Rengkhawpui Editor hovin Vairengte Block MHIP hruaitu ten a hlanna an nei
CRPF in an khap hnuah pawh la siam lui reng
An huan an chan hlen dawn nge? Sokar la ngai chang dawn?
He hunah hian Vairengte mi PC Lalmuansanga Venghlun chu a malpuiah kah hliam a ni a,midang hliam an awm lo thung
Dt.25.9.2021 khan tunhnaia kan tarlan fo, Bilaipur atangin hnamdang, sumdawng leh thingzai te mi thahnem tak, Aitlang bul, ramri chhehvêl ah an lo la kal fo ni a thu dawn a ni a. Hemi chûngchang ah hian Mizoram Police duty te hian an lo khap lova hma an la lo anih chuan helai huan lo ram neitute hian hmalak an tum thu an sawi a ni.
Dt.24.9.2021 khan Dt 26.7.2021 a Vairengte dai a Mizoram leh Assam Police te inkahna ah Assam silai mu lo dawng palh, PC Lalmuansanga, Venghlun vairengte te chu vawiin khan dam takin an In ah a rawn haw a ni. Hetihlai hian Vairengte Aitlang ramri hnaia Mizoram sipai te inkulhna hmun hrang hrang a vairengte joint VC ten an riahna leh ei leh in tur hmun an siam sak te chu vawiin khan an zo fel thei a ni.
Dt.23.9.2021 khan tun thla ni 2 a Assam police ten kutthlak a,. Mobile phone leh JCB chabi an lâk sak pu Mawia chu an mobile Phone ala hmuh let loh avangin SDOc Pu Isaac C Lalrempuia chuan a thar leh tha zâwk a pe a ni. Hetihlai hian vawiin lam khan SP hmalakna in Aitlang bul vela hnamdang lo kal thin chu duty ten lo endik in Aitlang thlang lamah erawh hnamdang rawn kal leh thingzai hi an la awm ni a thu dawn ani. Tin, CRPF, khaw chunga petroling lo nei thin te pawh police check gate thleng bak an lo kal tawh lo a ni.
Tunhnai atang khan Vairengte tlaklam Aitlang hnar leh thlanglam ramri leh police te duty na hmun velah hnamdang, Lailaipur mi engmawzat lo kal thinin thingte an rawn zai thin ni a thu dawn a ni a. Henglai hmuna mizo, huan lo ram nei te pawh an huan lo ramah an kal theih mang lo lai a Zalen taka hnamdang an lo kal thin chu mizo te chuan tha lo an tih thu leh kutthlak duh mai an awm theih avangin hemi kawngah hian thuneitute hma la vat tûrin an hriattir ani. Tin, CRPF ten khawchhûng a silai nen a patrolling an lo neih thin chu tih tawp rih ani bawk.
Mizoram leh Assam ramri buaina kal zêl ah Vairengte leh Lailaipur inkar a duty tur a tih Central Force, CRPF te chu vawiin Dt.21.9.2021 khan Venglai thleng silai nen mi 10 chuang in patrolling an rawn nei a. Hetiang hian lo kal fo in hetianga silai nen a patrolling nei a an lo kal fo hi Vairengte mipui te a ti ralkhel in nu nau tan a him loh avangin tih tawp thuai nise an duh thu Vairengte mipuite chuan an sawi a ni. Mi thenkhat sawi danin hei hi Assam DGP hmalakna niin an sawi a. Hemi chungchang ah hian Kolasib SP Pu Vanlalfaka Ralte chuan an hotute sawipui a tum thu Rengkhawpui a hrilh ani.
Dt.20.9.2021 khan Vairengte Aitlang hnar lama huan loram neitute Assam police ten buh seng an phal loh chûngchang kal zêl ah vawiin khan Mizoram sipaite venna hnuaiah buh hi seng/lak ani a. Hetihlai hian Police lam Information that loh vangin chhun dar 11 velah chuauh lo lam hi pan thei in an tlai avâng hian Buh la zo hman lo an awm ni a thu dawn ani.
Dt.17.9.2021 a Assam police ten Aitlang hnâra Mizo huan a buh an an seng tîr phal loh chungchangah nizan khan Vairengte Joint VC leh kolasib SP te chuan thil thlen dan sawifiahna an nei ve leh a. Hetihlai hian Rengkhawpui news in kan thu dawnna hi a dik ngei ah kan thung ani.
Tin, Vawiin Dt.19.9.2021 khan Vairengte Vestige, Pi MS Dawngliana team te chuan Vairengte Block MHIP enkawl lai hope centre tanpui nan, Rs.5000 an hlan ani.
Dt.17.9.2021 nimin khan Vairengte Aitlang hnar a Assam Police ten Pu chhandama huan an luah mekna atanga 150 mtrs vela thui, Pu Ramtlunga te huan a Vairengte mi ten buh lâk an tum chu Assam Police ten an lo dang ni a thu dawn a ni. Tin vawiin khan Serlui group YMA hmalakna in Vairengte a branch YMA 3 te chuan Aitlang a sipai duty te ei leh in bakah an mamawh tur thil hrang hrang siam sak hnatlang an nei bawk.
Dt.16.9.2021 nimin khan Kolasib DC Dr H. Lalthlangliana a hovin PMGSY hnuaia Kolasib district chhûnga kawng siam te siam zawh vat anih theih nân hmalak dan tur sawiho ani a. Bilkhawthlir leh Saiphai inkar Cheng Nuai 2421. 49 a kum 2019 a siam tawh, tum 7 a siam hun an pawh sei sak tawh chu siam zo thuai tura tih anni a. He kawng siamna tur sum hi a hman lohna tur hman vang nge contract te inthlahdah vang a siam rei an nih?
Vairengte Police Station ah kumtling lo pawng sual thubuai ziak lut.
Ramri a sipai duty te Serlui Group YMA hmalakna in an ei tur siam sak dâwn..
Vairengte a NH306 siam turah ram lâk tur endikna nei mek..
Assam lam chuan mizo mipuite tan harsatna la siam chhunzawm zêlin tunhnai atang khan Bagha a kal tûr te chu Lailaipur a police out post bulah Covid 19 test tirin Positive te chu an duh loh pawhin Silchar Medical college ah enkawl tura dah luih an tum ni a thu dawn a ni a. Tin, tunhnaia mizo motor an man pawh tun thlengin a awmna hriat la ni lovin Drugs leh zu vanga case phuahchawp an siam sak, Mizo te pawh jail ah an la dah mek ni a thu dawn a ni.
Dt.13.9.2021 a Bagha-ah Lalhriatpuii ,kum 26, D/ oLT Zauva((L),Chhinga veng Aizawl ruang chhar niin he thihna thleng chungchangah hian amah phurtu ber ni a rinhlelh, Rimpy dawr neitu, Toibur Rahman Bhorbhuiya @ Pimpi s/o Tahir Rahman Bhorbhuiya, Dholai chu tunlai hian zalen takin Mizoram chhûngah hmuh tur a awm leh fo tawh a ni. Hetihlai hian Vairengte leh a chhehvêl ramri ah harsatna/buaina awm lovin kan sipai te riahbûk (camp) te pawh tûrin kawng laih mek zel a ni.
Dt.14.9.2021 khan Vairengte Aitlang hnar lama Mizoram Police te duty na hmun chu laih pawh niin Aitlang thlanglama sipaite awm te ei leh in siamna hmun pawh VC te hmalakna in siam a ni a. Tin, joint YMA te hmalakna in Mautui zau a sipaite awmna pawh hmun nga vel laiah sak ni tawhin Vairengte leh Buarchep a ramri hmun hrang hrangah kawng hi laih mek zel a ni.
Hetihlai hian Vairengte a atak a thil thleng, ruhro leh Darkhuang vel laih chhuahin Vairengte II VC te leh joint YMA te bakah midang tana harsatna a siam dân thu ngaihnawm chu ...
Dt.12.9.2021 nizan khan Vairengte Ṭhalai Pawl te chuan hnamdang ILP neilova lo lût leh bungraw phur, an waybill nen a in mil lo te checkin mi engemawzat an man a ni. Tin, tunhnai khan Vairengte mi pakhat motor (407) chu mi pakhatin a neitu hriat lova lo la chhuakin he motor hian Lailapur ah Zu a phur avangin Assam police ten a motor hi an kawl sak mek ni a thu dawn a ni. Hetihlai hian Aitlang, Sabual mual a kawng an laih, Assam Police ten chawl tura an tih chu vawiin lamah kawng hi laih that leh mek a ni.
Dt.11.11.2020 Nilaini a chin hriat lova bo,C.Lalsiamthara, kum hnih leh thla 7, Pu C.Zothanmawia fapa, Tlangnuam veng chu Dt.17.11.2020 chawhnu dar 1 vel khan a bona High School dil atanga 3 km vel a hla,Tuidaikhur lui,kawra tui tlingah hmuh a ni a. A ruang atanga 15fts vela hlaah a sleeper khing leh a marble pawh lo awmin helai a bul vel hi mihring chetna ang deuh hnu hmuh tur a awm a ni. Hemi chungchang hi vairengte police Station ah case ziah luh niin amaherawhchu tun hun thlengin he naupang bo leh thihna hi chiang taka chhuichhuah ala ni lo ani.
