdawi in a lun thei hle a,heng mite hi damdawiin awm te an ni.
1.Lalremruati(naute nei)
w/o Lalduhsanga,State veng
2.Hrangthinhlui(naute nei)
w/o Laltanpuia
3.Dafika(1yrs)
Tlangnuam
4.Jenny Vanlalpeki
D/o Ramluahpuia,chim veng
5.Ngaihpeki(50yrs),chhim veng
6.Zoramchhana(30yra)
chhim veng
7.Lalawmpui(5yrs)
D/o Hmingthanchhunga,venghlun
8.Vanlalruati(1.yrs)
D/o Hmingthanchhunga,venghlun

 BSI-in Seminar nei dawn
 Naktuk hian Vairengte BSI North  Area ten EFCI kohhran ah Seminar an nei dawn a,BSI Committee member zawng zawng leh Collector-te kim tak a kal turin an in hriattir nawn leh a ni.He Seminar hian zan lam thlengin a awh dawn a ni.

 Keimahni
 VC inthlanna ah Media lam atangin VC in Candidate-te an awm ve nual a,heng mite hi mipuiten inthlan tlin avang a lawmthu sawi ni pah fawmin duhsakna kan hlan e.
1.R.Lalfamkima(Congress-I) VC-II
2.Lalrinawma(Congress-I)VC-I

 Phaisen VC seat thum awm ah
ZNP-2.Independent-1
Phainuam-ah VC seat 5 awmah Congress - 2,MNF - 2,Independent-1
N chhimluang VC seat 3 awmah
 cong-2,MNF-1
Saihapui ‘V’ VC Seat 3 awmah
MNF-2,congress-1

Read More

Dt.23th. Feb.2012(Rengkhawpui)

Joint MPF leh chanchinbu miten SDO(C) Conference Hall-ah Meeting nei

              Vairengte 23rd.Feb.2012 : Nimin Zing dar 10:30 khan SDO(C) Conference hall-ah Vairengte khawchhunga Joint MPF leh chanchinbu mite nen Meeting nei in,tuntum V.C inthlan lo awm tur atan Party hrang hrang te leh Mipuite tana hriat tur pawimawhte sawi ho a ni.
          He meeting hi Vice President Rev. F.Lalduailova’n kaihruaiin,Tuntum V.C in thlan lo awm tur hi Vairengte khua a Party hrang hrang te hian MPF leh Election Model code of conduct duh dan kan zawm lo ni a a hriat thu a sawi a,kal khawmten an sawi tam ber leh mipuite hriat atana an duh ber chu ‘Inthlanna muanawm leh felfai tak a awm theih nan a party hrang hrangte thawh hona tha zawk neih te,Kan khua hian he V.C inthlanna kan neih hi kan la na in kan mual pho pui deuh niin a lang a,Aizawl tlang dungah hian kan khua tluk a poster tar tam leh lehkha ziak sem tamna a awm loh thu te,mimal In a campaign kan bei nasa lutuk te hi a tha lo hle a ni’an ti.Tun tum V.C inthlanna lo awm tur ah hian Vairengte Joint MPF te chuan Dt.13.February. 2012(Mon) a SDO© Conferecne Hall-ah MPF Joint Forum kaihhruainain Party hrang hrang aiawhte leh  Joint YMA aiawh te nen  Joint Meeting an lo neih tawh angin he inthlanna hi kal pui nise an ti a.Heng a hnuai amite hi Party hrang hrangte chuan zawm ngei turin an ngen nawn leh bawk a ni.
1.Common Election Camp chungchung:-Village Council Inthlanna tura State Election Commission(SEC)-in Model Code of Conduct –a siam angin Inthlan ni a Party tinte hmun khata an awmna tur Common Election Camp siam ngei nise, Dawhkan mahni hman tur pakhat theuh leh Thuthlengsei pathum theuh intum ni se kan ti. Common Election Camp-ah hian Party mi pathum ai tam Duty loh nise,tihte a ni. 
2.Election Ni a Voters Phurh chungchang: - Election Ni a Voters phurh hi Election Model Code of Conduct-in a phalloh a vangin hemi ni hian Party tinte Voters Motor hmanga phurh loh nise, Party tinten hei hi zawm tlan vek nise.
3.Dawr Siam :- Inthlanni hian Polling Booth bulhnaiah inthlan denchhena Dawr engmah siam loh nise.
    He Meeting-ah hian Vairengte Aw chanchinbu Editor chu a fapa damlohna avangin a lo tel thei lo a ni.Dan kan hriat lohna avang hian Dan anga hremna lakah kan fihlim chuang lo a ni.

 MPF South Forum-in in motor hman phal sak
Vawiin a V.C inthlanna tur atan MPF south chuan IOC leh Godown veng lamte tan Polling booth pan a harsat a vangin Candidate-te kokhawmin Candidates tinin Rs 300 theuh thawhkhawmin Motor  hman nise an ti a,heng motor hmang hian vote thlak turte an phur kual dawn a ni.

Material Component chungchang sawi ho
Nimin zing dar khan SDO(C) in ah VC-I leh VC-II lam a VEC te kal khawm chuan tun sawrkar kum thar lo awm tur atan Material Component lo awm tur atana hmanna turte sawi ho a ni a.VC-I lamah chuan Dinthar veng panna kawng RCC a siam nise an ti a,VC-II lamah chuan tuna an siam mek Second land kawng hi siam chhunzawm nise an ti bawk a ni.

Hyper Sensitive Area
SDPO hnen atang a thu kan dawn danin Kan Sub-division huam chhung a hmun ralmuang lo zual a  ngaih (hyper Sensitive Area) te chu N.Chawnpui, Saiphai, Phainuam  leh Saipum te an ni a.Tin,Saihapui V hi Sensitive Area a ni bawk a ni.Heng hmunah te hian duty turin nimin khan 1st IR Bn te an lokal a,nizan lam khan an duty na tur  hmun lamah an insem darh nghal a ni.

V.C inthlanna chunchang a mipuite hriat tur
    Vawiin a Village Council Inthlanna neih turah hian  Vairengte a Returning Officer-te hnen atang a thu kan dawn angin Tukin zing dar 7: 00 atangin vote hi thlak thei a ni a,tlailam dar 4:00 thleng vote hi a thlak theih dawn a ni.Dar 4:00 hnu lamah  vote thlak tur an la awm chuan Election R,O ten an rem tihna leh hmalak tur a ni a,Polling Booth Area a awm te chauhin an thlak thei dawn a ni. Inthlanna hmun atan VC-I lamah chuan Vairengte High School a ni a nga.VC-II lamah chuan Primary School-II a ni dawn a ni.VC-I lamah hian pooling booth Pahnih a awm in,Presiding Officer pahnihin an thut chilh dawn a,VC-II lamah erawh chuan Polling booth hmun thumah a awm dawn a,Presiding Officer pa thum an nei dawn bawk a ni.VC-I lam Booth I-ah hian Sl.no 1-1300 in an thlak a nga,Booth -II ah hian 1301-2583 in an thlak ve thung dawn a ni.VC-II lam ah chuan Booth I ah hian 1-1118, Booth II ah1119-2236 leh Booth III ah 2237-3351 ten an thlak dawn a ni.Vote thih theih dan leh vote thlak dan chungchangah te  kan hriat chhian thei nan Election R.O ten min ngen angin nimin a kan chhuah tawh kha a phek hnungah hian mipuite hriat tur kan rawn chhuah nawn leh a a,Mipuiten hemi chungchang ngun tak chhiar tur in min duh a ni.

Keimahni
Vawiin hi VC inthlan a nih angin Media lam atangin VC in Candidate-te an awm ve nual a,heng mite hi kan in duhsak ve theihna ah ngaiin mipuiten in vote hlu tak lo pe ve turin kan ngen che u a ni.
1.R.Lalfamkima(Congress I) VC-II
2.J.Laldinpuia(MNF) VC-II
3.Lalrinawma(Congress-I)VC-I

  Editorial :   
  In thlang ram (Democracy) kan nih ang in vawiin hian kan veng chhung  hmasawn theihna tur atan hma la tuturte thlanna hun kan nei dawn a,uluk tak leh ngun tak a kan ngaihtuah tlan a tha a ni.Sum leh therlo eng eng emaw mai mai a kan vote te kan hralh a nih chuan a tuartu tur chu keimahni tho kan ni dawn a ni.Khua leh tui kan nih angin vote thlak hi kan tih tur(Duty) a ni a,mimal tak a kan inbei thinna te leh Party feeling kan nei nasa lutuk avangte hian kan khawtlang hi a nih tur angin a ni thei lo a ni.mitin ten rilru thianghlim tak pu chungin kan khawtlang tana mi tha leh hman tlak,mi in pe zo te thlan chhuah ngei i tum tlang ang u.

Read More

Dt.22th. Feb.2012(Rengkhawpui)

Vairengte Police ten Zu Police Check Gate tharah zu tha hnem tak an man.

