Airtel chhiat chungchangah Jt.YMA ten com- plaint thehlutin vawiin ah enho dawn
Nimin khan Vairengte Joint YMA hruaitute chuan Airtel Man- ager, Aizawl ah Whatsapp kaltlangin Vairengte a Airtel network chhiat chungchang ah complaint thelutin vawiin hian a siam tur an rawn kal nghal dawn ni a thu dawn a ni. Nimin khan Vairengte Joint YMA letterhead hmangin Mizoram Airtel hotue hian hian complaint an thehlut a, an lehkha thehluh in a tarlan danin hun rei tak atang tawhin Vairengte a Airtel Signal (Network) hi a chhe tawh a, a chhiat thu hi vawi duailo Airtel hotute pawh hriattir a ni tawh a, mahse vawin ni thleng in ngaihsak a hlawh lo in a chhiat ngai in a la chhe reng tho a. Hemi chungchang hi ni 21.4.2021 zan a Vairengte Joint YMA Committeeah sawi ho a niin a rang thel ang ber a Airtel Signal ( Network) chhia hi rawn siam tur a Airtel hotute ngen nise tiin a lo passed tawh a. Chuvangin Vairengte Joint YMA Committee in alo passed tawh angin Vairengte a Airtel chhia hi a rang thei ang ber a rawn siam turin kan ngen a che,an ti a.An ngenna hi May thla ral hma ngei a an rawn tihlawhiling lo emaw engmah hma lakna lawmawm a awm lo emaw anih chuan hmalak zel dan tur chu Committee in a rel leh dawn niin an sawi bawk.He an complaint hi Airtel lam chuan an lo hmuh ve leh nimin vek khan an rawn chhang nghal ni a thu dawn a ni a. Airtel hotute chuan vawiin hianVairengte bialtute,Tower leh Network lam buaipuitute Vairengte ah rawn tirh nghal an tum thu an sawi a, hei hi Joint YMA hruaitu te nen a hmunah an en ho dawn a ni.
Vaccine 362 pe in pe leh dâwn
Vawiin chawhma dar 10:00 atang hian Vairengte ah kum 45 chin chunglam tana Covid- 19 vaccine pek hnu hnung ber chu Multipurpose Hall ah neih leh tur a ni a. He hunah hian Vairengte pum huap (VC-I,II, III leh IV) a kum 45 chin chung lam, 1st dose la lo te tan a lak theih dawn a, Aadhhar leh Phone No. ken tur a ni. Hetihlai hian nimin khan VC-I leh VC- II a kum 45 chin vaccine 1st dose chu mi 350 hnenah Vac- cine hi kum 45-59 inkar mi 207 awmin kum 60 chin chunglam mi 148 pek anni a.Anni bakah hian Frontline Worker zingah 1st dose la mi 4 leh 2n dose la mi 3 an awm a, vaccine la hi an vaiin mi 362 anni.Thla hlui a VC-I a natna benvawn leh kum 60 chin 1st dose an pek te erawh 2nd dose hi an la pe rih dawn lo ni a thu dawn a ni.
Vairengte ruihhlo do pâwl din
Dt.21.4.2021 zan a Vairengte Joint YMA Committee chuan Vairengte ah khawdang atanga Ruihhlo rawn ti leh supply thin lo kal an awm thin a hriat anih avangin leh thil bo te a awm tak fo avangin Jt.YMA chuan Vairengte Ruihhlo Do Pawl ( VRDP) an din ni a thu dawn a ni. He VRDP ah hian heng mite hii hruaitu atan thlan te niin heng bakah hian Branch tin a\angin mi 3 \heuh Banch tin in an ruat ang.
Chairmana : Pu R Lalnunhlua, Jt.YMA Fin.Secretaty
Vice Chairman : Pu Ruatkima, Chhimveng Branch Vice Pre.
