Vairengte Dated 21th November : Nimin khan Dt.18.11.2020 a Lailapur MVI Weigh Bridge a thawk ten Mizo motor 2 document an lo lak sak chu motor neitu ten lak let sak turin Vairengte Police an ngen nawn leh a.Tunhnai khan Lailapur a MVI gate a thawktu ten Mizo motor 3 te chu uchuak takin pawisa chawitir tumin an motor document leh chabi te an lak sak a.he thu buatsaih lai thleng hi chuan laklet a la ni lo a ni.
Nimin khan Dt.18.11. 2020 a Lailapur MVI gate (Weight Bride) a thawktu an motor document an lo lak sak, Vanlalzawna, Zuangtui Aizawl leh a motor neitute chu Vaireng te Police Station ah lo kal lehin an motor document an lak sak hi lak let sak turin an ngen nawn leh. He lirthei khalhtu Pu Vanlalzawna hnen atanga Reng khawpui nin thu a dawn danin Dt.18.11. 2020 khan Dolai a tanga Brick an phur chu Laila pur MVI gate bulah lo phar dingin Weigh Bridge ah hian an motor an buk tir a.anni hi motor 2, MZ01N-8358 leh MZ01K 4349 niin a buk man atan hian Rs.150 ve ve an pe a ni. Hemi hnu hian an document chu check a ngaih thu hrilhin an pe a, a hnu deuhah an document chu Rs.20000 a khulh angaih tur thu an hrilh ani. Hetiang zat pek tur an neih loh avangin hian Document tel lovin an lo chho niin a sawi bawk.
Tin, duty zinga Mizo tawng thiam pakhat chuan Raju-a Brick chu phur se harsatna an neih loh tur thu a lo hrilh niin a sawi bawk. Hemi hnu hian Vairengte PS ah an do cument an lak sak chu laklet sak turin FIR an thehlut zui ta a ni. Hetihlai hian a tuk Dt.19. 11.2020 khan MZ01M 1808, In sakna bungraw phur, Pu Lalremruata,Ramthar Aizawl Motor chu Lailaipur MVI check gate ah hian lo ti ding lehin Rs, 43000/- chawi turin an lo ti leh bawk a. Transport Deptt. Assam in an chawitir chhan an ziah dan ah 194(1) overload vangin Rs. 20000/- te, 192 Using vehicle without registra tion & FC vangin Rs.5000 te, OL 9MT vangin Rs.18000 leh Fine tih in ziak tawp ah Rs. 18000 te a ni a, an fine tir total ah hian Rs. 43000/- tih a in ziak thung. Driver sawi danin he MVI gate ah hian Rs.1500 an chawitir thu leh an tlan hnu ah ti ding lehin Rs.43000 hi chawi tur a tiin a chabi leh document hi an lak sak niin a sawi a,driver hian a motor hi a rawn kal san rih ni a thu dawn a ni bawk.
Nimin tlai khan heng motor document lak sak 2 tute hi Vairengte ah lo kal lehin motor document hi lak chhuahpui turin Vairengte Police te an ngen a. Hetianga an lo lak sak chungchangah hian OC Pu H.Lalchawimawia chuan buaithlak a tih thu leh Assam Police leh MVI te hi an tang ho vek ni a hriat thu a sawi a. Hetihrual hian nizan khan Sichar lam a thiante leh Silchar Driver Union hruaitute pawh bia in hma lo la turin a ti a. Hetianga boruak a that tawh hnuah Mizo motor ah harsatna an siam lui reng anih chuan a theih anga hma lak anih ve tur thu a sawi bawk.Hetihlai hian Vairengte a thalai pâwl in din thar, SORE pawhin hemi chungchang ah hian Vairengte SDO C hnên ah pawh ziakin complaint an thehlut tawh bawk a ni.
Lailapur MVI Weigh Bridge hi Assam a Congress Sorkar lai khan Lailapur mi Raju-a (Sum dawng) siam a ni a. Sorkar an inthlak hnu ah he MVI gate hi hun engemawchen tih tawp niiin kumin September thla pawh khan helai a gate hawng lui te hi Assam Police ten an lo man tawh a.Hetihlai hian tunhnaia ramri a buai hnu ah hawn thar leh niin hetiang hian Mizo motor thenkhat te tan harsatna an lo siam ṭan leh nia thu dawn a ni.
