*RENGKHAWPUI TUALCHHUNG NEWS DT.27.4.2021*
*Joint YMA bul tumin hnamdang ILP nei lo endik, Vairengte |halai Pawl ten ILP leh Test endik ve bawk*
Vairengte Dated 27th April 2021 : Nimin khan Vairengte Joint YMA bul tumin Vairengte Branch hrang hrang YMA ten hnamdang ILP nei lo lut te enfiahna an nei a. Branch YMA te hian an area hnaih, Vairengte luhna hrang hrang ah duty in siamin ILP nnei lo te hi an hnar haw leh vek a ni. Hetihlai hian nimin vek khan Vairengte |halai Pawl te pawhin Taxation gate ah ILP nei lo leh Covid test nei lo te an lo check ve bawk a ni.
Nimin khan Vairengte Joint YMA bul tumin branch hrang hrang ten Vairengte kal tlanga Mizoram luh tum leh vairengte dai a hnamdang hnathawk te ILP an neih leh neih loh endik (checking) an nei a. Nimin zing atang khan Branch YMA hrang hrang te hian ram hnuai atanga Mizoram luhna khan hrang hrang ah te duty na in siamin an duty vek a,Venglai leh Kawng thar Branch te Kawngthar lam atanga an lo luhna khan hrang hrang ah te an duty a. Hmarveng Branch pawh High School tuikhuah leh Sabual mual lamah duty in Hallveng Branch pawh Thlan mual No.1 leh Bilaipur pengah an duty bawk.Fieldveng pawh an Area lama Aitlang pengah an duty ve bawk a, Stateveng pawh an huam chhung a luhna khan an duty ve bawk a ni.
Tin, nimin tukthuan eikham atangin Joint YMA hruaitute leh Branch hruaitu thenkhat ten IOC leh a chhak lam,Vairengte dai a Kuhva godown a hnam dang hnathawk te pawh ILP an neih leh neih loh hi an check ni a thu dawn a ni a. Kuhva Godown tam zawk chu an lo inkhâr in a hawng awm chhun a hnamdang te chuan ILP hi an lo nei niin Joint YMA President Pu Zalawta chuan a sawi a. Hetihlai hian an check tûr hi hre lawk an awm ni a an rin thu sawiin ILP nei lo man ngawr ngawr chu an tum ber anih loh thu a sawi a. Hnam dang lo awmte hnênah pawh Mizoram a an awm hrim hrim chu an duh lo nilovin an awm dâwn chuan Dan anga phal na nei a awm theuh tura an duh thu a sawi bawk. Nimina hnamfang ILP nei lo, lo luh tum te hi man lovin an hnawt kir/haw tir leh nghal zel niin a sawi bawk.
Hetihlai hian nimin vek khan Vairengte |halai Pawl te pawh ten Taxation check gate bul, Godown veng ah ILP nei lo leh Covid-19 test Certificate nei leh nei lo te lo endikna an nei ve bawk a. He hunah hian ILP nei lo leh Covid-19 test lo mi 28 vel zet an kir tîr leh ni a thu dawn a ni a. He an check na ah hian ILP neilo te chu ILP siam tûr leh test nei lo te pawh test tura kîr tûrin ILP nei lo thenkhat chuan ILP hi siam tirin an lo lêt ve leh niin an sawi a. Hetihlai hian covid test nei lo erawh rawn let an awm tawh rih lo niin an sawi bawk. Tin, Company thenkhat Vairengte thleng chiah kal tûr anga in sawi, mahse thlang chho ta pawh an awm thu sawiin hêng mite hi an let tir leh niin an sawi bawk.
*Fan rutu man*
Tunhnaia Vairengte Commu- nity Hall a Celling Fan rutu chu nizan hmasa khan Vairengte police ten an man. He rukruk hi a hma pawh an man fo tawh, Lalrinkima,Pazawna(L) Kawngthar veng niin Celling Fan hi a thian pakhat nen an ru a. heng fan te hi Lailapur ah an hralh in a thianpa nen hian 1 ve ve a kengin an hralh a, amah hralh zâwk hi chu nimin khan police ten zuk la let lehin a thianpa erawh Police ten man tmin an la zawng mek ni a thu dawn a ni.
*Jio hnathawh vangin thlen*
Vairengte |halai Pawl te chuan Jio ten Vairengte a Tower thar an siam mekah a siamtu Vendor ten an hna an thawh muan avangin Jio hotute hnenah tun aia chak zawka hma la turin an thlen. Hemi chungchangah hian |halai Pawl hruaitute sawi danin Tower siamtu Vendor te hian hmanrua awm lo chhuanlam in hna hi an chawl reng tawh niin an sawi a.Hei vang hian hrilhin hma lak an tum thu Jio hotute hi an hrilh a.Hetihlai hian Jio lam chuan lo nghak hram tur leh anmahni an lo nawr tur thu an sawi avangin Jio lam hi an nghak rih dawn ani.
*VC-II ten thingphun dan tur ruahman*
Nimin khan VC-II te chuan sitting neiin an huamchhunga thing phun dan tur an sawiho ni a thu dawn a ni. Kum 2021 thing phun hunchhungin mahni huan, vantlang ram, kawngpui kam leh Aitlang hnarah te chhungkaw member zat theuh thing phun turin mipui tan an ngen a. Thing phun lai thlalak te whatsapp hmangin bialtu VC member leh Secretary hnenah hriattir tur a ni a, hma la tha te hnenah lawmman siam an tum a ni.Tin, LAD Park Hermon Veng bika Thing phun dan tur pawh sawiho in Chhungte thi tawh hriatrengna (Memorial) te, Birthday pual leh Inneih an- niversary emaw Jubilee pualin thing phun theih a ni a,Heibakah hian Pawl leh thianho pualin phun theih a ni bawk ang. Hetianga thing phuntute hian an enkawl zui bakah, a len hunah a phuntute hming langsar taka tar tur a ni dawn a, hetianga thing phun duh an awm chuan VC /Secretary hnenah in hriattir tur a ni.