       Vairengte 22nd.Feb.2012 : Nimin Zing lam dar 1:50 khan Vairengte Police check Gate thar ah Maruti Van MZ-01 F 6576 leh Gypsy  MZ-01 7360 atangin Zu um puitling 1062 an man a ni a,A man hi Rs 177540 /- a ni. Nimin tlai lam dar 3:30 vel khan heng zute hi 407 motorin  Kolasib District Court lamah thawn nghal a ni.
              Vairengte Police Station FIR a lan danin  heng Zu neitute hi Lalpanthanga(kum3)S/oLalphuta(L) Phunchawng, Aizawl leh Rengbiak chhawna(kum 38)S/o Laikunga(L), Hnahlan khua te an ni.Heng zu  hi motor pahnih ah phurin Gypsy zawk hian Mc Dowel Um 972 leh Royal Stage Um 66 a phur a,Maruti Van hian Mc Dowel um 504 leh Royal Stage um 60 a phur bawk a ni.Vairengte O.C in a sawi danin hetiang ang a tam hi Vairengte Police Check Gate thar ah hian an vawikhat manna a ni.Zu neitute zinga pakhat zawk hnen atang thu kan dawn danin an rawn phurh na ah Lailapur a Police check gate ah Assam police ten a thianpa Maruti van khal zawk chu ti dingin,a ni chu Auto Stand bul thleng a lo tlan chho hman  a,amaherawhchu  Assam Police te hian lo um zuiin Rs 40000/- chawi turin an ti a,Pawisa an neih tam tawh loh avangin Rs 15000/- bawr vel leh zu um hnih an pe a ni.Hetiang hi an vawikhat tihna angin anin sawi a,thuhruk leh dah that pawh tum lemlo in an motor ah buara-ah pack in puanin an khuh leh  mai a ni.Heng zu man leh a phur velna atan hian a vaiin Rs 30000/- bawr vel dawn in seng angin an in sawi bawk a ni.Heng zu te hi Vaiengte Police te hian report engmah an dawng chuang lo a, an motor document fel loh avang a an check na lamah an man a ni.

Campaign vawr tawp hnai
VC Inthlanna neih tur atana Campaign chuan a vawr tawp a thleng dawn ta a,candidate-te pawhin mimal in hrang hrang ah leng kualin tan an la tlang hle a,tun tum VC inthlan lo awm tur hi kum dang zawng aiin an tang tlang niin a lang a,mimal tak a in beina pawh a awm nual a ni awm e.

DGP lokal dawn
Vawiin hian Mizoram Police hotu DGP Lalrokhuma Pachuau(IPS) chu vairengte ah a lokal dawn a,a ni hian Vairengte Police Station leh Check Gate velte inspection a rawn nei dawn a ni.

SDPO in en fiah
Nimin khan Vairengte SDPO chuan tunhnai a HPCD ten Saipum, Saiphai leh a Mauchar a Political Party hruaitute kokhawmin an thlawp candidate te ti tling vek tura an vau na chungchang ah a hmun hma ngei ah kalin a zuk enfiah a, tunah rih chuan henglai hmun hi a muanawm rih thu leh he buaina hi chu Sawrkar lam hotute hmalak dan ang zela kalpui tur chi a nih thu a hnen atang hian kan dawng a ni.

KTP day
Vawiin hi Presbyterian KTP day a ni a,Vairengte Presbyterian KTP te chuan tukin zing dar 6:30 hian nikum lam a  thlanmual No.1 a an thingphun te a hmunhma samfaina hun an hmang dawn a,member kim tak a kal turin an in hriattir nawn leh a ni.Tin,kawngthar veng Branch KTP te pawhin zing 6:30 hian an veng chhung tihfai hna thawh an tum a,in nghah khawmna hmun atan Police Check gate thar nise an ti bawk a ni.

Census zo tep
Vairengte Economic Census nei mek chu a chan ve vel zawh fel tawh a ni a,Enumerator te hnen atang a thu kan dawn danin he Census hi mi thenkhatin an hlau a,an tel duh lo a ni.

Zenghri danna pek Beipui thlak
Nimin khan a tumkhatna atan Vairengte leh a chheh vel khua ah Naupang zenghri danna pek beipui thlak a ni a,Zenghri danna hi naupang kum 5 chhin hnuailam tana pek an ni.Vairengte Medical Officer Pu C.Lalrinchhana hnen atanga thu kan dawn danin nimin tlai dar 2 thleng khan Naupang zenghri danna an pek tawh zawng zawng hi mi 1078 an ni a,Vairengte ah naupang Naupang 832 in an la a,Paisenah naupang 119,Phainuam atangin naupang 98 leh Saihapui atangin naupang 29 ten zenghri danna hi an la a ni.A tum hnihna hi  April thla  ni 1 ah neih leh tur anih thu kan dawng bawk a ni.

Read More

Dt.121th. Feb.2012(Rengkhawpui)

HPCD ten Vau

HPCD nia insawiten Saiphai, Saipum leh Mauchar-a Political Party hruaitute kokhawmin an thlawp candidate te ti tling vek turin an vau ni a sawi a ni. Inrinni kalta khan heng khaw pathuma Political Party hruaitute hi HPCD nia inchhalten Cachar Area, Dolakhal-ah an kokhawm a, an huamchhung theuhva HPCD thlawp, VC Candiddate te an tlin vek theihna tura an khaw mipuite hriattir turin an ti a, an ti tlinglo a nih chuan anmahni in an tuar thei ang tiin an vau a ni.

VG&SA ten in thlan
hun ti fel.
Vairengte Game & Sport Association chuan Tun thla ni 28 hian Pu Remruatpuia te In venglai,zan dar 7:00 ah in thlan nise an ti a,Hetah hian Hruaitu tlang thei chhin hi Displine hrang hrang a member te aia awhin mi 5 theuhin an thlang thei dawn a ni.

Indonasia Army
Vairengte CIJW (Counter In surgency Jungle Warfare) school ah Nimin khan Indonasia Army te training turin an lo thleng a,an vai hian mi 30 an ni.An ni ho hi mizo ang tak tak pawh an awm a ni.

 Zenghri danna pe dawn
 Vawiin leh naktuk hian hian CHC Vairengte bul tumin Zenghri danna naupang kum 5 chhinte hnen ah pek leh tum a ni a.Hetiang hian veng hrang hrangah Booth siam a ni.
1.Police Check Gate,Kawngthar
2.Education Rest House,Hall veng
3.Anganwadi,Tlangnuam
4.Vairengte Sub-center,
Bangla veng
5.Anganwadi,Field veng
6.Factory peng,YMA run.

 Hall veng Branch hnatlang
 Hall veng Branch YMA member te Tukin zing dar 6:30 hian hnatlang neih tur a ni a,Pu Lalhmachhuana in ah in nghah khawm tur a ni a. Hnatlang chhuak turte hian tuboh emaw thirkhen emaw thirtiang emaw ken chhuah pui theuh tur a ni.'

 Poor fund pe
 Pathian Ni khan Vairengte Pastor Bial Kohhran Hmeichhia ten Vairengte CHC ah poor fund atan Rs.2000 an hlan. Thawktute an lawm hle a ni.

 Damdawi in report
Vairengte damdawiin a lun thei hlei a,a tlangpuiin in entir hi nikhat mi 30-40 inkar vel an ni deuh ber thin.Tunlai hian naupang natna hrang hrang a tam hle a,heng bakah hian khawsik leh kawthalo pawh an awm nual a ni.Damdawiin a awm te.
1.Onato(31),chhimluang
2.Malsawmdawngliana(1),zalen veng
3.Khualbawiha(88),Chhimveng
4.Ngaihpeki(50) Chhimveng
5.Hrangthanhliri(25),Saipum
6.Sudipta burman(25),Cachari
7.Vanlalremruata(5),Banglal veng

     Editorial : 
 Inrinni khan Bangla veng YMA te chuan an veng a kawngpui khuar lai lei a an chhung khat lai ka hmu a.Khawchhung a kawngpui kan neih hi khuar a tam leh ta hle mai.Tute hma lakna chi nge tih chu kan hre vek awm e.Kawngchhia kan helna lamah hian Accident thleng thei hi a tam em em a ni.YMA ten lei hnawhkhat leh ngawt thin lo deuh hian hmalak dan hi a awm lo a ma ni le..

Read More

Dt.20th. Feb.2012(Rengkhawpui)

Masihi Sangati Kolasib Area Meet vawi -8 na ah ringlo mi 15 ten Baptisma an chang thei a ni.

        Vairengte Dt 20.Feb.2012 : Dt17.3.2012 a tanin Vairengte Presbyterian Kohhran a Masihi Sangati Kolasib Area meet chu nizan khan khawmpui palaiten kham lo tak chungin a tiak ta ni.
          He khawmpui ah hian Palai mi 228 an awm a,mi 101 te hi Revival Centenary Hall-ah  an riaklut a,an zing a 73 te erawhchu thlen in pangngaiah an riak lut a ni.Heng bak ah hian lehlang hian mi 54 an lo kal bawk a ni.He khawmpui hi Kolasib District huam chhung atanga khaw hrang hrang atang leh Vai ram lam atangin ringlo mi 29 lo kal khawmin anzingah mi 15 hian  Baptisma an chang thei a ni.Tin, Inreport chang leh ta lo hi mi 4 an awm  a,midang 10 te erawhchu counselling pek an ni bawk.He khawmpui atan hian Tanpuina Rs 23850/- alo lut thei a,Kan SDO(C) pawhin Rs 2000/- a pe a ni.Inkhawmpui chhung a an sum hman ral zawng zawng hi Rs 44240/- a ni a,heng sumte hi Raiklutte ei leh in atan hman a ni deuh ber. He khawmpuiah hian Veng hrang hrang atangin zaipawl te pawh an lo kal thei a,nizan lam khan Bilkhawthlir N Pastor Bial,Masihi sangati,Kolasib venglai Pastor Bial Masihi Sangati,Diakkawn Pastor Bial Masihi sangati leh Vairengte chhim veng Kohhran Masihi Sangati te an zai a ni.Speaker atan hian Rev.John Sharma hman a ni a,a ni bakah hian Gospel team tepawh an lo tel thei a,an ni ho hian ringlo mite counselling an lo pe thin a ni.Inkhawm boruak a nuam thei hle thin a,hnam dang hote hian Pathian fak a lam hi nuam an ti thei hle a ni.Nizan khan inkhawmban lamah fellowship hun hman leh a ni a,hmun dang a an lo tih thin ang in hemi zan hi chu tlaivar zan an ti hial thin.He felowship hi Evangelist Bijoi Gurunga’n kaihruaiin zai leh Pathian thu ngaihthlakna hun atan hman a ni bawk.Palaite hi vawiin zing chaw ei khamah an ho dawn a ni.

