Vairengte in hmaa sawn theihna tura hmachhawp hrang hrang te tihhlawhtlin anih theih nan Sorkar hotute dawr

                     Dt.25.6.14 (Nilaini)a khawtlang hruaitu  thenkhat ten khawltlang in hma a sawnna theihna tura Sorkar hmachhawp hrang hrang te tihhlawhtilin a nih theih nan a Minister leh Officer te dawr tura kalte chu nizan khan an lo haw a. Nizan vek khan tualchhung chanchinbu mite nen inkawm hona neiin Minster/Officer an dawr dan leh an hmalak dante  an sawi.
      He hunah hian Vaireng te Bazar sakna tura sum sanction tawh tun thlenga sak hna thawh theih lova la awm chung changah khawtlang hruaitute chuan a chang tu Minister hi an lo sawipui tawh tawh thu sawiin tun tumah an zinna ah hian Bialtu MLA Parliamentary Pu K. Lalrinthanga hovin Department hotute hmuin chak takin  hma la nghal a nih theih nan leh  Bazar sak hna thawk thuai turin an ngen a. Hemi chungchang ah hian Vairengte Bazar thar tur hi atirah chuan Rural Development Department ten buai puiin sum pawh 1st Installment atan sanction an lo ni tawh a, mahse PWD Department lamin an lak chhawn leh avangin Drawing siam danglam leh hret a ngai a, drawing hi tunah hian buaipui lai mek a nih thu leh final drawing an peih fel veleh chak taka hnathawh chhun zawm nghal a ni dawn niin Department hotu te chuan an lo hrilh niin an sawi.
     Tin, Sawrkar term hma sa a Education Minister Pu Lal -sawta hova SDEO hawn belh tur chungchanga ah Ngopa leh Vairengte a SDEO hawn belh tura an thu dah pawh tun tumah hian VC te hian bawh zui nghalin Vairengte Sub-Division chu SDO thuthmun atana sawr kar term hmasa in alo duan lawk tawh leh pawm tawh angin SDEO hawng tura hmalak chhunzawm anih theih nan Secretary to the Govt of Mizoram Education Department ah ziakin an thlen nghal ni a sawiin bialtu MLA pawhin Minister ah lo bawhzui nghal a tum thu VC te hi alo hrilh bakah an dilna Copy hi Education Deptt Director leh Jt. Director Pu JH. Biak-mawia leh bialtu MLA te pawh an pe tel nghal a,bialtu MLA pawh in a theihna zawng zawnga hma lakpui a tum thu alo hrilh a ni.
     Hengbakah hian tunhnaia Bialtu MLA alo kal tuma Multipurpose Hall Sub-Committee ten Multi Purpose Hall sak mek an enpui tuma Hall chhuah lam Retaining Wall remna tur MP (LS) Fund dilpui tura an ngenna pawh VC te hian bawhzui nghal in Bialtu MLA chuan karthar atangin bawh zui nghal a tum niin VC te chuan an sawi a, Multipurpose Hall sak meka lung rem (Retaining Wall) atan hian Cheng nuai 25 a dil sak dawn niin an sawi bawk.Tin, Tun hnaia Vairengte a Sawrkar hna thawk then khat sawn chhuah an nih chungchang pawh VC te hian Minister ah bawhzui nghalin Department in relbawlna felfai zawka a kal theih nan sawn chhuah loh rih nise tiin an ngen a.An ngenna hi a\ul anga bawh zuiin an lo ennawn leh dawn niin an sawi a, VC te hian Department hotu te sawn chhuah an nih chungchangah hian Politics atanga hma lakna ni a an hriat loh thu kan palai an hrilh a ni . Heng bakah hian khawtlang hruaitute hian RMSA School Building thar sakna tur hmun Home Department atanga ram sah thlak an dil na pawh bawh zui nghalin RMSA School building hi sak a nih thuai theihna turin file kal mek chu a\ul anga chhu zuiin bawh zui mek anih thu lo hrilhin reilo teah peih fel a ni dawn niin an sawi bawk.

Read More

E&F Dept ten Mipuite hriattir

 Vairengte Forest depart ment te chuan nimin khan hriattirna ti chuakin khaw chhung a Mau chingtu /chin tumte leh Hmunphiah huam neitute chuan an Office ah in register vek turin an ti a ni. In register lote chu dan angin Royalty an chawi a ngai dawn ni a thu dawn a ni a.Tin, Dt.5.7.14 hian Teak lilam (Auction) an nei dawn nia thu dawn a ni bawk.

 E&F DEPARTMENT VAIRENGTE ATANGA  HRIATTIRNA
 1. Mau ching emaw Mau ching tumte emaw chuan  Range Office, Vairengte ah in register vek tur.
 2. Hmunphiah ching/ Hmunphiah huan neitute tan pawh registration tih vek tur a ni a. Registration ti lote chu Royalty sang chawi tir an ni ang.
 3. Teak Auction (lilam?) Dt.3.7.2014 hian neih tur a ni a. A hrechiang duh leh Auction chhang duhte chuan Range Office, Vairengte ah ngaihven theih a ni ang.

Read More

Remna ni hmandan tur sawiho

  Nimin khan Hmarveng Hall ah MNF Party North Block te chuan hruaitu thlan thar te leh Committee member thar te nen Committee an nei a. He hunah hian Dt.30.6.14 a Remna Ni hman dan tur sawiho in hemi ni hian a duh apiang tan Zalen veng kawn ah Theitui sem nise an ti a. Tin, Unit leh Group member te nen intihhlimna neiin Football khelh nise an ti bawk.

Read More

Chawlhbuk sa dawn

   Vawiin hian AMFU Sub-Hqrs, Vairengte chuan CIJW School Area a Helipad bulah Lo neitute tan a chawlhbuk (Wait -ing Shed) an sa \an dawn ni a thu dawn a ni. Tin, nimin khan  an pawl President Pu H.Lalrem-puia te in Field veng ah  subsidy a pipe an dil chu an sem a.Pipe hi mi 27 te hnenah sem chhuakin heng pipe an semte hi loneituten a tul apianga hman tur a ni dawn a ni. Hetihlai han heng pipe te hi Kolasib atangin Vairengte Soil R.O,Pu Mamuana’n a motor-a a phursak thlak sak avangin AMFU hruaitu te chuan lawmthu an sawi a ni.

Read More

KUM 2013-14 CHHUNGIN RSBY BILL 358 TAN SIAM

 

Kum 2013 chhung leh March 2014 thleng khan Vairengte Damdawiin a RSBY Heatlh Care Bill damlo 358 tan siam niin heng zing atang hian damlo 330 te bill chu chhuakin pek chhuah vek an ni  tawh a ni. Damlo 28 tana bill siam erawh a chhuak velo ni a thu dawn niin heng bill chhuaklo hi Central lam Circular damdawiin hrang hrangah an dawn loh vanga kal sual niin CHC Medical Dr.C.Lalrinchhana chuan a sawi a.Tin, hemi chungchang ah hComplain mek zel a nih thu sawiin a chhuak ang nge chhuaklo ang tih erawh an hriat bik loh thu leh Central lama thawktute thu thu a nih thu a sawi bawk.
       Heng a hnuaia hming tarlan te hian Vairengte Damdawiin a an awmna RSBY Health care bill a lo thleng a. Mahni smart card te kengin Nurse Maliani hnenah ngaihven tur a ni.

S.No	Patient	HOF	Veng
1	Baby of Lisi	Lisi	Tlangnuam
2	RK.Lalthanliana	RK.Lalthanliana	Tlangnuam
3	RK.Lalpekhlua	RK.Lalhmachhuana	Tlangnuam
4	Lalmuankimi	Hrangveli	Zalen veng
5	Lalramchhana	Vanlalmawii	Venghlun
6	Tlanthangi	Tlangthangliana	Hall Veng
7	Sumneihkhawli	Lalhmuakliana	Dinthar
8	Munia	Munia	Tlangnuam
9	Tlangvawngliana	Tlangvawngliana	Dinthar
10	Zothansanga	Zothansanga	Chhim Veng
11	Nuthangi	Nuthangi	Hall Veng
12	Saikhuma	Saikhuma	N.Chhimluang
13	K. Zonunsanga	K. Zonunsanga	Seri Farm
14	Lalawmpuia	Lalremi	Venglai
15	Lalnunpuia	Lalchawimawia	Seri Farm
16	Lalsanga	Zorama	Chhimluang

Read More

Dt.25.6.2014 RENGKHAWPUI

Read More

RENGKHAWPUI APPLICATION (ANDROID PHONE HMANGTUTE TAN)

 He Link  https://­www.dropbox.com/s/­ucwosj6drljgekc/­Rengkhawpui%5B3%5D.ap­k  ah hian Android phone hmang tute tan Apk file in Rengkhawpui Application a download thei a, amah erawh chu he site a lut tur hian ph.8974881076 ah Facebook a ka account lamah emaw Email min hrilh a ngai ang..

