Tunhnaia Vairengte SDO(C) hova khawtlang hruaitu leh Po- lice leh medical hotu lam ten khawchhung mite thil tul bik leh emergency thil ni lova vai ram kal tura Police check gate palthlang phal tawh loh chungchangah mipui ten an zawm that viau rualin tlân tlang lui erawh an la awm tho ni a thu dawn a ni. Nimin khan Rengkhawpui palaii chuan Police check gate a duty te chu hemi chungchang ah thu zawtfiah in Police dut te chuan an gate paltlang tura thuneitu sang zawk ten phalna an pek te tih loh chu vairam lama kal thla hi an awm mang lo thu an sawi a, Hetihrual hian motor lian in gate a palthlang hlanna two wheeler vela lo pass ru an awm ve leh zeuh thin thu an sawi a.Tin, Vairengte screening point paltlang a Lailapur thleng lek pawh kal hrim hrim te chu RAgT test vek tur leh an lo lêt leh lamah negative certificate lo keng tura an tih vek thu an sawi bawk. Hetihrual hian mi thenkhat vairam atanga an bungrua tur an lo ken,screening point a inhlan tur vanga chhuk tlang dil pawh an awm ve thu sawiin heng mite erawh a theih anga insiam rem sak anni thin a ni. Tin, VC-I ten Auto stand bula ram an \heh a In sa mekte erawh an tlang tir thu an sawi bawk.
0 comments:
Post a Comment