Net that tawk loh vang

Net that tawk loh vangin duh angin blog an update tha theilo a,lo leng lut thinte hriatthamna an dil e

Read More

Internet Cell boost

Internet Cell Boost 3.0.0 Full Version only for xp
(·.. Works on all types of connections including DSL, Cable Modem, Satellite, GPRS,UMTS, HSDPA, WiMax, Dial-Up, ISDN and closed Networks.)
installer
http://www.mediafire.com/?dlk2higdtla5435
keys
http://www.mediafire.com/?z1jvyx7zer7o56o

Read More

registry cleaner

Wise Registry Cleaner pro 5.94
http://www.mediafire.com/?mb46467le4qglft

Read More

IDM 6.09 Full patch

Internet Download Manager v6.09 Build 3 Final / patch
http://www.mediafire.com/?11ggaikmuxuwqeg

Read More

Editorial.3.4.12

Tun lai hian khawtlang hruai tuten theih tawp chhuahin kan khawtlang tana tha tur leh ro tling turte ngaihtuahin hna an thawk mek a.Tin,mi thenkhatten khawtlang tan tiin an ram thalaite pawh an pe duh tih hriat hian a lawmawm tak zet a ni.kan khawtlang hruaitute hi kan tawiawm that a pawimawh hle awm e.In sawisel leh inrel leh ringawt thin hian thil tha a thlen lo tih hria ila,an lo tidiklo a nih pawhin kawng dik kan kawhhmuh mai zawk thin tur a ni.Tin,khawtlang hruaitute pawh hian kan hnathawhna tur kawngah mipui ngaihdan lak atul chuan inphahhnuai hre loh ila a lawmawm hle ang.

Read More

Rengkhawpui 3.4.12

Kum 2011 March atanga 2012 March thlenga Vairengte Excise ten ruihhlo an man dan tlangpui

    Vairengte.3rd.April.2012 :Vairengte Excise &Narcotics Department ten  kum 2011 March atanga 2012 March thla thlenga  an record danin  Zu umpuitling 60752 manin,Damdawi leh Zu Case hrang hrang avangin mi146 vel an man bawk a ni.
              Heng bakah hian Zu hi a Half (Bottle) Um 211, Quarter  um 71 ,Beer Um puitling 128 leh Canned beer Um 260 an man a,Rakzu (Local) 53 litres an man a,Dawidim 10Kg manin, Damdawi lamah chuan Parvon Spas mum 92975,Proxyvon mum 6723, Alprozolam mum 661, Nitrozepam mum 4744 leh Tefa mum 454729 te an man bawk a. Tin,heng bakah hian No 4 leh thil dang leh Ganja 31Kgs leh a chanve pawh an man tel bawk a ni.
    Heng ruihhlo an mante hi a tlangpui in lirthei atanga man an ni a,chung lirthei hrang hrang an man dan tlangpui chu hetiang hi a ni.Auto Rickshaw -11,Truck-12,Bike-2,Maruti -2 leh Gypsy-2 atangte in a ni.
    Vairengte Excise O.C hnen atanga thu kan dawn danin ruihhlo an mansak zingah hian mizo an tam ber a,hnam dang thenkhat an tel ve bawk a ni.Ruihhlo an man zingah hian   Auto Rickshow atanga man ho hi Vairengte mi anni tlangpui a ni.Vairengte Excise te hian khawtlang mipuite nen a thawhhona tha tak neih an duh a,chutihlaiin an hnathawhna kawngah hian mipuite pawhin tawiawm tha turin an duh a ni.

NGO Co-ordination Committee hruaitu thlang dawn
Dt.3.4.2012 Zanin dar 7:00 p.m hian Primary School-I,Bangla veng ah,Vairengte NGO Co-ordination Committee-te chuan kum 2012 -2013 atana hruaitu tur thlanna neih tur a ni a.He inthlannaah hian YMA Branch hrang hrang atangte,MHIP Branch hrang hrang atangte,MUP unit hrang hrang atangte,MZP Sub-Hqrs atangte,HSA atangte,MSU Hqrs atangte leh SORE atangte in Vote an nei theuh dawn a,Vairengte Co-ordination Committee in hriattirna a pek ang khan,rawn tel theuh turin beisei leh ngen kan ni e.
    Vairengte Khawtlang hruaitu tur thlanna anih dawn avangin akal thei tur chu a kim thei ang ber kal tum theuh turin kan ngen che u a ni.
General Secretary
Vairengte Co-ordination Committee(VCC)
Vairengte

