Vairengte Dated 22th April 2021 : Vairengte-I VC ten an huamchhunga In hmun neilo te tana In hmunah an \heh ah In hmun neitu thenkhat chuan In an sa mek zel a, tun thla ni 8 leh ni 9 a Assam Forester/Police te an lo kal bak kha chu helai hmunah hian rawn kal nawn leh tawh lovin harsatna tawk an awm lo a ni. Hetihlai hian Auto stand chawlh -buk a duty mek Mizoram IR te erawh an duty-na hmun chu a chhe \an tawh hle a ni.
Vairengte-I VC ten Auto stand (Transit) bul leh a chheh vêl a an huamchhung a In hmun nei lote tana ram an then hmuna In hmun neitute chuan In an sa mek zel a.Nimin khan Reng- khawpui palai chuan a hmunah kal in In lo sa mek hi chhung kaw 10 vêl zet an awm a ni, In thenkhat chu RCC a sak niin an tam zawk erawh thing zai hmang a sak a ni a, an zingah hian in sa zo erawh la awm lovin a rêl zofel tawh mi 2/3 vel an awm tawh bawk a ni. Hetihrual hian In la s lo pawh engemaw zat an la awm a ni. Tun thla ni 8 leh ni 9 a Assam forester/ Po- lice te an lo kal bak kha chu he lai hmunah hian an rawn kal leh tawh lo ni a thu dawn a ni a, In sak kawngah hian buaina leh harsatna tawk an awm lo ni a thu dawn a ni bawk.
Nimin vek khan Vaireng te- I VC te chuan Auto stand atanga High School tuikhuah bul a chhuak tur kawng an laih mek chu nimin khan an thawh chhun zawm leh a. Nimin khan JCB hmangin kawng hi laih chhun zawm lehin harsatna dang a awm loh chuan vawiin lamah pawh an siam chhunzawm leh dawn ni a thu dawn a ni.Tin, nimin khan an ram \heh a In lo sa te chu an tlawh nghal a. In an sak kawngah hlau thawng lo tur leh sa chhunzawm zel tura hrilhin Assam Forest te an lo kal an rawn sawisel ber pawh In hmun an \heh zingah Kawng pui (National Hghway) bul, Assam teak huan hnaia In lo sa te chu an nih thu sawiin hei pawh hi hlauhthawn tur a awm loh thu an sawi bawk.
Hetihlai hian helai Auto stand chawlhbuk a Mizoram IR duty post erawh a awng rawp tawhin duty te chuan VC te hnenah hian tun aia tha deuh a siam theih nise,an duh thu an sawi a. Duty te sawi danin tunhnai a thli leh ruah sur nasa ah pawh khan a bang hmalam chu thli in a tih chhiatsak avangin an buai thu leh tunah chuan an siam that tawh sawi a.IR lo duty te chuan an la duty zêl dâwn anih chuan Furpui lo thlen hma in siamthat ni thei se an duh thu an sawi bawk. Helai Auto stand chawlhbuk ah hian IR te hi riak in an la duty mek a,tum khat ah mi 3/4 zel duty in an in chhâwk thin a, Khualzin leh bungraw phur motor khalhtute nilo, hêng lai vêl a hnamdang lo chho leh thla lo lak tum te chu an hnar thlak leh thin thu an sawi bawk.
0 comments:
Post a Comment