Dt.11.9.2021 khan Aitlang thlang lam (Middle Aitlang) a Mizoram lamin an kawng laihna bul, a Mizo huan chu Assam mi leh sa ten rawn ta cheiin an rawn sam a. Hei hi Mizo thenkhat ten hmu in ti tawh lo tur leh haw turin an ti a. Mizoram sipai duty te pawh hriattir niin a hmuna an va kal leh hian an lo awm tawh lo a ni. Hetihlai hian tunhnai khan Vairengte daia inkahna thlenna a Assam sipai huaisen taka lo hmachhawntu Pi Rinmawii, TT art, Aizawl ten a thlalak T-shirt an siamna a hlawkna zawng zawngte chu amah Pi Rinmawii an hlan ni a thu dawn ani. Vairengte Police Station ah Assam police ten Mizo te kut an thlakna case ziak lutin la kalpui mek zel a ni.
Dt.10.9.2021 khan Dr.H.Lalthlangliana, Deputy Commissioner, Kolasib chuan Phainuam, Buarchep tlang, Saihapui ‘V’, Aitlang (Darthanzauva huan leh Aitlang Pui) leh Vairengtea Police duty-na hmunte tlawhin Police duty dan dinhmun leh ramri hrula hmalakna thenkhat a endik nghal a. Pu Vanlalfaka Ralte, SP, Kolasib, Pu Vanlalmuana Fanai, EE, PWD, Kolasib Division leh Pu Isaac C. Lalrempuia, SDO(C), Vairengte te an tel bawk a ni.
Dr.H.Lalthlangliana chuan nimin lama an kawng laih, Assam Police ten an lo complaint chungchang ah Rengkhawpui zawhna chhangin thu in hriat fuh loh vang ni a sawiin harsatna an neih zui loh thu a sawi a ni. DC hian ramri hrula Police duty-te fuih tharna hun hmangin ram ven hna chu inpekna thuk tak nen a kalpui a tul thu sawiin ralthuam tha aiin rilru paukhauhna leh huaisenna a pawimawh thu a sawi a. Hma an lo lak tawhna leh an duty kalpui dan chu lawmawm a tih thu tarlangin ram tan a penchhuak an nih ang tak a thahnemngaihna nen an hna thawk zel turin a fuih a, Aitlangah hian thing a phun nghal bawk a ni.
DC, Kolasib chuan ramri hrul Police duty-na hmunte a tlawh zawh hian Vairengtea NGO hrang hrang hruaitute nen inkawmna hun a nei leh bawk.
Vawiin Dt.9.92021 khan Rengkhawpui Editor chuan Aitlang thlang lama hnathawh mekna hmun leh kan sipai ei siamna hmun te tlawhin helai a Mizoram lamin kawng an siam mek chu Assam sipai lam chuan an rawn sawisel (Complaint) a. Hetihrual hian hna hi la thawh mek a ni.
Vawiin. Dt.8.9.2021 khan Vairengte Aitlang a Mizoram Police officer duty pakhat in Aitlanga an duty na hmun hreawm zia a sawi, social Media thendarhin a tarlan ah thu dik tawk lo tam tak a awm tih hriat a ni. Hetihlai hian State pawn atanga Mizoram luh tum zing ah August thla khan Vairengte ILP counter ah ILP siam tir mi 2860 an awm tawh a ni. Tin, vawiin WHO bul tumin vairengte Screening point ah test tur te an chawlh lailawkna leh harsatna nei te an awmna atân puan In lian tawk kaih a ni.
Dt.7.9.2021 khan Phainuam Buarchep a Assam lamin an luah chin ah kawng an rawn lai mek ni a thu dawn a ni. Hetihlai hian Vairengte lamah pawh kawng hi laih mek zel niin Vairengte Joint VC leh Jt. YMA hmalakna in kan sipai te awmna tur mamawh hrang hrang te siam a ni bawk a ni.
Dt.6.9.2021 khan Vairengte leh a chhehvêl ramri hrang hrang ah buaina awm lovin kawng laih pawh chhunzawm a ni a. Hetihlai hian Phainuam mi 4 Assam ten an man erawh bail pawhin an lo la chhuak lo a ni
Dt 5.9.2021 khan Assam Police leh Forester te chu Vairengte chhuah lam, Mautuai zau, kawngthar veng thlanmual hnaih lamah lo kal lehin hei hi hriat a nih ve leh Mizoram Police te SP Pu Vanlalfaka Ralte hovin an kal ve nghal a, vairengte SDPO Pu Ramtharnghaka hovin an awm chilh nghal a ni. Hetihlai hian tunhnaia Phainuam mi 4 an man te chu Vairengte Police OC Pu H Lalchawimawia chuan naktuka bail a an lo chhuah theih nân hma a lâk mek thu a sawi a ni.
Nimin Dt.4.9.2021 hian nizan lama Aitlang lama bomb puak ni a hriat vangin harsatna awm zui lovin hna pawh sipai venna hnuaiah thawh chhunzawm ani a. Hetihlai hian nizan a Assam police ten Phainuam mi 4 an man, chhuah mai tûr anga an in sawite chu case siam sakin Silchar ah an thawn ni a thu dawn a ni a, an zingah hian kum tlinglo pawh a tel a ni.
Dt.3.9 2021 zanin dar 9:20 vel khan Aitlangah silai/bomb puak ri tum hnih hriat niin hei hian mipui a ti phawk lek hle a. Tih nge chiang taka hriat erawh a ni lo ani. Hetihlai hian zanin vek khan Phainuam mi 4 chu Assam police ten Bormon/Dolakhal atanga an haw lam an lo man ni a thu dawn a ni bawk.
Dt.3.9.2021 khan nimin lama JCB operator Pu Mawia kutthlak chungchang ah case ziah luh niin Pu Mawia hi nizan lamah a hliam avâng hian a na zual ni a thu dawn a ni. Tin, vawiin SP leh SDOC hovin sipai venna hnuaiah kawng laih leh niin SP chuan an naute chu fuihin Assam Police hi an lo kal leh chuan ding tur tiin an che lui anih chuan kap nghal tur leh Position siam nghal vel turin a ti an ni.
Dt 2.9.2021 a Aitlang hnâra mizo JCB operator Assam police ten kutthlak a, phone leh JCB chahbi an lâk sak chûngchang kal zêl ah Hailankandi SP chuan an lâk sak loh thu sawiin zanin thleng khan an la pe duh lova. Hetianga mizo te kut an lo thlak ve ngawt chungchang ah hian Kolasib SP Pu Vanlalfaka Ralte te chuan harsatna an lo siam leh chuan kah an nih tur thu leh JCB operator te hi ven vek annih tawh tur thu an sawi bawk.
Dt.2.9.2021 chawhnu dar 1:30 vel khan Vairengte Aitlang hnar lama Mizoram sorkar hnuaia SDOC Pu Isaac C Lalrempuia hova kawng siam mek zînga JCB operator pakhat, pu Mawia chu hna an thawh laiin Assam police te lo kalin kut an thlâk bakah a chabi leh mobile phone an lâk sak a. Hetiang kut an thlâk lai hian Puih a ngaihthu au chhuakin a thawhpui a chhak leh thlang lama awm te kal khâwm in Assam police hi an lo inthiar fihlim leh hman ni a thu dawn a ni. Hemi chûngchang ah hi vairengte mipui ten an hriat ve leh an lungawi lo hle a,tun dinhmunah boruak a tang ru hle in a hmun hi Mizoram sipai leh thalai ten an pan mek a ni.
Vawiin Dt 30.8.2021 khan Rengkhawpui Editor chuan Assam-in a vairengte leh Lailaipur inkar kawng,an CRPF te awmna chin an siam leh tihchhiat tawh teh a hmunah a tlawh a. Tin, excise leh ILP counter te pawh tlawhin ramri a hmalakna te pawh an hmun an enfiahna a nei ani.
Hrechiang a thlir ve duh tan..
Vawiin Dt 30.8.2021 hian Vairengte leh a chhehvêl ramri ah boruak tha lo lutuk awm lovin hetihlai hian covid hri chuan kiam lam pan lovin kan sipai te zingah pawh hri vei an awm ve deuh reng a ni..
wiin Dt.28.8.2021 hian Vairengte a ramri leh a chhehvel ah buai lutuk awm lovin hetihlai hian thu dawn danin Assam lam chuan Vairengte Aitlang hmuna an sipai awmna pawh tûrin kawng an lo laih tir ve leh mek ni a thu dawn a ni.