*Leilet neitute kokhawm*
Nizan khan Vairengte |halai Pawl te chuan SDO(C) Con ference Hall ah Sihpui Zau a huan lo ram neitute meeting an neihpui. He hun ah hian Aitlang Sihpui zau lama Leilet neitute kalkhawmin an leilet a hnam dang ten harsatna an siam dan leh hmalak ho dan tur te sawi ho in an committee thu kim chang erawh kan hre hman lo.
*Save Aitlang & Chitelui Committee din dâwn*
Vawiin chhun dar 12:30 hian SDO(C) Conference Hall ah Vairengte Joint VC te chuan Lui tui humhalhna kawnga hma latu tur Save Aitlang & Chite Lui Committee din an tum a. He hunah hian khawtlang hruaitu VC member te leh Dept hrang hrang hotute kal vek turin an hriattir a ni.
*W.BENGAL ATANGA LO HAW IR /MAP TEN VAIRENGTE A AN THIL LEINA TE QUARATINE MEK*
Nizan khan West Bengal inthlanna a duty IR/MAP te chu test lova tlang vek tura tih annih laiin Zalenveng a Hotel (Dawr) ah thil lei in an ding ni a thu dawn a ni. Hemi chungchangah Nizan zan rei tawh khan SDO(C) Pu Isaac-a, OC, VCP eh Doctorte a hmunah kalin an thil leina te hi Quarantine an ni dawn ni a thu dawn a ni. IR contact mi 6 te chu quarantine tur a tih niin VLTF ten hma an la chhun zawm dawn ni a thu dawn a ni.Thu dawn danin heng mite hi Covid-19 vaccine full dose a la vek tawh niin an zuk duty na hian 2nd dose pek leh vek anni tawh a ni.
*Positive 1 awm*
Nimin piah tlai dar 5 a\anga nimin tlai dar 5 thleng khan Vairengte Covid screening point ah phai a\anga lo lut khualzin mi 250 te RAgT hmanga endik niin, Mizo 1 hri kai hmuh chhuah a n. Nimin khan hnamdang mi 206 leh Mizo 42 te test niin Mizo zingah mi1 in Covid-19 hi a vei tih hriat a ni. Bairabi sreening point ah mi 65 endik ni bawk in an vaiin an nega- tive thung.
*Test lovin kal tlang*
Nimin tlai lama lo thleng tura beisei, West Bengal inthlanna a duty Mizoram IR/MAP mi 400 chuang te chu nizan khan lo thlengin RAgT test nei loivin an tlang rih ni a thu dawn a ni. SDO(C) Pu Isaac-a a hnen atanga thu dawn danin heng mite hi Vairengte Screening point a test tura tih vek niin nimin lam khan an lo inbuatsaih a.Amaherawhchu an hotute lam atangin an Hqrs. ah \heuh RAgT hmanga endik na hi neih leh mai nise,an tih avangin test lovin an tlang rih thung a ni. Tin, nizan khan BSF mi 50 rual vel erawh lo lutin an test a,result erawh kan hre hman ta lo a ni.
*Ram kang ṭhelh*
Nimin chawhnu lam khan Kawngthar chhuah lam, Mukam kawi a Mizo huan then khat chu kang lehin Kawngthar venga mi tlawmngai thenkhat ten an thelhmit thei ni a thu dawn a ni.
*DC in Phaisen leh Saiphai gate hawn hun siam, Phaisen a pawisa pe a chhuah tir awm?*
Nimin kan Kolasib DC Dr.H Lalthlangliana chuan otder thar tichhuakin Phaisen leh Saiphai gate hawn hun tur a tarlang a, hetihlai hian Phaisen gate chu duty thenkhat ten pawisa la in a rukin an chhuah tir thin ni a thu dawn a ni. Nimin Kolasib DC order siam in a tarlan danin State pawn atanga Mizoram lo lut tur te tan Phaisen checkgate chu kartin Thawtanni a\anga inrinni thleng zing dar 10:00 atanga tlai dar 6:00 inkar hawn a ni ang a. Saiphai checkgate pawh kartin Thawhlehni leh Zirtawpni ah chauh zing dar 8:00 atanga tlai dar 4:00 inkar ah hawn a ni bawk ang. Covid screen- ing & testing pawh gate hawn hun chhung in neih tur a ni a, Covid- 19 negative leh ILP permit nung nei chauh luh tir tur a ni a,Phaisen gate ah he order hi hman nghal tur niin, Saiphai gate erawh May ni 3 a\anga hman \an tur a ni thung a ni. Hetihlai hian nimin khan Social media lamah mi 2 inbiakna record thehdarh(viral) atanga alan danin Phaisen check gate ah hian duty ten hnamdang lo luh tumte hi pawisa chawitir in zan rei ah te an chhuah thin niin an sawi a. Gate hawn lai leh Doctor te duty lai hian hnamdang thenkhat chu tlang duh lovin an hawn leh niin an sawi bawk.