News Tawi:-
NREGS hlawh la dawn rihlo
BDO hnen atang a thu kan dawn danin tun thla ni za inhlawhna ni 12 hlawh VC inthlan hma a lak theih tur a tih kha  Saiphai leh  Saipum ten Vairengte Dak In atangin an Draw a ,a dang chu Wage list siam that a ngaih avangin inthlan zawh lamah hlawh hi sem a ni chhuah a ni thei chauh dawn a ni.

VG&SA inthlang theilo
Inrinni zan khan Vairengte Games & Sport Association te chu Comm unity Hall-ah inthlanna neih tum a ni a,amaherawhchu a thlang thei tur zinga atam zawk Football team hrang hrangte  VG&SA ah eng team mah in Affiliate an awm loh avangin inthlanna hi kalpui theih a ni ta lo a ni.Joint YMA hruaitute hnen atang a thu kan dawn danin hetiang a nih takah chuan VG&SA hi Joint YMA kutah a awm tawh dawn lova,mi tha hnem ngaiin an din duh a nih erawh chuan a duh tan la din theih tho a ni dawn a ni.

Lawmthu sawi
Venglai Branch YMA-te chuan Lamah zirna hmun Excise Office kawt phal tak a an hman tir avang leh Squase leh chhang tui hnai tak an hlui thin a vangin Excise Dept. te chungah lawm thu an sawi tak meuh a ni.

In tibuai man
Nizan inkhawm lai vel khan venglai kawnah sawmtea,Hall veng  motor  khalin khawng sir a naupang ho a sut tep avangin veng chhung a mi thenkhatte nen an in hnial deuh a,police lam biain,police station lamah hruai an ni a,He thu chuah lai hian enge an chanchin kan hre chhun zawm lo a ni.

VAIRENGTE RIFLE CLUB HRIATTIRNA
    Vairengte Rifle Club in naktuk Feb ni 20 2012 a Open Shooting Compettition Senior leh Junior Category a huaihawt kan tum chu LC/VC Election boruak avangin thlathar March ni 8 ah sawn a ni a, Shooting Compettition a tel tura Entry Form Fillup tawh zawng zawng te Compettition hun sawn chung changah VRC chuan in hriatthiamna kan ngen a, Compettition a tel tumte tan a hnuaia tarlanah hian Entry Form ala lak chhuah e.
Entry Form Lak chhuahna hmun tur    :1). Raltec Enterprise Zalenveng (Near                           Thelma Hotel)
                    2). Pu Lalengkima Rengkhawpui Editor                           Venglai
Entry Fee Junior & Senior        :Rs. 50/-
Senior Age Limit            :18yrs above (Birth Certificate a ngai lo)
Junior Age Limit            :Below 18 (Birth Certificate A ngai)

Read More

Dt.18th. Feb.2012(Rengkhawpui)

Seminar on Mizoram and Assam Boundry MZP Sub-Hqrs. buatsaihin community Hall-ah neih a ni.

         Dt 16.Feb.Vairengte : Nimin khan Vairengte MZP sub-Hqrs. bultumin Vairengte community hall-ah School naupang leh NGO hruaitute nen seminar hi neih a ni a,Chief Guest atan General MZP  President  James Thanghmingmawi a sawm a nih angin a lo tel thei a,amah bakah hian MZP genral President hlui PC Laltlansanga leh Kroshnehzova te pawhin an lo tawiawm thei bawk a ni.
       He Seminar hi MZP Sub-hqrs vairengte,President Vanlalchhana Sailo in kaihruaiin,ECM Lalrawng bawla’n hun serh a hmang a ni.Chairman in Introduction a neih zawhin C.Lalrinmawia,comedian Search 2010 a miin kalkawmte tan fiamthu thawhna hun a hmang a, Tv Rothangmawia hnen atangin Pathian fakna hla ngaih thlak a ni bawk.Chief Guest in thusawina tawite a neih a Thangtharte hian ram leh hnam humhalhna kawngah hian mawhphurna thui tak kan nei a,chutiang ti tur chuan kalkhawmte a sawm bawk a ni. He seminar atan hian Peper Rev. Dr.Zairema(L) buatsaih chu Nl Lalfakmawii(ECM) hnen atang a ngaihthlak a ni a,he Peper in hmalak dan tur a sawi dan chuan :
1)Nagaland, Megalaya,Assam leh Mizoram Chief Minister theuhte hi inkawmin Boundary thu hi sawi tlang sela.
2)Mizoram Chief Minister leh Assam Chief Minister hi in bia sela, Inner Line Forest enkawl tur a Assam Forest an ruat kha Mizoram Forest Department te pawhin kan enkawl thei tawh a,’kan lo enkawl ve tawh ang e’ tiin sawi sela.A remtih chuan harsatna reng reng a awm lo a ni mai a,arem tih lo erawh chuan Nagaland leh Assam inkar enfel tur Boundary Commission an siam ang khan Assam nen kan inkar en fel tur Boundary Commission din turin nawr ni se. tih te a ni. He mi zawh hian sawihona hun hman a ni.Tin,MZP hruaitu hluite chawimawina pawh neih a ni bawk.MZP General President kalchhuak ta te leh Vairengte Sub-hqrs President kal chhuak ta Lalrintluang renthlei hnen atangte in thu sawi ngaih thlak a ni bawk.

News Tawi:-
MGNREGS hlawh la hnai
BDO hnen atang a thu kan dawn danin tun thla ni za inhlawhna chu ni 12 hlawh  Dt 23 hmain a lak theih dawn a.Ni 2 hlawh eawhchu ni 23hnu ah a lak theih dawn a ni.Heng hlawhte hi BDO in vawiin hian Bank atangin a la chhuak dawn a ni.

I.D Card chungchang
SDO(C) hnen atang a thu kan dawng angin VC inthlanna tur atan a Identity Card,Epic etc.te hi vote thlakna khua a mi kher a ngai lo ang,entirnan Driving lisence,Voter ID etc.Hmun dang a mi pawh a hman theih a ni

Residential certificate siam tumte tan
Residential Certificate Vote thlakna atana siam tumte chuan Dt 19 Feb. thleng chauh Election Commission in a phal a vangin SDO(C) hi Inrinni leh Pathianni ah pawh a dawr thei dawn a ni.

Zenghri dan pe dawn
Karthar Dt 21-22 feb.(Mon-Tue) hian CHC Vairengte bul tumin Zenghri danna naupang te hnen ah pek leh tum a ni a.Hetiang hian veng hrang hrangah Booth siam a ni.
1.Police Check Gate,Kawngthar
2.Education Rest House,Hall veng
3.Anganwadi,Tlangnuam
4.Vairengt Sub-center,Bangla veng
5.Anganwadi,Field veng
6.State veng
7.IOC
8.N.Chhimluang
9.Factory peng.

VHSS 100% Pass
Nimin khan Vairengte Higher Secondary Class XI result a chhuak a,Mi 27 in exam hi an bei a,an vai hian an Pass vek a ni.1st division-ah C.Lalmuanpuii D/o C.Lalngurliana, kawngthar veng chu a pass a,2nd Division-ah hian Mi 9 pass in,3rd Division-ah mi ah hian Mi 7 an pass bawk a ni

Joint YMA committee thurel thenkhatte
Dt 16.2.2012 zan khan Pu Laithangvunga in hall vengah comiittee neih a ni a,Thla thar Dt 22-23 March a Serlui Group YMA Conference lo awm tur a inbuatsaih nan Dt 17.3.2012 khian Branch hrang hrangte  Conference a intihsiakna tur Item hrang hrang a inelna lo neih lawk tum a ni a,1st prize a tan Rs 3000/- a ni a nga,2nd prize atan Rs 2000/- a ni bawk dawn a ni.Heng bakah hian consulation prize siam a ni a,amaherawhchu a telte hian Item hrang hrang ah an tel kim vek loh chuan consulation prize hi pek an ni dawn lo a ni.He mi atan hian Fixture pawh siam fel vek a ni tawh bawk a ni.Tin,Zan lamah Kum puan hawnna hun hman  tur a ni a,Programme kimchang chu O.B te kutah a awm dawn a ni.Hemi  zan atana zinglama Thuthlengte lo rem fel turin Venglai Branch,Hall veng Branch leh Hmar veng Branch te beisei an ni bawk.Sanctuary Area a Demarkation pawh hun remchang hmasa ber a neih leh nise an ti bawk a ni.

Middle School Zonal Sport atan Committee neih a ni.
    Nimin khan Dt 27-29 Feb. a Vairengte khawchhung a Moddle School hrang hrangten Sport an neih tur a tan Committee neih a ni a,Committee hmasa lam Ft 4 hnuai lam intihsiakna neih tur a an tih chu Ft 4 leh a chanve hnuai lam nise tih thlak a ni a,an intihsiakna tur a tan 100 meter Race nise an ti bawk a ni.School tin atangin Mipa leh Hmeichhia mi pang(5) theuh tel nise .Tin,Item hrang hrangah Incharge tur ruat belhna nei a ni a.Heng bakah hian Fixture fel fai tak a siam a ni bawk a ni

 Editorial : 
     Hmanni a legal awereness neih a nih khan kan Resource person-te hnen atanga kan ngaihthlak angin Job Card neilo tur ten kan neih tam lutuk avangin Material Component hi a awm thei ta lo angin an sawi a,chutih rualin kan District ngei pawhin kan mamawh tur zah sum state sawrkarin min pek  theih lo thu an sawi bawk a.Khami chungchang a ka zawhna kha felfai tak  a chhan a ni lo a.A hma pawh a kan neih theih reng kha tun kum chhung hian Job Card hi a pung ta hluai em ni? nge kan sawrkar hian sum in daih lohna leh NLUP sem nan a hmang ta zawk? A nih loh chuan kan Officer lamte hian an lo paipawn ta zawk mai em ni ang le!!