Vawiin Dt.27.8.2021 khan Assam Police mi 30 vel te chuan nimin lama Buarchep a an kawng siam chu va tlawh lehin mahse Mizoram Police ten awm hmun lo khuarin khawthlang in an lo pui a, buaina siam lovin an let leh rih ni a thu dawn a ni.
Vawiin Dt.27.8.2021 khan Vairengte daia inkahna a vairengte nu huaisen Pi Rinmawii (Ka pi te) chuan duhsakna thil thlawn pêk dawng pek dawng lehin Dr. Dindini( Dr.Laldinmawii) kolasib a clinic hawng mek chuan a thlawnin a Ha thar leh tha chi, Rs.10000 chuang man a thlawn in a siam sak a ni. Ani hi vairengte Block MHIP hruaitu ten kolasib ah kalpui in hma an lakpui vek a ni.
BUARCHEP AH ASSAM IN MIZORAM AH KAWNG LO SIAMIN POLICE TE HMU IN TLÂN CHHE NGHAL, VAIRENGTE ILP COUNTER ILP SIAM TIR TAM LEH TAWH
Vawiin Dt.26.8.2021 chawhnu 1:30 vel khan Buarchep Phainuam ah Assam lam chuan lei an dawh atanga JCB ( Hitachi) lo kal kai tirin Phainuam veng, chhak Buarchep lamah luh tir tûrin kawng hi alo lai a. Kan Police leh khawthlang hruaitute venbûk sa tûrin va hmu
Hetihlai hian Vairengte ILP counter ah Vairengte daia in kah ni Dt.26.7.2021 atanga vawiin chawhnu dar 2:30 thleng khan Mizoram a hnamdang lût mi 2545 in ILP siam tir leh tawh a ni.
Vawiin Dt 25.8.2021 khan Vairengte Excise ten an gate a Mizoram a lût tûr leh chhuak tur ten ruihhlo an phur leh phur loh an check na hmun check gate chu tlawh niin tun dinhmun ah Mizoram a lût tûr atangin Zu case 4 vel an man tawh ni a thu dawn a ni a. Assam lama kal turah erawh ruihhlo man hi la awm lovin Assam lam pawn Mizoram atanga Assam a lirthei kutah ruihhlo man an la nei leh rih lo a ni.
Assam lam chuan Buarchep lamah hma la lui mek zelin vawin Dt.25.8.2021 pawh khan Lei an dawh mek chu an siam chhûnzawm leh a ni.
Dt.24.8.2021 chhun dar 12 khan Vairengte Joint VC bul tuma all NGO te chuan press conference neiin hehu ah rei chungchang a sorkar leh an hmalak dan te sawiin ramri buai chungchâng ah zoram mipui tanrualna ah lawmthu an sawi bawk.
Vawiin Dt.23.8.2021 khan Vairengte leh chhehvêl boruak tha lo lutuk awm lovin hetihrual hian khawtlang hruaitute chuan Chief Minister Pu Zoramthanga a office hmu in ramri chûngchang a hmalakna te sawipuiin an nei a. Buarchep a Assam in lei an dâwn chu JCB luh theih a siam tawhin vawiin erawh an chawl a. Tin, vairengte leh Lailaipur inkar kawng pawh ala tha rih lo ani. Vawiin lamah vairengte leh chhehvel hmun hrang hrang ramri ah harsatna leh buaina em em thleng a awm lo niin kan Police hotute chuan an sawi bawk.
vawin dt. 22.8.2021 tlai lam dar 3:30pm khan Vairengte khawtlang hruaitu te leh Lailapur khawtlang hruaitu ten Lailapur ah inkawmhona an nei a ni. Assam leh Mizoram ramri buai leh a kaihhnawih, Mizoram ei leh bar lakluhna National Highway kawngpui danchah leh Silchar a Mizo motor tangkhang ten Mizoram an pan laia Lailapura lambun an tawh chungchangah te, Lailapur khua chu Mizoten buaina leh harsatna an tawhna hmun a nih avangin, Lailapur khuaa sumdawngte dawr lo tur leh Lailapur mi te chu hlawhfa a tan pawh chhawr loh nise tia Vairengte Jt VC leh NGO thukhawm in an rel anga, kalpui a nih hnuah, Lailapur khawtlang hruaitute chuan Vairengte khawtlang hruaitu te chu inbiakna neihpui an duh avangin, vawiin khan Lailapur ah inbiakna neih ani. He meetingah hian tunhnaia Lailapur leh vairengte a thilthleng thenkhat te sawilan niin, khawtlang hruaitu pahnih te chuan in thenawm reng tur an nih avangin Lailapur leh Vairengte te chu nungphung pangngaia an awm theih dan tur chu an ngaihpawimawh hmasak a tul thu an sawi a, hun engemawchen sawihona hun an neih hnuin, Lailapur leh Vairengte mipuite chu zalen taka inkalpawh tawn nise, dan in a phut ang te zawm chunga Lailapur mi te Vairengte a kal remtihsak niin, harsatna tawk an awm chuan khawtlang hruaitu ten an harsatna sutkian dan an ngaihtuahpui thin anga, hetiang bawk hian Vairengte atanga Lailapur a kal ten harsatna an tawh chuan khawtlang hruaitu ten an harsatna ah an pui thin dawn ani.
Meeting ah hian tun tum hi Vairengte leh Lailapur ten thawhhona tha an neih theih na tura hmalakna hmasa a nih thu tarlan a ni.
Hetihlai hian Lailaipur to Vairengte inkar kawngpui chu Assam lam chuan an Area chin a an pawm ah kawng lai chhia in siam an la tum mek a. Tin,vawiin khan Aitlang thlang lamah ah vairengte thalai ten venbûk an siam leh bawk.
Dt.21.8.2021 hian ramri ah buaina em em awm lovin Aitlang a Mizoram Police duty camp pawh sak mek zel a ni a. Naktuk Pathianni khian rei chungchang ah Lailapur khawtlang hruaitute sawmna angin CRPF camp bulah Vairengte leh Lailaipur khawthlang hruaitu ten inbiakna an nei dâwn a ni.Tin,zanin hian vairengte thalai te chu DIG Pu Biakthanga Khiangte IPS hovin Aitlang thlang lama hmalak zel dan tur ah sawihona an nei dâwn a ni.
Rengkhawpui application - Rengkhawpui blog leh facebook page te a rual en vek theihna Android app download duh tan a lem a fei kawhna hi i click dâwn nia
AITLANG AH MIZORAM POLICE CAMP SIAM BELHIN BUARCHEP AH LEI LA DAWH RENG
Vawiin Dt.20.8.2021 khan Vairengte khawtlang hruaitute chuan Aitlang thlang lama Mizoram sipai inkulhna thar tur chu sak belh leh niin nizan khan sipai thahnem tak an lo thlen belh leh a. Heng mite hi Aitlang leh a chhehvêl ah duty tur niin vawiin camp an sak hi Assam police camp bul lawkah sak a ni. Hetihlai hian Saihapui V ah CRPF te awm tawh lovin Mizoram Police te an awmna ah hian an duty tawh a. Buarchep ah erawh erawh Assam hian lei hi la zawhin Buarchep mipui te pawh in Mizoram Police te awmna tûr an sak belh mek zel ani.
Dt.19.8.2021 khan SORE hruaitute nen Aitlang mawng lam a Mizote an lo Kahn leh Assam police nen an inepna hmun tlawh a ni a. Assam lam hian Aitlang mawng lama Mizote huan rawn luah mek zelin Mizoram Sorkar lam pawhin kawng tha zâwk a siam vek mek zel ani. Tin, Naktuk lam khian Lailaipur mite ngenna angin CRPF camp bulah Vairengte leh Lailaipur khawthlang hruaitute an in be dâwn a ni.
Vawin Dt 18.8.2021 khan Vairengte leh chhehvelah buaina leh harsatna em em awm lovin Aitlang mawng lama kan sipai te ruah bûk tur leh mamawh te siamin hnatlang neih ani a. Hetihlai hian Assam lam chuan Lailapur leh vairengte inkar kswng la lai chhe mek zel in hei hi Lailaipur bazar atang 2 km vel siam an tum angin an sawi a. Tûnah hian Lailapur lam pana laih chhiat mek zel niin buaina erawh a awm rih lova. Tin, vawiin khan vairengte block MHIP te chuan Assam lamah kal rih lo tura an member te ngenin tunhnaia a an mizo hmeichhe pui thlavang hauhna leh Assam sipai te demna thu chhuah an siam a. Vairengte Joint VC pawhin vairengte mipui leh Mizoram mipuite Assam lamah kal rih lo tura ngenna an siam bawk. Tin, nimin lama Bilkhawthlir pp Pu Rova Assam police ten heroin phur anga an puh chu Mizoram sorkar lam chuan ngaihtuahin hma an la mek zel ni a thu dawn a ni a. Saihapui V leh Buarchep lam pawh buai na awih lovin Buarchep lamah pawh sipai te bûk siam in hnatlang an nei ve bawk a ni.
