Dt.8th. Feb.2012(Rengkhawpui)

Vairengte MRB bultumin Financial Awerness campaign neih a ni.

Vairengte 8th,Feb.2012 : Nimin khan  Vairengte Rural Bank te bul tumin Community Hall ah Financial Awerness campaign neih a ni a,He hunah hian mi sawmriat (80) vel an kal khawm a ni.
       He Awerness Campaign ah hi Pu Lalfakzuala Colney Mizoram Rural Bank Manager Vairengte in kaihruaiin Major Romawia’n kalkhawmte pathian hnenah hlanna a neih a ni. Pu Lalfakzuala colney hnen atangin mipuiten Bank account hawn leh loan lak chungchang a kan hriat tur pawimawh zualte hetiang hian a tarlang.
Account hawn chungchang :
Account hawn hi tunhma chuan a awlsam viau thin a,tunah erawh chuan sawrkar a fimkhur tawh a vangin tih ve tur hrang hrang te kan nei tawh a,thlalakte,Voter ID te leh kan boral palh thut pawh a kan aiawh turte kan ruat lawk a ngai a ni.Account hi Saving Account (Rs 500 a hawn theih)leh Vohbik account (0 Balance) Pawisa dah tur nei rih lo pawh in a hawn theih a ni. Heng bakah hian sum kan neih remchan tawk ang zel in Account hi a hawn theih a ni.
Saving chungchang : Mizo te hian sumkhawl chungchangah kan fimkhur tawk lo fo thin.ti sual leh ti fuhlo fe fe hi chu kan tam tawh awm e.Sawrkar hraitpui a din Bank pahnih kan neih ah hian kan sumte hi a him ber thin a ni.Kan Saving Account leh Vohbik Account te hi Rural bank ah hian 4% in a pung thin a.heng Fix Deposit (Hun bik nei a dah luh) term hrang hrang pawh a awm bawk a ni.Kan Accoun te hi khawi chet fo loh chuan kan chawi ve thei a ni.Kan chhungte pawh nise kan Account atangin sum kan lachhuak duh kan damlo a nih chuan VC hraitpuina neih loh chuan a lakchhuah theih loh a ni.
Loan lak chungchang : Loan ka puk dawn chuan a hmasa in Account kan neih hmasak a ngai a,Loan ah hian Trade chi hrang hrang a awm a,Loneitute, Ranvulhtute,Sumdawngte leh sawrkar hnathawkte tan pawh a awm a ni.Loan hi thlatin a rulh tur a nih tlangoui a vangin a hun tak a rulh mai thin tur a ni.Bank hi mi rinawm leh taimate dinchhuah nan a tanpuitu a ni.Tunlai a loan puk a harsatna chhan chu Ahmasa lam puktuten an rulh that loh thin vang a nih thu Manager hian a sawi.

News Tawi:-
BPL smart card lam theih
Sub-center Vairengte atang thu kan dawn danin BPL Smart card siam fel vek tawh,la  lachhuak lo tam tak an awm a,heng mite hian a ranglam a in BPL smart card hi ngaihven  turin Sub-center a thawk ten an hriattir che u a ni.

Thlan thut

Nimin zing 1:30 khan Pu Lalengliana Sairengpuii Pa (kawngthar),Kum 75 Shilong chu Lungna avangin a boral a,Vairengte lamah Pu V.L Lawma(Hal veng) te inlam ah tlanthunna hi lo neih ve a ni.

Father boral

Nimin khan Father V.Joseph,Luangmual chu a boral avangin St Henry School Father pawh Aizawl lamah a chho ve nghal a,nimin lam khan school naupangte leh zirtirtute pawhin a tan tawngtaina hun an hmang a,chawhnu lam pawh an chawl a ni.

Damdawi In

doctor a awm rih lova,vawi lam hian lo haw hman tur a ngaih a ni.Damdawi in a awmte chu hengte hi an ni.1Ngaihpeki (50),chhim veng.2Lalthlamuana(29) S/o Romawia(L) bangla veng.3R.Rokunga (75),Zalen veng te an ni.

Current awm that loh chan

SDO(P&E) hnen atang a thu kan dawn danin tunlai power kan neih that loh chhan chu kan power lakna thin Khandong leh Kopili,Megalya State atangin Supply kan hmu thei lo a. A chan chu tui a tlem vang a ni.Hengte avang hian In en chhawk(Load shedding) zoram pumah a ngaih phah  ta a ni.Tunlai hian Internet a that loh avangin khawilai atangin nge power hi kan dawn pawh a hriat theih rih loh a ni.Tin,tunah hian Serlui B Hydel Project atangin khawl pakhat zawk chu tih nun a ni tawh a,he khawl hian Mega Watt 4 a pechhuak thei a,a dang pahnihte pawh hi tih nun  tum mek a nih thu kan dawng.

ICTC in Project thar nei

ICTC counsellor hnen atang a thu kan dawn danin Project kalpui thar EID(Early Infant Dignosis) an nei a,hei project thar ah hian nausen thla khat leh a chan ve atang kumkhatr leh a chan ve te tan HIV test neih theih a ni dawn a,he an thisen test hi Kolkotta lamah an thawn thla thin dawn a,Nausen chhar leh nu leh pa dinhmun hriat chian loh te tan a pawimawh leh zual a ni.He Project in atum ber chu nausen positive te a rang thei ang ber a ART treatment lak a,an nun pawhsei sak hi a ni.Tunah he project hi  mizoram Centre sawm chhiah a awm a ni.

NLUP sem dawn

Vawiin Zing dar 10 hian Soil IB chhim vengah NLUP a trade hrang hrang thlang tuten NLUP an dawng dawn a,he hunah hian Pasbook keng theuh tur a ni.

PC Tablet dawng

Tunhnai hian Economic Census neih leh tur a ni a,he mi a tan hian an hnate awlsam zawk a an thawh theih nan Vairengte a hetianglam thawktute chuan PC Tablet sawm leh pali an dawng a ni. 

 Excise In Damdawi man

Dt 6.2.02 (Mon day) khan Vairengte Excise Dept.te chuan Maruti 800,MZ 05 - 4879 motor atangin Parvon Box 10(Mum 2400) an man a,heng mite hi damdawi neitute  chu an ni. R.Vanlalvenhima (22) S/o R.Vanlaldela Thingdawl vengthar, Lalchhuanawma (29) S/o H.K Ngura Thingdawl chhimveng leh Lalngaihzuali D/o Engdailova,thingdawl veng thar te an ni.Nimin lam khan ah anmahni,an motor leh Damdawite hi Escourt in Kolasib Court ah an hruai chhoh an ni.

 VEC Tranning dawn

Vawiin zing dar 9:30 hian Kolasib District huam chhunga VEC member (MGNREGS enkawltu tur a mipui thlan) ten AMFU Hall,Kolasib Project vengah traning an nei dawn a ni.

Posted in: Tualchhung