Read More

Eng hunah nge kan tanrual ang ?

 Tunhnaiah khawchhung mi Sorkar hnathawk te sawn chhuah an nih/nihtur chungchang in puh tawnna a thleng nasa hle a, hei hi a pawi tak zet a ni.Tunhma atang khan hetiang thil a thlen hian Political party lam ten remchang ah hmang in sorkar lai sawi chhiatna leh mawh puh nan an lo hmang tawh thin a. Tun tumah pawh hian he -tiang boruak kan tawn leh takah chuan sorkarna fung chelhtu party lam hruaitute puh mai hi thil awl tak leh ni ve thei anga alanna tam tak a awm awm e. Amaherawhchu eng party mai ah pawh hian a hruai tute inthlak in hruaitu thar leh thalai zawk ten ngaihdan thar neiin hetiang  a tih hi a  finthlak loh zia an hre ve tawh niin a hriat a. Tun hma a phuba lakna ang zia zanga Sorkarna fung an vawn ve hun a Sorkarhna thawk an mi huat zawng leh an pawi sawi  deuh te hmun hla taka  transfer tir ang kha chu a awm ngai tawh lo niin a hriat a ni.  Hetiang anih mek lai hian kan khaw mi leh sa ,Officer hmundanga sawn chhuah tumna awmah pawh hian party lam thil tih a rinawm rualin a rinawm loh na sawi tur a tam he awm e. Tute pawhin hlawhfa atan chuan kan mi hriatchian leh taima chhawrh kan duh vek ang hian Officer zingah mahni khua  leh kan hriatchian, hna thawh kawng ah pawh taima tak ni a sawi thin, hmundang enkawl daih tur a sawn chhuah daih chu an duh bik a rinawm lova. Hemi kawngah hian a mimal anga hmalakna a awm niin a hriat bakah chunglam atang a thil tih a nih theihna lai pawh sawi tur a awm thei bawk. Hei vang hian tun hun hi Ruling party leh party dang te bakah NGO pawl hrang hrang te pawhin kan \anrual zia tih lanna hun  tur chu  a ni dawn lawm ni? Hetianga a titu in puh  in puh kual lo hian a chhan zawn chhuah a, chumi kawngah chuan inlung rual tak a dodal a tul pawha do ngam zawk turin i \angrual teh ang u.

Read More

ka ngaihdan/ hmuh dan By Bawiha pa

     Ka thu rawn ziah hi min lo chhuah sak dawn ni a.Tunlai hian vairengte khaw mi helai hmuna Sorkar hnathawk Officer pathum lai sawn a nih dawn thu i chanchinbu a tangin kalo chhiar a. Chungte chu an chanchin leh an tangkaina ka hriat tlem a zawng kan ziak ve a nge. P&E lama SDO hi kum khat chauh a la awm niin ka hria a. Current line a chhiat leh enkawl chungchang ah chuan Officer  a ni tih hriat lo khawp a mi tangkai tak niin a hriat a, chubakah Pension lam hnai tawh tak a ni a. Agriculture department AEO hi a awmna chu a rei deuh tawh a,mahse khawchhung mi a nih avangin kuthnathawktu Agriculture lam nen a inthlun zawm ho tan chuan a uihawm hle niin a hriat a. Hmalakna tur hmachhawp mek pawh kalsan tur engemawzat chu a nei ni awm tak a ni. Chubakah a post nen a chhuak dawn tih hi a dik a nih chuan Sorkar siamtu ber party ho hian an ngaimawh a chi awm hle in a hriat bawk a. Enforcement lama sub inspector hi chu a awm hun chhung a la rei lutuk lova, kum 2/3 a awm tawh a ni mai thei a. Vairengte in VCP naupang ber kan neih nihna chelh mektu niin ka hria a, lirthei nei ten hriattur pawimawh an neihah chuan a tangkai hle niin a hriat a. Heng kan sawi tak hote hi an uihawm hlawmin, la awm thei rih se, mipui tam tak kan awm niin a hriat a, chutihlaiin engvanga chhuak nge an nih department transfer hun tawh vang nge a chi dang deuh tih pawh hriatthiam a har a. Khawchhung mi an nihna ah la awm rih se an \hat a rinawm ka lo ti ve a.

Read More

Vairengte tleirawl pakhat in kumtling lo mipa naupang mipat hmeihchhiatna hmanpui vangin FIR thehluh a ni

            Dt.25.6.14, Vairengte  :     Tunhnai khan Vairengte khawchhunga Tleirawl pakhat chuan Mipa naupang kumtling lo pakhat chu mipat hmeihchhiatna (Sex) a lo hmanpui avangin nimin khan Vairengte Police Station ah FIR thehluh a ni a. He thil titu hi man nghal niin  IPC.377 (Unnatural Offence) hmanga thubuai ziah luh nghal a ni.
         Hemi chungchangah hian nimin tlai khan  a tuartu naupang nu leh pa bakah YMA hruaitu thenkhat te chu Vai-rengte Police Station ah kalin FIR an thehlut a. Hetianga naupang lo khawihtu hi Lalnun-hlua (Nanga), kum 21 S/o Than-para,Venglai niin tunhnai khan \um hnih ngawt a Mawngah a lo pawl lui ni a hriat a ni.  A tuartu nu leh pa te hnen atanga thu dawn dan in Dt.22.6.14 Pathianni chaw hma inkhawm ban khan Lalnun -hlua hian he naupang hi rek betin a mawngah hian lo pawl leh in he naupang hian a mawng a nat thu a nu leh te hnen ah hian a hrilh avangin damdawi pawh a theih ang ang an pe niin a sawi a. Hetianga a natchhan hi an zawt lem lo nia sawiin an inleng zing a pakhat chuan ngaih\hat lohna neiin a nu leh pa te hnenah hian an fapa chu dawp turin thurawn a pe niin an sawi bawk.
    Tin, hetianga thurawn a pek chhan  chu Lalnunhlua hi a lo len changin he naupang hi a Sazu a khawih tir lai a hmuh thin vang niin an sawi a,hetianga thurawn a pek hnu hian  an fapa hi dawpin nimin khan a inpuang ta niin an sawi a,hmalak mai dan tur an hriat loh avangin an Veng YMA hruaitute punin YMA te thurawn angin Police lamah tih dan tur zawh chian a,FIR theh luh phawt nise an tih angin nimin khan FIR an thehlut ta niin an sawi bawk. Tin, FIR an thehluh rual hian he pawi khawih tu Lalnunhlua hi hruai nghalin Police kutah an hlan nghal a, nimin tlai khan Police te chuan Pawi khawihtu leh a tuartu naupang hi Medical turin damdawiin an panpui nghal ni a thu dawn niin he thubuai chungchangah hian Vairengte Police Station-ah  377 IPC (Un natural Offence) Case ziah luh a ni a,harsatna dang a awm loh chuan vawiin hian Kolasib District Court lamah thawn an tum niin Officer    Duty chuan a sawi bawk.
    He pawikhawihna tuartu naupang hi mi pangngai zan lo a nih bakah kumtling lo a nih avangin Juvenile Act chuan a hming leh a nihna lan theihna ang chi reng reng Media lamah tarlan a remchan loh avangin tarlan a remchang lo a ni.

Read More

Minister dawr dawn

   Vawiin D.25.6.14 hian VC-I leh VC-II lama khawtlang hruaitute leh party hruaitu thenkhat ten khawtlang hmasawnna tur atana an hmachhawp hrang hrang te tihhlawhtlin a nih theih nan Minister dawr turin Aizawl an pan dawn ni a thu dawn a ni. Minister dawr tura kal te hian tunhnaia khaw chhung mi Sorkar hnathawk transfer chungchang te, RMSA School hmun tur chungchang te leh Phainuam kawng chungchang bakah Vairengte Bazar sak thui a nih theih na tur atan te Sorkar thuneitute dawr an tum a. He hunah hian Party lam atangin Pu K.Kailiana (Vice pre. Serlui Block Congress) Pu Lalthlengliana(Group pres.) leh khawtlang hruaitu lam ah Joint VCP Pu R.Lalfam-kima te bakah Pu R.Lalrin-awma (VC-I ,VCM leh Serlui Block Joint Secy) te an kal dawn a ni.