Secretary : Pu Lalmuankima, Jt.YMA Asst.Secretary
Treasurer : Pu Laltana, Jt.YMA Treasurer
Ram inchuh thubuai
Nimin khan Vairengte Police Station ah FIR pakhat lût in hei hi ram inchuh thubuai a ni a.Thu dawn danin Thlan- vawng thing, N.chhimluang bula mi 1 huan lo ram chu an thenawm ram neitu ten an ram ah ngaiin hralh sak an lo tum a,Hralh tumtu hian P.Patta nei a in sawiin aneitu ni a in sawi hian VC pass chiah a nei thung a. Hetihlai hian P.Patta an siam lai hian he huan neitu hi hrilh lovin an ram angin an lo teh tîr ni a an hriat thu huan neitu leh FIR thehlut tute chuan an sawi ve bawk. Hemi chung chang ah hian Police lam chuan ram hi lo la hralh rih lo phawt tur leh Revenue lamah tihfel phawt turin an ti rih a ni.
Vairam kal tum tlem
Covid-19 hri avanga Vai rama kal phal loh chungchang ah nimin lam khan Police gate pal tlang tum mi tlem a zawng an awm leh.Police duty te sawi danin \ul leh pawimawh ni lem lova Vairam kal tum hi an tlem sawt tawh thu leh amaherawh chu nimin lamah pawh khan Tlai lama Zu leh ruihhlo lak tum mi tlem a zawng an la awm thu an sawi a.Heng mite hi harsat na an siam thin thu leh ti lui tawh lo tura an duh thu an sawi a ni.
VC-I ten thawk mek zel
VC-I ten High School Tuilkhuah atanga Kawngthar Auto stand bul panna kawng, an laih mek chu an la chhun zawm zel ni a thu dawn a ni. Kawng hi JCB hmanga laih niin tunkar tir atang khan kawng hi laih chhunzawm lehin hnathawh tur hi ala awm nual ani.
Mi 2 khung hrang
VC-I VLTF huamchhungah Self quarantine lai mi 2 an awm mek a,heng mite hi Shi- long atanga lo haw niin Govt. Vairengte High School ah dah anni, VC-I VLTF te hian hma la mek zelin nizan pawh khan an area chhung fangin nimin lamah pawh Venglai kawnah an duty tawh bawk a ni.
Vairengte ah SEDP dawng 3 awm
SEDP Pilot Project hnuaiah Vairengte atangin mi 3 in tanpuina an dawng tawh ni a thu dawn a ni. Kolasib Dis- trict ah SEDP hnuaia Ar vulh thlang mi 32 zinga mi 30 te chuan Broiler vulh an thlang a, anni hian Broiler note 200 an dawn bakah Ar in sakna tur leh a chaw man tur pawisa fai Rs. 94,200/- an dawng tawh a. Pawisa leh Ar dawn tur an la nei a ni. Ar vulh thlangtu zinga mi 2 erawh chuan Rainbow Rooster vulh an thlang a, Ar note 200 bakah pawisa fai Rs.87,700/- an dawng tawh a, anni pawh hian pawisa leh Ar dawn tur an la nei ve bawk.
Mitthi
Nimin tlai dar 5:00 vel khan C. Suahhnili M/o G.Lalhmu-dika, Stateveng chu Cancer natna avangin Vairengte Dam dawiin ah a boral a. Nizan khan an chenna In ah lumenpui niin vawiin chhun dar 12:00 hian Stateveng thlanmual ah vuiliam a ni ang.
Hri vei awm lo
Nimin piah tlai dar 5 a\anga nimin tlai dar 5 thleng khan Vairengte Covid screening point ah phai a\anga lo lut khualzin mi 237 te RAgT hmanga endik niin, hri kai hmuhchhuah an awm lo, Hetihlai hian hnamdang lo luh tum zingah hri vei hmuh hi nitin deuh thawh awmin heng mite hi thawhlet zel anni. Nimin vek khan Bairabi screening point ah mi 64 endik ni an negative vek bawk.