Read More

Dt.17th. Feb.2012(Rengkhawpui)

Community  Hall-ah Awereness of Perfomance Art among Young Generation  neih a ni.

        Dt 17.Feb.Vairengte : Nimin khan Kolasib DC hmalakna angin India International Rural Cultural Centre(IRCEN) New Delhi ten Vairengte Community Hall-ah Indian Classical dance  chawi lar nan zai leh lamin Vairengte a school hrang hrang a naupangte an entir a ni.
          He Awereness in a tum ber chu Indian Traditional dance te hi thangthar te hrilh hriat leh an ngaihsan theih nan a ni.He Programme ah hian Answasa Mahanti Ph.D, in India Art(Cultural & Classic) MA.English, B.Wath(Singer & Musician) leh Hari Saikia(Drum) te an lo kal a ni. India ramah hian Classical dance pariat a awm a,chung zing a pakhat Satrya Dance an tih bik Assam atanga kum 1558 bawr vel atanga lo piang tawh chu an rawn entir a ni.Anni ho hi kolasib District chhunga School hrang hrang an fang kual dawn a ni.Nimin chawhma lam khan Vairebgte H/S,Govt.M/S-III ,IOC UPS school  leh Vairengte Higher Secondary School ten he show hi an en a,Chawhnu lamah Govt M/S-I,St.Henry School,M/S-II leh H/S-II ten an en ve leh thung a ni.Dt 13.2.2012 khan Govt.Venglai H/S, leh St.Maria Goretti School-kawnpui ah te an kal tawh a,Dt 14.2.2012 khan Govt.M/S-I leh Govt.H/S- kawnpui ah an kal leh a ni.Dt 15.2.2012 kan Govt.Diakkawn H/S leh T.S Luaia M/S te pawh an tlawgh bawk a ni.
    An zing a lamtu ber nula Answasa Mahanti  hi India Classic dance-ah Doctorate degree neiin aia a  sang zawk nih tumin tunah hian a bei mek a ni.He hunah hian Schhol naupang an kal tha hle a,zirtirtute pawhin naupangho hi an tawiawm tha hle bawk a ni.

News Tawi:-
Sangati Khawmpui
Zanin Dar 6:30 atang a tanin Vairengte Presbyterian Kohhran ah Masihi Sangati Area meet neih a ni dawn a ni.He Area meet hi kolasib District huam chhung tur a ni.

Mikhual hmuak dawn
Masihi Sangati khawmpui a mikhual hmuak turin Vairengte Branch KTP-te a ruat an nih angin Vawiin zing dar 10:00 atang hian Pu Zawlroluta In,venglai ah mikhual hmuah tur a ni a,KTP member-te kim tak a kal turin an in hriattir a ni.

Inbuatsaih mek
Tunlai hian Serlui Group YMA conference atana inbuatsaih nan Branch hrang hrang a YMA memberten cultural dance leh khawhar hla an zir nasa hle a ni

Campaign bei ngawr
Tun thla ni 23.Feb.a VC inthlan lo awm tur atan tunlai hian Candidate-ten campaign an bei ngawr hle a,Political party hrang hrangte pawh an in hmukhawm zing hle niin thu kan dawng.

Residential Certificate Siam theih
Tuntum VC  Inthlan lo awm tur a tana VC roll a awm tawh si Voter ID nei lo leh tibo ten palh ten Vote kan thlak ve theih nan SDO(C) office a Residential Certificate hi  siam theih a ni a,thlalak passport size keng tel bawk tur a ni.

NGENNA
Village Council/Local Council inthlan 2012-a kan neih tur atan Kolasib District MPF chuan Political Party, Candidate leh mipuite ngenna a siam a, heng ngennate hi zawm theuh turin kan inngen a ni.                1.State Election Commission, mizoram-in Election Model Code of conduct a siamte zawm theuh nise.        2.MPF leh Political Party hrang hrang aiawhte’n thawhho dan tur thuthlung an siamte ngai pawimawha zawm theuh turin.                        3.A chunga sawi takte zawm chunga mahni hmun theuhah MPF local Forum te nena thawkho theuh turin.            4.Vote nei zawng zawngin rilru thianghlim taka roreltu siamna turinah vote thlak theuh turin.
India ram ropui takah hian inthlan kan buaipui/buatsaih dan hi midangten an awh leh tihtheih ve an chak a ni a.Midangte entawn tlak tling ngei turin i tang tlang ang u.

MZP ten seminar nei dawn
Vawiin chawhnu dar 1:00 hian Community hall-ah MZP Kolasib District Hqrt. buatsaihin Boundary Chungchangah Seminar neih a ni dawn a,He tah hian khawchhung a NGO hrang hrangte leh School naupang thenkhat te sawm an ni.

Editorial :
        Chanchinbu han enkawl meuh chuan mahni tawkah a lo buai ve thei ngei mai ! kan khua ah nitin chanchinbu chhuak pahnih kan nei ve a,Vairengte hi kan khua a la len tawk loh zia a hriat thin. Chanchinthar mipuite hriat awm deuh chi pawh kan nei tam lo hle thin a,chutihlai in mithenkhatin beiseina sang tak nen min thlir thin tih pawh kan hria,in beiseite tihlhawh tling tur chuan tun atang hian kan zavai a kan tan rual a ngai a,thu ziak leh chhiar lamah hian hei aia tan kan lak ve deuh hi chu a ngai a ni lo maw?..

Read More

Dt.16th. Feb.2012(Rengkhawpui)

District Legal  Services Authority buatsaihin comunity Hall-ah Legal Awareness neih a ni.

     Dt 16.Feb.Vairengte : Nimin khan Kolasib District Legal Services Authority ten Vairengte community hall-ah Dan leh hrai lamah in hrilhriatna  an rawn nei a,Hetah hian MUP,MHIP leh  YMA Branch hrang hrang O.B te an kal khawm a ni.
      He Awereness-ah hian Pu Lalrammawia’n meeting kaihruaiin  Resoures Person pahnih awmin Pu Joseph Lalremliana,(AAP/AGA, District Court kolasib)hian topic pathum sawiin MGNREGS 2005, Consumer  Protect tion Act 1986 leh Mizo Customary law-te leh Pi Happy Laldingliani,(Chairman District Child Welfare Comt.)in Child Protection act chungchangte a sawi bawk a ni. MGNREGS 2005 Act chungchangah mipuite hria tur leh kan chanvo te a sawi a,Job card chungchangah tun sawrkar kum thar atang chuan sawrkar hna thawk te leh sum lakluhna felfai tak neite chuan Job card hi an nei thei tawh dawn lo a ni a ti.Tin,hnathawhna hmun pawh khua atang a KM 5 aia a hla ah chuan TA atan an hlawh  atang a chhutin 10% an pek belh tur a ni bawk.MGNREGS hi VC te kutah awm in Kum khat chhung a an hnathawh tur pawh felfai takin work plan an nei lawk tur a ni a,mimal ang thawh duh pawhin MGNREGS hi thawh theih a ni a,a huhova thawh dual dual kher a ngai lo a ni.Hlawh hi an thawh zawh atang a ni 4 chhungin an pe chhuak ngei ngei tur a ni bawk a ni a ti.An pechhuak loh a nih chuan VEC ten hma an la tur ani a ti bawk.Consumer Act chungchangah chuan kan thil leite a MRP in ziahna man aia to in kan lei tur a ni lova,kan thil leiah a hman dan felfai takin a in ziak tur a ni bawk.Hetang ang a aman aia to emaw,engmah inziak a awm lo anih chuan District Forum,kolasibah ziakin kan thil leina document fekfai tak nen complain theh luh thei a ni a,an ni ho hi hian Rs nuai 5 man thleng an rel sak thei a ni.Tin .hengbakah hian miman te dikna leh chanvo chungchangah,hmeichhiate hi zing ni chhuah hma leh ni tlak hnuah man an thiang lo,miman reng rengte misual a ni tih fiahna a awm lo chuan darkar 24 aia rei an kawl thiang lo a ni a ti bawk.Pi Happy Laldingliani hian Naupang te enkawl leh ven himna chungchang a sawi a,Mipuite lam atangin zawhna leh chhanna hun pawh hman a ni.

News Tawi:-
School naupangte tan
Vawiin zing Dar 11:00 hian Vairengte Comunity Hall-ah Indian International Rural Cultural Centre New Delhi atangin National Inrtigrated Programme pakhat Zai leh lam thiamten kan Area-ah an rawn kal dawn a,He hunah hian Vairengte HSS, Vairengte High School leh Middle School III te an tel dawn a ni.

Report lo

Tun hnai a,Vairengte Police in hel an man chungchangah State veng chhung mipuite report ang a sawi awm a,State veng YMA hruaitu zing a pakhat sawi danin heng helte hi an report vang a man ni lovin Police ten anmahni hriatna a tang zawk a man an nih tih thu kan dawng a ni.

Lirthei Park-na hmun

Vawiin hi Vairengte Bazarni a ni a, Police duty thin te hnen atang a thu kan dawn danin Parking Area nilo ah lirthei lo dah thin ten harsatna an siam sak fo thin a ni.Hemi chungchangah hian lirtheikhaltuten  parking Area dik takah park thin turin min hriattir a ni.

