Editorial.7.3.02

        Nimin lam khan Village Council -I ah chuan MGNREGS thawh a ni a,kan hnathawh dan chungchangah hian mipui leh V.C lam te pawhin in en letna tur kan nei awm e.A hmasa in mipui lamten kan VC te dik tak a hnathawk tura kan duh a nih chuan keini lam pawh dik tak a kan thawh ve a ngai a ni.Chawhma hna kan thawk a,ni 7 hlawh lak kan tum chuan kan dik bik lo a ni.Chutiang chiah in VC lamte pawh mipuite hnathawk tha tur a kan beisei chuan dik leh tha takin thawk ila,hlawh kan cut dawn a nih pawhin kan hmanna turte felfai takin sawiin kan sum hman tawh zah leh kan mamawh turte mipuite hnenah hrilh hriat ni thei se a lawmawm hle ang.Langtlang sawrkar an tih tam tawk pawh hi media kal tlang a mipuite hma a an hna thawhte eng kim ziak a felfai taka lan chhuah tir thei te hi an ni thin.Tin,VEC member zingah mipuiten an thlan chhuah mi pali kan nei a,heng mite hian MGNREGS a hnathawhna leh sum bik hi chu felfai takin lo record thei se la,a nihna leh a hmanna tur takah hman leh thawh a ni em? tih te en fel thin se a lawmawm hle ang. Democracy kan nih angin mipuite ta,mipuite tan leh mipuite hnenah engkim hi a nihna tur takah a thleng ngei tur a ni.Sawisel kan hlauh avanga thil tha kan sawi loh ngawt chuan kan ngawih reng avangin thil thalo zawk a thleng thei a ni.Mi dang sawisel ringawt lovin an that zawkna tur atan i thawhpui zawk ang u.

Read More

Editorial.6.3.02

        VC-II lamten meilamsial(Fire Prevention day) an hmang kha thil tha tak niin a hriat a ni.Kan hriat theih chinah Kumin chhung hian Mizoramah In 28, bazar 2 leh petrol pump 1 a kang tawh a, kangmei avang hian mi 3 an thi tawh bawk a ni..Tunah March thla kan chuang kai chauh a ni a,Fur ruah tui in min la nang tak tak lo nen,kan huan lo ram te ti kang lo tur a mipui kan fimkhur a tul tak zet a ni.Tin,Thing leh mau humhalh chungchangah pawh hian kumin bik hi chu thei tawp a tan la tlangin phun belh sauh sauh zawk teh ang u.Kan nunna,kan khawsak ti nuamtu leh Boruak hrisel tha min petu an nih tih hi i hre reng ang u.

Read More

Editorial.5.3.02

        Politics kan thlir dan  leh khel dan hi kan ngaihtuah ngun a tha khop mai.Mahni hamthatna tur a nih dawn avanga midang sawi chhiat vak te,Party feeling kan la na lutuk te hi a tha lo a ni.Mihringte hi Social animal tiin an sawi thin a,in mamawh tawn,cheng ho,khawsa ho tur a  siam kan ni.Lungpui pawh lungte in a kam lo chuan a lum sawn thuai thin ang hian,he khawtlang thatna tur hian  lungte a tan kan ngaih hun te a awm thin.Kan khawtlang thatna tur hian tih tur leh mawhphurna kan nei vek a,Inrel leh in sawi chhe tawn mai lovin,He khawtlang,Ram leh hnam tluchhe tur hi kan theihna zawn atang hian i do tlang teh ang u.

Read More

Editorial.3.3.02

        Ti hian ka ngaih tuah thin,Vairengte hi khaw in lungrual kan ni reng em?kan in lungrual lo kan ti fo thin a,lungrual tak a thil tih erawhchu kan tum chuang lo a,tute dik lohna emaw kan hre chiang viau a,chutichungin thil dik tak a tih erawchu kan tum chuang lo.Midang chawimawi kan hre viau a,mahni erawh in chawimawi phet kan tum tlat si thin a nih hi...Kristian kan in ti a,Kristian tih atan a mawi lo takin eizawnna leh midang chungah kan ti leh si.. kan inhnemna chu midang pawh in an ti ve tho! kan ti leh thin.Khawtlang leh Ram vei kan in ti a,mahni lamah hlawkna chhe te tal a awm loh chuan engmah kan ti tha peih leh si lo.Pawl hruaitu leh hotu nih kan duh a,hnathawh leh thil tih ah hmahruai chu harsa kan ti leh thin.Tin, kan khawtlang hruaitute leh pawl hruaitute sawisel kan ching a,enge maw hun laiin kan phur hluai a,mahse midangin an ti ve lo ni a kan hriat chuan ka peih rei leh thin lo.Midangte sawisel ai chuan fak hi a tha a,fakna tur kan hriat loh chuan ngawih mai hi nun dan simple leh awlsam tak a ni ngei ang.

Read More

Editorial.2.23.02

        In thlang ram (Democracy) kan nih ang in vawiin hian kan veng chhung  hmasawn theihna tur atan hma la tuturte thlanna hun kan nei dawn a,uluk tak leh ngun tak a kan ngaihtuah tlan a tha a ni.Sum leh therlo eng eng emaw mai mai a kan vote te kan hralh a nih chuan a tuartu tur chu keimahni tho kan ni dawn a ni.Khua leh tui kan nih angin vote thlak hi kan tih tur(Duty) a ni a,mimal tak a kan inbei thinna te leh Party feeling kan nei nasa lutuk avangte hian kan khawtlang hi a nih tur angin a ni thei lo a ni.mitin ten rilru thianghlim tak pu chungin kan khawtlang tana mi tha leh hman tlak,mi in pe zo te thlan chhuah ngei i tum tlang ang u.