Read More

Group YMA hruaitu ten Minister te dawr hlawhtling , AEO post chawpin sawn dawn lo

  Nimin khan Serlui Group YMA hruaituten kumin March thla a Group YMA Conference rorelin hmalakna tura a tih then khat te bawhzui tura Aizawl a kal te chu lo haw in an hlawh tling thawkhat ni a thu dawn a ni. Minister dawr tura kal Group YMA hruaitute hnen atanga thu dawn danin Vaireng-te leh a chheh vel a inkalpawhna kawng hrang hrang zingah Vairengte to Saphai leh Phai -nuam inkawng te chu siam tur in an ngen a. He lai kawng hi siam tur ruahmanna la awm lo mahse kumin pro-posal siam a,  telh hman an bei sei thu Minister chuan a lo hrilh a ni. Tin, Bilkhawthlir leh Saphai inkar kawng erawh siam mek a nih thu leh lei chhia chu an siam mek niin Minister chuan a sawi bawk.
    Hengbakah hian Saphai a  Excise gate dah tura sorkar ah ngen nise tih leh Vairengte  Excise Department  a thawktute in daih lohna chungchangah Home Minister pawh an dawr  nghal ni a thu dawn a ni a. Minister chuan hei hi a ngaih pawimawh thu sawiin a awm thei ang ang ngaihtuah pui a tum thu a lo hrilh a ni. Hemi rual hian tunhnai a Vairengte Agriculture Depart-ment aAEO Pi Lalsang -zuali chu a post chawp a sawn tum na a awm ni anga thuthang chungchang ah Minister hi bia in, Minister chuan a post chawp a sawn an tum loh thu sawiin AEO post hi a rang thei ang ber a hnawhkhat an tum thu leh Vairengte in AEO  post dah leh ngei an tum thu Group YMA hruaitute hi a lo hrilh ni a thu dawn a ni bawk

Read More

Vairengte MZP te thu chhuah thlawp

 Vairengte NGO‘s Co-ordina-tion committee chuan nimin khan thuchhuah siamin MZP sub-hqrs Vairengte ten khaw chhung mi Sorkar hnathawk mi 3 ngawt hmundang a an sawn chungchanga an thu chhuah siam chu an thlawp thu an sawi. An thuchhuah siam in a tarlan danin MZp te thuchuah siam chu awm an tihpuiin an hmalak na chu an thlawp thu an sawi a.  Heng Officer sawnchhuah an tum te hi an thawhna depart-ment theuh ah khawtlang tana mi tangkai tak tak an ni thu leh  hemi chungchangah hian Sorkar pawhin ngaihtuahna thar seng nawn leh turin Vairengte NGO co-ordination committee chuan an ngen thu an sawi.Tin,nimin vek khan hemi chungchang ah hian MNYF Thalai te chuan thu chhuah siam in an Press release chu a phek hnung ber ah tarlan a ni.

Read More

Congress ten an tih a nih loh thu sawi

Dt.24.6.14  Nimin khan Vairengte Goup Congress te chuan thu chuah siamin tunhnai a khawchhung a Sorkar hna thawk thenkhat hmun dang sawn chhuah an nih chung changah an party leh hruaitu thenkhat te thil tih anga sawi awm chu thu diklo a nih thu an sawi.Hemi chung chang ah hian inhnam hnawihna an neih loh thu sawiin eng pawh thil thleng a awm chuan NGO hrang hrang leh party hrang hrang te chu \anrual pui ah an sawm zawk thu, an thu chhuah an chuan an tarlang a ni.

1. Tunlai Vairengte Sub-Division huam chhunga Sawrkar hnathawk Department Officer te Transfer chungchangah Va-irengte khaw chhunga Congress Party leh Party  hruaitu ten mawhphurh na an nei lova, Departmental Transfer and Posting hi a thleng mek a ,Vairengte khua a Party hruaitu te hma lakna avanga thleng ni anga sawi thu thang awm chu  Vairengte Group Congress Committee chuan pawi atiin thu diklo hul hual a ni tih hi Vairengte mipui ten min hriatpui se kan ti.
2. Sawrkar hna thawk Transfer chung changah hian Vairengte a Congress Party hruaitu te leh party mi leh sa tute mah an in hnamhnawih lo tih hi mipui ten min lo hriatpui se, hetianga Sawrkar hna thawk Officer te transfer an lo nih tak avanga Ruling Party (Congress) puh mai thinte hi tudang ni lovin, an sawrkar (ruling) laia phuba lak nana transfer hmanga department mi leh sa vau chingte ngei kha an ni tih hi Vairengte mipuite hian i hria ang u.
3. Thil engpawh lo thleng se ram leh khawtlang tana rualkhai taka thawk ho tur leh Vairengte khua in hma alo sawn zel nana lungrual taka thawk ho turin mipui, NGO, leh Political Party zawng zawngte Vairengte Group Congress Committee chuan a sawm a, thu diklo leh dawt thu hmanga mipui bum tumtute hi Vairengte mipuite hian khawtlang hmelma, mipuite min zah lotu an ni tih hria a, an thu leh hla dawn sawn dan tawk leh pawm dan tawk thiam turin Group Congress Committee chuan mipuite a ngen tak meuh meuh a ni.
Issued by
Group Congress, Varengte

Read More

CIJW Area-a Maruti Van leh Sumo insu ah mi pakhat Ngal ruh pahnih leh midang pakhat Kut tang ruh tliak

 Vairengte : Dt .24th June, 2014 :    Nimin chawhma dar 11:00 rik hma deuh khan IOC thlen hma, CIJWS Area, NH 54 kawngpuiah Bilkhawthlir lam atanga lo chhuk Maritu Van leh Aizawl lam pan Sumo an in su a. He Accident thlengah hian Maruti Van hi a chhe hneh hle nia thu dawn niin Passenger zinga mi pakhat Ngal ruh pahnih leh midang pakhat kut\ang ruh tliak.

       Nimin chawhma lam khan IOC  leh Godown veng in kar a CIJW School Wet canteen bulah  Sumo Inter State Maxi Cab Ser vice) MZ 01-J 8721,FH Liankhuma (kum 27)S/o Hranglian-khuma, Tualcheng  khalh leh Maruti Van TR-03 0325, Lalvarliana (29) S/o Babutea, Khawzawl te chu an in su a. He Accident thlen lai hian  Maruti Van ah hian Pas-senger mi 4 chuangin an zinga pahnih in  hliam na tak an tawrh avangin Vairengte Damdawiin panpui nghal an ni.Hetihlai hian Sumo khalhtu leh a chhunga chuang mi pahnih tezingah erawh hliam tuar an awm lem lo ni a thu dawn a ni bawk. He Accident thleng chungchangah hian Vairengte P.S a duty officer hnen atanga thu dawn danin Accident report an dawn hun hi chawhma dar 11:00 vel niin a hmunah hian an kal nghal niin an sawi a. Maruti Van hi a hlui tawh ni a thu dawn niin helai kawng ngil phei laiah hian Speed rawn lain Inter State Maxi cab service pathum lo in zui chu Maruti Van khalhtu hian a hriat loh thu sawiin pakhat chauh emaw tiin pakhat a pelh hnu hian a side lo lama atlan chu Sumo dang pakhat nen hian an in su ta ni a thu dawn a ni bawk.
    He an insutna avang hian Maruti Van hi a hmalam  a per hneh hle a,Sumo nen a an in sutna zawn a awm passenger zinga hnamdang mipa pakhat leh a bul \hu hmeichhia te  chuan hliam na tak tuarin a mipa zawk hi a ngal ruh pahnih tliak a, hmechhia hi a kut zing\ang ruh tliakin a ke ruh pawh a khi ni a thu dawn a ni. Heng hliam tuar hnamdang te hi Vairengte Damdawiin admit  lovin Silchar lam an pan nghal ni a thu dawn a ni bawk. he Accident thlen chhan chung changah hian lirthei khalhtu 2 te hi an in sawi thiam ve ve ni a thu dawn niin Police lam chuan hliam tuarte nat dan ngai chang chunga case ziah luh chauh  nise an ti ni a thu dawn a ni bawk. Tin,nimin tlai khan Sumo hi Police station ah la in Maruti Van erawh a chet sawn theih loh avangin accident thlenna hmunah an kalsan rih ni a thu dawn a ni bawk.

Read More

Lailapur bula Weighbride leh gate hawn leh vangin Vairengte Mini Truck Owner ten harsatna tawk leh

 Vairengte : Dt .23th June, 2014 :    Tunhnai atang khan Lailapur bula Assam Sorkar hnuaiaEnforcement department ten check gate leh Weighbride an siam, Bagha sumdawng inthurual leh NGO ten an tihchhiat tak chu Assam sorkar remtihna in hawn chhunzawm leh  a ni a. Hetianga Weighbride leh gate hawna nih leh tak avang hian Vairengte Mini Truck Owner Association te chuan he gate paltlang hian insakna bungrua an phur ngai tawh lo ni a thu dawn a ni.