Vawiin Dt.17.8.2021 khan Assam lam chuan NH 306 kawngpui, Lailapur bul a mi chu an la lai chhe chhunzawm mek zel a. Hetihlai hian vawiin khan vawiin vek khan Assam police te chuan Lailapur bulah Bilkhawthlir to Kolasib bus, Kuhva ro phur atangin Heroin 24 grams an man thu an sawi a ni. Tin, vairengte Aitlang lam ah boruak tha lo awm lovin nizan lama kham a tla Vairengte Nu pakhat pawh an ban rûk tliak siam tha in ngaihtuah awm a ni lo a ni.
Tukkin zinglamah vairengte mi silaia Assam Police ten an lo kah thu kal zelah vawiin Dt.17.8.2021 khan Mizoram sorkar lam chuan hma la ve nghalin zing dar 4 atang khan JCB hmangin sipai te venna hnuaiah Aitlang thlanglam, ah hian kawng an lai ve nghal a, sipai pawh an in kulh ve nghal a ni. Tin,Assam lam pawh hi an area lamah inkulh in vawiin khan an mipui ten hnatlang in an bûk tur an siam pui ve mek bawk a ni. Tarlan tak angin Dt.17.8.2021 Tukkin zing dar 1: 00 vel khan Vairengte tlak lama awm te chuan Aitlang lamah silai puak ri tum 4/5 bawr vel hria in hei hi Vairengte mi, Assam vai 1 in bum chhuakin Bilaipur a ui la tura kal te chu Assam police ten an lo kap thawm ni a thu dawn a ni. Hemi chûngchang ah hian Vairengte khawthlang hruaitute hnen atanga thu dan danin hêng mizo(Vairengte mi) 3 te :
1. Lalduhawmi w/o HK Laltharzela Hallveng
2. Lalchhandama S/o HK Pazawna Hallveng
3. Vanlalrovi W/o Hnamtinkunga Hallveng te hi Bilaipur lamah ui la tûrin hnamdang ten an rawn hriattir angin an zu kal a, hei hi Assam lam ten silaiin an lo kap a, hêng zing atang hian Pi Lalduhawmi hi khamah zuang thla in, khaw var hnuah Vairengte a rawn pan a, a ban ruh tliak nia a hriat angin Vairengte damdawiin ah a in entir a ni a,Vairengte CHC Doctor, Dr.Mavena hnên atang thu dawn dan in Pi duhawmi ban ruh tliak hi veilam anih thu leh tun dinhmunah Vairengte damdawiin ah a awm mek thu sawiin siam rem an tum mek a ni. Midang inhliam ang chi erawh damdawiin lam pan an la awm loh thu Dr Mavena chuan a sawi bawk. Tin, Pi Duhawmi hi a ban ruh hi siam rem sak tawhin admit ngai lovin an chhuah tîr leh nghal thu a sawi bawk .
Vairengte tlak lam, Aitlang atanga Bilaipur( Assam ) lama Vairengte lamin kawng an laihna rawn lai pawh tûrin vawiin Dt.16.8.2021 khan Assam lam chuan JCB nen sipai 50 venna hnuaiah tlailam khan an lo lut a. Hemi chûngchang ah hian mithenkhat ten inkahna thleng leh tûr leh buaina awm leh deuh rum rum tura a thu thehdarh awmin hei hi thu belhchian dâwl lo ni a thu dawn ani. hemi chûngchang ah hian Vairengte SDOC Pu Isaac C Lalrempuia hnên atanga thu dawn danin kawng hi inlaihpawh tûra inbiak vek tawh niin vawiin chawhma lamah Vairengte lam ah ruah a sur avangin kan sorkar leh khawtlang thuneitute hi JCB lam operator ten an kal ngam loh avangin a hmunah hian an kal ve ta lova. Hetihlai hian Assam lam erawh tlai lam khan rawn kalin an JCB operator leh an contractor-te hian an hlauh deuh avangin Assam sipai 50 vel rawn hruaiin hei hi buaina awm leh tur anga sawi a awm avangin he thu hi a dik lo zawng in a darh chiam a. Tûnah dar 7:30 vel khan Vairengte khawtlang hruaitute leh Mizoram sipai te pawhin an hmun panin hetianga buaina lian hi tun dinhmunah a la awm lo ni a thu dawn a ni. zanin Dar 9:00 khan a hmun a kal Vairengte Jt VC Secretary Pu Lalmuanpuia Colney chuan Assam mi te hi an awm tawh loh thu leh buaina a awm loh thu an sawi bawk.
Vairengte mipuite hian hun rei tawh tak atangin ramri ah hian buaina lo hma chhawn fo tawh in chung hunah chuan a huaisen zawk leh Lailaipur leh Bilaipur pawh an zuk hal hial tawh a. Nikum 2020 ah pawh khan Kan IR duty te Lailaipur mi ten lung hmanga an lo beih avangin mipui in nawr letin NH 306 kawngpui sir, disputed area a Lailapur mi ten In leh dawr an rawn siam pawh an zuk hal tawh ani. Hêng hi a chhan ber chu mipui rilru ah ramri vênhim duhna leh kan chhehvêl a awm vai ho hi keini aia hniam leh dawi zawk annih zia an hriat chian vang a ni.
Vawiin Dt.12.8.2021 Ningani khan ASSAM lam chuan Buarchep Phainuam a, an awmna lamah ah an sipai te awmna pawh tûrin thir lei an rawn dâwn ni a thu dawn a ni a. Hei hi Buarchep mi thenkhat te ti tawp tura tiin an chawlhsan leh rih nia thu dawn a ni a. Lei dawh chûngchang ah hian Mizoram lamah Assam hian lei hi an rawn dâwh lui anih chuan an tul anga kah leh mai anni tih tur thu Kolasib SP Pu Vanlalfaka Ralte chuan a sawi a ni.
Tunhnai khan Aitlang zau hnar lama huan neitute chuan Assam Police ten an huan an hnehchhuh chungchangah Mizoram Chief Minister hnenah memorundum an theh lut. An memorundum thehluhin a tarlan danin June ni 29, 2021 a Assam sorkar tirh Assam police thahnem tak ten kum 50 chhung vel an lo cheibawl tawh Aitlang,a chhungkaw 18 zetin in nghahna leh eizawn nana an hman mek chu an rawn hnehchhuhin an ram chhung ngeiah Police Camp te siamin an rawn in bengbel a.An huan thlai te tichhia in hlo tûr te an kap nghal zel a. Tha leh zung tam tak senga an lo enkawl tawh,hetianga an sawisa mai hi kan rilru a nat takzet thu an sawi a. Assam police in kan ram min laksak zat hi tin 80 leh a chanve vel a zau niin, kum tin cheng 20,00,000/- chuang man thlai kan thar chhuak ve thin a. Kan thlai thar rah hi kum telin a man a tam ve tial tial a ni. Kum 50 chuang zet kan lo enkawl tawh, Mizoram chhung ngei ami ni si, hetia Assam lamin min rawn hnehchhuh mai leh kan thlai te an rawn suasam chiam mai hi a mak kan tiin hriatthiam a harsa kan ti takzet a. Hmalak vak ngaihna leh a kawnghmang pawh kan hriat loh avangin sorkar hmalakna kan ngaichang tawp mai a. July ni 9, 2021 a Assam leh Mizoram Chief Secretary te inbe turte kha nghakhlel takin kan lo ngaichang ve tawp mai a. Hotu lian lam atangin hmalakna leh thuthar em em awm lo mahse kan tan han chet ngaihna a awm loh avang leh, kan huanah takngial pawh kan feh ngam tawh loh avangin a hrilhhaithlak duh hle a ni. Vawiin thlengin kan harsatna sutkian sak tumna emaw, kan manganna te a hmuna kan ram hruaitu lian ten min la hmuhpui miahlo hi a manganthlak kan tiin, kan innghahna ve ber kan huan chu kan chan hlen thei hial mai dawn ni a kan hriat tak avangin i hnenah kan harsatna leh manganna te kan han thlen ve ta rawih mai a ni,an ti. An huan lo ram te kan neih leh ngei theih nana hma min lakpui turin kan ngen a ni.He an Memorundum ah hian hun neitu mi 18 te an hming leh an ram amn chan hlut zawngte an ziak lann nghal a ni..
V airengte Dated 13th August 2021 : Dt.12.8.2021 nimin khan Mizoram leh Assam ramri buaina kal zelah Phainuam Buarchep a Mizoram leh Assam inriina bul, Assam lamin an luah hmunah Thir Lei dawh kai tumin hma an la leh ni a thu dawn a ni a. Hemi chungchangah hian Kolasib SP Pu Vanlalfaka Ralte chuan hetiang ang hi anni lam chuan an hriat loh thu leh Mizoram Sipai awmna hmun a lei an dawh lui dawn anih chuan kah mai an ngaih tur thu a sawi thung a ni.
