VC-II VLTF ten Covid-19 hri leng leh mek chungchangah inkaihhruai dan tur sawihona nei
Vairengte Dated 23th April 2021 : Dt.21.4.2021 (Nilaini) zan khan Vairengte-II Village Level Task Force (VLTF) te chuan Covid-19 hri lo leng thar leh mekah mipuite an him zawk theih nan an huamchhung atana inkaihhruai dan tur an sawiho a. He Commit- tee ah hian State pawn atanga lo haw te lo dawn sawn dan tur leh enkawl dan tur bakah ramri chhevel a hnamdang awm te khuahkhirh dan tur an sawiho a ni.
Vairengte-II VLTF Com- mittee hi VCP leh VLTF chair- man ni bawk Pu R.Lalfamkima ’n kaihruaiin Covid-19 lo hluar leh mekah hmalak dan turte an sawiho a. He hunah hian State pawn atanga lo haw te dawn sawn dan tur ah mahni In ah inkhunghranna room nei thei te chu an mahni in ngaihtuah se, Self monitoring na nei lo te erawh chu Isolation center, Pri- mary School-ll Fieldveng ah awmtir nise,an ti a. Heng mite ei leh in tur hi an chhungten tum sak se,an ti a ni. Tin,Isolation/ Quarantine center a awm tur te chuan an luh rual in Rs 500/- chawitr nise,heng pawisa hi tuibill, electric bill leh tul dang te senso a hman nise,an ti bawk.
He committee ah hian pui punna hrang hrang a inkaihhruaina chu Vairengte mila a kalpui nise, Restaurant/dawr te a chanve a hawn nise, mikhual dawr chhung ah luh tir loh tur te, dawr nei tu ten hman mai theih tur in kutsilfaina sanitizer an hung chhuak tur te lin hriattir nise,an ti a. Dawr a kal tur ten mask vuah ngei ngei tur niin heng inkaihhruaina te hi lehkha in dawr neitu te pek nise,an ti. He hunah hian BSF lo haw thar te dah an tumna Govt. Mddle School-l Chokidar Quarter Banglaveng chu a bul hnai a Cheng te tan a him dawn lova , an hriat avangin hmun dang ngaihtuah sak tur in thuneitu te hnen ah thlen nise,an ti bawk.
He Committee hian VC-II VLTF member tur an ruat belh nghal a. Committee member a tan hian R.Laltlanzova, PCLalthansanga, David Lalrem- tluanga,Upa Darneihkhuma leh Dr K Vanlalpeka an ruat a ni. He Committee ah hian Aitlang a hnamdangte kohkhawm chungchang sawiho a ni a. VLTF kalphung te hrilh tha leh turin Ni 23.4.21(Zirtawpni) zing dar 8:00 khian PHE Pump ah kohkhawm nise, he hun ah hian VLTF member te kim tak a kal nise,an ti bawk.Tin, Thangtepi Lui lam atang in vai an lo lut thin tih hriat a ni a, Police duty tur a thuneitu te ngenna lehkha pek nise,an ti.
Jio ten tower thar siam mek zêlin Airtel chhe telh telh.