        Kumin January thla vel atanga Lailapur bula Assam Enforcement (MVI) depart-ment ten check gate leh Weigh bride an siam chu hun engemaw chen tih tawp a nih hnu ah kar hmasa lam atang khan he gate hi kalpui chhun zawm leh ni a thu dawn a ni. Hetianga gate hawn a nih leh tak avang hian Assam atanga  in sakna Bungraw phurtu lirthei ten harsat
    Vairengte Mini Truck Owner Association te chuan Raju a thil phut hi ngun taka an ngaihtuah hnu ah he a thil phut hi an thuneihna piah lam anih bakah Mizote humhimna tur atana siam ILP tidanglam tura thuneitute ngen chu \ha an tih loh avangin an inrem thei ta lo ni a thu dawn a ni. Hetianga inrem na a awm theih tak lohah chuan insakna bungrua te hi Lailapur a MVI pel in an phur ngai tawh lo niin Mini Owner Association hruaitute chuan an sawi a. Hetih lai hian heng Insakna bungraw zingah hian Balu tih loh chu he gate thlen hma hian lei tur a awm nual avangin heng bungrua te hi chu lailapur gate thleng lovin an phur thin tho niin an sawi bawk. Tin, Balu pawh hi mi then khat chuan Lailapura Raju-a Balu hi leiin zan lamah an phur thin ni a thu dawn niin hei hi a chhhan chu Raju a pawh hian Balu hralh phalna permit hi a la nei bik lo ni a hriat a ni bawk.  He Weigh -bridge leh gate siam a nih avang hian kumin February thla khan Bagha-a sumdawng pawl then khat leh NGO ten Bandh neiin heng Weighbride leh gate te hi an tihchhiat bak ah Police lirthei engemawzat hal niin Silai hial hmehpuah a lo ni tawh a. Amah erawhchu kar hmasa lam khan helai hmuna gate leh Weighbride te hi Assam sorkar chuan hmang \an lehin he hmun veng tur hian Police ten an \hut chilh ni a thu dawn a ni bawk.
na an neih leh dawn avang hian Dt.20.6.14 khan Assam lam a thuneitute chu Vairengte Mini Truck Owner Association  hruai tu ten an bia ni a thu dawn a ni. He inbiakna hi a tluangin eng kim fel mai tura alan laiin leh Vairengte mi bik chu harsatna awm lo tur anga an sawi fel tawh hnuah Lailapur a Insakna bung-rua dawr neitu leh he Weigh bride sakna tura sum thawhtu Raju-a chuan harsatna a rawn siam leh ni a thu dawn niin Raju-a hian Vairengte ah pawh ILP neilova kal an phal bik lo avang in a rem tih loh thu leh hetianga inremna an siam dawn a nih chuan Amah chu Lailapur panchayat member a nih angin Lailapur atanga inhlawh tur a kal thin ten ILP ngai lovin Panchayat seal chhutna leh hming sign lehkha a ziak keng a, IOC thleng kal phalna pe turin Mini truck Owner Associa tion te hi a phut ni a thu dawn a ni bawk.

Read More

Gas harsat vangin Electric Heater hmangtu thahnem, Dan lo anga Heater hmangte hrem dawn

                     Dt.20.6.14Vairengte :   Mizoram in eirawng bawlna Gas-ah harsatna a tawh mek chuan zuallam a pan zel a, eirawngbawlna Gas harsat avang hian mipui ten electric thuk an hmang nasa hle a, hei vang hian Power load a sang thei hle niin Kolasib P&E SDO Lalruatkima chuan a sawi. Tin, Vairengte P&E SDO pawhin dan lova Electric heater hmangtute chu hrem an nih tur thu a sawi.
         Nimin khan Vairengte P&E Deptt. SDO Pu Lalnusanga chuan mipuite hnenah hriattirna tichhuakin Dan lova Electric Heater hmangtute chu zawn chhuah a hrem an nih tur thu a sawi. He hriattirna in a tarlan danin tunlai hian Gas harsatna avangin Electric Heater hmang an tam hle a, hetihlai hian Consumer te hman zat Meter a tarlan erawh a pun belh vak lo niin a tarlang a. Hei hian Meter kaltlang lova Heater hmang an tam hle niin a ti lang a ni.  Hei vang hian Meter kal tlang lo/ dan lo anga Heater hmang te zawn chhuah an tum thu sawi in,hetianga phalna neilo te chu dan anga an chung ah Action lak a nih tur thu a sawi bawk.
    Tin,nimin a thuthar thehdarhtu \henkhat ten an kawmna-ah  Kolasib a P&E SDO Pu Lalruatkima chuan mipui ten eirawng an bawl hun zinglam dar 7:00 a\anga dar 9:00 inkar-ah te,tlai lam dar 3:00 a\anga zanlam thlengin Kolasib chuan Power  an hmang sang bik niin a sawi. "Zan lamah hi chuan chhung tinin Power kan mamawh vek avangin Power kan hman a sang lo theilova, hetihrual hian Gas a harsat avangin mipui ten electric thuk an hmang nasa tih eirawngbawl hun awm velah Power a san ziah avang hian a hriat hle a ni" tiin a sawi bawk.
Kolasib khawpui hian hun engemawchen a\ang khan Serlui 'B' tuikhuah a\anga Power siamchhuah chu kan rin \an tawh thu Lalruatkima hian a sawi a, "Serlui 'B' tuikhuahin Power a siam chhuah te hi Kolasib-ah pek a nih hnuin kan hman senloh hi hmundang-ah kan pe chhawng ve chauh a Mizoram District zawng zawng zingah Kolasib District hi Power lamah kan \ha filawr hle a ni" tiin a sawi bawk.
    Serlui 'B' Mini Hydel Project a\ang hi Power Mega Watt 12 pechhuak thei tura siam a ni a, amaherawhchu, a khawl 2 chiah tihnun a la nih avangin tun dinhmunah Power Mega Watt 6 vel chauh pekchhuah a la ni a, Kolasib khawpui hian ni 1 chhungin Power Mega Watt 3.3 vel mamawh ang kan nih thu leh khawl chhiat vang anih loh chuan Kolasib khaw pui chuan Power supply englai pawhin a hmuh reng thu SDO hian a sawi bawk a ni.

Read More

Vairengte ah hmeichhe pawngsual/khuaikhemna thleng tam

 RMSA,Kolasib District bul tuma Gov’t Vairengte High School a zirlai hmeichhia ten misual laka mahni inven dan ‘Self Defence for Girl Child’ programme hawnna ah Joint MHIP President Lalnunhlui chuan,Vairengte ah inpawng sualna a tam thu a sawi. He hunah hian Pi Lalnunhlui chuan thu sawiin,  hmeichhia te chu in ven fimkhur a ngaih thu sawiin, tunlai hian kumtling lo kum 10 atanga 15 inkar ten Sex Vedio an en thin avangin, inhrik thlak nan an aia naupang zawk leh an thuhnuaia an dah theih tur hmei -chhe naupang zawkte chungah an \uan \hin thu sawiin  sex an hmanpui fo tih MHIP ten an hriat chhuah thu a sawi bawk. Tun hnaiah hetianga thil thleng hi  Vairengte ah ngei pawh hriat tur a awm leh zel chu pawi a tih tak zet thu a sawi a ni. Tin,tunhnai khan tualchhunga English me-duim zirlai naupang 2 te chuan chhun laiah Sex an hmang dun lai hmuh a nih thu sawiin,hetiang thil hian min chiahpiah tawh hle niin a sawi a. Heng mahni inven na hmang hian an hmeichhiat pui \halaite an him theih nan \an lak a pawi mawh hle niin a sawi bawk. He‘Self Defence for Girl Child’ programme hi tunkar chhung Govt.Vairengte High School ah neih tur niin hemi hnu hian Vairengte High School-II ah neih a ni leh dawn a ni.

Read More

Vairengte Kudam-ah Buhfai mipui mamawh khawp awm loh vangin thuneituten hma la mek

Dt.19.6.14 Vairengte :            Tunhnai atang khan Mizoram sorkarin Buhfai kan lak luhna  Silchar FCI lam atangin Buhfai an pek chhuah theih loh avangin tunlai hian khawchhunga Retailer thenkhat ten Buhfai sem tur an nei lova. Hemi chungchangah hian thuneitu lam chuan he harsatna hi sutkian tumin hma an la mek ni a thu dawn a ni.