HRIATTIRNA
Chite phai a Bawng thi awm thin report leh tlangkam atanga hriat bawh zui nan A.H & Vety Department chuan Ni 4.4.2012 (Nilaini) chawhnu hian Verification neih tura a hmun a tlawh turin ruahmanna a siam a,Chite phai bawng neitute bawng thi chungchangah report emaw sawi duh nei chuan Ni 3.4.2012(Vawiin) chawhma dar 10:00 atanga chawhnu dar 12:00 inkarah AH & Vety Office Zalen vengah in report tur a ni.
    Tin,Chite phaia bawng thi neitute verification hunah hian a hmunah lo awm tura ngen leh hriattir in ni e.
(Dr.K.VANLALPEKA)
Veterinary Officer,
Vairengte.
Contact.9612112112/9402322231

Motor ruk tum man
Vairengte Police te chuan Dt.31.3.2012 (Inrinni) zan khan Bolero ruk tum ni a rinhleh mi pakhat an man a,nimin khan Vairengte O.C leh Bilkhawthlir O.C ten hemi chungchang bawhzui hian Phainuam leh Lailapur bawr velah an zuk kal a.Tuna an kawl mek hnamdang (Sumo Driver) hi he Bolero ruk tumna chungchangah hian a inhnamhnawih ngei a ni tih finfiahin,vawiin lamah hian Case siam sak tur niin Kolasib Court lamah an thawn chho dawn a ni.

Camping-ah lut tha hnem
Vairengte Presbyterian Kohhran a Chhandamna Camping chhawng hnihna neih mekah Campers an lut tha hle a,nizan dar 7:00 vel thleng khan hmeichhia 173 leh mipa 229 an lut a,Camp a lut zawng zawng hi an vaiin 402 vel an ni.He Camp a rawn luh tum thenkhat te pawh an thathnem tawh avangin a lehpek a lut tura an lo tihte pawh an awm bawk a ni.

Motor in a chil inrem
Vairengte Police Station atanga thu kan dawn danin Inrinni zan a N.Chhimluang mi Lalrohlui kum 32 D/o Liankhuma(L) Truck MH46F-1585 in a ke ah a  chilsak chungchangah nimin khan Vairengte Police Station ah Driver hi inpe in,Lalrohlui te nen hian inremna an nei a,Driver hian Lalrohluii in enkawlna tur atan Rs 20000/- a pe a ni.

Multipurpose Hall chhunzawm
Nimin zing khan Multipurpose Hall Sub-Committee te chuan Pu Sangbuanga,Zalen vengte inah Committee an nei a,Multipurpose Hall an siam mek chu a chung Slab siam nise an ti.

VC -II Sitting a thurel thenkhatte
Village Council-II te chuan VC House ah Sitting an neihna a  an thurelte bawhzuiin nimin khan Aitlang Hermon vengah kalin ram ruakte an endik a, in hmun diltu mi 18 te zinga  mi 9 te chu pek tlakah an ngai a,zirchian ngai leh thlir let ngai hi mi 4 an awm a,mi 1 hi Special case angin an dah a,mi 4 te dilna chu an hnawl a ni.Tin,Hermon vengah hian PHE in tui a pek theih hma chu temporary a tui connection siam an tum a,heng atana hman tur pipe hi hun remchang hmasa berah lei an tum a ni.
    V.C inhlawhna dan tur  chungchangah inhlawh duhten anmahni bialtu VC hnenah in report tur a ni a,in report te atang hian  inhlawhna a awm pawhin a in chhawkin an inhlawh thin dawn a ni.

Read More

Editorial.2.3.12

Tunlai hian Vairengte Presbyterian Kohhran ah Chhandamna Camping neih mek a ni a,Boruak a nuamin Rawngbawltu camp a lutte pawhin an hlawkpui hle hlawm niin a hriat a ni.Mitin mai hian Pathian kan rinna kawngah hian kan nun hi siam that kan mamawh theuh a,midang nun atanga kan inteh thin avang hian kan thatna theuh hi kan inhmu lian thin a ni. Hei aia nasa a Pathian hnathawh lan chhuah tir tur chuan keimahni theuh hi kan pawimawh a,kan in pek leh kan chan ngamna chinah hian Pathian hian minlo hmuak thin a ni.A lama penkhat kan pen hian a ni chuan pen kua laiin a lo hnai duh thin. Chutihlaiin mi hringte hian in siam tha turin hun kan nei reng lo fo thin a,amah lam pan pawh kan duh lo fo thin.