Joint YMA Comittee dawn
Zanin Dar 6:30 hian JOint YMA te Pu Liithangvunga In,Hall veng ah Committee an nei dawn a, Committee member ten ngai pawi mawh theuh turin an in hriattir a ni.

SDPO awm dawn lo

Kolasib a Human Traficking Awereness neihna tur ah SDPO chu Resources Person a nih a vangin Office-ah a awm dawn lo a ni

VHSS Hriattirna

VawiinDt.16.Feb.2012(Thur- sday) Dar 9:30 Am hian Vairengte Higher Secondary School Zirlai(Cl-XI & XII) zawng zawngte Full Uniform nen School-ah kim vek tur a ni. India International Cultural Centre, New Delhi atanga Zai leh lam thiam ten Kolasib District chhunga Zirna in hrang hrang tlawh kualin hun an hmang dawn a, Zirlai zawng zawngte kim taka kal vek tur a ni.
Tin, Class-XII Board Exam turte’n hemi ni hian Office-ah Admit Card lak nghal tur a ni ang.

In sakna ah che sual

Nimin zinglam dar 9:30 bawr vel khan Pu Lalropuia,kum 54,Kawng thar veng,Lalruatmawia  Pa chu an in  Selling siamin a rahna a pial palh a ,an kawmthlang kawr ah thui tak a lum a,thu dawnnna in a sawi dan chuan a lumna hi Ft 30 bawr vel lai a thui a ni awm e.An in hi la sak zawh loh niin a bang pawh la pin loh a ni a,Tin a chhuat pawh hi la kilh nghet lovin thing phel an phah mai mai rih a ni.A lumna lamah hian a ke leh nak bawr vel lai a sawn na viau a .Damdawiin ah rang tak a phur phei nghal niin a nak hi a x-ray tur a nih lai iin Power awm loh avangin an ti thei lawk lo a ni.Doctor in x-ray result a hmun danin a khup ruh a khi deuh ni a a hriat avangin Hmunpui pan turin Aizawl lamah a reffer a,Nimin lam khan an tlan chho nghal a ni.

Read More

Dt.15th. Feb.2012(Rengkhawpui)

JOINT MEETING
(MFP,All Political Parties, Joint YMA)

        Dt 15.Feb.Vairengte : Kan hmalawk Dt.23.Feb.2012-a Village Council Inthlanna kan neih turah MPF Joint Forum kaihhruainain Party hrang hrang aiawhte leh  Joint YMA aiawh te chuan Dt.13.February.2012(Mon) 12.30 p.m SDO© Conferecne Hall, Vairengte-ah Joint Meeting neiin Inthlanna felfai leh muanawm kan neih theih nan inremna thuthlung lungrual takin an siam a, Party tinten heng a hnuaia  thuthlung hi zawm vek turin an ngen a ni.
       1.Common Election Camp chungchung:- Village Council Inthlanna tura State Election Commission(SEC)-in Model Code of Conduct –a siam angin Inthlannia Party tinte hmun khata an awmna tur Common Election Camp siam ngei tha kan ti a, tlawmngaia a siam mawh lo phur turin  heng Branch te hi ngen nise kan ti.
1).Vairengte-I lamah- Hmarveng Branch YMA
2).Vairengte-II lamah - Fieldveng Branch YMA
    Party tinten Dawhkan mahni hman tur pakhat theuh leh Thuthlengsei pathum theuh intum ni se kan ti. Common Election Camp-ah hian Party mi pathum ai tam Duty loh nise tha kan ti bawk.Tin, Common Election Camp siam nan hian Party tinte’n Rs 100/- theuh thawhkhawm nise kan ti.
2.Election Ni a Voters Phurh chungchang: - Election Ni a Voters phurh hi Election Model Code of Conduct-in a phalloh a vangin hemi ni hian Party tinte Voters Motor hmanga phurh loh nise, Party tinten hei hi zawm tlan vek nise kan ti.
3.Dawr Siam :- Inthlanni hian Polling Booth bulhnaiah inthlan denchhena Dawr engmah siam loh nise kan ti.
He Meeting-ah hian Party tin aiawh mi pahnih theuh an kal a, Joint YMA atangin mi pahnih leh MPF atangin mi pathum hruaitu an tel bawk.

News Tawi:-
ZD Schhool Sport
Nimin atang khan ZD School naupangte chuan Field No II ah Sport an nei a,Tun tumah hian Middle Sect.Class V- VIII chin chau an Sport A a,vawiin lamah erawchuan Primary Section lam pawh an tel ve tawh dawn a ni.

RCC Programme

Naktuk zing Dar 11:00 atanga tanin Indian International Rural Cultural Centre New Delhi atangin National Inrtigrated Programme pakhat Zai leh lam thiamten kan Area-ah an rawn kal dawn a,He hunah hian Vairengte HSS, Vairengte High School leh Middle School III te an tel dawn a ni.

SDPO hoin Tranning dawn

Naktuk ni 16-17 hian Kolasib SP buatsaihin Anti Human Traficking Training neiha ni dawn a.He tranning-ah hian Kolasib District huam chhung a NGO hrang hrangte leh Police ten trainning hi an nei dawn a,Kan SDPO pawh Resource Person zing-ah a tel dawn a ni.

Vairengte Zone Football Committee nei

Nizan dar 6:30 khan Muansanga te in zalen veng ah Vairengte Zone Football Association ten Committee an nei a,Tun tum Red Ribon Inter Village Football Taurnament lo awm turah hian VC election-te a hnaih tawh avang leh sumlamah Sponsore tu tur an awm loh avangin an tel thei dawn lo a,Club ang a kal duh an awm erawchuan entry fee an tum sak thei dawn a ni.Entry fee hi tunkar zirtawpni hma a tih fel a ngai a ni.

Venglai Branch in Lam zir

Nizan khan Venglai Branch YMA te chuan Excise tlang-ah Serlui Group YMA conference lo awm tur atan lam an zir a member hi an kal tha thawkhat hla a ni

VHSS Hriattirna

Dt.16.Feb.2012(Thursday) Dar 9:30 Am hian Vairengte Higher Secondary School Zirlai(Cl-XI & XII) zawng zawngte Full Uniform nen School-ah kim vek tur a ni. Hemi ni hian India International Cultural Centre, New Delhi atanga Zai leh lam thiam ten Kolasib District chhunga Zirna in hrang hrang tlawh kualin hun an hmang dawn a, Zirlai zawng zawngte kim taka kal vek tur a ni.
Tin, Class-XII Board Exam turte’n hemi ni hian Office-ah Admit Card lak nghal tur a ni ang.

ICMR ten Vairengte ah Research nei mek

Nimin atang a tanin Aizawl Civil Hospital atangin ICMR(Indian Council of Medical Resaerch) team-te chuan Vairengte ah ‘Zunthlum hi engvangin nge awm nge? ei leh in vang nge? Kan life style vang em ni?’ tihte research an nei mek a.He research hi Khawvel Reasearch nei tawh ah chuan a lian ber dawttu a ni a,India ramah chuan a lian ber tur a ni dawn a ni.Mizoram chung khua 500 thlan chhuah zingah vairengte hi an research neihna hmun tur pakhat a tan an thlang a ni.Anni hian Zunthlum veite hian eng vangin nge an vei tih te,enge an ei bik tih te an enfaih dawn a,Tin nimin lam khan Vairengte bikah mi 24 an thlang chhuak a,heng ho hi B.P check  leh Zunthlum leh thlum loh check-te pawh a thlawnin an tihsak vek dawn a ni.Tunkar chhung zawng Vairengte ah an awm dawn a,Education rest House,Hall veng ah an in nghat a,an vai hiam mi 10 lo kal in nimin khan an zing a 5 te chu phainuam lamah an kal ve thung a ni.

Read More

Dt.14th. Feb.2012(Rengkhawpui)

SDO(c) hovin Political Party hrang hrangte leh kohhran hruaitute,Candidate-te leh Police-te nen meeting nei

 Vairengte Dt 13.Feb.2012 : Nimin zing dar 10:00 khan SDO(c) conference hall-ah VC election lo awm tur chungchangah meeting hi tan  a ni a,SDO(c) hoin in kaihruaiin VC candidate-te,MPF, Political Party hruaitute,YMA Hruaitute leh SDPO te nen meeting hi neih a ni.
   He meeting-ah hian Political Party lam leh VC candidate te leh YMA hruaitute pawh an lokal tha hle a,MPF lam atang pawhin Chairman leh Vice Chairmante pawh an lo tel thei a ni.Tun tum VC in thlan lo awm tur hi Election Observer vawikhatna awmna a ni dawn a,Election Observer atan Pu K.Lalrohlua SDO(c) SEC in an ruat a ni.Chairman hian Election Observer mawhphurna leh tih turte sawin,Inthlan that tul ang a awm chuan,Observer report hi a pawimawh hle dawn a ni.Vote thi chungchangah hian Ballot paper-ah candidate-te aia tam seal a in chhut chuan vote hi a thi thei a ni.Chutihlaiin candidate symbol  chhungah in chu nawn mahse vote a nung ve thung a ni.
Ni 100 in hlawhna  hi ni 17 atang khi chuan inthlan zawh hma chu a thawh thei tawh dawn lo a ni.Tin,Inthlan ni ah candidate-te Motor hmang a vote thlak turte phur kual phal a ni lo a,anmahni hman tur bik pawh an Bialtu R.O tur a ni a.A hun atan  zirtawpni tlai dar 3:00 thleng khian dil theih a ni.Polling boot chhungah hian R.O bakin Mobile phone ken luh phal a ni lo a,chu pawh chu silent mode a in a dah tur a ni.He inthlaan lo awm turah hian Common election Camp neih tur a ni a,Party hrang hrangin Mahni a nei lovin hmunkhat ah Camp hi siam a ni dawn a ni.Inthlanna ah hian lungawi lohna a awm a nih chuan Election Observer hnenah thlen tur a ni.MPF leh R.O-te hnen atangin thusawina ngaihthlak a ni a,he mi zawh lamah hian zawhna leh chhanna hun hman a ni bawk.

