Rengkhawpui 31.3.12

Kumin chhungin Temporary ILP mi 213 hnenah pekchhuah a ni.

    Vairengte.31st.March.2012 :Nimin Dt.30.3.2012 khan Vairengte SDO(C) Office-a an  A.S.M Mazumdar-a’n a sawi danin tun kum January atanga March thla chhung hian Mi 213 hnenah temporary ILP pekchhuah a ni.
      Temporary ILP an pek chhuahte hi a atam ber chu Cement Mistiri an ni a,kuhva zuar leh lo thin  pawh an tha hnem hle a, Khawchhunga In satu,Workshop leh Industry a hnathawk an tam hle bawk a ni.ILP neih lo avanga man an nei em tih zawhna chu kumin chhung hian an la awm lo a ni a ti a,hemi chungchang hi Police lamin an hriat chian zawk an ring a ni.Temporary ILP pek chhuah chungchangah hian Vairengte O.C chuan SDO(C) Office a Temporary ILP an pechhuak anih chuan a copy an dawng tel ve ngei tur a ni a,hetianga copy hi tun hnaiah an dawng ngai lo a ni a ti.Tin,kan Sponsor-te ILP a thi tawh a nih chuan laksak  tur a ni a, Police station ah theh luh leh thin tur a nih thu a sawi bawk a ni.
    Vairengte SDPO hnen atanga thu kan dawn danin Vairengte Police Check Gate ah hian ILP neilo a rawn luh tum thenkhat an awm thin thu leh heng mite hi a chang chuan an thawn kir(Push back) mai thin a,Thenkhat erawhchu Case siam sakin  Judicial Magistrate hma a hruaiin dan anga hremna pek te pawh an awm a ni a ti.Tin,Vairengte Bazarni(Ningani) denchhen a ILP neilo a lo luh tumte pawh IOC lamah changin an lo man thin a ni.
    Hemi chungchangah hian dan ang a mi thenkhatte Case siam a hrem an nih lohna chhan chu Judicial Magistrate hi Kolasib ah a awm daih avangin anni tan Kolasib lamah a thawn chho chu thil buaithlak leh hautak tak a ni a,hetiang ti tur hian Staff an in daih lo hle thin a ni.Vairengte O.C sawi danin lo luh tum an ni a,an rawn la luh chiah loh avangin thenkhat chu an thawn kir leh mai thin a,ILP neilo a khawchhung a an mante erawhchu dan angin Kolasib ah an thawn thin a ni a ti bawk.

 P.S-VII IOC ten pakhatna an nih an lawm
 Nimin zing dar 10:00 vel khan Vairengte P.S -VII,I.O.C veng te chuan Dt .6.3.2012 a Primary Zonal Sport a pakhatna an nih an lawm a, Khuallian atan Pu Lalbiaksanga (Pathenga) MVI Inspector chu sawmin,a ni hian School naupang zawng zawngte indaih tur Pen leh Pencil a pe a ni. Khuallianin naupangte hnena a thilpek avang hian Zirtirtute hi Pu Lalbiaksanga chungah hian an lawm hle a ni.He hunah hian School naupangte chu group 4 ah thenin intihhlimna an neih pui a ni.School naupangte hian nuam an tiin an hlim tlang hle a , tlailamah hian School naupang nu leh pa zawng zawng te nen chawhlui an kil ho nghal a ni.

 Helmet khum loh chungchang
 Vairengte Police Station atanga thu kan dawn danin tunlai hian Helmet khum lova two wheeler khal an tam thei hle a,hemi chungchangah hian khauh zawk a hmalak an tum a ni.Tin, hmeichhe thenkhatten two wheeler ah pathum chuanga in phur thin an awm a,hei hi dan phal loh a nih  angin titute hi dan anga man leh chawitir theih an ni.
    Vairengte Police te hian Zan lamah khawchhung an fangkual (Patrolling) thin a,zan dar 6:30 velah chuak tanin khawchhungah ruk ruk leh thil sual tih tumte leh buaina awm thei lakah mipuite an veng thin a ni.