Read More

Rengkhawpui 2.4.12

V.E.C ten Vairengte Middle School leh Primary School hrang hrang a thawk tur Cook an la
      Vairengte.2nd.April.2012 :Dt.31.3.2012(Inrinni) khan Village Council-I leh Village council-II a VEC Board memberten meeting neiin Kum 2012 April atanga 2013 March thla thlenga thawk tur Cook lakna an nei a ni.
             Village Council-I lama Cook atana an lakte leh an thawhna tur School-te chu hengte hi an ni.
Primary School I-ah    1)Remsiami
            2)Lalbiakthangi
Primary School V-ah    1)Lalnuntluangi
            2)Lalawmpuii
Middle School III-ah    1)Vanlalzawni
        2)H.K Lalhmingmawia
            3)Lalnipuii
    Village Council-II lama Cook atana an lak leh an thawhna tur hmun te chu hengte hi an ni.
Primary school I
1) Zosangluri Zote (Venglai)
2) Vanlalhruaii(Zalen veng)
Primary School II
1) R.Thanhnuni (Chhimveng)
2)Hellen Lalhruaikimi (Chhimveng)
3)Lalruatfeli (Chhimveng)
Primary School VI
1) H.Kawikimi (State veng)
2)Rebecca Vanrammawii         (Stateveng)
Primary School VII
1) Rohmingmawii(I.O.C)
2) Lalnunpuii (I.O.C)
3) Pi Remi (I.O.C)
Middle School I
1) R.Lalthantluangi (Bangla veng)
2) Lalhmangaihi (Bangla veng)
Middle School II
1) R.Lalawmpuii (Chhimveng)
2) Lalchhanhimi (Zalen veng)
UPS Stateveng
1) Melody Lalnunmawii(Stateveng)
2) Lalthangmawii
UPS IOC veng
1) Lalbiaknungi(IOC)
2) Mary Lalnunsiami (IOC)
    VEC Secretary hnen atanga thu kan dawn danin Cook atana lak tharte hi vawiin atang hian mahni school thawhna hmun tur theuh ah thawh tan nghal tur a ni a,hna hi an thawh that loh chuan VEC in midang a ruat leh thei a ni a ti.

Table tennis  Tournament
Dt.31.3.2012(Inrinni) khan Vairengte  Table Tennis Association buatsaihin Community Hall-ah tournament buatsaih a ni a,Men Single ah hian mi 16 an tel a,Men Double ah hian Pair 6 ten an khel a ni.Men Single ah hian Lalnunfela S/o Lalthantluanga, kawngthar veng chu  winner a ni a,Runner up ah Peter Lalchunglura, Kolasib Project veng a ni.Men Double ah hian Lalnunfela lel Peter Lalchunglura te tang dun chu Winner an ni a,Lalchhuanawma S/o H.K Malsawm dawnliana(L) leh Lalpanmawia S/o Sangnghilhlova Hall veng ve ve te chu Runner Up an ni.Men Single winner hian Rs 500/- a dawng a,runner up hian Rs 300/- a dawng a ni.Men Double Winner hian Rs 700/- leh Runner up te hian Rs 400/- an dawng bawk a ni.Tlai lam hian hruaitute,lawman dawngtute leh Editor te nen Elizabeth Hotelah zanriah an ei ho nghal a ni.

 Table Tennis Hruaitu tharte
 Dt.31.3.2012(Inrinni) khan Vairengte Table Tennis Association te chuan Kum 2012-2013 atan hruaitu tur thlanna an nei a heng mite hi an ni.
President     : Pu Lalbiaksanga
V.President    : Pu C.Lallawmzuala
Secretary    : Pu Zothaduha
Asst,Secy    : Tv.Lalnunfela
Treasurer    : Nl Lalrinchhani
Fin.Secretary    : Tv Lalpanmawia

Panhnah zuar Association in hmukhawm
Dt.31.3.2012(Inrinni) khan Vairengte SDO(C) Conference hall ah Aizawl lamah an hruaitute lo chhukin meeting an nei a,he meeting ah hian an rel ber chu Panhnah phur tura an tih Vairengte atangin motor pahnih leh  Amraghat a mi Santos-a motor-te chu chawlh tir a,midang thlak chungchang a ni.General  hruaitu tharte hian an panhnahte phur tur hian mizo ngei in phur se an duh a,hemi atana inbe tur hian vaiho hi an ko chho a ni.He hunah hian Santos-a hi lo kal lovin Bhaga vai leh Amraghat atangin midang thenkhatte an lo chho a,Vaiho hian hei duh lovin Panhnah phurhna tur atan hian motor te pawh lei niin an in sawi a,amaherawhchu General Panhnah zuar Association hian an thu hi an kalpui tlang dawn a,Tunkar atang chuan Mizoten Panhnah hi an phur ve tawh dawn a ni.

