Minister leh MLA ten ramri Mizoram sipai te tlawh

Ramri a khua awm tih changtlung tum

Varengte Nu huaisen huaisen lawmman hlanna neih a ni

Rengkhawpui Editor hovin Vairengte Block MHIP hruaitu ten a hlanna an nei

Phainuam, Buarchep ah Assam lamin an luah chin ah lui dawh kai tumin hma la leh

CRPF in an khap hnuah pawh la siam lui reng

Aitlanga Mizo huan neitu ten Memorundum thehlut

An huan an chan hlen dawn nge? Sokar la ngai chang dawn?

Vairengte daia Mizoram leh Assam Policein kahna hmun

He hunah hian Vairengte mi PC Lalmuansanga Venghlun chu a malpuiah kah hliam a ni a,midang hliam an awm lo thung

Saturday 28 February 2015

Police gate ah 407 truck-a hnung zawnga tawlhin Sumo suin Sumo a chuang 1 in hliam tuar

Vairengte : Dt.9th January 2015 : Nimin tlai dar 3:00 vel khan Vairengte Police check gate thlang zawk ah 407 Tripper Motor pakhat chu a khalhtu in gate-a a entry laiin motor hi hnung zawng a tawlhin a hnung a Sumo ding chu a su a. Sumo hi ahma darthlalang a keh vek bakah sumo a chuang zingah hliam tuar pakhat a awm bawk.

Nimin chawhnu lam dar 3:00 vek khan Bagha atanga Insakna bungraw phur MZ05 7045 chu Vaireng-te Police gate ah Motor entry in hetia a check gate a kal hlan hian a motor chu hnung zawng a tawlh in a hnung a Sumo, AS11A 1644 lo ding ve mek chu hnawl thla in Sumo hi tawlh ve nghalin a thlang kawr ah a tawlh lut a. A chhung a chuang Passeger pakhat Lal-siamthari (17) ,Cachar chu Sumo atang hian tla chhuakin a lu a sawh hliam ni a thu dawn a ni.      He chetsualna chungchang ah hian Police Officer te hnen atanga thu dawn danin Truck (LPK) khalhtu hi Hmingthanfela (52) S/o Biakzuala(L) Kawnpui, Venglai niin a motor hmang (hire) tu leh a chuanpui hi R.Lalthana (50) S/o Rothanga (L) niin LPK driver hian gate a a entry lai hian Motor hi ti thi lovin a Pu Lalthana hnenah hian  a Break hi lo tlawh turin a ti ni a thu dawn a ni a. Hemi hnu lawk ah hian Motor hi tawlhin a hnunga Iron rod an phur chuan a hnunga Sumo ding lai chu a hma darthlalang nawr kehin Sumo hi hnung zawngin a tawlh ve leh a. Sumo ah hian Kolasib kal tur passenger a khat a chuang in heng zingah hian Lalsiamthari,Cachar, Kolasib a lehkha zira a awm mek chu Sumo atang hian tla in kawng pui ah a lum zui a,hei vang hian a lu hi a dup ni a thu dawn a ni bawk.

Sumo hi Kolasib to Silchar service niin a driver  hi Lalchhanhima(27) S/o Thang puia ,Thingdawl a ni a,a ni pawh hi entry tura a kal lai a nih avang in Sumo hi a mah in a tawlh ni a thu dawn a ni a. Sumo driver sawi danin Sumo hi gear ah a dah a,hetiang a LPK in a sut avang hian a gear hi chhia in a hnung zawngin a tawlh ve ta ni a hriat a ni. Sumo hi a hma darthlalang keh vekin a bullet leh bumper a chhiat bakah a spiring pakhat a chhi a. a chhung a chuang passenger dang erawh chuan hliam an tuar lo ni a thu dawn a ni bawk. He accident chungchangah hian police te chuan hma la nghalin thil thlen dan te a hmunah endik in an zir chiang a. Nimin tlai khan Motor neitute hi Police Station ah inbiain case siam buai lova lirthei chhia te hi insiam sak a inrem an tum ni a thu dawn niin hetihlai hian Sumo passenger pakhat hliam tuar chu a natdan report kim chang hriat phawt a ngaih avangin he thu buatsaih lai thleng hi chuan inremna an la nei lo ni a thu dawn a ni bawk.

Venglai
President : H.Lalthlengliana
Vice Pre. : C.Zairemmawia  Secretary : Lalhruaitluanga Varte
Asst,.Secy : Lalnghakliana
Treasurer : C.Lalhruaizeli
Fin.Secy : C. Laltleipuia

Bangla veng
President : K.Lalawmpuia
Vice Pre. :K.Malsawma
 Secretary : C.Lalchhanchhuaha
Asst,.Secy : Samuel Lalhriata
Tre  : Peter Lalchhanhima Sailo
Fin.Secy : H.Lalchhuansanga (PZa)

Zalen veng
President : R.Lawmthanga
Vice Pre. : HB Lalchhuanawma
Secretary : Lalthlengliana Hlondo
Asst.Secy : KMS Dawngliana
Treasurer : R.Lalthlamuana
Fin.Secy : Lalrawnkunga