 Table tennis Tournament nei dawn
 Vawiin hian Vairengte a Table Tennis Asociation buatsaihin Vairengte Community hall ah Table Tennis tournament a awm dawn a,zingdar 9 :00 ah tanin hruaitu thlanna neih tur a ni a, dar 10:00 ah tournament tan a ni ang.

VC ten Cook la dawn
  Vawiin hian Village Education Committee Vairengte-I leh Vairengte-II te chuan an area chhung School hrang hrang a Chaw chum tur an la dawn a,VEC-I lam ah chuan VEC te hi zing karah meeting an nei dawn a,VEC-II lam ah erawhchuan tlai dar 3:00 p.m ah VC House ah an thukhawm ang.

VC-II ten hna chunzawm
VC-II te hian Second land an siam mek chu an nimin khan an chhunzawm a,work order ang chuan 77 mertres a thui tih tur a ni a,amaherawhchu VC te thahnem ngaihna avangin 100 metre chuang an thawh tawh thu VCP R.Lalfamkima hnen atangin thu kan dawng a ni.

Camp lut lo chhuak dawn
Vawiin zing dar 8:30 vel hian Vairengte Presbyterian Kohhran a Rawngbawltu camp a lutte an lo chhuak dawn a,Councellor-te hnen atanga thu kan dawn danin an chhungten lo hmuak turin mipuite an ngen a ni.Nizan lam khan Inpumpekna hun an hmang a,hemi inbuatsaihna atan hian Camper-te hian Nilaini tlai leh nimin tlai zanriah an nghei a ni.Camp boruak hi a nuamin a lutte pawhin an hlawkpui hle niin thu kan dawng bawk a ni.

Volleyball Association Commitee
Nizan dar 7:00 khan Pu J.Hming thanpuia te in Field vengah Vairengte Volleyball Association ten Committee an nei a,thla thar April thla hian Branch YMA  emaw Club hmingin emaw a duh apiang te tan Vairengte Volleyball Association ah hian Affiliation a tih theih a,Club/Branch YMA etc. pakhat tan Rs 100/- a ni.Heng a hnuai a mite hnenah hian Affialiation hi a tih theih a ni.
1.Lalzarliana       - Chhim veng
2.J.Hminthanpuia - Field veng
3.Lalthlengliana       - Venglai


MNF North Group hruaitu tharte
Dt.29.3.2012 zan khan MNF North Group te chuan Pu T.Lalrosanga inah kum 2012 atana hruaitu tur thlanna neih ni a, heng mite hi an ni.
President     : Lalpiangruala
V.President:    : R.K Thanliana
Treasurer     : Lalropuia
    O.B dangte hi chu  ruat leh tur a ni a,nizan khan South Group te pawh an inthlang ve a ni.

Lawmthu sawina
    Dt.27th March 2012(Tuesday) zing 5:30 a.m a kan Pa H.Thankunga kum 64,boral chungchangah YMA, Khawtlang nu leh pa te leh thenawm khawveng ten tha leh tui,sum leh pai leh lirtheite ui miah lova in hun hlu tak te seng a min tanpuina ah hian lawmawm kan ti a.A boral ni atanga YMA hun tawp zan thleng pawh a,ni sa leh boruak lum  tak hnuaiah in chhung leh pawn lamah pawh lenglo khawpin min hmangaihna hmel kan han hmu hi Pathian hmangaihna hai rual loh a niin kan hria a ni.Nisa leh khawlum pawh pawisalo ang mai a thlan min laihsaktute leh thlan min hung saktute chungah kan lawm em em a,mimal tak a lawmthu sawina turte pawh tam taka awmin kan hria,mahse hei hi mimal tinte hnen a lawmthu kan sawina ang a min pawmsak theuh turin kan ngen a che u.
    In mi hmangaihna leh khawngaihna te hi keini chhungkua chuan kan dam chhung pawhin kan rul seng dawn lo a ni.Lalpa’n,min hmangaihna,tha leh tui, leh sum leh pai leh in hun hlu tam tak insen zawng zawng hi a let tam taka malsawmin a rul ngei che u kan beisei tlat a ni.