News Tawi:-
Tun tum VC inthlanna lo awm turah hian Election Observer-in thupek a chhuah angin Voter I.D nei lo chuan phal chin 14 a nei a,chung zing a kan neih tlang lawn deuh deuh  Driving Licence,Silai Licence, Student card, Residencial  Cert-ificate thlalak chuanna ngei leh Seal chhut hnan a neih a ngai a,heng hi an neih lo anih chuan Vote hi a thlak theih dawn loh a ni.Hrechiang duh tan SDO(c) Office ah zawhfiah thei a ni.

Training nei

Nimin khan SDO(c) Office-ah  Economics Census nei mek a tan PC Tablets hman dan  Tranning neih a ni a,Tranning petu hi Mos-a kolasib a ni.

Tawrhpuina

Vairengte Aw Editor Pu C.Lallawmzuala fapa chu vanduaithlak takin nimin lam khan meiin a in ti kang palh a,Vairengte Aw pawh a vawiin lam chu chhuak theilo a ni.Editoria board chuan kan tuarpui hle a ni

Hel man
SDPO hnen atang a thu kan dawn danin Tunhhnai khan Manipur hel hlun ber UNLF  ni a rinhleh pahnih  Vairengte ah man an ni a.Heng mite an la in puan loh avangin tunah hian an la kawl mek a ni.

RIFLE SHOOTING COMPETTITION NEIH HUN TUR CHIANG TA

    Vairengte Rifle Club hruaitu te hnen atanga thu kan dawn danin hun eng emaw lai atanga Air Rifle Shooting Compettition nei tura ruahmanna an lo duan lawk tawh chu nimin thawhtan ni khan SDO(C) hnenah Permission la felin Shooting Compettition chu kumin Mizoram State Day pualin Feb ni 20 khian a duh apiang tel theih turin 10m Air Rifle Open Shooting Compettition buatsaih an tum thu dawn a ni a.
    Compettition kal hmang tur Club hruaitu te duan lawkin a tarlan dan chuan Vawiin thawhlehni atang hian Compettition a tel turte tan Entry Form pek chhuah tan a ni ang a, Entry Form lak chhuah rual hian Entry Fee Rs. 50/- pek nghal tur a nih bakah VC-II lam tan Raltec Enterprise Thelma Hotel bulah leh VC-I lam tan Pu Lalengkima Editor Rengkhawpui Daily News Paper Venglai bulah lak chhuah theih a ni a, he Compettition ah hian Senior leh Junior Category siam a ni ang a, mipa leh hmeichhe tan pawh tel theih a ni dawn niin thu dawnna chuan a sawi a, pakhatna atanga pathumna thlengte hnenah lawmman Certificate leh tangka fai thahnem tham tak buatsaih  a ni dawn bawk.

NLUP SEM THULH RIH DAWN

Nimin chhun dar 12:00 khan PIB Conference Hall-ah State Election Commission (SEC) hotute leh NLUP Line Department hotute an thu khawm a, VC/LC General Election zawh hma chuan NLUP sum sem rih tawh loh nise, tih an rel.
Vairengte a Fishery  Depertment in NLUP sem a tum vek tawh pawh semchhuah rih a ni dawn lo a ni.

Read More

Dt.13th. Feb.2012(Rengkhawpui)

Bial Kohhran Hmeichhe hruaitute

Kum 2012-13 a Vairengte Presbyterian Kohhran a Bial hmeichhe hruaitute
Chairman : Pi H.B Laltlanliani
V.Chairman : Pi Zosangpuii Miller
Secretary : Pi P.C Laltanpuii
Asst Secy : Pi Zodinpuii
Treasurer : Pi Vanlalruati
Fin.Secy : Pi Kapkimi

Mi In a Buaina siam man

Vairengte Police station atang a thu kan dawn danin Dt11.2.02 IOC venga chhungkaw pakhat chu mipakhatin an in chhungah buaina a siamin in neitupa inbual hlanin an nupui chu kut hial a lo thlak a,he pa hi police in man in case siam sak a ni a,Kolasib court-ah an thawn nghal a ni.An hming erawh hi chu tarlan a remchang rih lo a ni

SDO(c) in meeting ko

Vawiin zing dar 10:00 hian SDO(c) conference hall-ah VC election lo awm tur chungchangah meeting hi neih tur a ni a,SDO(c) hoin VC candidate-te,MPF, Political Party hruaitute,YMA Hruaitute leh chanchinbu mite bakah security lamthawktute nen meeting hi neih tur a ni.

Venglai YMA hriattirna

Vawiin tlai dar 3:00 hian Pu.C Malsawma te In,Kawngthar ah Venglai Branch YMA member zawng zawngte kal khawm vek tur a ni a,hetah hian Serlui YMA Group conference a intihsiakna tur atan Items chi hrang hrang te zir tur a ni ang.

Training dawn

Dt 15.Feb.(Nilaini) khian Tun tum VC inthlanna tur a Returnning Officer leh Polling Officer te Bilkhawthlir ah Tranning an nei dawn a ni.

NLUP sem

Inrinni Khan Pu C.Malsawma In,Field veng ah zing dar 7:00 khan Fishery Department ten NLUP a thawhhnihna atan an sem a ni.

Damdawiin a awm te
1.Margeret-i(Kum 12)


D/o Robina,Zalen veng
2.V.L Hmangaihzuala(Kum 7)
Chhim veng
3.Khualbawia(Kum 88)
Chhim veng
4.Ngaihpeki(Kum 50)
chhim veng.
5.Lalthlamuana(Kum 29)
S/o Romawia(L) bangla veng.
6.R.Rokunga (Kum 75)
Zalen veng
7.Lallawithanga(Kum 83)
S/o Sangthanga(L),Phainuam.
8.Augustine B.Lalnunhlima
S/o Paul Roluahpuia,IOC
9.Lalhminmawii9Kum 24)
Bangla veng.
K.Lalliantluangi
Sericulture farm
10.Davida-a(2month)
State veng.
11.Vanlalnghaka (kum 1 leh a chan ve)
IOC veng

Economic Census tan dawn

Vawiin a tang hian Economics Census tan a ni dawn a,Enumerator-ten in tinah lut kualin census hi neih tur a ni a.Chungkaw tinte, In nghak turin mipuitling,zawhna te  chhang thei tur lo awm theuh turin an ngen a ni.Tin,He census hi mi thenkhatin an hlau tih hria in he census hi a hlauhawm lo a, Economics chungchang a kan dinhmun dik tak Central Sawrkarin a hriat nan leh chumi atang a Five year plan an siam dan tur a hril dawn a ni.chuvangin mipuite pawhin lo tawiawm tha turin an ngen bawk a ni.He census hi Feb.29 hma a neih zawh hman tur a ni ang.

Editorial :

        Tun hnai a kan ram a pawngsual thleng ta fo mai hi enge a chhan ni ang le? Kar hmasa chhung ringawt pawh khan zoram chungah hmun thum lai ah inpawngsualna hi a thleng a ni.Heng hi a chhan ni ber a lang chu,tunlai a changkanna hrang hrang,TV, Computer leh Mobile a flim thalo kan kawl vang leh kan incheina lepchhiah tak tak vangte hi a ni ngei ang le.changkanna hian thlalaite min run thut a,a hman tangkaina lam aiin a hman sual dan kan thiam hmasa leh si a nih hi..Nu leh Pa te pawh hian hetiang lamah hian kan fimkhur a tha awm e.Kan fate nun hi zirchiang ve thin ang u.Changkanna hi kan hman thiam loh zawngin thang hlauawm tak a ni thei a ni.

Read More

Dt.11th. Feb.2012(Rengkhawpui)

STATE ELECTION COMMISSION MIZORAM
MODEL CODE OF CONDUCT

 Vairengte Dt.11.2.2012 : Sub-rule (1) of  Rule 3 of mizoram (constitution of State Election Commission)Rules,2008 leh Notification No.B.14016/1/07-LAD/VC Dt 15.1.2009 anga Governor-in thuneihna a pek angin V.C in thlanna thianghlim leh felfai a awm theihna tura Political Party leh mimal Candidate zawng zawng te’n tih leh tih loh tur an hriat theihna tur atana ‘Kaihruaina’S.E.C tih chhuah te chu hengte hi a ni.
  I.Introduction :
1.He Kaihhruaina hi ‘Model Code of Con ductto Election to Village Council tih a ni a,Political Parties,Contesting Candidates, Minister,Parlamentary Secretaries, MLA,Municipal Councillors leh VC inthlan na a inhnamhnawih Public Servant-te a huam ang.
2.He Kaihhruaina hi inthlanb neih hun tur S.E.C-in apuan atanga hman tan tur a ni ang.
II. General Conduct :
1) Chi leh chi,hnam leh hnam feeling chawk chhuak zawnga vote zawn awih a ni lo.
2)Sum leh paia voter-te thlem a thiang lo.
3.)Party hruaitu emaw candidate-te emaw mimal nun mipui rawngbawlna lam nena inkaihhnawih ni silo sawi chhiat vak vak khap a ni.
4)Sakhaw biakna hmun hrang hrangte mahni Party sawi mawi nana hman awi a ni lo a,heng hmunah te hian campaign nana poster tar music tihchhush khap a ni bawk.
5)Party pakhata mite’n Party dangte Public Meeting nei lai,tawngka emaw  ziaka zawhna zawt emaw,an lehkha semlai tihbuaisakin emaw an tibuai tur a ni lo.
6)Sum leh pai hmanga intham te,invau te,mi lema chan te,Polling Station atang a meter 100 bial chhungah lam tang siam tuma campaign te,an vote beiseina avang a vote thlak turte motor-a phurte lehcampaign theih chhung ral hnu a public meeting lo la buatsaih fote khap tlat a ni.
7)An phalna la hmasa lovin mimal In leh Lo Party flag emaw banner emaw hriattirna emaw,party au hla tar nan hman theih a ni lo.
8)Votethlak tan hunbi tuk atanga chhiar let a darkar 24 huam chhungah tumah campaign an beih tawh tur a ni lo.
III. Meeting :
1)Public Meeting neih tumte chuan an ,eeting neih tumna hmun leh a hun,ahma lamin thuneitute an hriattir tur a ni.
2)Meeting huai hawttu Party leh candidate-te chuan an Meeting neihna tur hmun thuah khapna thupek dinglai a awm leh awm loh an hrechiang hmasa tur a ni a,chutiang dinglai order a awm chuan an zawm ngei tur a ni.
3)Meeting neihnaa hman tur aurinna leh hmanraw hman phalna dil a ngai anih chuan,chutiang neih tumte chuan thuneitute  hnenah phalna an la hmasa ngei tur a ni.
(Model Code of Conduct hi a tam tham deuh avangin remchang hmasa berah kan rawn chhuah leh dawn nia.)