Field veng
President : V.L Siama
Vice Pre. : JR Laldinpuia
Secretary : J.Hmingthanpuia
Asst.Secy : Lalmalsawma
Treasurer : C.Lalremruati
Fin.Secy : Lalengvara

Chhimveng
President : Lalawmchhungi
Vice Pre. : H.Lalruatkima
Secretary : R.Lalbiaksanga
Asst.Secy : R.Lalngaihawma
Treasurer : R.Lalmuankima
Fin.Secy : F.Lalruatfela

Hallveng
President : TC Lalnuntluanga
Vice Pre. : T.Lalchhanhima
Secretary : Lalnunkima Ngente
Asst.Secy : HK Lal\hazova
Treasurer : Helen Vanlalruati
Fin.Secy : Rita Lallawmthari

Kawngthar
President : Remsangliana
Vice Pre. : K.Zaithanga
Secretary : LalnuntluangaKawlni
Asst.Secy : Zoramthanga
Treasurer : Lalengzami
Fin.Secy : ZochamiPresident :

Hmarveng
President : Lalmuanpuia colney
Vice Pre. : R.Templemawia
Secretary : HK Zawlhmingthanga
Asst.Secy : Lalengzama Colney
Treasurer : HK Zapara
Fin.Secy : Lalchawisanga

IOC Branch
Pre. : Lalawmpuia Pautu
Vice Pre. : Lalringliana
Secretary : Darliankunga
Asst.Secy : Benjamin.T.
 Lalhmangaihzuala
Treasurer : Thantluanga
Fin.Secy : Zirlianchhunga

 Jt. MHIP hruaitute
  Nimin khan kum 2015 a Vairengte Joint MHIP hruai tu tur thlanna neiin heng mite hi hruaitu atan thlante an ni.
President : Pi Lalnunlhlui
Vice.Pre. : Pi Thangthuami
Secretary : Lalbiakdiki
Asst,.Secy : Pi Devi
Treasurer : Pi Lalbiakliani
Fin.Secy : Elizabeth-i

 ID lam theih
AMFU hnuaia Hmunphiah collector zawng zawng ten vawiin chhun dar 12:00 a tang hian Pu Rempuia (pre-sident) hnenah Collector I.D leh an list a lak theih dawn ni a thu dawn a ni

Govt. H/S ah Science zirtirtu dah dawn
  Hun rei tak Govt. Vairengte High School a Science zirtirtu an neih tawh loh hnu ah nimin khan khawtlang hruaitu leh bialtu MLA te hmalakna avang in Scien ce zirtirtu tur hi transfer order tihfel a ni. Science zirtirtu tur hi hnamdang,Modhab Mandal Hortoki H/S a thawk mek chu Vairengte Govt. H/S ah sawn a ni dawn a. He transfer order hi nimin khan Bialtu MLA Pu K.Lalrinthanga chuan dawng in nimin vek khan  Group cong ress hruaitute hnen ah a rawn thawn thla leh nghal ni a thu dawn niin a post hi a lo zawm thuai dawn ni a thu dawn a ni bawk.

Football tournament
Nizan khan Vairengte VEZFA ten Republic day den chhen a Football tour-nament an siam tur chung chang ah committee neiin  he tournament hi VEZFA hnuai a affiliated club te tan niin Entry Fee hi Rs.300/- a ni a. Tie draw hi Dt.13.1.15 zan dar 6 ah neih tur niin he hunah hian entry fee hi ken nghal tur a ni dawn a ni.

Chawimawina hlan
Nizan khan Zalen veng Branch YMA te chuan hruaitu thlanna neih pahin an vengchhunga mi tlawm ngai,Pu CVL Sawmliana leh Thangkhawluna te hnen ah chawimawina (ciatation) an hlan ni a thu dawn a ni.

DT.8.1.2015 TUALCHHUNG

MINISTER DAWR DAWN
Vairengte MZP te hmalakna kal zelah Govt.Vairengte High School a hun rei tak science zirtirtu an neih tawh loh chung changah NGO hrang hrang aiawh mi 1 theuh te chuan kar thar lam hian Education Minister dawr an tum ni a thu dawn a ni.

 Jt.MHIP hruaitu thlanna nei dawn
Vawiin tlai dar 3:00 hian PWD, IB,Hmarveng ah Vairengte a MHIP te chuan kum 2015 a Joint MHIP hruaitu thlanna an nei dawn a. He hunah hian khaw chhunga Branch 7 atangin Office Bearer mi 6 theuh ten Jt.MHIP hruaitu tur thlanna hi an nei dawn ni a thu dawn niin tlai lamah chawhlui an kilho nghal dawn ni a thu dawn a ni bawk.

MUP ‘N’ ten Rising day lawm dawn 
Naktuk Zirtawpni hian MUP, Vairengte North Unit te chuan an Rising Day an lawm dawn a. He hunah hian kum 2015-16 a MUP, North Unit hruaitu tur thlanna an nei nghal dawn a,Inthlanpui tur in tualchhung chanchin bumite pawh sawmin Rising day hi ruai nen  lawm an tum ni a thu dawn a ni.