In khawngaihna dawngtu
Zoduhi leh a fate

Read More

Rengkhawpui 30.3.12

Vairengte SDO(C) Conference Hall-ah Anti Tobacco Awareness neih a ni

     Vairengte.30th.March.2012 :Nimin zing dar 11:00 khan Vairengte SDO(C) Conference hall-ah Anti Tobacco Awareness Seminar neih a ni a ,Vaireng NGO hruaitu hrang hrang leh VC memberten he hun hi an hmang a ni.
        He Awareness hi Vairengte SDO(C) Pu K.Lalrohlua’n kaihruaiin, Awareness  atan hian Kolasib lam atangin Dr Lalramliana leh Mizoram State control Society Coordinator Mary Lalthansangi Sailo te an lokal a ni.Anni hian Presentation (a lem a entir) hmangin zuk leh hmuam kan tih avanga natna hrang hrang lo thlen theih dan leh Zuk leh Hmuam that lo ziate an sawi a ni.
    Programme hi hun 2 ah then a ni a,Dr Lalramliana hian hun hmasa hmangin Zuk leh hmuam avanga harsatna kan tawh theih dan hrang hrang te sawiin a lem nen a entir a,Secondhand Smoke chungchang sawiin kan mei zuk avang hian meizu ve lote pawhin natna hrang hrang a kai ve theih a,abikin naupang leh nausente tan meizial khu hi a thalo leh zual em em a ni a ti.India ramah hian Second 30 dan zelah Vaihhlo avangin an thi a,Hmeichhia zuk leh hmuam ti thinte chu kum 8 velin an nunna a tawi phah a,mipa erawchu kum 8-10 velin a tawi phah thei a ni. Zu leh Drug avanga thi zat aiin zuk leh hmuam tih avanga thi zat hi an tam zawk a ni a ti.
    Mary Lalnunsangi Sailo hian zuk leh hmuam chungchanga khapna dante a sawifiah a,Tiranga avang zirlaiten harsatna an tawh nasat zia leh heng Gutkha product te hi D.C in IPC 144 hmangin khap theina a nei a ni a ti.Tin,heng ang zuarte hi man theih an ni a,khawchhak Cigarettes ho ah hian a leitute tan warning inziak a awm loh avangin man theih an ni a,Lung In hial tan theihna a ni a ti bawk.Sawihona hun hman a ni a,Zial nghei duhte tan engtiang anga tih tur nge tih zawhna chu Niccogum chi hrang hrang Damdawi zawrhna hmunah lei tur a awm a, amaherawhchu heng damdawi te hi mahni thu a ei lovin Doctorte rawn a ei tur a ni.
    SDO(C) hoin hun remchang hmasa ber ah Anti Tobacco Squad dindan turte sawi ho leh tur a ni.


Ram tikangtu man
Nimin khan Vairengte Policete chuan Huan tikangtu zing pakhat Lalliannghaka S/o Laltinkhuma, New Diakkawn Kolasib chu Chhimluangah an man a,nimin tlai khan Kolasib Court-ah an thawn chho nghal a ni.

Excise D.C lokal
Nimin zing khan Excise & Narcotic Department Deputy Commisioner Pu C.Lalngaihthanga chuan Vairengte Excise Depart ment inspection a rawn nei a, Office Doc ument hrang hrang leh an bungruate an enfel hnuin Check Gate lam a enfiah leh a ni.Amah bakah hian midang pathum rawn kalin Tourist Lodge ah nizan khan an riak a,vawiin lamah an haw chho dawn a ni.