Mobile phone network provider Jio ten Pu HK Duhawma, Venglai te In chunga Roof top Tower an siam mek chu khawih chhunzawm zelin karthar lam chuan a remfel (setup) hna chu an zawh theih beisei a ni. Nilaini khan tower tur ban leh khawl thenkhat te lo thlengin heng hi rem khawm leh tur a ni a. Roof top tower hi IOC ah pawh dah tum niin Venglai a mi hi 6 mtrs vela sang tur a ni dawn a, IOC a mi erawh 40 mtrs vel a ni dawn a, ni.Tuna tower siam hna thawktu (Vendor) te hian Venglai leh Venghlun (Tlangveng)a Tower pangngai hi an khawih mek thu an sawi a.Tlangveng a tower lian an dah tur pawh a ban in nghahna tur chu Cement chhungfel tawhin hei hi a chan//char that hunah tower hi an remkhawm thei tawh dawn a, Tower tur hmarua pawh hi a lo thleng vek tawh a ni. Hetihlai hian tunhnai chho atang khan Airtel lam chu internet a muangin veng tam zawkah chuan hman hleih theih a ni lova. Hemi chungchangah hian Pu Zalawta, Joint YMA hruaitu chuan Aizawl a Airtel hotute bia in Vairengte a Airtel network chhiat thu hi an ngaih sak loh reng anih chu Mizoram pekna off sak hial an pawi tih tawh loh thu leh hetianga thlen lohna turin hmala vat turin a ti a. Airtel lam chuan tower thar dah an tum thu leh a hmun tur an la neih loh thu an sawi ve thung a,hei erawh anmahni aia tlai zawk Jio pawh Tower thar an siam theih thu a hrilh bawk.
Duty tan
Vawiin atang hian VC-I VLTF te chuan Covid-19 hri lo thawk leh mekah mipui te an him zawk theih nan Venglai kawnah an duty leh \an dawn a ni. He hunah hian he hri laka himna tura Mask vuah pawi mawhna leh Social Distance zawm pawimawh te mipui an ziritr leh dawn a ni.
Hall fan ru
Nizan hmasa khan Vairengte Community Hall, Stage-a Celling Fun, USHA Com- pany a rawng Uk (Brown) 2 bo in hemi chung changah hian nimin tlai khan Police Station ah FIR thehluh a ni. Police atanga thu dawn danin Fan 2 hi Rs.4000 man hu vel niin he thu buatsaih lai thleng hi chuan rinhlelh man an la awm lo a ni. Fan hi nimin piah chhun lamah pawh la awmin hemi zan vel hian a bo ni a an rin thu VC te chuan an sawi a. Hetiang ang deuh Celling Fun zuar lo hmu lehhria chuan VC te hnenah emaw Police te hnenah report turin mipui te an ngen a ni.
Vaccine mi 147 hnenah pe
Nimin khan a tum hnihna atan Vairengte VC-III leh VC-IV a kum 45 chin chunglam te leh BSF bakah FLW mi 147 te hnen ah Covid-19 vaccine an pe leh. Nimin a vaccine la hi kum 45-59 inkar mi 73 awmin kum 60 chin chunglam mi 45 pek anni bawk a.Anni bakah hian BSF mi 26 leh Frontline Worker zingah 2n dose la mi 3 an awm bawk. Vaccine hi vawiin hian VC-I leh VC-II a kum 45 chin chunglam te tan pek leh tur niin FLW 1st dose la tawh tan pawh 2nd dose a lak leh theih dawn bawk a ni.
VC-II ten NREGS hnathawh tur ruahman siam
Nimin khan VC-II chuan BDO Office a thawktu BFT (Bare Foot Technician) te nen tun Sorkar kumthar a NREGS inhlawh dan tur ruahmanna an siam ho ni a thu dawn a ni. Fianancial year tharah hian Central lam chuan VC tinte chu thla tin a an inhlawhni zat tur te, inhlawh hun tur leh hnathawh tur te ruahman lawk vek tawh tura atih angin BFT te nen ruahmanna hi an siam ho a ni. Sorkar kum thar atang hian NREGS a inhlawhna ni zat chu ni 100 ni tawh lovin Ni 95 a ni tawh dawn a ni.
Positive awmna tûr siam
Vairengte screening point a positive an hmuh te Ambulance lo thlen hmaa an lo awm lailawk na tur chu an hma an hman kha a chhiat tawh avang in nimin atang khan waiting shed ang deuhin an siam tan leh ni a thu dawn ani.Positive an hmuh chhuah te hi a hma kha chuan Ketli In ah dah thin niin an hmun hma achhiat tawh bakah a \awp avangin te in a thar hi siam a ni a,Ambulance hi tlai leh zing amah chiah lo kal thinin hemi hma chu lo nghah a ngaih vang leh test turte nen a inawm hnaih loh a ngaih avangin an awmna tûr hi siam that leh a ni.