Camping-ah a duh apiang tan luh thei
Vawiin hian Vairengte Presbyterian Kohhran chuan a duh apiangte tana luh theih turin Chhandamna camping an buatsaih leh dawn a,Registration hi tlai dar 1:00 p.m atang a tan tur a ni a,Camp fee atan hian Rs 20/- a ni a,Camp a lut turte hian Mutbu,thleng,No,Bible,hlabu leh buhfai No 7 ken tur a ni.

MGNREGS hlawh la dawn
Vawiin zing dar 7: 00 hian VC-I lam chuan Ni 100 in hlawhnaa Ni 2 hlawh la awm chu an sem dawn a,mahni bialtu VC theihte hnenah hlawh hi lak tur a ni.VC-II lam chuan Inrinni khan hlawh hi an lo sem tawh a ni.

Motor in chil
Inrinni zan dar 7:00 vel khan N.Chhimluang a Lalrohlui kum 32 D/o Liankhuma(L) chu Truck MH46F-1585 in a ke ah  chil sak a,Driver hi a tlan bo nghal a ni.Nimin lam khan Motor neitute chu Vairengte Police Station ah an rawn kal a,Police te chuan Driver hi inpe turin an lo hrilh  a,Driver hi he thu buatsaih a nih lai thleng hian an la man lo a ni.

VC -II Sitting nei dawn
Vawiin zing hian Village Council-II te chuan VC House ah Sitting an nei dawn a,hetah hian Lehkha lo lut te leh Aitlang rama In hmun diltute chungchang an sawi ho dawn a ni.

 Vairengte P.S ah Mi bo chungchangah FIR thehluh a ni
 Nimin khan Vairengte Police atanga thu kan dawn danin Vanlalhmuaka kum 38 S/o SL Khawthanga (L),Phainuam SSB a hnathawk  chu a Leave lak phai nuam ah hmang zovin Dt.11.2.2012 ( Inrinni) khan a post 25th Bn.SSB Ghitorni P.O Arganghar,New Delhi 47-a a chhuk tur Dt.13.2.2012 (Thawhtanni) zing dar 7:00 leh 8:00 vel khan Guwahti atangin a chhungte arawn bia a,abak chumi hnu atang chuan a chanchin hriat zui a ni ta lo a ni.Hemi chungchangah hian a thawhna Head Quarter lam pawh an hriattir tawh a ni.Vanlalhmuaka hi Fit 5.4 vel a sang a ni a,a chhukthlak lai hian Sipai kawr rang(ramhmangaih form) a ha a ni.A hmu leh chanchin hria chuan Vairengte Police Station Contact No.03837261077 ah emaw Police Station hnai ber ah emaw hriattir tur a ni.

Read More

Rengkhawpui 31.3.12

Kumin chhungin Temporary ILP mi 213 hnenah pekchhuah a ni.

    Vairengte.31st.March.2012 :Nimin Dt.30.3.2012 khan Vairengte SDO(C) Office-a an  A.S.M Mazumdar-a’n a sawi danin tun kum January atanga March thla chhung hian Mi 213 hnenah temporary ILP pekchhuah a ni.
      Temporary ILP an pek chhuahte hi a atam ber chu Cement Mistiri an ni a,kuhva zuar leh lo thin  pawh an tha hnem hle a, Khawchhunga In satu,Workshop leh Industry a hnathawk an tam hle bawk a ni.ILP neih lo avanga man an nei em tih zawhna chu kumin chhung hian an la awm lo a ni a ti a,hemi chungchang hi Police lamin an hriat chian zawk an ring a ni.Temporary ILP pek chhuah chungchangah hian Vairengte O.C chuan SDO(C) Office a Temporary ILP an pechhuak anih chuan a copy an dawng tel ve ngei tur a ni a,hetianga copy hi tun hnaiah an dawng ngai lo a ni a ti.Tin,kan Sponsor-te ILP a thi tawh a nih chuan laksak  tur a ni a, Police station ah theh luh leh thin tur a nih thu a sawi bawk a ni.
    Vairengte SDPO hnen atanga thu kan dawn danin Vairengte Police Check Gate ah hian ILP neilo a rawn luh tum thenkhat an awm thin thu leh heng mite hi a chang chuan an thawn kir(Push back) mai thin a,Thenkhat erawhchu Case siam sakin  Judicial Magistrate hma a hruaiin dan anga hremna pek te pawh an awm a ni a ti.Tin,Vairengte Bazarni(Ningani) denchhen a ILP neilo a lo luh tumte pawh IOC lamah changin an lo man thin a ni.
    Hemi chungchangah hian dan ang a mi thenkhatte Case siam a hrem an nih lohna chhan chu Judicial Magistrate hi Kolasib ah a awm daih avangin anni tan Kolasib lamah a thawn chho chu thil buaithlak leh hautak tak a ni a,hetiang ti tur hian Staff an in daih lo hle thin a ni.Vairengte O.C sawi danin lo luh tum an ni a,an rawn la luh chiah loh avangin thenkhat chu an thawn kir leh mai thin a,ILP neilo a khawchhung a an mante erawhchu dan angin Kolasib ah an thawn thin a ni a ti bawk.

