BILAIPUR ATANGIN ASSAM MI THAHNEM TAK LO LA LUT FO, SIPAI TEN HMALAK LOH CHUAN MIPUI IN HMALAK TUM

Dt.25.9.2021 khan tunhnaia kan tarlan fo, Bilaipur atangin hnamdang, sumdawng leh thingzai te mi thahnem tak, Aitlang bul, ramri chhehvêl ah an lo la kal fo ni a thu dawn a ni a. Hemi chûngchang ah hian Mizoram Police duty te hian an lo khap lova hma an la lo anih chuan helai huan lo ram neitute hian hmalak an tum thu an sawi a ni.

Read More

ASSAM IN AN KAH HLIAM DAM TAKIN LO HAW, VAIRENGTE JT.VC TEN SIPAI AWMNA SA ZO

Dt.24.9.2021 khan Dt 26.7.2021 a Vairengte dai a Mizoram leh Assam Police te inkahna ah Assam silai mu lo dawng palh, PC Lalmuansanga, Venghlun vairengte te chu vawiin khan dam takin an In ah a rawn haw a ni. Hetihlai hian Vairengte Aitlang ramri hnaia Mizoram sipai te inkulhna hmun hrang hrang a vairengte joint VC ten an riahna leh ei leh in tur hmun an siam sak te chu vawiin khan an zo fel thei a ni.

Read More

ASSAM POLICE TEN KUTTHLAK A MOBILE PHONE AN LAKSAK AITLANG KAWNG LAITU, SDO(C) IN AN THAR LEI SAK

Dt.23.9.2021 khan tun thla ni 2 a Assam police ten kutthlak a,. Mobile phone leh JCB chabi an lâk sak pu Mawia chu an mobile Phone ala hmuh let loh avangin SDOc Pu Isaac C Lalrempuia chuan a thar leh tha zâwk a pe a ni. Hetihlai hian vawiin lam khan SP hmalakna in Aitlang bul vela hnamdang lo kal thin chu duty ten lo endik in Aitlang thlang lamah erawh hnamdang rawn kal leh thingzai hi an la awm ni a thu dawn ani. Tin, CRPF, khaw chunga petroling lo nei thin te pawh police check gate thleng bak an lo kal tawh lo a ni.

Read More

VAIRENGTE AITLANG HNAR LEH THLANG LAM RAMRI AH BILAIPUR MI ENGEMAWZAT LO KALIN THINGTE RAWN ZAI

 Tunhnai atang khan Vairengte tlaklam Aitlang hnar leh thlanglam ramri leh police te duty na hmun velah hnamdang, Lailaipur mi engmawzat lo kal thinin thingte an rawn zai thin ni a thu dawn a ni a. Henglai hmuna mizo, huan lo ram nei te pawh an huan lo ramah an kal theih mang lo lai a Zalen taka hnamdang an lo kal thin chu mizo te chuan tha lo an tih thu leh kutthlak duh mai an awm theih avangin hemi kawngah hian thuneitute hma la vat tûrin an hriattir ani. Tin, CRPF ten khawchhûng a silai nen a patrolling an lo neih thin chu tih tawp rih ani bawk.

Read More