 Lirthei khalhah dan bawhchhiatna tam
  Nikum 2014 chhunga lirthei, dan bawhchhia pawisa an chawitir tling khawm atangin sorkar sum zemah Rs. 25,02,600 chhun luh a ni. Nikum chhung khan lirthei, dan bawhchhe zingah lirthei ke hnih nei a tam ber in 4,096 an awm a, Taxi 2,063, LMV 2,049, motor lian, HMV 411 leh Bus 107 an tel.

  Saipum a ABCI kawng siam chhia
.ABCI Company ten Serkhan leh Bagha kawngpui, Black topping an thawh mekah an hna a chhiat vangin Saipum NGO te chuan hna thawh chhunzawm an remti lo. Saipum NGO hruaitute chuan "Black topping hna an thawh hi kumkhat chu sawiloh, nikhat em pawh a daih lova, a khawk leh nghal nual a,a khawk lo lai pawh a lungthil deuh vek nghal," an ti.


BDO awm loh vangin chawl rih 
Bilkhawthlir BDO hmalakna a Zalen veng,Bazar bula footpath an siam mek chu siam chhun zawm loh in a la awm mek a ni. Hemi chungchangah hian Work incharge te hnen atanga thu dawn danin BDO Pu Lalfak -zuala chuan a Office a la luah loh avangin hna hi an la thawh chhunzawm thei rih lo niin a sawi a ni

Field laihna ba pe
 Tunhnai khan VC-I te chuan Field thar laihna atana CZS JCB leh Bulldozer an hmanna man an bat chu an pe ni a thu dawn a ni. Heng hmanrua te hmanna man an bat atangin Thawhlehni khan Cheng Nuai 1 an pe ni a thu dawn niin tunah hian cheng Nuai 6 vel an la ba niin VCP,Pu B. Dokunga hnen atanga thu dawn a ni.

 khuallian atan cdpo
 Vawiin chawhma dar 11: 30 hian  MUP, Vairengte ‘N’Unit te chuan an Rising Day an lawmna neih pahin kum 2015-16 a hruatu thar tur thlanna an nei dawn a. He huah hian  khuallian atan Pu Laldinliana CDPO, Bilkhawthlir sawmin in infuihtharna leh in tihhlimna te neiin tlai lamah chawhlui an kilho nghal dawn a ni.

Pavalai Rising day lawm
 Nimin khan IOC a Preisbyterian Kohhran Pavalai te chuan an rising day n lawm ni a thu dawn a ni. He hunah hian thu leh hla hmanga in pawl hona neiin nileng a hun an hman zawh hnuah tlai lam khan chawhlui kilhona an nei a, zan lam thleng khan programme hi an nei ni a thu dawn a ni bawk.

Vairengte P&E Dept. ten kumthar atan inhlan tharna nei,2014 chhung khan electric bill atangin Rs.164.38 lakhs hmu





  Dt.7.1.2015 Tualchhhung : Nimin khan Vairengte Power & Electricity (P&E) department a thawktute chuan kumin kumthar atan Pathian hnen a in hlan tharna an nei a.  He hunah hian Vairengte P&E department hnuaia a thawktute din hmun leh an hnathawh dan tlangpui tarlangin nikum chhung khan electric bill atangin Cheng Nuai 164.38  an hmu tawh a ni.

Kumthar atana Pathian hnena inhlan tharna hun hi Pastor Lalmakpuia’n a hmanpui a. He hunah hian Vairengte P&E department a thawktute chuan kumin chhunga tluang taka an hna te an thawh chhunzawm theih nan Pathian hnenah inhlan  tharna an nei a ni. Tin, he hunah hian Vairengte Sub-Division hnuaia P&E Dept.-a thawktute dinhmun tlangpui leh an hma lak tawhna report thenkhat te tarlan a ni a.  Tun dinhmunah  Vairengte Sub-Division hnuaiah hian thawktu mi 67 awmin Vai-rengte ah mi 50 leh Bilkhawthlir ah mi 17 an awm a, Sakhuana lamah Kristian mi 45 awmin Hindu-17 leh Mosolman 6 an awm a, Kohhran a rawngbawltu mi 13 awmin Kohhran ngaihsak lemlo mi 16 an awm bawk.
Vairengte P&E depart-ment hian nikum 2014 April atanga  November thla thleng khan Electric bill an siam tawh zat chu cheng Nuai 177.34 a ni a. Hetihlai hian April- Decem -ber thla thleng khan Electric bill atanga an sum hmuh tawh zat hi Cheng Nuai 164.38 a ni a. Sokar kum (April - March) chhunga Sorkar a chhun luh tur (Revenue) an target chu Cheng Nuai 307.86 a ni thung. Tin, nikum April - November thla chhung khan Electric (Energy) an dawn tawh zat chu 5.89  Mega Unit (MU) niin hetih lai hian Energy an hralh chhuah zat hi 4.23 MU a ni a, an hralh chhuah aia an hmuh zat atam avang hian energy an hlauh zat hi 1.66 MU ni a report a ni bawk. Hetihlai hian kum hmasa (December) thleng khan Electric Bill hi Rs.1,14,39,673 siam a ni a, heng atang hian Rs 88,64,968/- an hmu a,  Electric Bill la pek loh (Balance) hi Rs 25,74,705/- a awm  bawk.
    Tin, tunah hian Saiphai ah Sub station thar an din leh mek ni a thu dawn a ni a. He hna hi nikum March thla vel atang kan thawk tanin tun dinhmunah an hna thawh hi 80% vel an zo tawh ni a thu dawn a ni bawk. nikum lam khan P&E dept. hian Vairengte sub Division hnuaiah hian khaw 11 en kawlin   Trans former hi avaiin 70 a awm bawk.