Vairam kal tlêm
Vairam lama kal an phal rih loh chungchangah nimin lam khan Police gate paltlang tum mi tlem a zawng chiah an awm ni a thu dawn a ni, Nimin khan thuneitute hnen atanga phalna nei mi 2 kaltlang awmin kal tlang tum let tir leh two wheeler 3 an awm bawk a, In hmun theh a In sa mek kaltlang erawh awm nualinl a, Screen- ing point bula kal mi 2/3 an awm bawk.
RAgT test man chawi duh lo luh tir loh tur
Nimin khan Kolasib district Magistrate Dr.H Lalthangliana chuan order thar ti chhuakin Sipai ( Force/Army) thenkhat ten screening point ah RAgT test man pe duh lo an awm thin chu pe vek tur leh an pêk loh chuan Mizoram luh tir lo turin a ti. Nimin a thupek thar a tihchhuah ah Mizoram Sawrkar thuchhuak angin Entry Gate hrang hrang ah Mizoram lut turte Covid test/Screening neih ngei tur a ni a. Test/Screening kal tlang lova lut lui te chu dan anga hrem theih an ni. Test man pawh mahni intum tur a ni.? Hetih lai hian mi thenkhat; a bikin Force lam miten test man an pe duh lo tih report dawn a ni a, Force lam mite hi sawrkar leh kha No. D. 33011/22/2020-? HFW(nCOV)/Vol.I/Pt.I Dt. 20.1.2021 angin Test Fee hi Exempt ngawt theih ani lova. Sawr karin test man pe lo tura a tih bikte chauh test man hi ngaihnathiam theih an ni,a ti a. Test man pe lote chu Gate-ah luh tir loh tur a ni a, hetiang mi an awm anih chuan an nihna chiang taka tarlangin Gate-a duty ten Magistrate-te hnenah an report ngei tur a ni a, an hotute hnenah an hming leh nihna hriattir anih bakah atul angin action lak zui a ni ang, a ti bawk.
Hri vei 1 awm
Nimin piah tlai dar 5 a\anga nimin tlai dar 5 thleng khan Vairengte Covid screening point ah phai a\anga lo lut khualzin mi 337 te RAgT hmanga endik niin, Mizo 1 hri kai hmuhchhuah a ni. Nimin vek khan Saiphai screening point ah mi 13 endik ni bawk in an vaiin an negative vek thung a ni.
Jail ah mi 92 awm
Kolasib District Jail mi 146 tan theihna ah nimin tlai thleng khan tang mi 92 awm in, thubuai ngaihtuahlai Under Trail Prisoner (UTP) ah mipa 67 leh hmeichhia 3 an awm a, Court in thiam loh a chantir case lian lutuk lo SI Con- vict avanga tang mipa 21 an awm bawk a, naupang (child) mipa 1 a awm bawk.
HRI KAI 5 DAH LUTN
Nizanhmasa khan Kolasib Quarantine Facility-ah lut thar mi 2 awmin Thingdawl Polytechnic ah dah an ni a, nimin khan Hotel Quarantine Facility (Tourist Lodge) ah lut thar mi 3 an awm bawk. Quarantine Facility a awm te hi state pawn atanga lo haw vek an ni. Nizan hmasa khan Kolasib SIRD CCC-ah hri kai mi 4 leh nimin khan mi 1 dah luh an ni a, Thingdawl Polytechnic building-I CCC ah lut thar an awm lo. CCC a dahluh thar te hi State pawn atanga lo haw, Vairengte Gate a Covid19 posi- tive tih hmuhchhuah te an ni. Tun dinhmunah SIRD CCC ah mi 21 leh Thingdawl Polytechnic CCC ah mi 2 hri kai enkawl mek anni.