Vety Trade thlangtute tan NLUP sem a ni
Nimin zing dar 10:00 a.m vel khan Vety Trade thlangtute tan NLUP 1st Phase 2nd Installment Vety Office ah sem a ni a,hetah hian a sumfai a sem lovin APR an Sign tir a,Mizoram Rural Bank a an Account ah a lo lut dawn a ,heng APR an Sign te hi tihfel ngaite tih fel a nih hnuin Office lamah an thawn anga,Office lamin an Bank Account ah an lo thun sak dawn a ni.NLUP hi VC-I lam atangin mi 34 in an dawng a,VC-II lam atangin mi 31 in an dawng bawk a ni.Vawk vulh thlangtute hian Rs 35851/- an dawng a,Bawng(hnute sawr chi) thlangtute hian a bawngin an dawng dawn a,a chaw man leh thil dang atan Rs 6500/-an dawng a,Ar vulh thlangtute hian Rs 31,200/-an dawng a,Zo Bawng thlangtute hian Rs 30100/- an dawng bawk a ni.Heng sumte hi a hmanna tur fel tak a duan sa vek a ni.
    Vety Doctor Dr.K.Vanlalpeka sawi danin Nilaini lam khan Phainuam lamah pawh sem a ni tawh a,Department hrang hrang hnuaia NLUP 2nd Phase dawng tur zingah Voter’s I.D leh Huan/In hmun Document entir(Verify) lo mi thenkhat an la awm a,hengmite hian a ranglam a vawiin lamah ti fel tur a ni a ti.

 Zuk leh hmuam chungchangahTraining nei
 Nimin tlai dar 1:00 p.m vel khan Vairengte CHC huam chhung a hnathawk tu zawng zawng ten Anti Tobbacco chungchangah Training an nei a,he trainingah hian Dr Lalramliana leh Mary Lalthansangi  Sailo Coordinator ten thusawina hun hmangin,Mary hian Damdawiin  Area chung Smoking zone siam phal a nilo a,khawilai hmunah mah meizuk phal a ni lo.Dan zawmlote chu man a,pawisa Rs 200/- chawi tir theih an ni a ti a ni.

 Police ten Bond Sign tir
 Tunhnaiah Phainuam area chhungah dan lova Lirthei lo dap thin thalai thenkhat an awm tih hriat chhuah a ni a,hetiang anga ti thintute hi Vairengte Police te chuan ahmunah kalchilhin mi 5 man an ni a,nimin khan Vairengte Police Station-ah Warnning pe a bond sign tir an nih hnuah an chhuah leh a ni.

Read More

Rengkhawpui 30.3.12

 Khawvelah hian kum tin ram ngaw hi a kang nasa thei hle a. Ram kang avanga thi hi kum tin mi 339,000 an awm ziah thu ram kang chungchang an sawihona-ah American mi thiamte chuan February 19 khan an puang. Ram kang avanga mihring thih tamna hmun chu Africa-a Sahara hmunah a ni.Kumin chhung hian Mizoramah pawh Febuary thla tleng khan In 28, bazar 2 leh petrol pump 1 a kang tawh a, kangmei avang hian mi 3 an thi tawh bawk a ni.In bul huan hal vang mai maiah pawh  ti khawp hian chhiatna thleng thei a ni tih hria in hei aia nasa zawk a kan in zirtir uar leh kan tan tlan deuh chu a ngai a ni.