Phainuam thalai te hnen atanga thu dawn danin Nimin (Ningani) khan Assam lam chuan Buar chep Phainuam a, an awmna lamah ah an sipai te awmna pawh tûrinThir lei an rawn dâwn ni a thu dawn a ni a. Hei hi Buarchep mi thenkhat te ti tawp tura tiin an chawlhsan leh rih nia thu dawn a ni bawk. Hetianga Lei dawh tumna a awm tih hriat anih ve leh hian Buarchep leh Phainuam mi thenkhat chu ram ri ah hian kaln Lei hi siam lo turin an ti a. Htihlai hian Lei an siamna hmun hi Assam luah chin anih avangin a hmun a kal hi an rem ti lo ni a thu dawn a ni bawk.
Assam lamin Lei rawn dawh an tum chûngchang ah hian Kolasib SP Pu Vanlalfaka Ralte chuan tuna Lei an rawn dawh tumna hi Assam lam luah laia awm anih avangin nni tan chuan va tih buaia han khap hi tunhnaia Sorkar laipui kaih hruaina leh State pahnih ten inremna an neih angah chuan a rem loh thu a sawi a. Heng ang hmalakna khap tur chuan Central Force CRPF an awm thu sawiin Mizoram lamah Assam hian lei hi an rawn dâwh lui anih erawh chuan an tul anga kah leh mai anni tih tur thu a sawi a ni. Hetihrual hian hetanga an lama Lei dawh an tum chu Official taka an hriatpui loh thu a sawi bawk.
Assam lam hian Lei hi nimin lam pawh khan dawh lo tum tawhin CRPF duty ten ti lo turin an ti a. Hetianga an tih hnu hian vawiin lamah Lei hi rawn dawh tum lehin an thir lei dawh thawm pawh Mizo ten an hriat thu an sawi a ni. Hetianga Assam lamin anmahni awmna lama Le dawh an tum chhan hi an inepna tlang lama an Sipai an dah te chu awlsam taka kalpawh anih theih nan leh hemi kar dangtu lui luangah hian Thir lei hi dawh an tum a ni. Helai a Assam ten an inkulhna tlang pawng hi Mizo huan vek ni a thu dawn a ni bawk.
Khawlum tak hnuaiah tunlai a thuhriltu sawi hlawh ve tak, James a'n vântirhkoh hnên atanga pawisa a dâwn dan vel social media hrang hrang a fiamthu nan a an hman te ka lo thlir zawh chiah vang nge ni chutia khawlum avanga ka lo mutlu chu mi pakhat, Eng deuh pup a hmel hmuh theih silo hian, *'lo kal la, thil mak leh ropui in thup nilo, thil ho leh ropui lo tak ka hmuhtir ang che,'* tiin min rawn ko thut mai a. Kei pawh chu tho hlim hlawh e ti lo chuan thil ho lam nuih tur zawng ta reng reng chuan i he lovin ka zui ve ta nghal a.
*Kum 2099 May ni 11 :*
Chutia "lo kal rawh" a tih vanga ka zui ngawt chu hmun dang lam tak, ka dam chhûnga a taka ka la hmuh miah lohna hmunah min hruai in chumi chhûngah chuan kan mizo naupang, fai leh hmeltha tak tak mai te chuan an zirtirtu hovin thiamna sang zêlin a chhawm hmanraw tha tak tak te nên zirlai an lo zir mek alo ni a. An classroom chu en vel pahin a nuamin a thianghlim si a, bang lam ka han en chuan, ka sawi thiam ve danah digital calendar an tarah chuan Date.11th May 2099 tih a lo lang kulh mai ka han hmu chu ka phu deuh dawr a. Chutihlai tak chuan min hruaitu pa chuan 'ngun takin an thil zir hi ngaithla rawh', min lo ti a.
An zirtirtu hmelfel leh zaidam, finhmel leh a hna tui hmel tak chuan zirlai te zawhna a lo zawt mek a. *"Kum 2020 leh 2021 vel a Mizoram history a, a hun lai hri hlauhawm tak leng a an ngaih chungchang ah khan sorkar leh mipui ten enge an tih dik loh'* tiin kil khat lo thu, naupang tarmit bun, lehkhabu lo bih mek chu a zawt a. Chu naupang kum 12/13 rual vel lek chu lo ding chhuakin, *'kum 2020 leh 2021 a Mizoram sorkar in a hunlai hrileng hlauhawm tak ni a an hriat, covid-19 hri chungchangah mipui leh sorkar in a tih dikloh lian tak tak te chu point li (4) fel takin a then theih a, chûngte chu;*
*1. Sorkar in a hunlai a mipui mitin ten an hman theih social media hmangin thu leh hla puanchhuah nan a hmang nasa a. A ram chhûng journalist te ring zo lo leh sorkar hnuai a Information & Public Relationship Dept ten journalist te ngaihthah lui a, social media a engkim sorkar thu a tarlan vang a ni a. Hei hi a chhan pawh mipui mimir in social media thu post leh kaihlek an thiam ve vek vang leh a him chin tur an hriat si loh vang te, thudik loh leh inbumna thu thleng a thu an post nasat vang te, sorkar ber pawhin social media thu post a ngaih thutak lutuk vang te, mipui tih ṭhaih zawng a thu ziak in thawn kual nasat lutuk vang te a ni.*
*2. Mizoram sorkar in a hun lai a mithiam a tih zingah he hri hlauh vanga buai an tam lutuk leh hêng mite thu a ngaichâng nasa lutuk kha a ni a. Khawvel danga kha hri in a hnathawh dan te thlir chungin hlauhna nen sorkar nawr kal a ni kha an tihsual lian tak a ni bawk.*
*3. A hun lai social media khawihtu mipui ten an thu hriat ang ang, khawvel hmun danga kha hri in mi a tihhlum dan an hmuh te an inthawn darh kual vak vak khan mipui ah hlauhna dik lo a siamin Mizoram chhungah kha virus hnathawh dan en lova ram dang leh state danga virus hna thawh leh thil thleng an en tam a, dawt leh belchiang dâwl lo thleng a thu leh vedeo an in thawn kual tam vang a ni a, chung ang chu Mizoram ah a thleng ve dâwn tlat a an hriat vangin hlauhna in mipui rilru ah bu a khuar nasa a, kha khan kawng dik lo an zawh phah in Mizoram history a hun thim ber ( Dark age) ti a chhinchhiah anih phah a ni.*
*4. A hun lai a mizo Kristian zingah zawlnei in ti lo pun tak hluai vang pawh a ni a. Khang zawlnei in ti te khan ram chhiat tur thu leh zoram thar thu aupuiin a hun lai mipui te khan an beng a khang thu a luh hnem em avangin khang hri leng kha hremna leh chhiatna thleng ve reng tur, an thihpui teuh tur ah ngaihna an nei bawk a. Sakhuana hmangin mipui tihṭhaih an awm bawk vang a ni.*
*A chhan bul pui ber chu a hun laia changkang an tih ve em em social media hrang hrang,sorkar leh mipui ten an hman dikloh nasa lutuk vang a ni. Heng lo pawh hi thil tam tak a chan leh vang a awm"* ti a sawi zawm leh a tum lai tak chuan, an zirtirtu chuan i thiam hle mai, khatah khan duh tawk phawt ang, "thu rawh le", tiin alo pawt chat a. A thil sawi chuan min tiharh zawkin sawi belh tur a va ngen ka tum lai tak chuan min hruaitu chuan ka dârah vuan in kan mutna ngai ah min lo dah leh ta daih a. A ni chuan, *'hêng ka thil hmuh tîr che hi tumah hnên ah sawi darh lo la, mahse nang chuan social media leh i duh duhna ah i lo thehdarh dâwn nia min ti zui a..'* Biak tuma ka an lai tak chuan Zawhte miau vak ri ka hria in ka harh zâwk a, ka lo muthlu chuan kan Zawhte ka lo delh bet ṭe ri niin ka mumang erawh ka rilru ah a awm zui ta reng thung a ni.🤫🤔🤔
Tunhnaiah social media a fiamthu ka hmuh pakhat chuan kan ngaihtuahna ah kan ramin tunlaia hri leng mek, covid-19 kan hlauh over dan kan hmuh hian thiandûn ram kal hi kan ang sawt riau hian ka hmu tam ta tulh tulh mai.😂
"Ţhianpa thil ri rek i hriat chuan tlan haw inring reng in awm rawh aw..
Laitel mai mai pawh ni se, ramhuai a ni thei tlat."
😆😆😆😆😝😝😝
He fiamthu hian awmze ril tak a nei niin a lang a, he hri leng mek chungchang ah hian zirchianna nei lutuk lo mah ila, ka hmuh dan tawi te tal tarlang ve hram teh ang.