     Buhfai harsatna chung changah hian Vairengte a Food & Civil Supply Consumer Affairs Officer Pu Chauhdury a hnen atanga thu kan dawn danin Vairengte Kudam a buhfai te hi Silchar a FCI atanga lo thleng thin a nih thu sawiin tunhnai khan helai hmuna buhfai awm te hi Cachar D.C chuan anmahni local Area ah pek hmasak hma chuan hmun dangah pechhuak lo tur in order a chhuah thu a sawi a. Hemi chungchangah hian theih tawp a chhuah thu sawiin Assam lam thuneitute pawh biain Cachar D.C in order a lo chhuah tawh avang hian pekchhuahchu a harsa niin an lo hrilh a. Hetiang a nih tak ah hian Mizoram a supply department director leh Kolasib District DCSO Pu Zohminga te pawh a hrilh thu sawiin nimin khan CMOS Pu Zohminga nen hian inbiain tunkar chhunga khawchhunga Buhfai sem tur Motor trip 3 vel tal chu  Reng tekawn atanga pe chhuak turin a ngen thu a sawi bawk. Pu Zohminga chuan hetianga hmun dang atanga pek chhuah chu a harsat thu hrilhin nimin khan Supply Director hi a be nghal ni a thu dawn a ni bawk. Tin, Vairengte Kudam-ah hian Buhfai a awm leh awm loh chungchang ah Pu Chauh-dury-a chuan tlem a zawng chu a awm thu sawiin nimin khan khawchhung a veng harsa zual deuh IOC  a retailer hnen ah an pek thu sawiin vawi in lam hian State veng retailer hnen ah pek an tum thu a sawi bawk.
    Hemi chungchangah hian Kolasib Disitrict  DCSO Pu Zohminga chuan kan palai zawhna chhangin hemi chung changah hian hma an lak mek thu a sawi a. Mizoram Sorkar chuan Ramnagar ah Buhfai lei sa engemawzat an neih thu sawiin helai a buhfai te hi an local pek hmasak an tum avang leh tun thla ni 20 atang hian Mizoram chu pek chhuah an tum thu a sawi bawk. Buhfai hi  a awm lo a nih loh thu a sawi a. Hemi hma pawh hian  local supplier te rawn dah tura an tih thu sawiin,tunhnaiah pawh khan Local supplier te hnen atanga an lei chu an sem thu a sawi a, hetiang buhfai Bag bik hi chu a hring niin a sawi bawk.

Read More

CELL PHONE LEH THALAITE ..

 BY VANNEIHTUANGA 

 Cell phone chungchang ziak  turin min sawm teh tlat a. Cell phone emaw tia lennate tv remote ak chhuak ta nawk nawk chi angte tan chuan, thu thuk pui pui ziah tur a awm lem lo. Thu nawi te te i sawi dawn teh ang.
    Ram \henkhatah Mobile phone tia a lar laiin ram thenkhatah cell phone tih a ni a, thil inang sawina a ni. Cell phone hi Kum 2000 velah khawvel a dap chhuak anga ngaih a ni a. Mizoramah kum 2004 vel a\angin kan hmang ve \an a. International Telecommunication Union-in an chhut dan chuan, tunah hian khawvel mihring tluklehdingawn 4.6 in an nei tawh a ni. Thil naran leh satliah tak a ni. Chuvangin, intitheiha chhuan viau chi pawh a ni tawh lem lo.
    Nasa takin nunphung a thlak a, eng ang fakauva nasain nge kan nunphung a thlak zel dawn tih hi ngaihtuah phak loh khawpin a nasa a ni. Cellphone mawl ber chhungah pawh hian, telephone, telephone directory, sms (thirhrui!), calendar, sana leh calculator chu a awm hrim hrim. A changkangah chuan, tape recorder, player, radio, camera, video, diary, internet, dictionary, printer, thlalak album, data khawl leh dahsawnna, navigator (GPS), video games, encyclopaedia, \awng lettu, Bible, bank pawisa laksawn leh thil leina, alarm clock.. kan sawi seng lo. Amaha thil awmte ai mahin boruak a\anga rawn thununa rawn chawmtu ‘service’ a chak leh \hat ang zelin a hlutna a zual a ni. Computer nena zawm phei chuan a hlu lehzual. Hei, ka tichhin a, tuna ka thuziah tihausatu atan hian lehkhabu keu miah lovin, ka cell-phone chhunga ‘thil’ awmte leh inthlunzawmna hmanrua hmangin he thu hi ka ziak mek a ni. Airport pan mek laiin, taxi chhung a\angin cell phone hmangin internet kan zawm theih phawt chuan, kan thlawhna tur ticket a lak theih tawh. Vai rama kal hian, kan kal duhna hmuna mite phone-a kan biak pawh theih phawt chuan, auto/taxi driver te leh kan pan turte kha inbiaktir ila, keini ang bo hmang tan pawh bo hleih theih pawh a ni tawh lo! Khawpui lianah chuan, khawpui chhung khawi hmunah pawh awm ila, kan cell-phone hian, kan awmna hmun min hrilh thei a ni titih ta mai.
    Cell phone-in thil a rawn thlak langsar tak chu sana hi a ni. Cell-phone-ah hian a awm tho va, a hrana bun hi kan mamawh tawh lem lo. Mahse, kan tih\han laklawh tawh avangin kan bun mai mai zawk a ni. Chutiang chuan thil dang pawh a la rawn thlak zel ang.
    Mi \henkhatin hetiang hmasawnna thil hi an dova, an ngaihven duh lova, an fate hnenah pawh, “Ho mai mai, in neih ve a \ul lo!” an pawngpaw tih vak vak \hin. Cell-phone hi nawmsip a nihna aiin a \angkaina a tam zawk. Chuvangin, neih leh hman thiam hi sual a ni lo. Thiam loh hi reiloteah A AW B thiam loh ang mai a la ni dawn. Chuvangin a hman dan tal hi chu thiam tum tur a ni.
    Chutih rual chuan, heng hi hriat reng tur a ni:
    I ATCHILH BIK RIAU EM?: Electronic hmanruate hi a lo chhuah tirh hian maktihna leh hriat chian chakna avangin neih kan intihhmuh \hin. Nikhua a lo rei a, a mamawhna tak takah chiah lo chuan kan khawih rei peih chuang lem lo. Chutiang hun a lo thlena mi aia buai bik nih hi a \ul lem lo.
    A TONA MILIN I CHHAWR EM? A hmel mawi, a chhuak thar, thil hrang hrang ti thei hi kan awt zel a. Mahse, a man tova kan lei phahna tamtak hi chu kan chhawr lem lo. Computer kan lei hian, a taka kan mamawh aia chak daih kan lei fo. A man titotu tak chu thawhchhuah nei lo game khelh nan kan hmang duh khawp mai. Cell-phone pawh hi chutiang chiah chu a ni.
    I MAMAWH MODEL DIK TAK I LEI EM? Engati nge cell phone hi chi hrang tamtak a awm le? A siamtute hian kan mamawh tawk ang zela kan lei theih turin model hrang hrangin an siam a ni. Kan sum lakluh intam hleihzia te, kan mamawhna indanglam hleih nasatzia te an hria a, kan mamawh dik tak kan thlan chhuah theih nan chi hrang hrang an siam tihna a nih chu. Mahni mamawhna sawi tur bik awm si lova, “|henawmte ta ang ka lei ve hrim hrim dawn!” tih ringawtte hi thil zahthlak tak a ni.
    I EIZAWNNA MAMAWH I LEI EM? Kan eizawnnain mamawhna a ken tel milin an siam a ni. Khawvel hmun hrang hranga kal kual a, sms mai duhtawk lova e-mail te nena kalna apianga thu dawn leh thawn mamawhte tan chuan Blackberry te hi to mah se, a \ha ngawt mai. Chutiang mamawhna nei si lova lo hum ve ngawt hi a to thlawn a, a rit thlawn bawk. Puan zeh hrang hranga ei zawng te, thiamhnang deh lama ei zawng te, thir kawngkhar design hrang hrang siam te, mistiri furniture siamte tan chuan, cell-phone-a camera \ha tak awm hi a tha ngawt mai. TV leh chanchinbu lama ei zawngte tan chuan thlalak thawn theite hi a \angkai khawp mai. To mah se a man tho. Ram riak \hin tan chuan, thlalak thawn thei ai chuan sihdet nena inkawp hi a \angkai zawk. Lui kala ei zawngte tan chuan
    3G MAMAWHNA DIK TAK: Tunlaiin, inbiak ruala biakte nena hmel inhmuhtawn theihna a lo chhuak thar leh ta. Hetiang generation pawh hi mi ramah chuan a awmna a rei tawh. Hmel inen ngawr ngawr hi an tum a ni lo. Company hotupa chuan, ram hla takah a aiawh a tir a, a aiawh chuan a va kalnaah chuan thawmhnaw design thar te, thil siam model thar te a va hmu a, amah maia thutlukna siam lovin a cell-phone a\angin amah tirtu a pu chu a entir a. A pu chuan rang takin thutlukna a rawn siamsak mai thin a ni. Chu aia \uan rang chu an lo mamawh leh ta. Entirnan, London-a Nokia company chuan Commonwealth Sport-a infiammite bun turin China rama pheikhawk siamte hnenah bun 5,000 siamtir a duh a, kar khat chhunga siam zo turin ‘contract’ hna an pe ta a. Chawl miah lovin darkar 24 an inthawhchhawk zat zat pawhin an zo hman lovang tih hlauhawm tak a ni. Hetiang hi Mizorama ‘contract’ kan tih ang hi a ni lo. A huntiama an zawh hman loh chuan an la duh ngai lo. A chhan chu a huna phurtu tur lawng te an lo ruahman lawk vek tawh a, chuvangin, dateline pelh an hlau takzet \hin. Sample en tur leh hmaichhana inrawn kual tura thlawhnaa zin kualna hun a awm lo. Chutianga inrawn zung zungna atan chuan e-mail te, cell-phone mms leh video conferencing te hi an hmang a ni. Chutiang hmangtute tan chuan a \angkai takzet a ni. Chutiang khawpa miten an hman \angkai lai chuan, mamawh miah lovin kan lo neih ve chuan, “Khawimaw, i kawr han hlim teh, ka lo en!” tih kual vel mai mai nan kan hmang lehpek dawn a ni.
    HMAN MAN I PE THEI DAWN EM? Petrol leina nei si lova Bike lei te, Fridge leia dah tur leina neih si loh te hi thil zahthlak tak a ni. Meizial leina neia meitalh leina neih loh ang deuh a ni. Chutiang bawkin, tunlaiin cell phone changkang deuh deuh keng chhuak a, a biakna man nei leh si lo an awm fo. Chuvangin, hmanraw \ha leh \angkai pawh ni se, mualpho phah khawpa lawm chu a \ul lo. A awlsamna tem laklawh tawh site hian ruihhlo leh anmahni taksa thlengin an zawrh phah mek a ni.
    HUN LEH HMUN I HRIA EM?: Lek chhuah hun leh ah bo \ul hun a awm. A ri lova mi dang tibuai lova dah a \ul hun te a awm. Committee naah te tihrik loh tur. Thuthmuna chhang mai lovin fianrial pan a \ha. Mi titi tibuai khawpa ring deuh deuha biak te a \hing. Midang mamawhna neia hmaichhana i biak laia i cell phone a lo rik hian, a pantu leh mamawh nei zawk hian cell phone chhan loh a \ha. Minister hnenah thil dil la, i biak laklawh laiin i phone lo ri se, chhang hrih ta la, Minister chuan engtin nge a ngaih ang? Mawl a ti ngawt ang che. I luh dawnin off hmak la, mi fing i ni mai. A lo ri palh a nih pawhin, hmeh hlum hriha a hnua biak mai tur. Fianrial, hun urhsun leh chhehvela mi dang nunphung tibuai lo thei ang bera hman a \ha.