News Tawi:-
Silai inkah siakna nei dawn
Vairengte Rifle Association-te hnen atang a thu kan dawn danin SDO(C) leh SDPO leh mi pawiamawh te an biak fel hunah Remna (21Feb.) Ni denchhen hian Vairengte Field-II ah Shooting Competition ropui tak neih an tum a,Entry Fee atan Rs 50 a ni anga,Junior (18hnuailam) leh Senior (18 chunglam) tan a ni ang.

MVI Hriattirna

Vairengte Enforcement Inspector hnen atang a thu kan dawn angin Lirthei khalh tute Document felfai lo leh Driving Licence neilo chuan lirthei khal lo turin leh Auto Driver-te Three wheeller Driving Licence nei ngei turin an hriattir bawk a ni.Tin,tunlai hian kum tlinglo leh School naupang Form ha chunga lirthei khal thinte hi dan phal loh a ni bawk.

Zonal Sport nei dawn 

Nimin a Middle School hrang hrang a Zirtirtute meeting chaun Vairengte a middle School  ten tun thla Dt 27-29 hian Zonal Sport neih an rel a,Heng an intihsiakna turte hi Field No.II ah leh Community Hall-ah te neih a ni ang.

Bawhhlawh Paih dawn
Hmar veng Branch YMA chuan an veng chhunga bawlhhlawhte Motor hmang a paih fai ni se an ti a,Vawiin zing a tang a tanin zing dar 6:30 hian tlangnuam atanga chhuak tanin chhim lam panin he bawlhhlawh phur motor hi alo chhuak phei zel dawn a,veng chhung a mipuiten mahni bawlh hlawh theuhte motor hmang a paih theuh turin an in ngen a ni.

SDO(c) Meetingin kal

Nimin khan SCO(C) Pu.K Lalrohlua chu Kolasib D.C Office ah SECC (Social Economic & Case Cencus) meeting neihin a kal a ni.

MLA bial fang

Kan Bialtu MLA, Pu K.Lalrinthanga chuan a bial fangin kan hma lawk VC in thlan lo awm tur atana a Bial a khaw hrang hrang ah Campaign a neipui mek a ni.Serlui Construency chung a khaw sawm leh paruk(16) ah khaw sawm leh pathum(13) tlawh tawhin nimin zing khan  Phainuam tlawhin Nizan khan Vairengte ah Public meeting a neih pui bawk a ni.

Economic Census nei dawn

SDO(c) hnen atang a thu kan dawn danin karthar thawhtanni a tang a tanin Economic Census neih tan a ni dawn a,Census hi Dt 29,Feb. ral hma a neih zawh hman tur a ni. kan tarlan tawh angin PC tablets 14 an dawn pawh a hman dan tur  tranning pe turin mi pali(4) Aizawl lam atangin an lo chhuk dawn bawk a ni.

  

 Editorial :

     “Politics hi mi tlemte ham thatna tur a mi tam tak atna” tiin Pu Gandhi-a khan a lo sawi tawh a,India ram Politics thlirna atang leh tun hun kan tawn mek atang hi chuan a dik thin khawp mai.Heti hian tha hnem ngai takin kan bei tlang a,tute emaw chuan a hlawkna an chang leh thin.Amaherawchu khawvel huap a kan thlir erawh chuan Ram leh hnam,Khawtlang nun siam that nan he Politics tho hi an hmang a sin.Party Politics kan ruih chilna hian khua kan hmufiah lo a,Thenawmte chawthleng kan dai bua a,kan thleng chhungah kan la hui lut duh zui nen.A thlum a al ei za thin zofate hian,Kan ZONUNMAWI  tak leh RINGTU  kan nihna hi kan theihnghilh zo ta em ni le?..

Read More

Dt.10th. Feb.2012(Rengkhawpui)

Kum 2012-a Village Council I & II a Party hrang hrang a Candidate-te leh Symbol

Vairengte Dt.10.2.2012 : Dt.23th.Feb.2012 - a  Village Council Inthlanna lo awm turah tunlai hian Party tin ten tan an la nasa hle a,kan lo sawi lawk tawh angin VC-I leh VC-II a Party hrang hrang candidate-te leh an Symbol-te chu kan han tarlang e.
Vilage Council - I
MNF Party            Symbol
1.B.Dokunga        - Thlawhtheihna
2.Vanlalzuia        -    Arpui
3.Zalawta        -    Sava
4.Lalrinmawia Sailo    -    Vaibel
5.T.Lalrosanga    -         Khumbeu
6.Vanlalsawma    -        Lehkhabu
7.Lalzarliani        -    Tuibur
Congress(I)
1.H.Lalthanzuala    - Thingzai Chem
2.H.K zapara        -    Bakcheh
3.Lalbiakzama    -  Balhla Pahnih
4.Lalrinawma        -    Tarmit
5.Lalthanmawia    -    Chemte
6.Remruatpuia    -    Chem
7.V.L Dika        -    Nihliap
ZNP
1.Lalsawmliana    -    Khuang
2.Lalthlamuana    -    Ipte
3.Lalnunkima Ngente-           Telephone

    VC-I lamah hian mi sawm leh pasarih(17) ten VC Post Sarih(7) an chuh dawn a,VC-II lamah hian mi Sawmhnih leh Paruk(26) in VC post Pakua(9) an chuh bawk dawn a ni.     

Village Council - II
Congress-I                Symbol
1.C.Malsawma    -     No
2.Dothangvunga    -    Arpa
3.G.Lalhmudika    -    Sangha
4.K.Kailiana        -      Pheikhawk
5.K.Lalengliana    -       Nihliap
6.K.Lalpari        -       Pangpar
7.Lalthlengliana    -       Nihliap
8.Lalthuamliana    -       Bawngpa
9.R.Lalfamkima    -       Lehkhabu
MNF
1.B.Lalnuntluanga    -       Thingrem
2.C.Vanlalsawma    -       Thuthleng
3.Darneihkhuma    -        Dawhkan
4.J.R.Laldinpuia    -        Thingkung
5.K.Lalchawimawia    -    Sava
6.K.Lalremruata    - Balhla Pahnih
7.Lalrintluanga    -    Chem
8.R.Vanlalsanga    -        Khumbeu
9.Zoremsiama    -    Ketli
HPC
1.Hmarthawmliana    -    Zawhte
ZNP
1.H.B Lalchhuanawma-    Pen
2.Kaplianchhunga    -    Dekchi
3.Lalnunmawia           -    Thlawhtheihna
4.Lalrempuia             - Sakawrbakcheh
5.R.Lawmthanga    -    Selu
6.Thangchungnunga    -    Ipte
7.V.L.Ringa        -    Sakawr

News Tawi:-
Inkhawmpui tan
Vawiin chhun Dar 12:00 atangin Chhim veng Presbyterian Biakin Vairengte Pastor Bial Kohhran Hmeichhe Inkhawmpui vawi 27-na neih a ni dawn a,Chhun lamah hian rorelna neih a ni ang.zan lamah hian Palai lawmna leh Report ngaihthlakna  neih a ni ang.

Lawmthu sawina

Robert Sanghmingliana,Zalen veng,M.S Steel Work neitu in Chhim veng leh State veng YMA te hnenah Ralna bawm pahnih(2) ve ve a pek avangin YMA hruaitute leh memberte a chungah an lawm hle a ni.

VC-II te Ngenna leh Lawmthu sawina
VC-II te chuan tunlai hian Second lane kawngpui RCC a an siam mek chu mipuite tan hmun thenkhat laiah harsatna a siam a vangin mipuite hriatthiamna an dil a,chutih laiin mi thenkhatin kawngpui an siam mek chu tui an lo pek thin avangin lawmthu an sawi bawk a ni.