MITHIAM DAWIZEP TE AVANGIN KAN BUAI LOHNA TURAH KAN BUAI EM? :
He zawhna hi a rûk a ka in zawhna a rei tawh a. Covid-19 lo len hmasak khan ti khawp khan kan buaiin ram Economics pawhin nasa taka nghawngin hlauh luat vanga nunna fei lo tak tak pawh kan ramah an awm phah ngei ang. Kan mithiam ten a hlauhawm zia uar tak tak a sawiin Patling/nutling pawh mahni In lumah pawh kan thla a muang thei lo anih kha.. Mahse kan ram(Mizoram) a rawn lut ve ta a, he natna vei te pawh karhnih khatah enkawlna mumal leh special tak pawh pe lovin an lo dampui nghal zêl theih a, mi tlem zawng vanduai leh natna benvawn neih thihpui erawh sawi tûr ting chu an awm ve e. Chutiang chuan mithiam in ten 1st wave an sawi kha kan tling tla ve ta mai kha a ni a..
Hun an kal deuh a, 2nd wave an rawn ti leh in he hri hi a in siam danglam (mutate) in a hma aiin a let a thawk nat thute, in kai a awl thute kan mithiam in ti ten an rawn ziak kur leh nasa a. Boruak a inkaih theih anih thu te leh a hlauhawm theih dan chi kim kan hriat angin kan in hrilh kual a, a hlau sa te hlauhna siam belhin a hlau lo lak lawh tawh erawh in an zuam em em thung tawh a, hei hi enge an chhan ni ang le? Hetihrual hian social media lamah a hlauhawm thu kan inhrilh tawn chiam in a hlauhawm zia sawina eng thu leh vedeo tawh phawt chu an dik em tih pawh ngaihtuah lem lovin kan in thawn kual a. Khawvel leh kan India ram ngei a thihpui an tam tawh dan te nên thudik leh dik chiah lo thlenga in hrilh kualin kan inhlauh siak leh mek a. A sawi hlauhawm thiam a piang te chu mifing ah kan ngaih in a hlauhawm loh ti zawng a sawi te erawh mi A ah kan chhuah lo chauh a.(Mifing te At lai a lo fin bik hi a hahthlâk an ti🤭). Mahse kan ramah he hri hian eng ang chiah in nge hna a thawh a thihna a thlen tih erawh zirchian a, hriatfiah tumna erawh kan sorkar emaw kan mithiam te zingah nei an la awm lo tlat hi kan harsatna zâwk chu a ni.
MIZORAMAH HE HRI HIAN ENGE A TIH VE THEIH :
Mi tam tak chuan a Hlauhawm zia chu sawi ngai lo leh a hna thawh chu ramchangkang zawk leh kan India state tam takah pawh a lang reng alawm, enge mizoram bik zirchian a ngaih? tiin min hnial thei.. A dik e.. Mahse a ngaihna chhan ni a ka hmuh chu kan ramah tun thleng in,2nd wave leh virus insiam danglam ni a sawi tel pawhin he hri hi reilo te ah dampui hi kan la tam zawk char char a, nitin mi 50-100 chuang an dam thu kan hmu reng a, he natna vanga thi an tih tam zawk hi chu natna dang thihpui theih an neih vang te leh vanduai vang liau liau te pawh alo awm mahna, mahse he hri vang liau liau a thi hi kut zung tang chhiar tham em pawh kan la thi lo niin alang. Natna dang te hi mihring ang in tawng thei se chu an lungawi lovin "keimahni vanga thi tam zawk hi covid-19 hri an puh vek hi nuar ang u" te pawh an ti ve hial tawh mahna😂. Chutiang chu kan ramah hian he hri hian eng teh ual a ti thei lova, tlang hri leng ang lek anih lai hian kan mithiam in ti ten khawvel danga he hri in hnaa thawh dan te thlir lui tlat chungin kan ram hi kawng dik lovah min hruai mek zawk a ni mai lo maw? Engvângin nge vitamin C leh hritlang damdawi vel ei mai mai a an dampui leh mai mai theihna natna hi kan ramah hian ralpui phiar a kan lo phiar a,bi ru chunga kan lo hma chhawn chan hi.. Hei hi kan mithiam in ti te hi ka zawt duh chu a ni e..
"HE HRI HIAN KAN RAM A HNA A THAWH DAN DIK TAK LEH ENGVANGA DAMPUI HMA BIK VIAU THIN NGE KAN NIH TIH HI ZIRBINGNA/ZIRCHIANNA TE IN NEI TAWH RENG EM? LO NEI TAWH TA ULA ENGE IN HMUHCHHUAH.. MI RAM MITHIAM TE SAWI RING NGAWT LOH LEH A HLAUHAWM THU SAWI RENG LO HIAN KAN DINHMUN DIK TAK HI ZIRNA IN NEI LO TIHNA EM NI? A HLAUHAWM CHI HI VEI AN AWM TAWH EM?
Heng lo pawh hi zawhna tam tak an awm, hêng ka thu ziah hi ka facebook thian zînga atam zawk chuan in pawm lo tih pawh ka hria, dem ngawt theih kan ni lo vek a. A chhan pawh khawvel Mithiam ten min tih ṭhaih in nitin he hri leng chungchangah hian thuthar leh mak tak tak scientist ten an hmuhchhuah thu internet leh media ah hmuh tur a awm reng a. Khawvel hmun tam zawk ah lah an thihpui mawlh mawlh bawk nen..Heibakah hian kan zawlnei in ti ten he hri hi Mizo mipui ten thihpui teuh turin min sawi ṭhaih reng bawk a, Sakhuana hi hlauhna hmanga in bumna awlsam ber ani ve bawk nen.. MAHSE .. hei hi keini Mizoram ah chuan a ni lem lo tih chiang takin kan hmu in kan hre vek tawh a. Hei vâng hian kan mithiam dawizep ho vang hian LAITEL MAI MAI HI RAMHUAI AH KAN LO NGAI TLAT A NI MAI LO MAW?🤭🤗
( Tunkar Chanchinbu kan chawl bawk a, mithiam ni lo mah ila, hun awl ah helam hi bihngun in phak tawkah zirchian tum ila a tha ang, peih chuan😀)
Vairengte Dated 1st MAY 2021 : Vairengte SDO(C) leh Zonal Magistrate ni bawk, Pu Isaac C Lalrempuia an Vairengte CIJWS hotute hnêna CIJWS a tualchhung mi hna thawk te tualchhung a thuneitu hrilh hmasa lo leh engmah pawh test nei lova an haw tîr leh tawp thin chungchang ah ngenna a siam chuan awmzia awm lovin nimin lam pawh khan tualchhung mi engemawzat an rawn chhuah tîr leh ni a thu dawn niin hei hian hri lakah Vairengte mipui himna a ti derthawng thei a ni.
Thu dawn danin nimin khan CIJWS chuan an hnena thawk tualchhung mi engemawzat chu Vairengte a thuneitute leh VLTF te pawh hrilh hre hmasa lo leh Test pawh nein lovin chawlh pe in an rawn chhuah tîr leh tawp ni a thu dawn a ni a. Mi thenkhat hnen atanga thu dawn danin an hotu ten an chawlh tîr chhan hi an hriat loh thu leh vawiin atanga Dt.20.5.2021 chhûng chawlh an pêk tawp thu an sawi a.Hei hi an office atanga order lo kal ang anih tih bak an hriat loh thu an sawi bawk. Nimina CIJWs a Civil mi hna thawk an rawn chhuah tîr hi an hming kan hriat theih chu mi 6 niin an zingah mizo 1 awmin hemi bak zawng hi hnam dang, mahse Vairengte a awm te anni a, mi 1 Kawngthar tih loh chu Chhim veng a awm vek anni.Thu dawn danin hetiang a chawlh an pêk tawp hi mi 6 aia hian an tam ni a sawi awmin mi thenkhat in chawlh an dil lai pawha an pêk phal loh laiin hetiang chawlh pawh an dil lem lo,chawlhtîr ngawt anni hi an hriat thiam loh thu an sawi a.Chawlh an pêk thenkhat chuan chhuah an tum lo ni a thu dawn ani bawk.
Tarlan tawh angin Dt.28.4.2021 Ningani khan covid-19 vei ni a an rinhlelh vang ni thei tûrin CIJWs a tual chhung mi, hnamdang 1 chu chawlh tîr in an lo Sezawl chhuah tawp tawh a,hei hian mipui a ti chiai aiin a chûngte 1 chu a lo positive ngei tih hriat niin CIJWs pawh an inkharkhip nghal a ni. SDO(C) Pu Isaac-a chuan nimin piah khan CIJWS hotute hnenah hian tun ang hri len lai a, khaw chhunga thuneitu leh sorkar lam thuneitute engmah hrilh hre lova an chhuah tîr ngawt hi tha lo an tih thu leh an lo chhuah tîr a, covid-19 hri an kai anih emaw an rinhlelh awm anih pawhin tha taka hrilh a,anni lamin enkawl leh lo buai pui an inpeih reng thu alo sawi tawh a ni. Hri leng laka mipuite himna tura Mizoram sorkar in inkaihhruai na a siam (SOP) chu ngai pawi mawh ve tûrin a ngen bawk a. Heibakah hian tunhnai khan ILP pawh siam tir lovin CIJWS a hnathawk tur hnam dang mi engemaw zat an motor hnungah a rûk a phûr lutin heng mite hi an inkhuh tîr vek tih hmuh a ni a. Hetianga ILP leh SOP dan kalh zawnga hmalakna awm ni a sawi hi ti tawh lo turin alo hriattir tawh a ni.