 Kohhran Dan thiang-hlim innei dawn
Vawiiin chhun dar 12:00 hian R.Lalfakzuala S/o R.Siakenga Chhimveng leh Judith Lalhming-liani D/o Lalropara, Chhinga veng, Aizawl te chu Vairengte Chhimveng Presbyterian Koh-hran Biak In-ah Kohhran Dan thianghlimin an innei dawn a. Inneihna hlawhtling tak an neih theihna tur leh fanau maltluan chawi dun turin Editorial boad chuan duhsakna sang ber kan hlan a ni. (Kumin atang hian eng Kohhran pawh Kohhran Dan thianghlima inneite chu  tarlan a ni thin  tawh  dawn a,hriat vek theih a nih loh avangin Dan thianghlim a innei turte chuan Editorial board lam in hrilh hre thin turin kan in ngen a ni.  -Ed)

.Hmunpiah lo lakhawm lui awm
AMFU Sub - hqr, Vaireng-te buatsaih a Hmunphiah leikhawmtu(collector) kalkhawm ten Dt.12.1.15 hma a hmunphiah lei loh nise an tih chu nimin khan he an thurel hi zawm lova  IOC veng ah hmunpiah  lo leikhawm a awm ni a thu dawn a ni.Hetianga a lei hun an ruat hmaa hmun-phiah a lo lei avang hian AMFU hruaitute chu a lei na hmun ah an kal nghal ni athu dawn niin ti tawh lo turin an hriat tir nghal ni  thu dawn a ni bawk. AMFU in lakkhawm hun an tih hmaa lo lakhawm leh an awm chuan warning in pe tawh lovin a tul anga hmalak nghal an tum thu AMFU hruai tute chuan an sawi a, lo la khawm lui te chu an chung ah engpawh thleng se mawh an phur lo tur thu an sawi bawk

SDO(C) lo haw
 SDO(C) Pu JH Lalrimawia chuan Krismas leh kumthar chawlh a hman hnu in nimin atang khan a Office a luah leh tan ni a thu dawn a ni. Tin, nimin khan tunhnaia IOC veng a Kangmei tuarte in hmun chu nimin khan a hmunah a tlawh ni a thu dawn a ni bawk.

Branch YMA inthlan puitu turte
 naktuk Dt.8.1.15 zan dar 6:30 hian khawchhung a YMA branch hrang hrang ten kum 2015 atana branch hruaitu tur thlanna an nei dawn a.He inthlanna neihpui tura Jt.YMA O.B meeting in a ruatte chu heng mite hi an ni.
Hmarveng - Pu H.Lalnunmawia
Hallveng - Pu Zalawta
Venglai - Pu Z.Lalremliana
Kawngthar - Pu Lalrammawia Ralte
Banglaveng - Pu K.Sangbuanga
Zalen veng - Pu CT Lalhmingmawia
Field veng - Pu R.Lawmthanga
Chhimveng - Pu Sangliana Varte
State veng - Pu K.Thangvela
IOC veng- Pu H.Lalrinawma 

Kum 2014 January atanga December thla thleng khan Vairengte P.S ah case 73 ziahluh a ni.