Read More

KUM 50 LAI LIAM TAH AH KHAN.. BY B.DKUNGA 

Chhawrtui khua atangin kum 1952 khan Vairengte khuaah kan rawn pem thla a, Vairengte khua hi in ding 30-40 vel chauh an la ni a. Kohhran pawh ngelnghet takin a lo ding tawh a, tuna Tlangveng kan tih Pu Laisiama In hmunah hian Biak In pawh a awm a, a chung pawh Di, a bang Dap, thutthlengah pawh Rawnal pum phel phawk phawk nalh taka cheh thlap a ni. Pulpit chungah Black Board tereuhte a inkhai ve a, hun neitu turte pawh Chalk-a ziah ve thlap a ni thin. Ka hriatrengna pawh hun neitu Pauva tih kha Pava tiin an lo thlaksak a, amah Pu Pauva thinrim ang thawm pawh ka mitthlain a la hmuh reng vang a ni. Vairengte khua Kohhran din tantirh hi Kum 1946 vel niin a hriat a, keini naupang tan chuan rinthu mai loh chu sawi a harsa a, chhui thui loh a tha ber awm e.
    Awle, KTP lam ve thung, Kristian Tlangau May 1954-ah hetiang hian a chhuak a,”Ram dangah leh hmunpui zawkah chuan hetiang Pawl hi an neihna a rei hle tawh hlawm a. Zoramah pawh hian pawl a indinna fel tak a la awm lo na chungin, hmun tam takah hetiang pawl hi in nei tawh sa tih pawh kan hria, kan lawm tak meuh a ni,” tiin. Inzawmkhawm a pawimawhzia thuin paragraph a tawp a, 2nd Para-ah,
“Tin, kum 1945 September thla chhung hian General Conference hmasa ber Aizawl-ah hian dah kan tum a, Palai tirh dan tur chu Kohhran tin atangin mi pahnih theuh mipa emaw, hmeichhia emaw kum 35 hnuai lam Dan zawhkim ngei tih a ni a. Tin, chumi atan chuan pawisa kan mamawh dawn avangin Registration Fee (Conference Fee) atan Kohhran tinin Duli (as on Rs.8/-) theuh ken tur,” tih a ni bawk.
Dam takin, Inthawhpui,
(1)    Zokhumi
(2)    Luka
Secretaries, tih a ni.
    Kum 1954 Tlangau Bu atanga kan chhui chuan Vairengte khuaa KTP din hi kum 1954 niin a hriat a, hruaitu hmasate pawh khang hunlaia Kohhrana kan nula tlangval, Batchhunga, Vanchhunga, Zakiamlova, Awmthanga, HK Lalhmuaka te an ni mai a, hmeichhe lamah chuan Zakungi, Darkhumi, Chhawni, Nghaki, Sangi, Mangi te anni leh mai a, midang awm heklo, Committee-a an chanvo te hi chu Rambuai ah Minute Bu a bo zo tawh a, hriat theih a ni tawh lo.
    Tin, heng hunlai hian YMA, KTP leh Kohhran ten nawr lam bik pawh a neih theih tak tak loh, mihring kan tlem a YMA hian thingpui No kan nei a, kan danglamna ni maiin ka hria. KTP lam hian Zaipawlah leh Kohhranah mihring nawlpui aiin tan an la deuh, kan la intluk tlang hle. Kan sawi hmaih hauh loh tur Pu Thandanga (L) kha YMA, KTP leh Kohhranah a tangkai kual vek a, zirtirtu a ni bawk a, Aizawl khua atanga rawn pem a ni bawk a, Sap hun laia IAMC (Indian Army Medical Corps) pensioner a ni bawk a, saptawng pawh thiam tak a ni. Fiamthu a thiam a Vairengte min tihlimtu a ni a, zirna lamah khawvel tukverh a min dahtirtu pawh a ni.
    Awle, hetiang taka khaw lungrual kan nih avangin Krismas pawh hi Kumthar ruai nen kan zawm pat thin. Pu Chhawna a tuia a tah deuh par tawh chuan Bawng a thawh leh mai thin a, naupang rilru tih takah Pu Chhawna hi a hlim lo ang tih kan hlau thin khawp mai. Mihring kan tlem kan tih tawh kha, vawk kan talh pawhin kan thiante kan sawm thin a, kan thianten vawk an talh a min sawm loh chuan kan in chhuahchhal thin.
    Tun hun atan chuan nuihzatthlak an chang zo ta si a. Pu Chhawna Ina Krismas kan hman tumin tlangvalhovin Pu Tlanglawma,  chhangban funna hnah a lam kualnaah an lo rahtir a, lam pahin phiah thlak a tum a, a tawpah a hawng tau Pu Thandanga’n a thlem lungawi leh ta te, rilruah leh mitthlaah a la cham a. Pu Laisiama In hmuna Biak In a awm laiin zankhat kan inkhawm chu pawnah zurui an intibuai a, kan Chairman Upa Sanga khan a chair kalsanin pawna Kapkunga lu-ah Torch Light Cell thum in a vua a, tunhnu hian a fanu thil awmdan ka zawt a, Biak Ina inkhawmte kha pawna insual en turin an lo chhuak vek a ni awm e, Chairman a lo chhuak ve kha thil awmlo pawh a lo ni hranpa lo. Helaia Biak In neih reng hi a hmunte a zim si a tiin tuna kan Biak In hmunah hian insawn phei a ni ta a.  Kum 1959 vel khan ‘Pu Sailothanga ram’ a ni a, a pa thlan te pawh hmuh turin a la awm a, Biak In kawtah tak a awm avangin tunah hian anmahni dil a sawnhlat a ni tawh.
    He hmunah hian Biak In a chung Laisua, a bang Dap bawkin sak leh a ni a, a kawngkhar pawhDap kawngkhar ‘a khai a khai a ni’. Kan Kohhran Upa Sanga, Upa Tlanglawma, Upa Tluanga, Upa Vana te ho khan ngaihtuahna thui tak neiin a tlang pumpui hi Biak In hmun atan an dah a. Ram buaiin min nang a Grouping Centre Vairengte a nih avangin humhalh reng theih a ni lova, In hmunah sipaiin an luahtir a, thenkhat chu Kohhranin a lei let leh tawh a ni.
    Helai hmuna Biak In kan neih hnu pawh hian nuihzat thlak tak tak sawi tur a tam mai. YMA-in dar kan vaw thin a, hla hruai hna pawh kan ti nghal zel mai a, Pu Remthanga leh kei khuang vawtu kan ni a, Tv.Mangthuama a chair a, ‘Leilung pian hmain’ tih hla hi an thlang a Hla kan la sang lutuk a kan aw a tial zo ta a, a thunawnah kan pamtul a, kan chairman Tv.Mangthuama nuih a za a, kan nuihza lutuk Pu Remthanga nen kan lo nui bawk si, Pi Zingi (Zahlira nu) a rawn tho a,”Tv. Mangthuam, i ho lutuk” tiin a chair a va luahlan a, Pi Zingi pawh chu nuihna thlarau chuan a rawn man ve ta a, hla hnuhnung pawh kan sa chhuak thei lo a, Lal Biakna pawh kan Pa Vana mi tih lai vel chu a la mumal a, a tawp lam chu a eng laiah nge kan Amen pawh kan chiang ta lo. Sunday zanah karleh Sunday tantu J.Dothuama tia Secretary-in a sawi rualin J.Dothuama hian tlar hnung lam atangin ka hman kher angnge maw chu aw ! a rawn ti a, kan inpawh tlang teh e..
    Ka pa Laihnuna (L) kha fiamthu a duh ve a, tantu ah an ruat ve a, tara lama tantu nih te chu ka duh lo, Buh tin hnih (2) hlawha min tan sak tur awm se a ti e an ti !! Pawi mihlim kan kawl a, “Biak Inah zawng ngau rual, ka ek pawh in tluk lo,” a ti dum dum reng mai a, ka pa khan, “Hrethiam rawh u, Pawi hi chu ‘a’ sa an ni a..,” a ti a, amah pawh Pawi hnam a ni ve tho si a. Heng kan thuhriltu atang te hian kan Kohhran nawmzia kan chim chin i hre thei ang.
    PU CHHAWNA Sermon, “Zakaia chu kan A.O aia Lal zawk Isua a hmuh duh avangin Thing a zawnga thing nal ber theipui kung a pum bawh chhova, ‘A va ropui em ! ’ Zakaia hian vanva dakin a han en a, an ti leh tlat a…”
    PU CHAWNGDAWLA, Chi hi a dak tawh chuan tih chang a chhiar hnuah chi sawi dak a tum ta a, “Chi hi India ramah a tel lova khawsa thei tumah zuk awm lova mawle, al tak a ni. Mahse a da thei a, kan ei bang thlam bangrelah te hian han zep ila zuk feh leh ila a lo tui pur tawh a,han liak ila ‘a ngawi vung vung a’ a al tawh mang bar lova…” chi sawi dak hi a har viau mai a lo ni.
    PU ENGA, a Bible chhiar turah hmawlhte a zep a, Pulpit an lawn meuh chuan a lo tla bo tawh si a, Bible a phek a phek a, Kolossa a va phek thleng a, “Bible-ah Kolossa a awm tih pawh ka lo hre lova an ti phawt a, tunlai hi hun hmawr a ni tawh a, zu te inzawrh mai mai chuan inchawh hle ang,” te tiin a hun chu a hmang zo ve ta tho a ni. Heng kan han sawi tak hunah hian Biak In lamah leh In lamah pawh kan hlim tlang hle thin.
    Kum 1966 March thlaah Mizoram a rawn buai khan lungngaihna chhumin Mizoram a rawn bawm thim ta mup mai si a. Sipai-ah kei ka lo tang hman chiah chiah a, ka thianpa’n lehkha min rawn thawn a, “Sipaiin MNF hel emaw min ti a, CIJW School-a 9th-Guards ah ka tang a, nau rual zinga darmang khai ang maiin a hman hmanin min vua a, a hrehawm lutuk,” a rawn ti. Vairengte-ah pawh Curfew a ni reng ta mai a, a inkhawm theih loh a, eng pawh sawi ila ‘sipai thu thu’ tih hi a ni ta vek mai a. Sipaiin kan Biak In luah an tum a, Upa Sanga’n luah a phallo tlat mai a, mi huaisen a nih kan hre ngai lova, sipaiin silai a an tin fur pawhin a zam chhete lova, “Pathian Biak In a ni” a ti tlat mai a an luah ta lo a ni, huaisenna petu Pathian a ropui a ni. Curfew an thlah dul chang hi chuan Inkhawm pawh an tha thei hle. Vairengte Kohhran hi min hringtute an tha a, an martar ngam a, hengte hi a ni ang e, he Kohhran hian kawng engkimah malsawmna a dawng nasa hle a ni.