Hetihlai hian hetianga ngen na leh hriattir an thlen hian awm zia a neih lovin nimin khan CIJWS hian tualchhung mi, an hnathawk thenkhat chu Vaireng te a Sorkar thuneitute leh khaw tlang hruaitute engmah hrilh lo leh Test pawh nei lovin an rawn chhuah tîr leh ni a thu dawn a ni. Hemi chungchangah hian SDO (C) Pu Isaac-a chuan hetianga SOP dan kalh leh mipui himna tichhe thei zawnga hma lakna a awm chuan thuneitu sang zawk ah an thil tih dan hi thlen ve ngei a tum thu an sawi a.Tuna an lo chhuah tîr ho pawh hi medical team lamin chhui zui in atul anga hmalak nghal an tum thu a sawi bawk. Hetihrual hian nizan hmasa lam khan CIJWS lam chuan ILP chungchangah tunhnaia an hmalak dan dik lo deuh awm chu pawi an tih thu leh ILP leh SOP dan te chu a theih ang ang azawm an tum thu SDO(C) Pu Isaac-a hnênah hian an lo hrilh ni a thu dawn a ni.
Vairengte Dated 30th April 2021 :Nimin khan SDO(C) Pu Isaac C.Lalrempuia chuan CIJWS a tualchhung mi hnathawk an sezawl chhuah tawp chungchangah leh ILP leh Sorkar in SOP a siam ngai pawimawh loh chungchangah te hriattir a pe a ni. Hetihlai hian nizan hmasa khan CIJWS a Cleark hnathawk,Chhimvenga In luah,Miton-a chu CIJWS- a an inkhunghranna atanga chhuahtirin hei hi Covid-19 kaihhnawih ni a sawi a ni.
Nimin khan Vairengte SDO (C) Pu Isaac C Lalrempuia chuan Vairengte CIJWS hotute hnenah tunhnaia an chet dan hrang hrang leh report an dawn atangin Mizoram in Hri lak a in kaihhruaina Dan a siam (SOP) leh ILP chu an ngai pawimawh loh avangin heng hi ngai pawi mawh tawh tura hriattirna ziak in a thlen ni a thu dawn a ni. Pu Isaac-a hnen atanga thu dawn dan in CIJWS a hnathawk zingah tualchhung mi Covid-19 hri vei an awm chuan tir haw ngawt lovin anmah ni (SDO(C) leh VLTF te) hriattir sela, anni a enkawl leh bawh zui chu an lo tum tur thu a sawi a ni. Tin, tunhnaiah hnathawk tura State pawn atanga hnamdang an chahluh te chu ILP an siam tir tha lovin Mizoram Sorkar in SOP a siam te an zawm tha lo ni a hriat thu leh hemi kawngah hian Mizoram in Dan a siam te chu zawm turin a htriattir a ni.
Hetihlai hian nizan hmasa lam khan CIJWS a Clerk hna thawktu Miton-a, Chhimveng a In luah chu CIJWS a hna thawk, tualchhung mite an in khunghranna atangin chhuah tir in chawlh pek deuh thut a ni a. Thu dawn danin Miton-a hian hri Covid-19 hri a vei vang ni a sawi niin amah chuan test engmah an tih loh thu leh tunhnaiah a damloh avang leh MI Room ah a kal ve fo avang in Covid-19 vei anga an sawi mai thu a sawi ve thung a ni. Hetianga chawlh an pek avang hian an In, Dolai ah haw thla in hri vei ni a sawi anih avang hian nimin khan Vairengte Screening point ah RAgT hmanga endik leh a ni a.Nimin result ah erawh Covid-19 hi a vei lo (negative) thung a ni. Nimin vek khan VLTF te chuan an In hi kharsak in a chhung te hi an home quarantine a, ni 7 hnu ah Covid-19 hi an nei leh vei loh an test leh dawn ni a thu dawn a ni.
Thu dawnna in a sawi zel danin Miton-a U, Liton Das-a nupui te hi tunhnai khan Silchar ah mo lawmnah ah kalin hei vang hian Covid-19 hri hi a vei ni a hriat a ni a.Ani pawh hi an chenna Dolai lamah in enkawl turin a haw a ni.Miton-a hri vei leh vei lo chungchangah hi hriat chian anih loh laiin nimin atang khan CIJWS a Office hrang hrang chu an inkharkhip nghal vek ni a thu dawn a ni a. A bik in naupang School (Little Flower School) chu kharkhip vek niin School bula cheng te pawh an awm hmunah ei leh in pek vek anni thu an sawi a ni. He School a thawktu, Vairengte mite pawh School hi ni 10 chhung an chawlh dawn thu an Principal-in a hriattir nghal a,a hnu deuhah thla 1 vel an chawlh a ngaih tur thu zirtirtute hi an hrilh leh ni a thu dawn a ni. Hetianga an chawlh chungchangah hian MES ah hri vei an hmuhchhuah thar vang zawk niin an sawi ve thung a ni.
Vairengte ah Police 1 hri vei hmuh niin chhan hrang hrang avangin mi 29 khunghrang mek.
Vairengte Dated 29th April 2021 : Nimin khan Vairengte Police department a thawk lai Constable Pu Lalhlimpuia, Bangla veng chu tun hri leng mek ah a kai a inrinhlelh avanga in test in Covid-19 hi a vei tih hriat a ni a. Hetianga thlen avang hian a chenpui leh a thawhpui, 1st contact mi 16 te Home quarantine nghal niin hetihlai hian IR ho leh Kuhva ro phur hri ve pakhatin an 1st contact 13 te chu khunghran mek anni bawk.
Nimin chhun khan Vairengte Police department a Constable Pu Lalhlimpuia chuan Covid-19 hri leng mekah in ring hlelin Screening point ah RAgT hmangin test a ni a. Hri hi a vei tihhriat hmuhchhuah a ni.Thu dawn danin Pu Lalhlim- puia hi tunhnai khan chawlh la in Aizawl ah a kal a. A lo haw hnu ah hnuah zankhat gate ah a duty hman ni a thu dawn a ni. Hei vang hian 1st contact, a duty pui Police leh a chenpui, an vaiin mi 16 te chu pawnchhuak rih lo tura home quarantine nghal anni a.Heng mite hi ni 7 chhung in khungin he hri hi ni 7 hma a lan chhuah thin avangin engmah lang chhuak an awm loh chuan ni 7 na ah Covid-19 test an nei leh dawn niin SDO(C) leh Zonal Magistrate ni bawk, Pu Isaac C. Lalrempuia chuan a sawi a. Tunah hian 1st contact te chungah hma la phawtin heng mite awm dan a ziir hian hmalak leh a nih tur thu a sawi bawk.
Hetianga khawchhung mi Covid-19 positive an awm hian mipuite chi ai lo tur leh Medical team leh VLTF lam ten contact tracing hi an tih nghal vek thu a sawi a. Nimin a hri vei an hmuh pawh hi Medical team ten contact tracing an tih nghal thu sawiin a manlh leh VLTF lam erawh an hruaitute meeting in Kolasib ah an kal vek avangin hma an lak ve theih loh thu a sawi bawk. Tun ah hian Vairengte ah Covid-19 hri vei leh hri vei ni a rinhlel ten an biakpawh hma sak (1st Contact) home quarantine lai hi mi 29 an awm mek a. Heng Home Quarantine hi Stateveng ah mi 6, Kuhva phurtu hri vei in a 1st contact Stateveng ah mi 5 leh Kolasib OPD a lo awm ve te 1 an awm a. IR/MAP ten Dawr an tlawh avanga Home quratine lai mi Zalenveng leh Fiedvengah mi 7 an awm bawk. Heibakah hian nimin lama Police hri veiin a contact a chenpui mi 3 leh a thawhhpui Police mi 13 te chu home quarantine anni bawk.
Hetihlai hian nimin lam khan thuthang dik lo sawi leh Social media velah hmuh tur a awm nual ni a thu dawn a ni a. Stateveng a positive an awm anga sawi te awmin heng hi thudik lo vek anih thu SDO (C) chuan a sawi a. Thil chiang taka kan hria anih chuan thunei tute emaw VLTF te hnenah report pe in an ni hmalakna turah dah thei ila a that ber thu a sawi a. Tin, veng bil leh hmun bik Containment zone lo puan chu DC chiahin a tih theih thu a sawi bawk. Hetihrual hian hetianga Police zingah hri vei an awm tak avang hian Police Station pawh mipuite tan a him zawk theih nan Complaint/FIR nei te chuan OC (Ph. 7005541903 ah emaw SDPO (Ph. 7005984494) ah biak pawh hma sak nise,an duh thu an sawi bawk.