Read More

Rengkhawpui 29.3.12

Huan hal vangin N.Chhimluanga In pahnih kangah bungrua engmah chuh hman a ni lo

       Vairengte.29th.March.2012 :Nimin Dt.28.3.2012 (Nilaini) chawhnu dar 1:00 p.m bawr vel khan khan Kharzawl peng atanga 200Mtr vel a hla ah kawmthlang hnim hal vangin In pahnih a kang a,bungrua engmah chuh hman a ni lo.
        Vairengt Police Station atanga thu kan dawn danin nimin tlai dar 12:00 leh dar 1:00 inkar vel khan Vanlalhruaia kum 38,S/o Aihranga (L), chhimluang leh a thianpa Lalnghaka kum 28,S/o Laltinkhuma, Kolasib Challui vengte chuan an kawmthlangah thlai chinna tur huan siam an tum a,hnim ro an chheh khawmte chu Lalhnghaka hian lo halin,a hal siper hian a chhak a teak hnahro chu kangkaiin in  chumi kang chuan  Pauliana (Vaiphei)In chu a kang kai ta a ni.Meialh hi a nasat zel avangin Pu Pauliana in bula mi Papuia(Tuikuk) In pawh chu a kangkai ve leh ta a ni.In kan lai hian a neitute chu awm mahse meialh hi a nasat em avangin an bungruate chuh theih a nilo a ni.
    Pauliana In hi a dung 26Ft leh avang 16Ft a lian a ni a, Laptop, Tv, DVD,ATM,Varak 2 leh Apui no hruailaite kangin,In a an Pawisa dah  Rs 8000/- pawh a kang ral vek a ni.A hlut zawng hi Rs 80,000/- hu vel a ni a,papuia In hi a dung 24Ft leh avang 12Ft a zau a ni a,a kanral hlut zawng hi Rs 20000/- hu vel a ni.Huan tlanglam Forest ram pawh Hacter 5 vel lai azau a kang tel bawk a ni.
    Huan haltu Vanlalhruaia hi Police Station Lock up ah an kawl mek a,Lalnghaka erawhchu a lo tlan bo hman a,he thu kan buatsaih lai hian an zawng mek a ni.

SMC ten Training nei
Niminchawhma dar 11:00 a.m khan Vairengte Middle School-III ah SMC(School Manegment Commi ttee) ten Training an nei a,mi 53 kalin School tin atangin Vairengte khua bakah Saiphai leh Saipum khua atangte pawhin SMC member 3 theuh an kal a ni.He Training hi CRCC Tv. J. Maltinsawma’n kai hruaiin Pu R.Lalfamkima (Accountant) Kolasib in training a lokalte tana hriat tur pawimawhte a sawiin,he training ah hian Sawrkar kum thar atangin naupangte School uniform a thlawna an dawn theih dan tur chungchang zir ho a ni.Heng atan hian Purchase Committtee din a tul dante leh he Committee ah hian Zirtirtu leh Nu leh Pa te an tel dawn a ni.CRCC Tv J.Maltinsawma hnen atang thu kan dawn danin kum a laklawh deuh tawh a,tunah chuan School naupangten Uniform an nei deuh vek tawh a, Sawrkar ruahman anga akal theih chuan a Spare tur an nei mai dawn a ni a ti

NLUP Hriattirna
  Vairengte VC-I leh VC-II huam chhunga Vety Trade hnuaia NLUP 1st Phase dawng tawhte tan 2nd Installment lak leh tur a awm avangin,Dt 29.3.2012(Ningni) dar 10:00 a.m ah A.H & Vety Office,Zalen vengah A.P.R sign tura kal khawm turin hriattir in ni e.
    Tin,Department hrang hrang hnuaia NLUP 2nd Phase dawng tur zingah Voter’s I.D leh Huan/In hmun Document entir(Verify) lote tan Dt.30.3.2012(Zirtawpni) tlai dar 4:00 thleng hun hawn a ni ang.Hemi hnu hi chuan District Office ah report theh luh tawh tur a ni.

Excise D.C lokal dawn
Vawiin hian Excise & Narcotic Department Deputy Commisioner Pu C.Lalngaihthanga chuan Vairengte Excise Department te Inspection a rawn nei dawn a,an hnathawh dante, document-te,an bungraw nei te leh an hmalak dan te a rawn enfiah dawn a ni.

Anti Tobbacco chung changah meeting dawn
Vawiin zing Dar 11:00 a.m hian SDO(C) Conference Hall-ah Vairengte a NGO hrang hrang a Office Bearer te  leh VC-I leh VC-II a member ten Anti tobbaco chungchangah Meeting neih tur a ni a,hetah hian Kolasib District Co-ordination pawh a lo kal dawn a ni.

Training nei dawn
Vawiin hian Kolasib lam atangin Anti Tobacco Squad ten Vairengte an rawn endik dawn a,chawhnu dar 1:00 p.m hian Vairengte CHC huam chhunga Staff zawng zawngte hnenah Anti-Tobacco chungchang ah Training an pe bawk dawn a ni.

