Vairengte Dated 21th April 2021 : Nimin khan Serlui bialtu MLA Pu Lalrinsanga Ralte, Rubber & Allied Crops Development Board Vice Chairman nibawk chuan Vairengte Forest IB, Bangla vengah khawtlang hruaitute nen inkawmhona neiin Covid-19 lo leng leh mek chungchang an sawiho a. Hemi hnu hian Screening point Vairengte Screening point-a duty te harsatna tawh leh hmalakna tur te a sawipui a ni.
Nimin chhun khan Serlui bialtu MLA Pu Lalrnsanga Ralte hovin Vairengte Forest IB ah SDO(C), SDPO, OC leh CHC Medical Officer te bakah Joint VC, Joint VLTF te leh Joint YMA hruaitute nen in kawm hona an nei a. He meet- ing-ah hian tunhnai ah Vairengte Screening point atanga RAgT negative certificate lem hmanga kaltlang leh certificate nei lova pawisa chawitir a kaltlang an awm thin ni sawi awm chung chang chu sawiho niin hetiang deuh hi a hma pawhin alo awm tawh a. Hei hi chingfel tawhin tun tuma mi pawh hi an chinfel leh theih ngei an inbeisei thu thawktute chuan an sawi a ni. Sorkarin Covid-19 chungchang a inkaihhruaina a siam (SOP) anga khuah taka kalpui a nih tur thu te sawiho niin SDO(C) hova hmalak dan tur an lo sawiho tawh te pawh sawilan a ni.
Pu Lalrinsanga Ralte hian nimin vek khan Vairengte Scree -ning point tlawhin an hmalak dan leh harsatna an neihte a hmunah a enpui a.Screening point ah hian Power supply awm loh thut a hman tur Generator thar an ma mawh zia MLA hnen ah hian thawktute chuan lo thlen lehin hei a ranglama neih theih nise an duh thu an sawi a. Hei bakah hian an electric wir- ing chu a mumal lovin siam that ni thei se,an ti a. Tin,thawktu pakhat, NHM hnuaia mi,tun hnaia an rawn ban tak pawh an indaih loh nasat avanga lak leh theih nise,tiin MLA hian Minister bia in thawktu hi an la leh dawn ni a thu dawn a ni. He hunah hian MLA chuan Screening point a thawktuten an mamawh leh atul anga an hman turin Rs.10,000/- a pe a, Jt.VLTF te'n a tul leh mamawh huna an hman atan Jt.VC kutah Rs.10,000/- a pe bawk.
Pu Lalrinsanga Ralte chuan kan Chief Minister leh Health Minister zahawm tak te'n hr ileng avanga zoram mipuite'n kan nitin mamawh (essential commodities) lakluhna kawng ah harsatna kan tawhlo na turin Vairengte chauh nilo, Saiphai leh Phaisen ah Screening point te dah turin ruahmanna siam mek a nih thu a sawi a. Ni,min atang khan Phaisenah Screen- ing point hi kalpui tan tur ni in Saiphai Screening point pawh ni hnih khat hnua kalpui theih mai tura buatsaih mek a nih thu te, Saiphai leh Phaisen Screen- ing point a thawktur Lab Tech- nician leh Helper te pawh dah turin Health Dept lam pawh an inbuatsaih mek thu bialtu MLA chuan a sawi bawk. Bialtu MLA chuan Vai- rengte , Phaisen leh Saiphai chu Mizoram kawtchhuah an nih thu te, Mizoram zin vei vak mi zaa 80 (80%) velin luh leh chhuahna atana an hman thu leh kan eibar lakluhna kawng pawimawh ber atana hman an nih thu a sawi a. Hemi a nih avang hian tuna Covid 19 thaw hnihna (2nd Wave) lo thleng lehah hian Vairengte, Saiphai leh Phaisen mipuite chu fimkhur tura chahin lirthei leh zin mite lutchhuak an awm leh awmloh chungchanga sorkar in hma a lakna kawngah sorkar thawh pui turin a sawm a.Heng khua te chu Zoram hmel lanna tur an nih dawn a vangin ma mawh leh chakkhai lam tura lokal zin mite chu hawihhawm taka lo dawng sawng turin a ngen nghal bawk.
0 comments:
Post a Comment