Sanctuary a thing zai ru awm nual
Nimin khan Joint YMA te chuan Kharzawl Santuary ah hnatlang neiin Sanctuary a thing lo zai ru an awm nual ni a thu dawn a ni.Jt.YMA te hian Branch hrang hrang hruai tute nen hnatlangin Sanctuary area thing leh mau te kut lo thlak an awm leh awm loh a hmunah en fiahna an nei a.Jt. YMA Presi- dent Pu Zalawta chuan San tuary a thing hi zai tu an awm nual thu sawiin heng thingzai thenkhat hi chuan an huan a mi an zai thu te an lo sawi a. He tihlai hian Sanctuary chhehvel hi tu ram mah anih ngai loh thu leh tunah erawh ram nei an lo awm nual thu a sawi a. Kum 15 vel lai Sanctuary atan an hman tawh laia Vairengte mi thenkhat ten thing an la zai ru reng chu pawi a tih thu a sawi a.Heng Thing zai then khat hi chu YMA ten thu an zawhfiah dawn thu a sawi bawk.
*Godown chungchang sawi pui*
Nimin khan SDO(C) Pu Isaac-a chuan Vairengte daia Kuhv a godown atanga hri inkaihdarh awm thei chungchang Kolasib DC hnen ah thlenin khar sak lova chawlh tir vek erawh tum a ni. DC chuan khar kher lova, a rawn kalna lam tih tawp tura hma la tur leh heng kuhva lo phur tur motor te chu Police gate ah dang vek turin a ti a,hetiang hian hmalak a ni dawn a ni.
*Police indaih lo nasa*
Vairengte Police te chu nimin lamah an thawhpui 1 in Covid -19 a vei avang leh a 1st con- tact mi 13 ngawt Home quar- antine an nih avangin an hna a tih kaihhlak dawn nasat thu OC Pu H.Lalchawimawia chuan a sawi. Tuna hian nimin piah lama an thla liam, SI Lalrinhluia, Bairabi a awm tur pawh an lak let leh rih thu sawiin tun dinhmunah chuan an in daih lo rih dawn hle niin a sawi bawk. Hetihlai hian nimin khan Vairengte Police Station ah thubuai lut awm lovin lock up pawh a ruak a ni.
*Isolation Centre chungchang sawiho*
Nimin khan DC hova VLTF te meeting ah Vairengte in Isolation Centre an lo siam ve chungchang sawiho a ni. He tianga VLTF ten an lo siam hi DC chuan heng hi siam a rem tih loh thu lo sawi tawh mahse Vairengte tan mamawhna a nasat avangin thunei ten ruahmanna siamin Vairengte ah pakhat chu dah ani dawn n a thu dawn a ni. Tin,Home qurantine form chu tihdang lam tlem a zawng awmin a In nei tute remtihna ziah tel ni tawh dawn ni a thu dawn a ni.
*Positive 6 awm*
Nimin piah tlai dar 5 a\anga nimin tlai dar 5 thleng khan Vairengte Covid screening point ah phai a\anga lo lut khualzin mi 240 te RAgT hmanga endik niin, Mizo 5 leh hnamdang 1 hri kai hmuh - chhuah a ni a, Bairabi screen- ing pointah mi 26 endik niin an vaiin an negative thung.
*Quaratine ve lo*
West Bengal inthlanna a duty IR leh MAP lo haw ten Vairengte a Dawr a thil an lei chungchangah Police check gate bula mite pawh an lo dawr ve ni a sawi awm chu nizan hmasa khan VC-I VLTF te chuan thil thlen dan an zawtfiah ni a thu dawn a ni. He Dawr neitute hian an in dawr danah In chhunglut lovin bawm ah pawisa leh thil dang pawh an in pe tawn niin an sawi a. Hei hi hriatpuitu an awm avang in VLTF te chuan quarantine kher loh mai nise,an ti a ni.
*Serlui Congress |halai ten Screening point khauh leh zuala kal phut*
Nimin khan Serlui Youth Block Congress Committee (SYBCC) chuan Kolasib DC hnenah Mizoram a lo lut tur te hripui lak a an him leh him loh an endikna Vairengte Screening Point ah tun aia RAgT test khauh leh zuala kalpui turin ziak in an thlen. SYBCC chuan ni 16th April, 2021- a Health Minister Dr. R. Lalthangliana’n Vairengte a tlawh tum a a sawi angin, Vairengte Screening Point paltlang tawh phawt, Mizoram chhunga lo lut tur reng reng RAgT test ti vek tura a tih chu vawiin thleng a hlawhtlinna hmuh tur a la awm lo chu Serlui Youth Block Congress Committe chuan mak an tiin, pawi an ti a. Hmingthatna tur chauh a sawi lo a a tak ngeia Mizoram mipuite himna tur leh hmakhua ngaitu sawrkar kan mamawh hle a ni,an ti. Mizoram lo lut turte screening point- a Test an paltlang theih ngeina tur leh a hlawhtlin ngei theihna turin Screening point- a Police Force duty tir turin SYBCC chuan Mizoram sawrkar an ngen a. Screening point-a Test kalpui a nih danah mipui lam atanga duh khawp lohna awm te chu chhui chianga felfai zawk leh dik zawk a test kalpui a nih theihna tura hma la turin sawrkar an phut bawk. SYBCC chuan, ni 26th April, 2021 (Thawhtanni) zana West Bengal inthlan a Mizoram IRP Duty kal lo haw te, test an nih hnuin mi tam takin Covid- 19 an kai a ni tih hriat a ni a, an paltlang khuaa cheng te hei hian a tiralkhel hle chu pawi an ti a; an lo haw danah an paltlang khua te tana himna tura ruahmanna tha zawk an siam lo niin a lang, tiin, tun hnuah chuan Mizoram mipui, an paltlang khua te tana himna tur tha zawka kawng ruahman tawh turin Mizoram sawrkar an phut bawk. SYBCC hian sorkar a an thil ngen leh rawtna te hi nimin khan Kolasib DC hnenah ziak in an thlen a, Mizoram sorkar official lama thlensak leh turin Kolasib DC hi an ngen nghal a ni.
*BSF hri vei 1 awm*
Nimin khan SIRD CCC-ah Covid hri kai mi 3 dah luh an ni a, an vai hian zin haw vek niin, mi 2 hi Home Quarantine lai mek Diakkawn leh New Diakkawn ami an ni a, midang 1 hi Vairengte gate-a hmuhchhuah a ni. Nimin piah khan hri kai enkawl dam mi 1 a chhuak a, mi dang 1 ZMC- ah refer a ni bawk. Nimin khan Thingdawl Polytechnic CCCah mi 4 dah luh an ni bawk a, mi 3 hi zin haw niin, Mizo an ni a, mi 1 hi Vairengte a BSF duty lai niin,an vai hian Vairengte screening point positive hmuh chhuah te an ni. Tun dinhmunah SIRD CCC ah 21 leh Thingdawl Polytechnic CCC ah 8 enkawl mek an ni.
Tunhnaia Chhamphai lam atanga Kuhva Ro rawn phur thlatu Driver pakhat in Covid-19 a vei tih hriat chhuah anih avangin Vairengte ah pawh heng mite contact ho hi chhui zui mek niin Kuhva ro sumdawnna pawh tih tawp rih ani dawn ni a thu dawn a ni. Vairengte SDO(C) Pu Isaac-a hnen atanga thu dawn danin Dt.20.4.2021 khan Ramchhuanpuia, kum 23, Lianpui, Chham phai Dist chu Vairengte ah Godown pakhat ah Kuhva a dah ngei tih hriat anih thu a sawi a. Ramchhuanpuia;n Vairengte a a a kuhva dahna Godown neitute pawh an hriat vek tawh thu leh Medical team leh VLTF ten an chhui zui a hma lak nghal thu a sawi bawk. Tin, Kuhva ro sumdawnna hi tun dinhmun ah mipui tan a him tawh lo avang leh hmun hrang hrang atanga lo kal te an nih thin avangin hri leng inkaichhawnna kawngah hri thehdarh na awlsam tak anih theih avangin vawiin Dt.28.4.2021 lam hian DC hnenah thlen a, Godown te hi khar rih tura hma lak an tum thu a sawi a. Hetihrual hian heng tuna awm mek te hi an kuhva te inlakchhuahna chance erawh motor ding a tam loh nan hun tlem pek a that thu a sawi bawk.
Dt.25.9.2021 khan tunhnaia kan tarlan fo, Bilaipur atangin hnamdang, sumdawng leh thingzai te mi thahnem tak, Aitlang bul, ramri chhehvêl ah...