Hand Book ti bo
Nimin khan Pu Lalchungnunga (Taxation a thawk)In leh SDPO Office gate inkar ah Police Hand Book tih bo a ni a,a chhungah hian Thuamluaia leh K.Lalhuliana tih a in ziak a ni.A hmu leh chhar an awm chuan Khawngaih taka SDPO Office a pe leh turin an ngen a ni.

Mobile phone ti bo
Nimin tlai khan Pu Samuel Rosangliana,kawngthar veng leh kan In inkarah ka Mobile phone Samsung (Corby Mate) ka tibo a,lo hmu leh chhar in awm chuan khawngaih tak a min pekir leh turin ka ngen a che u. min pek kir leh chuan mitvar man ka lo pe  ang che u.

Read More

Editorial.28.3.12

Vawkpui pawh avah vah chuan  ek thing a tawng nge nge an tih ang deuh a han vah han vah chhuah ve takah chuan rillru a vei leh sawi chhuah chak tak tak a awm ve ta nual awm e.Han ti ve khanglang ila,thangtharte hian aia Upa te zah derna hi kan thlachham sawt riau in alang a ni.A bikin School naupangte,kan school kalphung thar hrim hrim pawh hi a that tawk loh niin alang a i,abikin sawrkar school ah phei chuan naupangten nungchang an hlau nasa leh zual a,zirlai nise an zir tha paih lovin an thiam theilo bawk nen.Hetiang hi a nih chhoh zel zawngin kan ram zirna hian a la tuarin,Degree nei ve duah si hian thiamna hman tlak loh tak tak kan la tam viau dawn a ni.A tlai hma hian kan zirna kalphung thar hi ennawn leh chi a ni lo maw?

Read More

Editorial.28.3.12

Teak leh thingzaite,Forest Procedure reng reng Permit neilo tan lak leh hralh khap a ni

         Vairengte.28th.March.2012 : Tun hnaiah Forest Department a hnathawkte hnen atanga thu kan dawnin mithenkhatten an mahni huan a Teak-te zai in an hralh thin a,hei hi dan phal loh leh man theih a ni.
        Tunlai hian mithenkhat ten an mahni huan(Private) a Teak te anmahni hman atan (e.g- Furniture etc) Forest Department hotute hnenah zai an dil thin a.Hei hi Sawrkar atang pawh a Felling permit pek theih loh a ni a,mahse Forest Department lam hotuten hriatthiamna zau tak nei chungin Kung 4/5 tawngkamin zai an lo phal sak thin a.Hetiang a tawngkama zai an phalsak chu mi thenkhat ten remchangah la in an sawi aia tam te zaiin an dil ang pawh a hmang lovin an hralh leh thin tih hriat a ni.
    Hetiang ang a lo ti thinte chu ti tawh loh tur leh bansan a,an dilna ang ngei a hmang turin an hriattir nawn leh a ni.He an ngenna leh hriattirnate ngaipawimawh lova ti lui leh man chhuah an nih chuan an chungah dan angin hmalak a ni dawn a,Hremna an tawk ngei dawn a ni.Hei hian Forest Procedure reng reng a huam a,Tin,mahni huan a Teak Furniture atan zai duh leh la turte pawhin an lak hma in Forest R.O leh a staff-te hriattir hmasak tur a ni.

Cook hnaruak
    Vairengte Education com mittee Vairengte-II huam chhungah heng School hrang hrangah te hian Cook hna aruak a,a dil duhte chuan March 30th ral hmain Village Education Committtee Chairman (VCP-II) leh Secretary te hnenah ziak a theh luh tur a ni e.

Name of School    No.of post Vacant
1.Govt. P/S - I      -        2
2.Govt. P/S - II     -        3
3.Govt. P/S - VII  -           3
4.Govt. M/S - I     -        2
5.Govt. M/S - II    -         2
6.UPS State veng -         2
7.UPS I.O.C          -        2
8.Govt. P/S - VI   -               2

Workshop nei
Nimin tlai dar 1:30 vel khan Vairengte Damdawiin  a hnathawk tuten Sensitisation Workshop DAPCU Kolasib hoin an nei a. DAPCU Kolasib lam atangin Dr Lal rawngbawla DPM (District Prog ramme Manager) leh midang pathum te an lokal a ni.He workshop ah hian Universal Precaution (Inven lawkna) lam pang zir ho a ni a,Damdawiin a hnathawkte chuan Hand Glove an hmang tam a ngaih zia leh bawlhhlawhte a paihna hmun tur dik tak ah paih leh tih ralh thin tur a nih dan te an zir ho a ni.

