Dt4th. Feb.2012(Rengkhawpui)

VC Election 2012 atan symbol tur siam fel

Febuary ni 23 a VC inthlanna lo awm tur atan a Party hrang hrangten an party aiawh atan candidates a an ruat theuhte chuan nimin khan an symbol turte an Bialtu  R.O hnen atanga lachhuak in VC-I lamah chuan Pu R.Rochhunga’n an symbol hi a pechhuak a,VC-II lamah chuan Pu R.Siakenga’n an symbol tur hi a pechhuak  a ni.Tun tum VC inthlan lo awm tur ah hian VC -I lamah an vaiin mi 17 an ni a,MNF in Candidates Pasarih(7) an nei thei a,Congress pawh in Candidates Pasarih(7) anei thei bawk a ni.Tin ZNP atangin candidates pathum(3) an awm bawk dawn a ni.VC-II lamah an vaiin mi 26 an ni a,Congress in candidates pakua(9) an nei thei a,MNF pawh in candidates pakua(9) an nei thei bawk a,ZNP in Candidates pasarih(7) an nei thei a,HPC atangin Candidates pakhat(1) an nei bawk dawn a ni.Nimin kha inhnuhdawk duh tan ni hnuhnung ber a ni a,an zingah hian tumah inhnukdawk an awm lo a ni.Party hrang hrang Candidate-te symbol hi a tha hnem deuh avangin remchang hmasa ber ah rawn tarlan kan tum dawn a ni.

News Tawi:-
 

MGNREGS Inhlawh lehna tur hnai

 BDO hnen atanga thu kan dawn dan in Febuary thla atan ni 14 inhlawhna alo thleng leh tawh a,hun remchang hmasa ber ah he inhlawhna hi neih leh tur a ni.Ni 3 chhung hi meikawng sial nan a  hman theih a ni ang.

MGNREGS Hlawhsem

Nimin khan MGNREGS ni 14 Inhlawhna sem a ni a,VC -I lamah chuan Rs 1806 ah  Rs 1700 sem a ni a,Rs 106 chu Higer secondary zirtirtute hlawh atan cut a ni a,VC-II lamah erawh he mi pual hian cut an nei ve lo a ni.

Khawmpui Tiak
MHIP Kolasib Sub-Hqrs Conference vawi 10 na chu nimin tlai khan ruai ropui tak a thehin a tiak ta a ni.khawmpui hmang a lokal palai tam zawk chu tlai lamah khan an veng lamah an haw nghal a,Kum 2014 a Conference an neih leh na tur hi sawi lawk a ni lo a ni.

Meeting nei dawn

Vawin zing dar 10 hian SDO Confernce hall-ah SDO(C) hovin Joint YMA,MHIP, MUP member selected te leh Kohhran hruaitute nen khawtlang chhiatni inkaihhruaina an ennawn dawn a ni.

Kolasib-ah U - 14 Trial nei

Nimin chhun dar 12  khan U-14 Kolasib ah Hostel a awm tur trail neih a ni a,Vairengte a sport hruaituten information hi Zing dar 8:30 vel khan an dawn chauh avangin tumah an inhriattir hman ta lo a ni.

Mizoram HIV Status
(Oct'90 - Dec'11).
 Bracket chhung ami hi December'11 thla bik :-
Blood tst- 177728(2835),
HIV+ve- 6549(67),
AIDS Death- 273(M-175,F-87,children-11)
INKAINA:-
Sex- 4255(42)/ 65%,
IDU- 1860(24)/ 28.4%,
Perinatal- 241(1)/ 3.7%,
Others(?)- 193(0)/ 2.9%.
AGE WISE:-
Below14- 257(1)/ 3.9%,
15to24-1592(16)/ 24.3%,
25to34-2748(32)/ 42%,
35to49-1745(16)/ 26.6%,
Above50-206(2)/ 3.1%,
Not specified- 1(0)/ 0.0%
GENDER WISE:-
Male- 4120(47)
Female- 2429(20)

Editorial:   
        Nimin lama MGNREGS inhlawhna sem chungchang ah VC-I lamin Rs 106 Higher secondary School zirtirtute hlawh tur cut anih lai VC-II lamin  engmah an cut ve lo hian kan khawtlang hmasawn nan kan in lungrual loh zia ati  lang thei em? aw!! VC inthlan a hnaih a,a dikna chen pawh a awm thei e.Amaherawhchu khawtlang tana tangkai turah mipuiten an thlan leh lo hlauh vang ringawt a hetiang hi  ti an nih chuan thil pawi tak a ni ang.Thil tha tur a nih chuan mite huat leh sawisel pawh hi kan phur ngam mai tur a ni dawn lawm ni?

Posted in: Tualchhung