 P.S-VII IOC ten pakhatna an nih an lawm
 Nimin zing dar 10:00 vel khan Vairengte P.S -VII,I.O.C veng te chuan Dt .6.3.2012 a Primary Zonal Sport a pakhatna an nih an lawm a, Khuallian atan Pu Lalbiaksanga (Pathenga) MVI Inspector chu sawmin,a ni hian School naupang zawng zawngte indaih tur Pen leh Pencil a pe a ni. Khuallianin naupangte hnena a thilpek avang hian Zirtirtute hi Pu Lalbiaksanga chungah hian an lawm hle a ni.He hunah hian School naupangte chu group 4 ah thenin intihhlimna an neih pui a ni.School naupangte hian nuam an tiin an hlim tlang hle a , tlailamah hian School naupang nu leh pa zawng zawng te nen chawhlui an kil ho nghal a ni.

 Helmet khum loh chungchang
 Vairengte Police Station atanga thu kan dawn danin tunlai hian Helmet khum lova two wheeler khal an tam thei hle a,hemi chungchangah hian khauh zawk a hmalak an tum a ni.Tin, hmeichhe thenkhatten two wheeler ah pathum chuanga in phur thin an awm a,hei hi dan phal loh a nih  angin titute hi dan anga man leh chawitir theih an ni.
    Vairengte Police te hian Zan lamah khawchhung an fangkual (Patrolling) thin a,zan dar 6:30 velah chuak tanin khawchhungah ruk ruk leh thil sual tih tumte leh buaina awm thei lakah mipuite an veng thin a ni.

 Table tennis Tournament nei dawn
 Vawiin hian Vairengte a Table Tennis Asociation buatsaihin Vairengte Community hall ah Table Tennis tournament a awm dawn a,zingdar 9 :00 ah tanin hruaitu thlanna neih tur a ni a, dar 10:00 ah tournament tan a ni ang.

VC ten Cook la dawn
  Vawiin hian Village Education Committee Vairengte-I leh Vairengte-II te chuan an area chhung School hrang hrang a Chaw chum tur an la dawn a,VEC-I lam ah chuan VEC te hi zing karah meeting an nei dawn a,VEC-II lam ah erawhchuan tlai dar 3:00 p.m ah VC House ah an thukhawm ang.

VC-II ten hna chunzawm
VC-II te hian Second land an siam mek chu an nimin khan an chhunzawm a,work order ang chuan 77 mertres a thui tih tur a ni a,amaherawhchu VC te thahnem ngaihna avangin 100 metre chuang an thawh tawh thu VCP R.Lalfamkima hnen atangin thu kan dawng a ni.

Camp lut lo chhuak dawn
Vawiin zing dar 8:30 vel hian Vairengte Presbyterian Kohhran a Rawngbawltu camp a lutte an lo chhuak dawn a,Councellor-te hnen atanga thu kan dawn danin an chhungten lo hmuak turin mipuite an ngen a ni.Nizan lam khan Inpumpekna hun an hmang a,hemi inbuatsaihna atan hian Camper-te hian Nilaini tlai leh nimin tlai zanriah an nghei a ni.Camp boruak hi a nuamin a lutte pawhin an hlawkpui hle niin thu kan dawng bawk a ni.

Volleyball Association Commitee
Nizan dar 7:00 khan Pu J.Hming thanpuia te in Field vengah Vairengte Volleyball Association ten Committee an nei a,thla thar April thla hian Branch YMA  emaw Club hmingin emaw a duh apiang te tan Vairengte Volleyball Association ah hian Affiliation a tih theih a,Club/Branch YMA etc. pakhat tan Rs 100/- a ni.Heng a hnuai a mite hnenah hian Affialiation hi a tih theih a ni.
1.Lalzarliana       - Chhim veng
2.J.Hminthanpuia - Field veng
3.Lalthlengliana       - Venglai


MNF North Group hruaitu tharte
Dt.29.3.2012 zan khan MNF North Group te chuan Pu T.Lalrosanga inah kum 2012 atana hruaitu tur thlanna neih ni a, heng mite hi an ni.
President     : Lalpiangruala
V.President:    : R.K Thanliana
Treasurer     : Lalropuia
    O.B dangte hi chu  ruat leh tur a ni a,nizan khan South Group te pawh an inthlang ve a ni.