Read More

Multipurpose Hall sa tura ruat sub Committee ten BDO atanga Rs.6,47,000/-an hmuh atangin Rs.6,29,085 hmang tawh
     Vairengte : Dt.23th, May, 2014 :  Nimin khan Vairengte Joint YMA kaihhruaina hnuaia Multipurpose Community Hall sak mek chungchangah a sak hna thawk tura ruat Sub Committee te chuan Vairengte a thuthar thehdarhtute kawmna an nei a. He hunah hian chanchinbu mite hnenah Hall sak nan a Sub Committee in sum ahman dan report kimchang ziakin an pe.
      He inkawmna hunah hian Multipurpose Hall sub Committee member te an kim hle a. Sub Committee Chairman Pu K.Thangvela leh Pu L. Hmangaihzuala te chuan an hma lak tawh chinte leh an la thawh dan tur ruahmanna an neih hrang hrang te an sawi a.  An sum hman dan record atanga alandanin kumin 2014, Feburary ni 14 atang khan Hall sak chhun zawmna tur hi Bilkhaw-thlir BDO hnen atangin Rs.4,47, 000/- an hmu a. Tin, ni 26.3.2014 khan BDO atang vek hian Rs.2,00,000/- hmu leh BDO atanga an sum hmuh zawng zawng hi avaiin Rs. 6,47,000/- a ni. Heng sum hmang hian Dt.27.2.2014 a tang khan Sub Committee hian hna thawk \an nghalin hlawhfa rawih nan leh Hall sakna atana mamawh hrang hrang te lei nan Rs. Rs.6,29,085 hmang ral tawhin tunah hian Rs.17,915/- an hman ban an la kawl mek ni a tarlan a ni. Tin, tunhnai khan MGNREGS inhlawhna atang in VC-II ten Hall sak nan hian Rs.2,50,000 an pek chu la kawl in hemi hmang hian hma an la leh \an mek bawk.
    He hunah hian Hall an sak mek chu a hmunah enin an hmalak tawhna te sub committee te chuan an sawifiah a. Hall hi a dung 91 fts leh avang 51 fts a vau a sak a ni a. Kawng ka (7 X4 a lian) hi 4 siam niin Kawngkapui hi hmun 2 ah siam a ni a. A stage tur an siam mek hi a dung 52 ft leh a vang 15 fts a zau niin a san zawng erawh an la siamfel lo thung. Hall chhungah hian Tukverh 20 awm tur a ruahman niin  Ventilation hi 49 awmin Boruak chhuahna tur vuahna  (Exhaust fan) hi hmun 4 ah siamin Hall chhung ah hian ri (sound) a khawk loh nan Hall chunglam hi an ti kaw nual bawk a ni. Tin, thlanglam ah hian Varanda a dung 17 fts leh avang 60 fts a zau siamin a Hall hnunglam a chuang la awmah hian Dressing room leh Sound duty room bakah Mipa leh hmeichhia Zunin leh Ek in te siam leh an la tum bawk niin an sawi. Hall hi tunah hian Bang leh a chung siam mek niin a bang chhak lam hi la pin loh a ni a. Tin, A chung pawh hi a zahve aia tam chih tawhin chih turin hall chhungah hian Rangva \ha chi eng emaw zat dah ala ni bawk.
    Multipurpose Hall hi kum 2002 July thla atang khan VC-II ten Social Education fund atangin an sa \an a. Hemi hnu hian VC-II te chuan hna hrang hrang an nghah avangin Joint YMA kutah an hlan leh a. Jt.YMA te hian MP fund atang Cheng Nuai 5 hmangin an thawk \an a, kumin kum tir khan BDO atanga Rs. 6,47,000/hmu lehin heng sum hmang hian an sak chhunzawm leh mek a ni. Hall sa mektu Sub committee member te hian hlawh pawh nei lovin mahni in seng so in Hall hi sa in,Jt.YMA ten Hall sak hna an thawh atang hian mumal takin sum hman dan hi ziah fel a ni a,hemi hma lam a an sum hmuh dan leh hman dan erawh hriat theih a ni tawh lo a ni.

Read More

 kum 2014 a  MP inthlanna result puan zawh tak ah khan Vairengte khaw chhung a veng hrang hrang a vote tlak dan chu hetiang hi a ni.

Read More

INTRODUCING MIZO NOVEL APP!