SDO(C) lo haw dawn
Vawiin hian Vairengte SDO(C) Pu K.Lalrohlua chu Aizawl a naute an neih avang leh thil pawimawhte a tih zawh hnuin Vairengte ah alo chhuk dawn a ni.

VC ten hna chhunzawm
Tunlai hian VC-I leh VC-II a MGNREG Material component hmang leh MGNRES a sum an cut te hmanga an hnathawh mek chu an chhunzawm a,nimin lam VC-II lamah chuan  Mithi an awm avangin an thawk chhunzawm thei lo a ni.

Camp-ah mi 84 lut
Nimin khan Vairengte Presbyterian Kohhran in Camping an siam mek ah ahmasa ber atan Rawngbawltu Camp neih a ni a.He rawngbawltu Camp ah hian nizan dar 6:00 p.m vel thleng khan Mipa 37 leh Hmeichhia 47 an in ziak lut a,an vaia Camp lut zawng zawng hi 84 an ni.

Lusun
Nimin zing dar 5:30 vel khan Pu Thankunga,kum 64 mi Field veng chu Lungphu chawlin a boral a,YMA hruaitute hnen atanga thu kan dawn danin a zing tho Ha nawt chu a chau thut a,a chatthla zui nghal mai a ni awm e.Vairengte damdawiin ah rang tak a hruai a ni a,mahse a nunna hi an chhan hman ta lo a ni,nimin  tlai dar 1:00 p.m khan  Aitlang Thlanmualah vui liam a ni.Lusun chhungte Editorial board chuan kan tuarpui tak zet a ni.

Training dawn
Vawiin zing dar 11:00 a.m hian  Middle School-III ah SMC(School Manegment Committee)Chairman, Secretary leh Treasurer ten training an nei dawn a,hetah hian Vairengte Cluster huamchhung bakah Saiphai leh Saipum an tel dawn a ni.He training ah hian School Uniform chungchang an sawi ho dawn  a, TA/DA leh Refresment a awm bawk dawn a ni.

Read More

Rengkhawpui 27.3.12

Nikum 2011 March - Kum 2012 March chhunga Vairengte Police Station a Case ziah luh dan tlangpui

   Vairengte.27th.March.2012 :Nikum 2011 march thla atanga Kumin March 2012 chhunga Vairengte Police Station a Case ziahluh atanga a lan danin Case ziah luh zawng zawng hi a vaiin 60 a ni.
         Nikum 2011 March atanga Kumin March chhung khan Case 60 ziah luh zingah Case 48 te chu Charge Sheet an ni a,Pending(Case kal lai mek) hi 18 a awm bawk a ni.Case ziah luh zingah Rukruk (Thief) Case atam ber a,Rukruk case hi 12 a awm a,Zu leh ruihhlo kaihnawih(MLTP Act) kan tih atang hian Case 10 ziah luh a ni bawk a ni.ND&PS /13 Act(Damdawi lam thil) atangin Case 9 ziah luh a ni a, Buglary(Mi in chhunga luhruk) case  6 a awm bawk a ni.
    Heng bakah hian  Rape (Pawngsual) Case-1,Extortion (Hnehchhuh) Case - 2,Mischief (Nungchang mawi lo) Case-1,Hurt (Kutthlakna) Case-2,Criminal Breach of Trust Case -2,Arm Act Case-1,Cupable Homoside Case -1, Outrage modesty Case-2,Motor Accident/Fatal Case-1,non Fatal Case-2,Waging war against State-Case1,ITP Act(Human Trafficking) Case-1,Other IPC Case-2 te ziah luh ani bawk a ni.

