08/16/21 ~ Rengkhawpui (Vairengte Daily Newspaper)

Monday 16 August 2021

Memorundum thehlut

August 16, 2021 Engkima Colney No comments

Tunhnai khan Aitlang zau hnar lama huan neitute chuan Assam Police ten an huan an hnehchhuh chungchangah Mizoram Chief Minister hnenah memorundum an theh lut. An memorundum thehluhin a tarlan danin June ni 29, 2021 a Assam sorkar tirh Assam police thahnem tak ten kum 50 chhung vel an lo cheibawl tawh Aitlang,a chhungkaw 18 zetin in nghahna leh eizawn nana an hman mek chu an rawn hnehchhuhin an ram chhung ngeiah Police Camp te siamin an rawn in bengbel a.An huan thlai te tichhia in hlo tûr te an kap nghal zel a. Tha leh zung tam tak senga an lo enkawl tawh,hetianga an sawisa mai hi kan rilru a nat takzet thu an sawi a. Assam police in kan ram min laksak zat hi tin 80 leh a chanve vel a zau niin, kum tin cheng 20,00,000/- chuang man thlai kan thar chhuak ve thin a. Kan thlai thar rah hi kum telin a man a tam ve tial tial a ni. Kum 50 chuang zet kan lo enkawl tawh, Mizoram chhung ngei ami ni si, hetia Assam lamin min rawn hnehchhuh mai leh kan thlai te an rawn suasam chiam mai hi a mak kan tiin hriatthiam a harsa kan ti takzet a. Hmalak vak ngaihna leh a kawnghmang pawh kan hriat loh avangin sorkar hmalakna kan ngaichang tawp mai a. July ni 9, 2021 a Assam leh Mizoram Chief Secretary te inbe turte kha nghakhlel takin kan lo ngaichang ve tawp mai a. Hotu lian lam atangin hmalakna leh thuthar em em awm lo mahse kan tan han chet ngaihna a awm loh avang leh, kan huanah takngial pawh kan feh ngam tawh loh avangin a hrilhhaithlak duh hle a ni. Vawiin thlengin kan harsatna sutkian sak tumna emaw, kan manganna te a hmuna kan ram hruaitu lian ten min la hmuhpui miahlo hi a manganthlak kan tiin, kan innghahna ve ber kan huan chu kan chan hlen thei hial mai dawn ni a kan hriat tak avangin i hnenah kan harsatna leh manganna te kan han thlen ve ta rawih mai a ni,an ti. An huan lo ram te kan neih leh ngei theih nana hma min lakpui turin kan ngen a ni.He an Memorundum ah hian hun neitu mi 18 te an hming leh an ram amn chan hlut zawngte an ziak lann nghal a ni..

Phainuam Buarchep ah Assam lamin an luah chin ah lui dawh kai tumin hma la leh

August 16, 2021 Engkima Colney No comments

V airengte Dated 13th August 2021 : Dt.12.8.2021 nimin khan Mizoram leh Assam ramri buaina kal zelah Phainuam Buarchep a Mizoram leh Assam inriina bul, Assam lamin an luah hmunah Thir Lei dawh kai tumin hma an la leh ni a thu dawn a ni a. Hemi chungchangah hian Kolasib SP Pu Vanlalfaka Ralte chuan hetiang ang hi anni lam chuan an hriat loh thu leh Mizoram Sipai awmna hmun a lei an dawh lui dawn anih chuan kah mai an ngaih tur thu a sawi thung a ni.

Phainuam thalai te hnen atanga thu dawn danin Nimin (Ningani) khan Assam lam chuan Buar chep Phainuam a, an awmna lamah ah an sipai te awmna pawh tûrinThir lei an rawn dâwn ni a thu dawn a ni a. Hei hi Buarchep mi thenkhat te ti tawp tura tiin an chawlhsan leh rih nia thu dawn a ni bawk. Hetianga Lei dawh tumna a awm tih hriat anih ve leh hian Buarchep leh Phainuam mi thenkhat chu ram ri ah hian kaln Lei hi siam lo turin an ti a. Htihlai hian Lei an siamna hmun hi Assam luah chin anih avangin a hmun a kal hi an rem ti lo ni a thu dawn a ni bawk.

Assam lamin Lei rawn dawh an tum chûngchang ah hian Kolasib SP Pu Vanlalfaka Ralte chuan tuna Lei an rawn dawh tumna hi Assam lam luah laia awm anih avangin nni tan chuan va tih buaia han khap hi tunhnaia Sorkar laipui kaih hruaina leh State pahnih ten inremna an neih angah chuan a rem loh thu a sawi a. Heng ang hmalakna khap tur chuan Central Force CRPF an awm thu sawiin Mizoram lamah Assam hian lei hi an rawn dâwh lui anih erawh chuan an tul anga kah leh mai anni tih tur thu a sawi a ni. Hetihrual hian hetanga an lama Lei dawh an tum chu Official taka an hriatpui loh thu a sawi bawk.

Assam lam hian Lei hi nimin lam pawh khan dawh lo tum tawhin CRPF duty ten ti lo turin an ti a. Hetianga an tih hnu hian vawiin lamah Lei hi rawn dawh tum lehin an thir lei dawh thawm pawh Mizo ten an hriat thu an sawi a ni. Hetianga Assam lamin anmahni awmna lama Le dawh an tum chhan hi an inepna tlang lama an Sipai an dah te chu awlsam taka kalpawh anih theih nan leh hemi kar dangtu lui luangah hian Thir lei hi dawh an tum a ni. Helai a Assam ten an inkulhna tlang pawng hi Mizo huan vek ni a thu dawn a ni bawk.