DT.6.1.2015  TUALCHHUNG  : Nikum 2014 January atanga  December thla chhung khan  Vairengte Police station-ah  Case 73 ziah luh a ni a, heng zingah hian rukruk case leh a kaihhnawih case  tam ber in lirthei a chetsualna avanga thihna case 5 ziah luh a ni bawk.
  Police Station report a\anga a landanin nikum 2014 chhunga case hrang hrang ziah luh zingah hian rukruk case leh pawisa inchhuhluihna lam hawi case hrang hrang tam berin Case 31 ziah luh a ni a. Suahsualna leh mi vau chungchang ah Case 14 ziahluh niin hmeichhhe zahawmna tih bawrhban tumna case 4 leh Pawngsualna case 3  ziah luh a ni bawk. Tin, nikum chhung khan Vairengte P.S ah hian lirthei a chetsualna  avanga Thihna thleng (fatal) case 5 ziah luh a ni a.Hetihlai hian thihna thleng lo (non Fatal) case 3 ziah luh a ni bawk. Sorkar laka helna lam hawi case 3 leh tualthahna case 1 ziah luh a ni tawh bawk. Hengbakah hian Special law atangin Arm Act  -ah case 1 leh MLTP Act ah case 2  ziak lutin Puak thei thil (explosive) hralh/man chung changah Case 2 ziah luh a ni  a.  Case lian tham zing ah Pawngsual (Rape) hi May thla khan tum hnih leh Septem-ber thla khan tum khat a thleng a,Tualthahna lam case hi September thla hian pakhat ziah luh a ni bawk.October thla khan Signature lem hmang case 1 ziah luh niin
Police Station report a\anga a landanin nikum January thla chhung khan Case 5 ziah luh  a ni a. February thla  khan Case 4 ziah luh niin March thla chhung khan Case 5 ziah luh a ni leh a. April leh May thla khan Case 8 ve ve ziah luh niin June leh July thla khan Case 7 ve ve ziah luh a ni bawk. Tin, August thla khan Case 3 ziah luh niin September thla khan Case 6 ziah luh a ni a. October thla khan Vairengte P.S- ah hian case 6 ziah luh niin November thla khan case 11 ziah luh leh niin  thla hlui December thla khan case 2 ziah luh a ni a,hengbakah hian special law hnuaiah case 10 ziah luh niin kumin kumtir nimin tlai thleng khan case 1 ziah luh a ni tawh bawk.
    Vairengte Police Station report atanga a landanin Kum 2011 khan  khan Case 32 leh Special Law hnuaiah Case 32 ziah luh a ni a. Kum 2012 khan Case pangngai 57 leh Special Law hnuaiah case 17 ziah luh a lo ni tawh a,Kum 2013 khan Case pangngai 57 leh Special Law hnuaiah case 11 ziah luh a lo ni tawh bawk.

 .Football tourna-ment siam tum
Vairengte Zone Football Association (VEZFA) chuan kumin Republic day denchhen hian Football tournament siam an tum ni a thu dawn a ni. VEZFA hruaitute hnen atanga thu dawn danin he tournment ah hian an hnuaia in affiliated Club te chauh an tel thei dawn a,tournament \an hun tur leh dan leh hrai te erawh committee in an la ngaihtuah leh dawn nia sawiin football players te lo in buatsaih lawk turin an hriattir a ni

.Karthar atangin Hmun -phiah lei \an dawn
Nimin khan Vairengte AMFU sub-hqrs buatsaihin an hnuaia Hmunphiah lei khawmtu tur (collector)a in ziak lut zawng zawng te chu Chhim veng YMA Run ah kalkhawm in he hunah hian an hmalak dan tur an sawiho nia a thu dawn a ni a. Hmunphiah lei hun/lakkhawm hun atan Dt.12.1.15 (Thawh-tanni) nise an ti a, hemi hma hi chuan tumahin Hmunphiah hi lei loh nise an ti bawk. Tin, Hmun-phiah hi a lei \anna rate atan 1 Kg-ah Rs.20/- in lei an tum ni a thu dawn a ni bawk

 Silpouline pe
Nimin khan AMFU Gen.Hqrs Gen.Secretary Pu Zion Lalremruata chuan Hmarveng Branch sec. ‘B’ te hnenah Silpouline tha tak a pe ni a thu dawn niin he thilpek avang hian Hmar veng branch, Sec.B hruai tute chuan Pu Zion Lalrem-ruata chungah lawmthu an sawi a ni.

 Cable hrui  ti chat
Dt.4.1.15 a N.Chhim-luang leh a chheh vel a Thlipui tleh khan CZS Cable lakna hruai chu a ti chat ni a thu dawn a ni. Hei vang hian nimin piah khan Cable hi chhia in nimin lam khan an siam nghal niin thawktute chuan an sawi a. A chat lai hi temporary a zawmin hei vang hian duh thusamin a fiah thei loh thu leh tha zawk a siam thuai an tum thu Appolo cable neitu Pu Raja a chuan a sawi bawk.

  LUSUN
Nimin zing dar 4 : 00 vel khan Pu K.Lalremruata, kum 36, S/o K.Lungmuana(L) Field veng chu an chenna in ah a boral a. A ruang hi nimin tlai khan Field veng thlanmual ah vuiliam nghal  niin Pu K.Lalremruata hi khaw tlang leh Kohhran tana mitha-hnem ngai tak niin Reng-khawpui Editoial boad chuan kan uiin lusun chhungte kan tawrhpui tak zet a ni.