Kolasib ah Bru Raltlan dawn sawn dan tur ngaihtuah
          Nimin khan Kolasib                 DC Pi Niharika Rai, IAS             hovin a office chamber-            ah Bru raltlan District             chhunga an lo luh dan tur sawiho a ni.
    Kolasib District chhungah hian Bru raltlan chhungkaw 628 awmtir tura ruahman a ni a. Heng raltlan tehi May/ June thla bawrah an rawn lut tura ngaih niin chumi atan chuan nimin a meeting chuan ruahman leh puahchah ngai ang angte an sawi ho a ni. An lo luh hun atana mamawh tur ration, job card, health , tui thianghlim etc. leh anmahni hruai chhuak tura official kal dan tur leh venhimna chungchangte pawh sawi ho a ni bawk a ni. Ruahmanna felfai tak siam a nih theih nan Department tinte chu chet dan tur lo inbuatsaih lawka chu chu Dt.28 March, 2012 -ah DC-a thehluh nise an ti a ni.
    Kolasib District chhunga Tuikuk ral tlan dah dan tur ruahman ang chuan Bairabi Awrpuara Vengah chhungkaw 50, S. Chhimluang-ah chhungkaw 150, N.Thinglian ah 157, Rastali-ah chhungkaw80, Dilzau-ah chhungkaw 55, Pangbalkawn-ah 45, Meidum-ah 46 leh Bukvannei-ah chhungkaw 45, an vaiin chhungkaw 628 an ni.

VEC Meeting nei
Nimin khan DRDA, Kolasib buatsaihin Village Employment Council under MGNREGS training kar khat chhung awh tur chu Project Veng Kolasib-a AMFU Hall-ah tan a ni a, chawhma lam khan Pi Maria C.T. Zuali, Project Director chuan a hawng a ni.
    Training hi Kolasib District chhunga khaw tina VEC te tana buatsaih a ni a, hei hi Mahatma Gandhi NREGS chungchang leh a kaihhnawih thil chi hrang hrang inzirtirna atana tih a ni a. A tan ni nimin khan khaw 6 koh phawt an ni a,Vairengte VC-I atangin member 8 an kal thei a,VC-II lam atangin member 7 an kal thei bawk a ni. Training hi nitin a inchhawkin khaw hrang hrang koh an ni dawn a ni.

VC-II VCP thut hun
Mipuite tana rem chan zawk beiseina avangin VC-II,VCP Pu R.Lalfamkima chu Office ni ah chuan zing dar 6:00 atanga 8:00 a.m  ah VC-II House ,Zalen vengah a thu dawn a,Tlailam dar 3:00 atangin 4:00 p.m thlengin IOC lamah a thu chho ve leh dawn a.He mi hun chhung hian VCP dawr theih a ni dawn a ni.

Anti Tobbacco chung changah meeting dawn
Dt 29.3.2012(Ningani) Dar 11:00 a.m hian SDO(C) Conference Hall-ah Vairengte a NGO hrang hrang a hruaitute leh VC ten Anti tobbaco chungchangah Meeting neih tur a ni a,hetah hian District Co-ordination pawh a lo kal dawn a ni.

SDPO Buhchang-ah kal
Nimin khan Vairengte SDPO chu nimin lama Lunglei District a  ABCI Company a hnathawktute an ruk bo avangin Vairengte Sub division huam chhung Buhchanga ABCI Company hnathawka awm mekte Mizoram Police(IR) venhimna an dawng tha em tih hmunah a a enfiah a ni.

DAPCU lokal dawn
Vawiin hian DAPCU,Kolasib te chuan Vairengte Damdawiin a thawktu(Staff) te nen HIV/AIDS chungchang zir hona an nei dawn a,HIV/AIDS vei damlo enkawl dante pawh an zir dawn a ni.

Camp lut turin sawm
Nimin khan Presbyterian KTP Vairengte Branch te chuan an memberte Camping a lut turin an sawm a,sawmna hi lehkha a ziakin member zawng zawngte hnenah pek a ni.Group hrang hrangten veng chan insemin an mahni veng chan theuh ah sawmna lehkha hi an sem a ni.

Read More