Bazarah Rukru man

Nimin khan Bazar-ah Mizo Pahnihin Vai thil an ru lai man a ni a,heng mite hian Lehkhapuan, Rosgula bur 6,Litchi case 2 leh Toothpaste 6 leh Johnson Baby powder sumdawngho pek tur a an pack fel tawh chu lo ruchhuakin an thil ruk hi an man chhuak leh nghal a ni.Police Station lam a an kal hnuin an in ngaihdam avang leh an vawikhat tihnate a nih avangin an hming hi kan tarlang ta rih lo a ni.Tin,vawiin vek khan bazar lun laiah Vaiin mizo nula a khawih avangin mithenkhatin vaipa hi an khawih ve nual bawk a ni

Damdawi In

Doctor C.Lalrinchhana sawidanin Damdawiin hi a rawng hnawi that thuai tum a ni a,a hnawihtu tur vaite nen pawh in be felin karthar lamah chuan hnawih tan theih an inbeisei a ni.Damdawiin chei that nan hian kum tin cheng nuaikhat a lo thleng thin a, tunah hian Rs 50000 bawr vel hmang tawhin, Casualty  chhuatah hian Glass tile phah tum a ni a.Tin Tui connection atan pipe te pawh siam that tum a ni.Kan Damdawiin ah hian LDC kan nei ve chhun Kolasib lam a min lak chhoh sak avangin Report te ziak fel turin Doctor-te hi an indaih lo thei hle a ni.Tin, tunthla ni 21-23 hian Naupang zenhri danna lak runpui an nei dawn a ni.

Damdawiin a awm te

1.Margeret-i(Kum 12)
D/o Robina,Zalen veng
2.V.L Hmangaihzuala(Kum 7)
Chhim veng
3.Khualbawia(Kum 88)
Chhim veng
4.Ngaihpeki(Kum 50)
chhim veng.
5.Lalthlamuana(Kum 29)
S/o Romawia(L) bangla veng.
6.R.Rokunga (Kum 75)
Zalen veng

 
 Editorial :   
 Hruaitu tha nei tur chuan mipui tha kan nih a ngai a,Mipui tha tur chuan hruaitu kan neih that a tul fo si thin..mitinte hian kan theihna zawn kawng theuhah hian tih tur leh mawhphurna kan nei a,chumi hlen chhuak tur erawh chuan tha kan thawh ve pawh a tul thin.Kum tam tak kal ta atang khan Sawrkarin mipuite an dinchhuah theihna turin Scheme hrang hrang a siam thin a,kan hriat thei ve chhinah pawh NLUP,MIP etc.Heng zawng zawng ah hian keini a dawngtute hian a nihna takah kan hmang thin em le?

Read More

Dt.9th. Feb.2012(Rengkhawpui)

Soil I.B ah Hmunphiah leh Rubber chingtute tan NLUP sem a ni.

Vairengte 9th,Feb.2012 : Nimin khan  Soil I.B -ah Soil R.O Pu Lallungmuana (Mamuana)  leh Staff ten Hmunphhiah leh Rubber chingtute tan NLUP a thawhhnihna atan sem an semchhuak.
     He NLUP hi kan sawi tawh angin Hmunphhiah leh Rubber chhingtute pual a sem a ni a ,Hmunphiah bik ah hian mi 185 in an dawng a,Rubber chingtute zingah mi 27 in an dawng bawk a ni.An vaiin mi 212 in LNUP hi an dawng a ni.NLUP semna ah hian an sum semchhuah zawng zawng hi a vaiin Rs 9198800  a ni a,Hmunphiah atan hian Rs 8920700 semchhuah a ni a,Rubber chingtute tan hian Rs 27800 sem chhuah a ni bawk.Hetiang hian veng hrang hrang ah semchhuah a ni.
Vairengte I  Hmunphiah                   -    29
Vairengte II Hmunphiah    -    98
        Rubber    -    4
N.Chhimluang,Rubber`    -    13
Saiphai.Hmunphiah    -    40
Phainuam,Hmunphiah    -    10
        Rubber    -    10
Saihapui V,Hmunphiah    -    8
    Heng mite hian a sumfai in an dawng vek a ni.Soil R.O hnen atang a thu kan dawn danin Tuntum NLUP hi a hlawhtling thawkhat hle a,Staff te hian chan Bial in siamin a hmunah kalchilh in an huan lo ram hi an en dik vek a ni.Tin,hmunphiah leh Rubber chingtute pawh hian a hlawhtling dawnin an in hre bawk a ni.
    Soil Deptment  hian Vakultui  bulah khian Mizoram a,Rubber Nursery lian ber an nei a,he lai hmun hi hman ni deuh pawh khan Japan lam atangin mithiam JACAK Company ho pawhin a hmunah hian an lo kal chilh tawh a ni.NDTV te pawhin BBC news a tarlan turin helai hmun hi camera in an lo la tawh bawk a ni.soil Deptment ho hian kum 2009 - 2010 khan Dept.fai ber nihnate pawh an lo dawng ve tawh bawk a ni.
    Soil R.O sawi dan in tunhnai mai khan an Quarter luahlai chu tutih hriat lohten Tile bang lo tih chhiat sakin a chhungah an lut a,bungrua erawchu an ru lo niin a sawi a,Hetiang a lo ti thintu hi man chhuah an nih hma a sim ngei turin a duh bawk a ni.   

News Tawi:-
Joint YMA riaklut dawn
Jont YMA hruaitute chu naktuk Zirtawp ni hian Kharzawl ram(Sangtuary) fangin an riak lut dawn a,Inrinni ah an lo haw leh dawn a ni.

Awm nikham in hla zir

Nimni khan Vairengte Presbyterian Kohhran Hmeichhe ho chuan awmni khamin Revival Centenary Hall-ah hla zirna an nei a, Tunkar Zirtawpni atang atan hian Vairengte Kohhran Presbyterian-ah Bial kohhran Hmeichhe inkhawmpui a awm dawn a,chumi atan a in buatsaihna chu a ni.

Vairengte Policeten hma la chunzawm

Nimin a kan thu chhuah Silchar Panchgram hmun a Police ten Aizawl Sumo a chuangte leh Driver pawisa an laksak chungchangah khan Vairengte SDPO hnen atang a thu kan hriat danin tunah hian hmalak nghal a ni a,O.C pawh nimin lam khan a hmun Panchgram ah kal in he mi chungchang hi a chhuifiah mek a ni.Kan Police te hi an chhuanawm thei hle a ni.

Hmar veng Branch YMA Committee thurel thenkhatte

1.Group YMA atang lehkha an hmuh angin Branch aiawh a Nomination a thu turin Tv. C.Lalremtluanga Zoher ruat a ni.
2.Khawhar In Riak chungchangah a inneituten an duh leh duh loh Branch leh Section hruaituten zawh hmasak thin nise.
3.’Ram leh hnam hum halh’ tih kum puan chu Dt 24.2.02(Fri) zan dar 6:30 ah hawnna neih tur ani a,a hmun hi chu O.B ten an la ruat dawn a ni.He mi rual hian conference a intihsiakna hla tur zir nghal tur a ni.Tin,hawnna hi an neih zawh hunah VC-I lam a zirna school hrang hrangah thupui sawi tur pawh an in ruat bawk a ni.
4.Kuangkhuhna hi pali( A te2 leh alian 2)a ranglam a siam a,heng hi section ah pahnih ve ve in an kawl dawn a ni.Kuangkhuhna hi Kuang siam hnatlang neih rual a siam ve tur a ni a,ahun chu O.B ten an ruat ang.
5.Central YMA chanchinbu lak chungchangah a la duh tur zawn nise an ti a ni.
6.Motor hmang a Bawhhlawh paih duh
an veng chhungah zawnchhuah nise,a tul dang la awmte chu O.B kutah dah a ni.
7.Branch pum huapin Dt 25.2.02 hian Thing lak hnatlang neih an tum a,hnatlang turten chaw fun vek tur a ni. Chawhmeh chu Sum enkawltuten an lo ngaihtuah dawn a ni.
8.Kumin a memberte zingah nupui/pasal neite chu Rs 200/- man aia tam lo a in lawmpui an tum bawk a ni
9.Pu Laltlankima Hall vengte hnen atangin pem lehkha an dawng bawk a ni.
Khawhar In riak chungchangah In neitute zawh hmasak chungchang a sawi fiahna : Khawhar In riak turah inzawh hmasak chungchangah hian a chhan tlangpui chu khawhar chhungte khualkhua atang alo kalte an that hnem changin riahna ah harsatna a thlen thei a,bak ah tunlai khawhar in riakte zing chanchin duhawm loh tak tak a tleng leh thin a,khawhar chhungte tan hnar ngam silo in a awm ve thei a ni.Tin, Inriakte avangin Khawhar chhungte fimkhur tak leh in veng reng reng in hun an hman phah thei a ni.Kan tunlai hunah chhungkua khawsak dan in anglo tak karah Khawhar in riak hi a tul kher love ti an awm mek zel a vangte leh heng zawng zawngah hian khawhar inriak hi tih tawp tumna lam nilovin kan fimkhur tlan theih nan leh Khawhar chhungte tan malsawmna a nih zawk theih nan a rawtchhuah  a ni.

Aircel Road Show

Vawiin Chun dar 12 :00 atang a tanin tlai dar 3 thleng Zalen veng kawnah Airtel Road show, Free Booking neih tur a ni a.A duhte chuan Passport Size thlalak pali leh Voter ID(2008) ken tel tur a ni ang.Thlalak neilo te chuan a hmunah hian Passport size copy li(4) Rs 20/- in an siam sak thei nghal a ni.

Editorial :       
Nimin khan Mamit a Mizofed Gas semchhuah chu a buk a tlinglo nasa hle a,kan veng chhungah Auva Gas Agent ten gas an rawn sem thin a,hengte pawh hi a buk a tling ngei em? tih kan fiah ve dawn lawm ni.Consumer lamte khan hetiang hi ngaih ven ran chi a ni lo maw.. Tin,an gas sem hi a chang hian a daih lo fo thin a,nileng a lo nghak ve thin te tan phei chuan ninawm ve duh tak a ni ngei ang.Thil lei leh hralh chungchang ah hian Vairengte mipuite hi i fimkhur ang u.kan chanvo dik tak ang hi kan chang reng em tih pawh hi kan fiah ve a ngai fo thin a ni.

Read More