Read More

Editorial.2.21.02

        Inrinni khan Bangla veng YMA te chuan an veng a kawngpui khuar lai lei a an chhung khat lai ka hmu a.Khawchhung a kawngpui kan neih hi khuar a tam leh ta hle mai.Tute hma lakna chi nge tih chu kan hre vek awm e.Kawngchhia kan helna lamah hian Accident thleng thei hi a tam em em a ni.YMA ten lei hnawhkhat leh ngawt thin lo deuh hian hmalak dan hi a awm lo a ma ni le..

Read More

Editorial.2.18.02

        Hmanni a legal awereness neih a nih khan kan Resource person-te hnen atanga kan ngaihthlak angin Job Card neilo tur ten kan neih tam lutuk avangin Material Component hi a awm thei ta lo angin an sawi a,chutih rualin kan District ngei pawhin kan mamawh tur zah sum state sawrkarin min pek  theih lo thu an sawi bawk a.Khami chungchang a ka zawhna kha felfai tak  a chhan a ni lo a.A hma pawh a kan neih theih reng kha tun kum chhung hian Job Card hi a pung ta hluai em ni? nge kan sawrkar hian sum in daih lohna leh NLUP sem nan a hmang ta zawk? A nih loh chuan kan Officer lamte hian an lo paipawn ta zawk mai em ni ang le!!

Read More

Editorial.2.17.02

        Chanchinbu han enkawl meuh chuan mahni tawkah a lo buai ve thei ngei mai ! kan khua ah nitin chanchinbu chhuak pahnih kan nei ve a,Vairengte hi kan khua a la len tawk loh zia a hriat thin. Chanchinthar mipuite hriat awm deuh chi pawh kan nei tam lo hle thin a,chutihlai in mithenkhatin beiseina sang tak nen min thlir thin tih pawh kan hria,in beiseite tihlhawh tling tur chuan tun atang hian kan zavai a kan tan rual a ngai a,thu ziak leh chhiar lamah hian hei aia tan kan lak ve deuh hi chu a ngai a ni lo maw?..

Read More

Editorial.2.13.02

        Tun hnai a kan ram a pawngsual thleng ta fo mai hi enge a chhan ni ang le? Kar hmasa chhung ringawt pawh khan zoram chungah hmun thum lai ah inpawngsualna hi a thleng a ni.Heng hi a chhan ni ber a lang chu,tunlai a changkanna hrang hrang,TV, Computer leh Mobile a flim thalo kan kawl vang leh kan incheina lepchhiah tak tak vangte hi a ni ngei ang le.changkanna hian thlalaite min run thut a,a hman tangkaina lam aiin a hman sual dan kan thiam hmasa leh si a nih hi..Nu leh Pa te pawh hian hetiang lamah hian kan fimkhur a tha awm e.Kan fate nun hi zirchiang ve thin ang u.Changkanna hi kan hman thiam loh zawngin thang hlauawm tak a ni thei a ni.

Read More

Editorial.2.11.02

        “Politics hi mi tlemte ham thatna tur a mi tam tak atna” tiin Pu Gandhi-a khan a lo sawi tawh a,India ram Politics thlirna atang leh tun hun kan tawn mek atang hi chuan a dik thin khawp mai.Heti hian tha hnem ngai takin kan bei tlang a,tute emaw chuan a hlawkna an chang leh thin.Amaherawchu khawvel huap a kan thlir erawh chuan Ram leh hnam,Khawtlang nun siam that nan he Politics tho hi an hmang a sin.Party Politics kan ruih chilna hian khua kan hmufiah lo a,Thenawmte chawthleng kan dai bua a,kan thleng chhungah kan la hui lut duh zui nen.A thlum a al ei za thin zofate hian,Kan ZONUNMAWI  tak leh RINGTU  kan nihna hi kan theihnghilh zo ta em ni le?..

Read More

Editorial.2.10.02

        Hruaitu tha nei tur chuan mipui tha kan nih a ngai a,Mipui tha tur chuan hruaitu kan neih that a tul fo si thin..mitinte hian kan theihna zawn kawng theuhah hian tih tur leh mawhphurna kan nei a,chumi hlen chhuak tur erawh chuan tha kan thawh ve pawh a tul thin.Kum tam tak kal ta atang khan Sawrkarin mipuite an dinchhuah theihna turin Scheme hrang hrang a siam thin a,kan hriat thei ve chhinah pawh NLUP,MIP etc.Heng zawng zawng ah hian keini a dawngtute hian a nihna takah kan hmang thin em le?

Read More

Editorial.2.9.02

        Nimin khan Mamit a Mizofed Gas semchhuah chu a buk a tlinglo nasa hle a,kan veng chhungah Auva Gas Agent ten gas an rawn sem thin a,hengte pawh hi a buk a tling ngei em? tih kan fiah ve dawn lawm ni.Consumer lamte khan hetiang hi ngaih ven ran chi a ni lo maw.. Tin,an gas sem hi a chang hian a daih lo fo thin a,nileng a lo nghak ve thin te tan phei chuan ninawm ve duh tak a ni ngei ang.Thil lei leh hralh chungchang ah hian Vairengte mipuite hi i fimkhur ang u.kan chanvo dik tak ang hi kan chang reng em tih pawh hi kan fiah ve a ngai fo thin a ni.

Read More

Editorial.2.8.02

         Thu fing pakhat chuan ‘midang te sawisel i duh loh chuan engmah sawi lo la,engmah  ti lo la,engmah thawk duh suh. Amaherawhchu heng zawng zawng hi i tih loh a vangin an sawisel tho ang che’..tiin.Fak nuam ti hringfate hian kan nunah hian sawi leh sel tur kan hmu fo si..Hring nun zia rang hmu fiah tur hian nang leh kei hian eng ang tak a rei hun duh ang i maw..

Read More