Varengte Nu huaisen huaisen lawmman hlanna neih a ni.

August 16, 2021 Engkima Colney No comments

Tunhnai khan Vairengte Police Station a thawktu zingah hnathawh that avangin Pradeepan EP, Head constable chuan Governor medal a dawng ni a thu dawn a ni. Pu Pradepan hian nikum 2020 February thla ruihhlo, Methamphetamine thahnem tak vairengte police ten an man avâng khân he chawimawina hi a dawng ni a thu dawn a ni. Hetianga Vairengte police Station a thawktu zingah Governor medal dawng thei an awm hi Vairengte police staff te chuan an lawmpui tak zet a ni.

P&E Minister leh Bialtu MLA ten ramri a sipai te tlawh

August 16, 2021 Engkima Colney No comments

Vawiin Dt.11.8.2021 chawhma khan Power & Electricity Department Minister Pu R.Lalzirliana chuan ramri hnaih khuate tih hmasawn nan leh ramri hrul a Police duty-nate thawmthat nan Buarchep, Phainuam,  Saihapui V leh Vairengte tlawhin Police duty-te leh khawtlang hruaitute a kawm a. Hetihlai hian Vairengte dai a Mizoram Police camp a CRPF awm ve te chu chhuak tawhin a thlangah puan in  kaihin an awm ve a ni. Minister hi Pu Lalrintluanga Sailo, Dy. Chief Whip, Pu H.Lalzirliana, MLA, Pu Lalrinsanga Ralte, Serlui bialtu MLA leh P&E Department a hotute an tel a, Pu Lalbiakthanga, DIG(NR), Pu Vanlalfaka Ralte, SP leh khawtlang hruaitute an tel bawk a ni.
Pu R.Lalzirliana, Power & Electricity Dept Minister chuan July ni 26, 2021-a, Vairengte thil thleng avanga Assam Police 7 laiin nunna an chan chu pawi a tih rualin he thil thleng hi Assam lam cho chhuah a nih thu leh hetianga hmalakna awm tawh lo tura a duhthu a sawi. He thil thlen hnua kan chak lakna ber NH 306 dang chat a, riltrama min hrek hlum theih beisei a an hmalak dan leh  lirthei tangkhangten mipui kut an tawrh chungchang tarlangin Assam CM Himanta Biswas Sharma chu Mizo mipuite leh an chhehvel state-ten a chhe zawnga an hriatreng lohna turin awm se a duhsak thu a sawi bawk a ni.P&E Minister chuan ramria khua awmte tihhmasawn chu Mizoram Sawrkarin a ngaih pawimawh thu sawiin hmasawnna hmahruai ni turin kawlphetha pek chhuahna changtlung zawk a thawmțhat tum a nih thu leh hmun țhenkhatah phei chuan hna kalpui țan a nih thu a sawi a. Buarchep, Phainuama leilet neituten țangkai taka an hman turin leh Police duty-na hmuna eng chhit theih nana hman turin Chief Minister ruahmannain 25 KVA transformer bun thuai tum a nih thu a sawi a, ban phun hna pawh kalpui țan a nih tawh thu a sawi. Minister hian Aitlang lam hi kawng ala that loh avangin a tlawh lo thung a ni.
Minister chuan tun hnaia ramria thil thlengah chan țha zawk chang anga kan lan lai hi chapo nana hmang lova ramri venhim kawnga inpuahchah chhunzawm nana hman a pawimawh thu a sawi a, Mizoram Police-te huaisenna chu fakawm a tih thu leh thlamuanthlak a tih thu a sawi bawk a ni. Pu R.Lalzirliana chuan ramri hnaiha khua awmte, ramri venghim tura an inpekna chu ropui a tih thu a sawi a, ramri hnaih khua tihhmasawn chu ramri venghimna kawng pawimawh tak a nih angin Mizoram sawrkar pawhin a ngaih pawimawh thu a sawi bawk a ni.
P&E Minister hian Buarchepa police duty-te tan chawhmeh leina tur Rs. 40,000 a pe a, khawtlang hman turin, mi inphalte kaltlangin PA System a hlan bawk a, kawlphetha țha taka pawh luh a nih hma a eng chhit lailawk nan Solar Lighting Unit 20 a pe bawk a ni. Saihapui V khawtlang leh Police duty-te chawhmeh man tur Rs. 30,000 a hlan a, Saihapui V branch YMA-ten a țul apianga an hman atan Rs. 6,000 a hlan nghal a, Pu Lalrinsanga Ralte, MLA chuan PA system a hlan ve bawk a ni. Pu R.Lalzirliana hian Vairengte Joint VC hnenah leh Vairengte Police duty-ten a țul apianga an hman atan Rs.10,000 ve ve a hlan bawk a ni.

https://youtu.be/He-XF7whj_M

Vairengte Dai inkahna hmun

August 16, 2021 Engkima Colney No comments

Dt.26.7.2021khan Assam lamin Auto stand thlanga Mizoram Police pawn an rawn chhuhsak avang leh mipui lamin lak let ngei tura an nawr avangin tlai dar 4:40 vel Assam lamin silai an Hmehpuah tak avangin an in kap a. He inkahna ah hian Assam Police 7 thi in mi 60 chuang an hliam a. Hetihlai hian Mizoram Police leh mipui lamah erawh Vairengte mi PC Lalmuansanga Venghlun chu a malpuiah kah hliam a ni a,midang hliam an awm lo thung.