Naktuk atang hian Vairengte Presbyterian Kohhran-ah Chhandamna Camping tan a ni dawn
Vairengte.26th.March.2012 :Naktuk Dt.27.3.2012(Thawhlehni) atang hian Vairengte Presbyterian Kohhran chuan Chhandamna Camping a buatsaih dawn a,a bul tanna atan Rawngbawltute tan Camping hi neih tur a ni.He Camping neih turah hian Gospel Revival Team atangin Gospel Thunder Team-te rawih an ni dawn a,Inrinni khan Deputy Speaker leh Team member dangte chuan Vairengte an lo thleng tawh a,Vawiin lam hian Speaker Pu Zaihmingthanga(Zaitea) pawh a lo chhuk dawn a ni.He Camping ah hian Camp fee Rs 20/- a ni a,Camp lut turte chuan Thleng,No,Note bu,Pen, Bible,Hlabu leh Mutbu te ken tur a ni.Camping hi tlai chaw eikhamah luh tur a ni a,Registration hi naktuk tlai dar 6: 00-ah Camp luh rual a tih tur a ni a,dar 6:30 atang intan sermon tan tur a ni.He Camping hi a bul tan nan Rawngbawltu camp neih hmasak tur a ni a, Rawngbawltu camp ah hian Kohhran a rawngbawlna leh chanvo neitu zawng zawngte tan luh theih a ni a,tun tum bikah hi chuan Vairengte Presby terian Kohhran leh Branch Church a rawngbawltute pual a neih tur a ni a, camping hi Inrinni zingkarah an lo chhuak dawn a ni.Karthar atang khian mipui Camp neih leh tum a ni,hetah hian a duh apiangte tan camp hi luh theih a ni dawn a ni.
Vairengte NGO Co-ordination Committee ten hma la
NGO Coordination Committee Chairman Pu Lalnunkuma Ngente hnen atanga thu kan dawn danin tun hnaia Vairengte Bazar sak belhna tur chungchangah Trade & Commerce Department in an sak tur emaw tiin Estemated pawh an lo siam vek tawh a,amaherawhchu Central Scheme a nih avangin Ministry of Rural Development khawih tur zawk a ni a.Tunah hian File tranfer kual leh mek a ni a,duhthusamin an tan hma thei dawn lo a ni a ti.Tin,Central Scheme a nih a vangin Divert theih a ni lo a,Bazar sakna tur atan hi 3.5 Cores ruahman a ni a ti bawk.
Thosi kap dawn
Vawiin leh naktuk hian Chhim veng Area chhungah Thosi kah a ni dawn a, mahni in leh a vel kah tir theuh tur a ni.Thosi kah chungchangah hian mi tam takin In a ti tawp duh an ti fo thin a,amaherawhchu WHO(World Health Organisation) pawhin hei aia tha chu a la hrechhuak bik lo a ni.
Musical Meet hun sawn
Vairengte Presbyterian Pastor bial KTP ten Dt.11-13 May thla a Musical Meet neih an tum chu Speaker tura an ruat Upa Zothanmawia,Khatla chu short term Missionary a akal hun tur a nih avangin a hun an sawn a,Speaker leh O.B te in be rawnin a hun tur hi an ruat leh dawn a ni.
Bronze Medal dawng
Lalzarmawii Pu Lalthanmawia Ngente tunu chu World Moythai Championship,Bangkok a an khelna ah Semi final ah a tum pui hneh zo lovin Pathumna a ni a,India ram tan Bronze medal a la theih a ni.
Tanpuina Pe
Nimin khan The Salvation Army League of Mercy (Kohhran nuho) te chuan an member pui Zothankimi W/o Nazima,leh Lalropuia(Konga) F/o Lalruat mawia Kawngthar veng te chu kanin Tawngtaina hunte neiin Pawisa an pe bawk a ni.
VEC Training dawn
Vawiin hian VC- I leh VC-II Village Employment Council (VEC) member zawng zawngte chu AMFU Conference Hall, Kolasib-ah training an nei dawn a ni.
0 comments:
Post a Comment