Lawmthu sawina
    Dt.27th March 2012(Tuesday) zing 5:30 a.m a kan Pa H.Thankunga kum 64,boral chungchangah YMA, Khawtlang nu leh pa te leh thenawm khawveng ten tha leh tui,sum leh pai leh lirtheite ui miah lova in hun hlu tak te seng a min tanpuina ah hian lawmawm kan ti a.A boral ni atanga YMA hun tawp zan thleng pawh a,ni sa leh boruak lum  tak hnuaiah in chhung leh pawn lamah pawh lenglo khawpin min hmangaihna hmel kan han hmu hi Pathian hmangaihna hai rual loh a niin kan hria a ni.Nisa leh khawlum pawh pawisalo ang mai a thlan min laihsaktute leh thlan min hung saktute chungah kan lawm em em a,mimal tak a lawmthu sawina turte pawh tam taka awmin kan hria,mahse hei hi mimal tinte hnen a lawmthu kan sawina ang a min pawmsak theuh turin kan ngen a che u.
    In mi hmangaihna leh khawngaihna te hi keini chhungkua chuan kan dam chhung pawhin kan rul seng dawn lo a ni.Lalpa’n,min hmangaihna,tha leh tui, leh sum leh pai leh in hun hlu tam tak insen zawng zawng hi a let tam taka malsawmin a rul ngei che u kan beisei tlat a ni.

In khawngaihna dawngtu
Zoduhi leh a fate

Read More

Rengkhawpui 30.3.12

Vairengte SDO(C) Conference Hall-ah Anti Tobacco Awareness neih a ni

     Vairengte.30th.March.2012 :Nimin zing dar 11:00 khan Vairengte SDO(C) Conference hall-ah Anti Tobacco Awareness Seminar neih a ni a ,Vaireng NGO hruaitu hrang hrang leh VC memberten he hun hi an hmang a ni.
        He Awareness hi Vairengte SDO(C) Pu K.Lalrohlua’n kaihruaiin, Awareness  atan hian Kolasib lam atangin Dr Lalramliana leh Mizoram State control Society Coordinator Mary Lalthansangi Sailo te an lokal a ni.Anni hian Presentation (a lem a entir) hmangin zuk leh hmuam kan tih avanga natna hrang hrang lo thlen theih dan leh Zuk leh Hmuam that lo ziate an sawi a ni.
    Programme hi hun 2 ah then a ni a,Dr Lalramliana hian hun hmasa hmangin Zuk leh hmuam avanga harsatna kan tawh theih dan hrang hrang te sawiin a lem nen a entir a,Secondhand Smoke chungchang sawiin kan mei zuk avang hian meizu ve lote pawhin natna hrang hrang a kai ve theih a,abikin naupang leh nausente tan meizial khu hi a thalo leh zual em em a ni a ti.India ramah hian Second 30 dan zelah Vaihhlo avangin an thi a,Hmeichhia zuk leh hmuam ti thinte chu kum 8 velin an nunna a tawi phah a,mipa erawchu kum 8-10 velin a tawi phah thei a ni. Zu leh Drug avanga thi zat aiin zuk leh hmuam tih avanga thi zat hi an tam zawk a ni a ti.
    Mary Lalnunsangi Sailo hian zuk leh hmuam chungchanga khapna dante a sawifiah a,Tiranga avang zirlaiten harsatna an tawh nasat zia leh heng Gutkha product te hi D.C in IPC 144 hmangin khap theina a nei a ni a ti.Tin,heng ang zuarte hi man theih an ni a,khawchhak Cigarettes ho ah hian a leitute tan warning inziak a awm loh avangin man theih an ni a,Lung In hial tan theihna a ni a ti bawk.Sawihona hun hman a ni a,Zial nghei duhte tan engtiang anga tih tur nge tih zawhna chu Niccogum chi hrang hrang Damdawi zawrhna hmunah lei tur a awm a, amaherawhchu heng damdawi te hi mahni thu a ei lovin Doctorte rawn a ei tur a ni.
    SDO(C) hoin hun remchang hmasa ber ah Anti Tobacco Squad dindan turte sawi ho leh tur a ni.


Ram tikangtu man
Nimin khan Vairengte Policete chuan Huan tikangtu zing pakhat Lalliannghaka S/o Laltinkhuma, New Diakkawn Kolasib chu Chhimluangah an man a,nimin tlai khan Kolasib Court-ah an thawn chho nghal a ni.

Excise D.C lokal
Nimin zing khan Excise & Narcotic Department Deputy Commisioner Pu C.Lalngaihthanga chuan Vairengte Excise Depart ment inspection a rawn nei a, Office Doc ument hrang hrang leh an bungruate an enfel hnuin Check Gate lam a enfiah leh a ni.Amah bakah hian midang pathum rawn kalin Tourist Lodge ah nizan khan an riak a,vawiin lamah an haw chho dawn a ni.