KUMTHAR LEH RILRU THAR

 Mizo Kristian ten kumkhat chhung a kan hunpui ber Krismas leh kumthar lawmna chu kan khaw tlangah thihna te thleng zeuh zeuh mahse harsatna leh buaina lian lutuk awm lovin kan lo hmang liamin kum thar 2015 kan lo chuang kai leh ta hi a lawmawm tak zet a.A hmasa in Rengkhawpui chanchinbu chhiar thintu zawng zawng te kumthar chibai kan buk a che u. He kumthar ah hian Vairengte mipuite hian kan rilru te a thara siamin kan khua  hian kawng hrang hranga hma a sawn theih nan leh sualna pung mek te tih rem a nih theih nan thawhho dan kan zawn thiam a tul hle awm e. NGO pawl hrang hrang te pawh in kan theihna zawn theuh ah Vairengte tan tiin hma thar la tlang ila, kan pawl tih len tum leh tih lansar tum lam aiin khawtlang mipuite te tan hma thar ila ho teh ang u. Kum hlui lamah kha MLA inthlan kum te a nih angin party hrang hrang te kan in bei tawn theuh thin a. Tunah erawh khang hun kha liam tawhin eng party te pawhin khawtlang hma sawnna tur a nih dawn phawt chuan thawhho hreh lo i la. Tin, tlawm ngai pawl YMA te pawhin ruihhlo hi tha hnem ngai takin do zui zel thei sela, chutihrual in YMA kan nih angin tanpui ngaite tanpui turin kan rilru hi siam thar ila, Mizo tlawmngaihna dik tak vawng nung zelin  chan tha leh dinhmun tha a lo awm pawhin ‘kei nilovin nang zawk le’ ti thin kan pi leh pute nun ze mawi tak kha i chhawm nung zel teh ang u. A tawp berah chuan khawtlang mipuite hi kan pawi mawh ber a,heng NGO pawl hrang hrang leh party te hmalakna hi a taka tihhlawhtiln a nih theih nan chuan kan khawtlang hruaitute kawng engkimah kan tawiawm a, an tih dik lo a awm anih pawhin tha taka  sawi chhuakin hma i la tlang teh ang u.

KUMTHAR CHIBAI - By C.Lalremtluanga Zoher

     Kan la zawh ngai reng reng loh (Josua 3:4) kumthar duhawm tak kum 2015 chu kan lo chuangkai leh ta reng mai. He hun min hruai kaitu kan Pathian hnenah hian lawmthu i sawi mawlh mawlh teh ang u. He kumthar hi kan mihring theihna a zawhkai mai chi a ni lo va,kan biak Pathianin kan chung ah azahngaihna alantir vang chauh a ni tih hi hriaiin, kan sawi chhuak thiamlo a nih pawhin kan rilru talin lawmthu i sawi ang u.
Kum kal ta khan kan khawtlangah infiammiten hma an sawn em em a, state aiawh a kal kan ve ta nual maia alawmawm hle a ni. Kan infiammiten \an han la leh sauh sauh ula, kuminah chuan National Level-ah atam thei ang ber tel thei turin i inbuatsaih ang u.
Zirna lamah nikum kha kan kum that kum,chhinchhiah tlak tak a ni awm e. Result duhawm tak tak hriat tur kan ngah hle a,kuminah pawh hian khatianga result \ha neih kha khawtlang mipuite hian kan beisei leh dawn a,zirlaiten result \ha nei turin han bei fan fan teh u. Kuminah hian State Service (MCS,MPS,etc) pakhat tal kan neih ngei theihna turin \an lain i han insang mar leh teh ang u khai, kan chhuanvawr Pu Robert Thangmawia'n min awmloh san (RIP)tawh bawk si a.
Khawtlangah VC te kal tlangin hmasawnna hmel hmuh tur a awm nual a, sorkar lam atang erawhchuan hmasawnna hmuh tur a awmlo tih theih a ni.A kum khat na te a ni a,tin central lamah sorkar-na inthlak kual vel avangin state sorkar thar tan chak tak a hma han lak rih pawh ahar a ni mai thei. Kuminah erawh chuan kan khaw tlang tana hmachhawp awm mek te,a taka tih hlawhtlin a nih ngei theih nan \an la zual sauh ila. Kan khawtlang thatna turah chuan party rilru dah boin, tlawmngai pawl hrang hrang te nen thawhho i zir tlang zel ang u.
Kum athar angin rilru thar pu ila, ngaihtuahna thar hmangin khawtlang thatna tur ni a kan hriatte insum lovin kan tual chhung chanchinbu ah te tarlan zir ila, chanchinbu kaltlang hian hna ropui tak a thawh theih a ni tih i hre reng ang u."Min hma asawn loh chuan hnung tawlh a ni"tih hi hriain kumthar anih angin,pen khat tala hma lam pan turin duhsakna hlan chungin Kumthar Chibai vek ule.

