Dt 2th Feb.2012(Renghawpui)

POLLING BOOTHS LEH COUNTING HALLAH MEIZUK LEH MOBILE PHONE KHAP

    February 23-a Village Council leh Local Council inthlan neih turah State Election Commission chuan Presiding Officer, Candidate, Election agent, Polling agent leh voter te tan polling station chhung ah mobile hman a khap a; hei hian mobile ri chhuak lova daha hman pawh a huam a ni. Counting agent te leh ziaka phalna neite tan pawh counting hall chhungah mobile lakluh phal a ni lo va. Returning officer, Observer, Counting offiicial leh Security personnel te erawh chu mobile ri chhuak lova daha an kawl phal sak an ni. State Election Commission chuan Polling Station leh Counting Hall chhunga meizuk a khap tlat bawk a ni.
    Hetih lai hian Supreme Court thupek ang leh Election Commission of India-in inthlan chungchanga in kaihhruaina a siam angin February 23-a Village Council/Local Council inthlan neih turah State Election Commission chuan ni 21.2.2012 tlai dar 4:00P.M atanga 23.2.2012 tlai dar 4:00P.M thleng-in chanchinbu leh electronic media hmanga opinion poll / exit poll chungchang mipui hmaa puanzar a khap a ni.

    News Tawi:-
     SIPAI  LA DAWN
Labour Minister Pu Lalrinliana Sailo ho a DIG, Brig SP Rawat leh Youth commission Secretary te thukhawm thuchhuah chuan February 6 / 2012 hian Aizawlah Sipai lakna runpui neih tur a ni a. Mizo thalai mi 611 zet sipaiah hian lak tum a ni. Vairengte tlangval Sipai a luh tum tan tan lak a hun e.

Phalna lak ngai

SDO (C) Pu K. Lalrohlua chuan kumin VC Election lo awm tur atan a Political Party hrang hrang ten Public Meeting an nei dawn a nih chuan a hnenah phalna dil hmasak tur a nih thu leh Sound system an hmang dawn a nih pawhin phalna dil hmasak a ngaih thu a sawi a. Phalna la lo a, thilti an awm chuan dan anga hrem theih an nih tur thu a sawi.

Hmunphiah rate sang chho

Hmunphiah hralhna rate chuan san lam pan chho zelin tunah hian hmun thenkhatah chuan a hring Kg 1 Rs 20/- an hralh a.Thenkhat erawh chuan Rs 17 leh 18/-bawr vela hralh an awm thu hriat a ni bawk.Hmunphiah kek tur mamawhna a santhu hmunphiah huan neitu ten an sawi bawk.

Bawlhhlawh paihlo turin ngen

Stateveng Branch YMA chuan an veng chung( Motor kawngpui thlang) Phainuam road leh Sericulture Complex inkarah bawlhhlawh paihlo turin mitin te an ngen a. Tin, CIJW School Army ten an kawmthlang lama Ar ril leh tawp hnawk dang an paih thin chuan vengchhung tan harsatna a siamthin avangin paih tawhlo tura an ngen thu an sawi bawk.  

Keimahni

Kan khawl a chhiat avangin nihnih chhung Rengkhawpui kan tichhuak thei lo a, pawi kan tiin Subscribers te chungah ngaihdam kan dil a. Tunah chuan Regular zawkin kan chhuah leh theih tawh ang. Tin, aman lam pawh an rawn khawn dawn e.

H/S-II Cl-X Zirlaite hriattirna
Vawiin zing dar 10-ah kum 2012 a vairengte H/S-II  atanga Cl-X (HSLC) Exam tur zawng zawngte School ah Uniform nen kim tak a kal vek tur a ni.

School lut tan dawn

Vawiin atang hian School hrang hranga zirlaiten school an lut tan leh dawn a,hetilai hi Cl-X zirlaite erawhchu exam hmabak an ni a,VC election alo hnai tawh bawk nen zirlaite tana harsatna siamlo turin Political Party tinte pawh i fimkhur tlang ang u.

 Shooting Competition

Vairengte Rifle Association buatsaihin February Ni 20 ( State Day lawmna nih pah fawmin) hian Air Riffle Shooting Competition Joint YMA Palyground-ah neih a ni dawn a. He Competition hi Junior leh Senior Category ah then hran a ni ang.
Entry Fee : Junior Rs 30/-, Senior Rs 50/-
(Entry fee hi Rengkhawpui Office, Zalenveng-ah emaw Pu H. Lalrinawma ( Omtea Kawngthar emaw Pu Hmachhuana/Pu Sangtea (Taxation) te hnenah emaw pek theih reng a ni.
Lawm man : Junior
    1) Rs 1000/- with Certificate
    2) Rs 700/- with Certificate
    3) Rs 500/- with Certificate
        Senior
    1) Rs 1500/- with Certificate
    2) Rs 1000/- with Certificate
    3) Rs 700/- with Certificate
Silai kah lama tui mite rawn kal vekin kan beisei. mahni a Silai neilote tan pawh Vairengte Riffle Association chuan Silai a tumsak dawn a, inthlahrunna tur a awm lovang. 

Editorial:

Kan hmalawka VC Election loawmtur atan Party hrang hrang te chuan Candidates te puang chhuakin, a la puangchhuak velote pawhin a ding turte an ti chiang thawkhat tawh a,la puang chho zel turah ngai ila. Inthlang ramkan nih angin Inthlan hi mipui ten kan tih tur pawimawh tak a ni a. Candidates te pawhin kan Campaign na kawng tin reng ah mimal inchirh thehna leh in sawichhiat na lam aiin, kan Opponent / Khiangpui Party ten engnge an tih a engnge an tih loh? Engnge kan Party in mipui te leh khawtlang tan tih kan tum tih lam hawiin( Policy Matters) hmanga kan Campaign a hun ta hle mai. Chuti a nih loha,mimal inbeihna leh insawiselna hmanga kan campaign a nih chuan damchhunga Ser nung kan insiam ngei ang le. Chuvangin Party tin candidates ten kan thiltum leh kan ruahmanna mipui te hnenah zuar ila, chumi chu tih theih a ni em tih leh chumi ti thei tur chuan kan lak tl;ak leh kan laktlak loh mipui ten an teh mai dawn a ni. 

Posted in: 2012,Tualchhung