Vety Trade thlangtute tan NLUP sem a ni
Nimin zing dar 10:00 a.m vel khan Vety Trade thlangtute tan NLUP 1st Phase 2nd Installment Vety Office ah sem a ni a,hetah hian a sumfai a sem lovin APR an Sign tir a,Mizoram Rural Bank a an Account ah a lo lut dawn a ,heng APR an Sign te hi tihfel ngaite tih fel a nih hnuin Office lamah an thawn anga,Office lamin an Bank Account ah an lo thun sak dawn a ni.NLUP hi VC-I lam atangin mi 34 in an dawng a,VC-II lam atangin mi 31 in an dawng bawk a ni.Vawk vulh thlangtute hian Rs 35851/- an dawng a,Bawng(hnute sawr chi) thlangtute hian a bawngin an dawng dawn a,a chaw man leh thil dang atan Rs 6500/-an dawng a,Ar vulh thlangtute hian Rs 31,200/-an dawng a,Zo Bawng thlangtute hian Rs 30100/- an dawng bawk a ni.Heng sumte hi a hmanna tur fel tak a duan sa vek a ni.
    Vety Doctor Dr.K.Vanlalpeka sawi danin Nilaini lam khan Phainuam lamah pawh sem a ni tawh a,Department hrang hrang hnuaia NLUP 2nd Phase dawng tur zingah Voter’s I.D leh Huan/In hmun Document entir(Verify) lo mi thenkhat an la awm a,hengmite hian a ranglam a vawiin lamah ti fel tur a ni a ti.

 Zuk leh hmuam chungchangahTraining nei
 Nimin tlai dar 1:00 p.m vel khan Vairengte CHC huam chhung a hnathawk tu zawng zawng ten Anti Tobbacco chungchangah Training an nei a,he trainingah hian Dr Lalramliana leh Mary Lalthansangi  Sailo Coordinator ten thusawina hun hmangin,Mary hian Damdawiin  Area chung Smoking zone siam phal a nilo a,khawilai hmunah mah meizuk phal a ni lo.Dan zawmlote chu man a,pawisa Rs 200/- chawi tir theih an ni a ti a ni.

 Police ten Bond Sign tir
 Tunhnaiah Phainuam area chhungah dan lova Lirthei lo dap thin thalai thenkhat an awm tih hriat chhuah a ni a,hetiang anga ti thintute hi Vairengte Police te chuan ahmunah kalchilhin mi 5 man an ni a,nimin khan Vairengte Police Station-ah Warnning pe a bond sign tir an nih hnuah an chhuah leh a ni.

Read More

Rengkhawpui 30.3.12

 Khawvelah hian kum tin ram ngaw hi a kang nasa thei hle a. Ram kang avanga thi hi kum tin mi 339,000 an awm ziah thu ram kang chungchang an sawihona-ah American mi thiamte chuan February 19 khan an puang. Ram kang avanga mihring thih tamna hmun chu Africa-a Sahara hmunah a ni.Kumin chhung hian Mizoramah pawh Febuary thla tleng khan In 28, bazar 2 leh petrol pump 1 a kang tawh a, kangmei avang hian mi 3 an thi tawh bawk a ni.In bul huan hal vang mai maiah pawh  ti khawp hian chhiatna thleng thei a ni tih hria in hei aia nasa zawk a kan in zirtir uar leh kan tan tlan deuh chu a ngai a ni.