Krismas leh kumthar chhungin khawchhungah chhiatna hrang hrang thlengin mitthi 16 an awm



   KUM 2015  DT.5.1.2015 RENGKHAWPUI (TUALCHHUNG)  : Krismas leh kumthar chhung khan Vairengte khaw chhungah chhiatna hrang hrang a thleng nual ni a thu dawn a ni a.  Heng zingah hian IOC venga kangmei chhuak vangin mi 3 thi in  December thla chhung khan Vairengte ah mitthi 14 an awm a,heng bakah YMA leh Police/Excise lam pawhin ruihhlo engemawzat an man a ni.
   Krismas leh Kumthar lawm na vuakvet ah khan Vairengte khawchhungah chhiatna eng emaw zat a thleng a. NGO Co ordination Chairman Pu Lalrin-tluanga Renthlei in a lo record atanga alandanin December thla chhung khan khawchhung ah thihna \um 14 thleng in  kumthar ah mi 2 an tih a.Hemi chhung hian VC-I lamah mi 7 leh VC-II lam ah mi 9 thi in an vaiin mi 16 an boral a. Tin, kum 2014 Jan -December thla chhung khan VC-I lamah mi 24 thiin VC-II lamah mi 40 an boral a nia thu dawn a ni.Nikum chhung khan kum 31-50 inkar boral tam ber in VC-I ah mi 8 leh VC-II ah mi 9 an vaiin mi 17 an boral a,kum 2014 a kum zat bitliah a thih dan chu ahnuaia mi ang hi a ni.
  Nikum hmasa 2013 khan VC-I lamah mitthi 23 awmin nikum khan 1 in a pun belh a, VC-II lamah erawh kum 2013 leh 2014 a mitthi awm zat hi in angin mi 40 an thi a ni.
Tin, Krismas leh kumthar chhung khan Police Station ah case 3 ziah luh niin December thla chhung khan case 2 ziak lut in  Zu man chungchang leh HPC ‘D’ ten tukluih chhiah an khawn luih chungchang a ni a. Kumin kum tir khan case 1 ziah luh a ni in hei hi misual thenkhat ten VC-II,VC member  an khawih-rawn chungchang a ni thung. Hetihlai hian case ziah luh lemlo zuruih vanga buaina siam engemawzat chu lock up ah an dah ni a thu dawn a ni bawk. Tin, chrismas leh kumthar chung khan report hrang hrang kan dawn danin Dt.22.12.14 khan Jt.YMA buatsaihin ruihhlo/puaktheithil leh ILP neilo checkna neih a ni a. Hemi tum hian Zu um 6 leh ILP neilo mi 7 an man a ni. Dt.24.12.14 Urlawk zan khan IOC vengah kang mei chhuakin naupang 3 an boral a,heng kangmei tuarte tanpui nan hia bialtu MLA Pu K.Lalrinthanga chuan Rs.5000 leh Vairengte pastro bial Presbyterian Kohhran chuan Synod kaltlangin Rs 40000/- an pe a,heng bakah hian NGO hrang hrang ten tanpuina hlanin YMA ten vehbur an khawn sak a,Sorkar lam atang pawhin chhiat tawk tanpuina awm te pek anni bawk.  Tin, Dt.25.12.14 khan Venghlun ah SDPO motor leh Scooter 1 in su in hliamna lutuk an awm lova, Dt.26.12.14 ruaitheh tlai khan IOC veng chhakah Motor lian in scooty chilin a Scooty hi a chhe hneh hle a, scooty a chuang Vai rengte tleirawl 2 ten hliam tuar in damdawiin panpui nghal an ni. Tin,hemi chhung hian branch hrang hrang ten an veng chhung ah ruihhlo vaiin eng emawzat manin excise dept lam pawhin ruihhlo tawlh ruk eng emawzat an man bawk. Dt.30. 12.14 khan Jt.YMA buatsaihin Branch hrang hrang ten IOC venga In kang sak hnatlang an nei a,hemi zan hian kum 2015 a Jt.YMA hruaitu tur thlangin heng mite hi hruai atana thlan chhuah te an ni.
 President : Pu K.Thangvela, Hmarveng Branch
Vice Pre. : Pu Lalrammawia Ralte, Hallveng
Secretary : Pu H.Lalnunmawia, Zalen veng
Asst.Secy : Pu H.Lalrinawma, Kawngthar
Treasurer : Pu K.Lalchawi-mawia, Field veng
Fin.Secy : Pu CT Lalhming-mawia, Field veng

Kum zat VC-I VC-II Total
1 yr below 1 1 2
1-10 yrs 1 4 5
11-20 yrs 1 1 2
21-30 yrs 2 6 8
31-50 yrs 8 9 17
51-70 yrs 6 9 15
70 yrs over 5 10 15
Total 24 40 64

 Police duty te zah lo
 Vairengte Police Station atanga thu dawn danin Krismas leh kumthar lawmna neih chhung khan veng hrang hrang ah buaina lian tham a chhuak lo niin an sawi. Hetihlai hian kum hlui thlah zan khan veng hrang hrang ten puaktheithil an hal loh laiin Venglai ah erawh police duty te pawh zah zo lovin an hal lui nasa hle niin an sawi a. YMA duty te pawhin hei hi an khap lo ni a sawiin  hetiang thil hi kum dang ah chuan thleng nawn tawh lo se an duh thu an sawi bawk

.Jt.YMA hruaitu charge inhlanna nei 
Dt.3.1.15 (Inrinni) khan kum 2015 a Vairengte Joint YMA hruaitu atana thlan tharte leh hruaitu hluite chuan charge inhlanna an nei ni a thu dawn a ni. He hunah hian committee nei nghalin Dt.8.1.15 (Ni-ngani) a branch hrang hrang hruaitu thlanna neih pui dan tur pawh sawiho nghalin branch hrang hrang te inthlanpuitu turte pawh an in ruat nghal a. Tin, kum in hian Joint YMA angin chanchinbu  tihchhuah nise an ti ni a thu dawn niin chanchinbu hi kar tin chhuak anga siam an tum ni a thu dawn a ni bawk.