Brought to you by: MizoApp Store.
Website: http://mizoapp.com/
Source: http://mizoapp.com/mysteriousromance

MY MYSTERIOUS ROMANCE
(Ka Hmangaihna Tawnmang Mak)

"Khaw pakhatah hian Thangtei leh Liana hi an awm a. Khaw khat nula leh tlangval fel an ni a, an inngaizawng a......... Tichuan, hlim takin an awm ta a."

Khi khi kan Mizo love story kalphung a ni deuh ber țhin. Hei vang hian mi tam tak chuan Mizo novel hi kan hne țhin a ni. Mizo irawm chhuak lehkhabu danglam leh ngaihnawm, hmangaihna runthlak leh lungchhiatthlak, hriatna ti zau leh bengvarthlak ni tel si! "My Mysterious Romance" H.Lalfakzuala (Faka Hnamte) ziah hi Mizo love story tluangtlam, Mizoram - Shillong inkara kal pût pût ringawt ningte tan chuan ' Van Mana' a ni ringawt awm e. He lehkhabu i chhiar lai hian, a chang chuan a changtute hmangaihna zin kawng zawh bumboh lutuk avangin i hnuk ulh țeuhin i chhiar ang a, a chang leh suangtuahna nen thil awmdan ilo chhut ve vak vak thin ang. A chang leh thinur takin i inseh ruh anga, a chang leh hlauh avangin i hmulthi a ding sung sung ang a, thaw dêp dêpin a siam hial ang che. Chu chu he lehkhabu chhiar tawhtuten, an chhiar laia an awm dan an sawi țhin chu a ni.

Tin, he thawnthu hi tehna hrang atanga teh chuan Adventure, Horror, Thriller, Romance, Mystery, Action a fawm kim vek awm e. Android phone hmangtute tana a thlawn liau liaua download theiha chhawp chhuah a ni thei ta hi a vanneihthlak a; Mizo țawng lehkhabu-ah chuan a hmasa ber pawl leh Mizote tana thu leh hla ah bi thar min kaipuitu a ni hial awm e.

File Name: My Mysterious Romance
File Type: apk
Size: 585 KB
Support: Android 1.6 and above
Install: From Playstore 'My Mysterious Romance'
OR
Download: http://bit.ly/TXcLNm

#NOTE: Brought to you by tih zawha Mizo App Store khi lo like ve la, Mizo siam application thar leh a kaihhnawih thil news i dawng fo thei ang.. Website pawh buaipui mek a nihzia a hnuaia link ațang khian i hmu thei ang a, source link ah khian lutin he application apk download page ah i lut thung ang.. Mahse, download khi i click thung chuan a page a lut lovin direct in i download nghal tawp thung ang.. Lo belchiang hlawm mah teh..

Țha i ti a nih ngai chuan lo share ve ngei ang che..

Read More

Joint MHIP ten NH-54 kawngpui sira in bual leh Ui chhuak ngaimawh
    Vairengte : Dt.27h, May, 2014 :  Nimin khan Vairengte Joint MHIP te chuan IOC vengah Committee an nei a. He hunah hian tunhnaia hmeichhhia kumtlinglo pawngsual thleng leh thin chu an dem thu sawiin,Kawngthar venga Kawngpui sira inbual thin te leh Ui chhuak tam lutuk ti tawp turin hmalak an tum.
       Joint MHIP Committee hi an pawl president Pi Lalnun-hlui’n kaihruaiin he hunah hian MHIP te hmalak tur hrang hrang te sawi ho a ni a. He hunah hian tunhnaia kum tling pawngsual/khuakhemna Vai-rengte khawchhungah ngei a thleng leh thin leh Hmei chhia chak lo zawkte chunga hlei-hlenna thleng thin chu pawi an tih thu sawiin hei hi Joint MHIP te chuan an dem tak zet thu an sawi a. Hemi kawngah hian theih tawp a hmalak a bawhzui zel an tum niin Jt.MHIP president chuan a sawi bawk. Tin, tunhnai chho atang khan Kawngthar venga NH-54 kawngpui sir a hmeichhia in bual lai hmuh tur awm leh thin chu a hnam ang pawha a mualpho thlak a an hriat avangin helai hmuna  inbual thin kum dang ah pawh ‘N’Branch MHIP ten hma an lolak tawh thu an sawi a, helai a inbual thinte chu inbual tawh lo tura hrilh hriat a hmalak nise an ti a ni.Hemi chungchangah hian nimin tlai khan helai hmun a inbual thin ni a an hriatte in ah lengin kawngpui sirah inbual tawh lo tura ngenin, hei hi Mizo Hmei chhia te mualpho theihna leh hnamdang ten min zuam phah theihna a nih avangin ti tawh lo turin an ngen a ni. He an ngenna  hi pawisa lova,an ti lui leh a nih chuan helai hmuna inbual thin te hi an hming chanchinbu lam ah tarlan an tum thu sawiin a khat tawkin helai hmun hi an endik thin dawn niin an sawi bawk.
    He hunah hian khaw chhung a Ui chhuak tam lutuk chu a tih rem dan kawng zawn nise an ti a. He hi a chhan chu tunlai hian Vairengte chhehvel ah Ui ^ hri lengin hei hi mihring tan a hlauhawm theih avangin SDO(C) hova Ui chhuak tih rem dan zawn nise an ti a ni. Heng bakah hian Kumin  MHIP Day chu a Joint a branch hrang hrang ten hman ho nise an ti a,amaherawhchu MHIP Day, Ni 6 chu Pathianni a nih avang in ni 7 (Thawh tanni) ah a lawmna hi neih nise an ti a.  He Day lawmna hian Pu Lalduhsanga, Magistrate leh Kolasib ,CWC Chairman Pi Happy Laldingliani te chu sawm nise an ti bawk.

Read More

VHSS ten HSSLC a 100% an pass lawmna leh Fresher social neiin Managing board ten lecturer 1 lakbelh an tum
     Vairengte : Dt.30h, May, 2014 :  Nimin khan Vairengte Higher Secondary School te chuan an HSSLC exam 2013-14 a an school atanga zirlaite 100% an pass lawmna leh fresher social an nei a. Tin, chawhnu lamah Managing board committee neiin he hunah hian he school hian hma sawn zel theih nan Mizo subject zirtir turin lecturer pakhat lak  belh nise an ti
       Vairengte Higher Secondary (VHSS) Fresher social hi nimin chawhma dar 11:00 kha neih niin kumin ah hian zirlai lut thar (Fresher) hi Class XI leh XII ah an vaiin mi 43 vel awmin he hunah hian zirlai lo lut tharte lawmna neih a ni a.  He huna khuallian a sawm Joint VCP leh Managing board chairman ni bawk chuan thu sawiin mi tam zawk ten thil thleng thei lo ang hial a an sawi thin chu thil tih theih a nih thu sawiin,zirlaite chu an zirna kawngah theih tawp chhuah turin a fuih a, lehkhathiam te tana hnathawh tur awm lo anga sawi awm fo thin chu a dik loh thu sawiin mithiam leh mi taima tan chuan hnathawk tur a awm dawn chauh thu sawiin Vairengte a \halai tam zawk ten Auto khalh kan tum vek mai hi thil thalo tak a nih thu a sawi bawk.  VHSS ah hian Class XI leh XII zirlaite tan seat 30 ve ve awmin tunah hian a seat hi a full vek tawh a. Hetihlai hian Class XI ah phei chuan mi 40 in admission hi an tih tawh avangin Class chhung ah pawh a tawt hle niin zirtirtute chuan an sawi.
    Hemi hnu hian Vairengte HSS Managing board \hut khawm neih a ni a. Managing board chuan kum liam ta an result te thlirletna neiin Vice principal Pu C.Lalnunpuia chuan an subject tih that tawk lohna lai te a sawi a.Mizo leh History  subject chu zirtirtu 1 in a kawp avangin an tih \hat tawk theih loh thu sawiin hei vang hian Mizo lecturer tur hi lak belh a ngaih thu a sawi a. Managing board chuan ngun taka ngaih tuah in he subject lecturer tur hian Tv. C.Chawnglian-mawia S/o  C.Vanlalfela Venglai chu M.A Mizo,Honour a nih angin zirtirtu atan lak nise an ti a ni. Hengbakah hian an sum neih dan te thlirhona neiin tunah hnaia Jobcard holder ten an  sum thawh khawm atanga an hmuh  Rs.7,00,660/- an nei mek a. Heng an sum neih te hi Managing board leh Vice principal  hminga Rural Bank ah account hawn a dah nise an ti a ni.  Managing board meeting neih zawh, tlailam khan khawtlang hruaitu te leh khawchhunga department hrang hrang hotute nen Vairengte Higher secondary in kum 2013-14 HSSLC exam a 100% an pass lawmna neiin chawhlui an kilho nghal ni a thu dawn a ni.

Read More