Read More

Rengkhawpui 29.3.12

Huan hal vangin N.Chhimluanga In pahnih kangah bungrua engmah chuh hman a ni lo

       Vairengte.29th.March.2012 :Nimin Dt.28.3.2012 (Nilaini) chawhnu dar 1:00 p.m bawr vel khan khan Kharzawl peng atanga 200Mtr vel a hla ah kawmthlang hnim hal vangin In pahnih a kang a,bungrua engmah chuh hman a ni lo.
        Vairengt Police Station atanga thu kan dawn danin nimin tlai dar 12:00 leh dar 1:00 inkar vel khan Vanlalhruaia kum 38,S/o Aihranga (L), chhimluang leh a thianpa Lalnghaka kum 28,S/o Laltinkhuma, Kolasib Challui vengte chuan an kawmthlangah thlai chinna tur huan siam an tum a,hnim ro an chheh khawmte chu Lalhnghaka hian lo halin,a hal siper hian a chhak a teak hnahro chu kangkaiin in  chumi kang chuan  Pauliana (Vaiphei)In chu a kang kai ta a ni.Meialh hi a nasat zel avangin Pu Pauliana in bula mi Papuia(Tuikuk) In pawh chu a kangkai ve leh ta a ni.In kan lai hian a neitute chu awm mahse meialh hi a nasat em avangin an bungruate chuh theih a nilo a ni.
    Pauliana In hi a dung 26Ft leh avang 16Ft a lian a ni a, Laptop, Tv, DVD,ATM,Varak 2 leh Apui no hruailaite kangin,In a an Pawisa dah  Rs 8000/- pawh a kang ral vek a ni.A hlut zawng hi Rs 80,000/- hu vel a ni a,papuia In hi a dung 24Ft leh avang 12Ft a zau a ni a,a kanral hlut zawng hi Rs 20000/- hu vel a ni.Huan tlanglam Forest ram pawh Hacter 5 vel lai azau a kang tel bawk a ni.
    Huan haltu Vanlalhruaia hi Police Station Lock up ah an kawl mek a,Lalnghaka erawhchu a lo tlan bo hman a,he thu kan buatsaih lai hian an zawng mek a ni.

SMC ten Training nei
Niminchawhma dar 11:00 a.m khan Vairengte Middle School-III ah SMC(School Manegment Commi ttee) ten Training an nei a,mi 53 kalin School tin atangin Vairengte khua bakah Saiphai leh Saipum khua atangte pawhin SMC member 3 theuh an kal a ni.He Training hi CRCC Tv. J. Maltinsawma’n kai hruaiin Pu R.Lalfamkima (Accountant) Kolasib in training a lokalte tana hriat tur pawimawhte a sawiin,he training ah hian Sawrkar kum thar atangin naupangte School uniform a thlawna an dawn theih dan tur chungchang zir ho a ni.Heng atan hian Purchase Committtee din a tul dante leh he Committee ah hian Zirtirtu leh Nu leh Pa te an tel dawn a ni.CRCC Tv J.Maltinsawma hnen atang thu kan dawn danin kum a laklawh deuh tawh a,tunah chuan School naupangten Uniform an nei deuh vek tawh a, Sawrkar ruahman anga akal theih chuan a Spare tur an nei mai dawn a ni a ti

NLUP Hriattirna
  Vairengte VC-I leh VC-II huam chhunga Vety Trade hnuaia NLUP 1st Phase dawng tawhte tan 2nd Installment lak leh tur a awm avangin,Dt 29.3.2012(Ningni) dar 10:00 a.m ah A.H & Vety Office,Zalen vengah A.P.R sign tura kal khawm turin hriattir in ni e.
    Tin,Department hrang hrang hnuaia NLUP 2nd Phase dawng tur zingah Voter’s I.D leh Huan/In hmun Document entir(Verify) lote tan Dt.30.3.2012(Zirtawpni) tlai dar 4:00 thleng hun hawn a ni ang.Hemi hnu hi chuan District Office ah report theh luh tawh tur a ni.

Excise D.C lokal dawn
Vawiin hian Excise & Narcotic Department Deputy Commisioner Pu C.Lalngaihthanga chuan Vairengte Excise Department te Inspection a rawn nei dawn a,an hnathawh dante, document-te,an bungraw nei te leh an hmalak dan te a rawn enfiah dawn a ni.

Anti Tobbacco chung changah meeting dawn
Vawiin zing Dar 11:00 a.m hian SDO(C) Conference Hall-ah Vairengte a NGO hrang hrang a Office Bearer te  leh VC-I leh VC-II a member ten Anti tobbaco chungchangah Meeting neih tur a ni a,hetah hian Kolasib District Co-ordination pawh a lo kal dawn a ni.

Training nei dawn
Vawiin hian Kolasib lam atangin Anti Tobacco Squad ten Vairengte an rawn endik dawn a,chawhnu dar 1:00 p.m hian Vairengte CHC huam chhunga Staff zawng zawngte hnenah Anti-Tobacco chungchang ah Training an pe bawk dawn a ni.

Hand Book ti bo
Nimin khan Pu Lalchungnunga (Taxation a thawk)In leh SDPO Office gate inkar ah Police Hand Book tih bo a ni a,a chhungah hian Thuamluaia leh K.Lalhuliana tih a in ziak a ni.A hmu leh chhar an awm chuan Khawngaih taka SDPO Office a pe leh turin an ngen a ni.

Mobile phone ti bo
Nimin tlai khan Pu Samuel Rosangliana,kawngthar veng leh kan In inkarah ka Mobile phone Samsung (Corby Mate) ka tibo a,lo hmu leh chhar in awm chuan khawngaih tak a min pekir leh turin ka ngen a che u. min pek kir leh chuan mitvar man ka lo pe  ang che u.

Read More