VC-II ten Kutthlaktu dem
 Dt.31.12.14 kumhlui thlah zana Chhimveng mi 3 leh Manipur lam mi 1 ten VC-II,VCM Pu Lawmthanga kut an lo thlak chungchang ah VC-II te chuan thu chhuah siamin hetianga kut lo thlaktu hi an dem thu an sawi. VC-II te hnen atanga thu dawn dan in heng kutthlaktute hi Vairengte ah kum 8 lai an awm tawh chungin Manipur lam mi anga an la in sawi chu an hriatthiam loh thu leh hetianga Vairengte mi nilo anga an insawi avang leh khawtlang hruaitute hian kut an thlak hi an dem tak zet a, khawchhung mi nilo anga an in sawi ang ngei hian eng hunah pawh Vairengte hi chhuahsan tura an duh thu leh rem an tih thu an sawi bawk.

 .Hmunphiah collector te inhmukhawm dawn
 Vairengte AMFU sub-hqrs hruaitute hnen atanga thu dawn danin vawiin chhun dar 12:00 hian an hnuaia Hmunphiah lei khawm tur (collector)a in ziak lut zawng zawng te chu Chhim veng YMA Run ah kal khawm tur in an hriattir a. He hunah hian hriat tur pawimawh tak tak an sawiho dawn ni a thu dawn a ni bawk

Zu in leh kawl phalna dil la awm lo
Zu zawrh phalna MLPC Act hmang thei turin sorkar chu  inbuatsaih mek zelin  Excise and Narcotics Minister Pu R.Lalzir -liana chuan he dan thar, khuah khirh chunga zu in lo theilote’n zu \ha an in theihna tur niin a sawi a. Dept. thu chhuahin a tar lan danin zu in leh kawl phaln a dil duhte tan dilna hawn a ni mek a ni a. A dilna form hi Rs 20 niin District tina Excise dept office-ah leh Vairengte OC office-ah te lak chhuah theih a ni tawh a ni. Vairengte Excise Dept OC hnen atanga thu dawn danin dil thei chin hi kum 21 chin niin Vairengte ah chuan dil an la awmlo ni a thu dawn a ni bawk.

VC-I ten remti lo
 Krismas leh kumin kumthar chhunga pawl thenkhat ten VC-I lama Mela neih an dil chu VC-I te chuan HSLC leh HSSLC exam a hnai tawh avangin an remti lo ni a thu dawn a ni.

Damlo |hahnem 
Vairengte damdawiin ah ni zan thleng khan mi 11 awmin mipa 4 leh hmeichhia 7 an awm ni a thu dawn a ni. Tin, Krismas leh kumthar chhung khan Vairengte damdawiin ah hian damlo awm an thahnem hle ni a thu dawn a ni bawk. 

Footpath siam chhunzawm leh dawn
Bilkhawthlir BDO sataf ten deptartmental work anga an thawh mek, Zalen veng a Bazar panna,kawngpui sir a ke a kalna tur (footpath) an siam  chu hun engemaw chen an chawlhsan hnuah an siam chhunzawm leh dawn ni a thu dawn niin tunah hian Footpath tur hi a chhuat phahna tur a ruhrel siam zo tawhin tunkar chhung hian siam chhunzawm leh an tum ni a thu dawn niin vawiin lam hian he hgna thawktu leh BDO te in be lehin footpath siam hna hi an thawh chhunzawm leh nghal dawn ni a thu dawn a ni bawk.

Vairengte chhimveng PASTOR BIAL hawngtu tur 
Synod Inkhawmpui Vawi 91-na thurel angin Pastor Bial thar- Mizoram chhung ah 7 leh ram pawn ah 8 a hawng thar dawn a. Heng Pastor Bial tharte hawnna hi Dt 10.1.2015 ah neih tur niin Synod hruaitu  hrang hrangt en hian an hawng dawn a,heng zingah hian Vairengte Chhimveng pastor Bial tur chu Rev. Vanlalchhunga’n in a hawng dawn a,.Tin,Bhaga Bial (Barak Area) chu Rev. Z.D. Lalhmachhuana’n a hawng thung ang.

BILAIPUR ATANGIN ASSAM MI THAHNEM TAK LO LA LUT FO, SIPAI TEN HMALAK LOH CHUAN MIPUI IN HMALAK TUM

Dt.25.9.2021 khan tunhnaia kan tarlan fo, Bilaipur atangin hnamdang, sumdawng leh thingzai te mi thahnem tak, Aitlang bul, ramri chhehvêl ah...

Share

Twitter Delicious Facebook Digg Stumbleupon Favorites